མཛད་པ་པོ། རྒྱལ་ཚབ་དར་མ་རིན་ཆེན། [༡༣༦༤-༡༤༣༢]
བརྗོད་བྱ། ཚད་མ་རིག་པ།
འཁྲིད་མཁན། དཀའ་ཆེན་བློ་བཟང་ཕུན་ཚོགས།
རིག་མཛོད་སྒྲ་སྤྱིའི་ཨང་། SJRA-0712
སྒྲའི་རྣམ་པ། MP3
གྲངས་ཀ 186
ལྗིད་ཚད། 5.6GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༡ ཟླ་ ༡༢ ཚེས་ ༥ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
དཀའ་ཆེན་བློ་བཟང་ཕུན་ཚོགས་མཆོག་ནི། ཕྱི་ལོ་ ༡༩༣༥ ལོར་གཙང་རྒྱལ་རྩེར་སྐུ་འཁྲུངས། དགུང་ལོ་བརྒྱད་ཙམ་ལ་བཀྲ་ཤིས་ལྷུན་པོར་ཆོས་ཞུགས་མཛད། གཞུང་ཆེན་པོད་ལྔར་སློབ་གཉེར་མཐར་ཕྱིན་གནང་། ༡༩༨༣ ༸ཀུན་གཟིགས་པཎ་ཆེན་རིན་པོ་ཆེའི་བཀའ་ལྟར་ལྷ་སར་གནས་ཆུང་ནང་བསྟན་སློབ་གླིང་དུ་གཞུང་ཆེན་དཔེ་ཁྲིད་དགེ་རྒན་གནང་བར་ཕེབས། ༡༩༨༥ ལོར་བཀྲས་ལྷུན་དགོན་པར་དཀའ་ཆེན་མཚན་རྟགས་བཞེས། ༡༩༨༨ ལོར་ལྷ་སར་ཆོ་འཕྲུལ་སྨོན་ལམ་ཆེན་མོར་དགེ་བཤེས་ལྷ་རམས་པའི་མཚན་བཞེས་ཨང་དང་པོའི་གཉིས་པ་ཐོབ། ༡༩༩༣ ལོར་བཀྲས་ལྷུན་ཕེབས་ཏེ་རྒྱུན་བཞུགས་ཀྱིས་དཔེ་ཁྲིད་རྒྱུན་ཆད་མེད་པ་གནང་ཞིང་ལོ་མང་རིང་ཆོས་གྲྭ་ཆོས་ཁྲིམས་པའི་ཐུགས་འགན་བཞེས། དེ་རྗེས་བཀྲས་ལྷུན་དགོན་པའི་མཁན་པོ་ལོ་བཅུ་ལྷག་གནང་། [འཆད་ཁྲིད་འདི་ནི་དགུང་ལོ་བརྒྱད་ཅུའི་ཉེ་མཚམས་སུ་མདོ་སྨད་རྔ་ཡུལ་དུ་བཤད་ལུང་སྦྲགས་མ་གནང་སྐབས་ཕབ་བཤུས་བྱས་པའི་བཀའ་སློབ་ཤིག་ཡིན།] དེ་ལྟར་སྐུ་ཚེ་གང་པོར་དཔེ་ཁྲིད་རྒྱུན་ཆད་མེད་པར་གནང་བས་བསྟན་པ་ཡང་དར་ལྟ་བུའི་མཛད་རྗེས་བླ་མེད་བསྐྱངས་མཐར་ ༢༠༡༧ ལོར་དགུང་གྲངས་ ༨༣ ཐོག་གདན་ས་བཀྲ་ཤིས་ལྷུན་པོར་དགོངས་པ་གཞན་དོན་དུ་གཤེགས་སོ། །
སེར་བྱེས་རིག་མཛོད་ཆེན་མོའི་རྩོམ་སྒྲིག་པས།