དུས་རབས་བཅོ་ལྔ་པའི་དུས་དཀྱིལ་དུ་ཀུན་མཁྱེན་མུས་སྲད་པ་བློ་གྲོས་རིན་ཆེན་སེང་གེ་དེ་ཉིད་ཞལ་སློབ་མང་པོ་དང་ལྷན་དུ་འབྲས་སྤུངས་ནས་སེ་རར་ཕེབས་པ་ལས་སེར་བྱེས་གྲྭ་ཚང་ཆགས་པ་ཡིན་ཞིང་། ང་དགུའི་ལོར་འཕགས་ཡུལ་དུ་གྲྭ་ཚང་གི་བླ་གྲྭ་ཉུང་ཤས་ཤིག་ཕེབས་པ་རྣམས་ཕྱི་ལོ་༡༩༦༩ལོའི་ཟླ་བ་༡༡པར་སྦག་ས་ཆོས་སྒར་ནས་རྒྱ་གར་ལྷོ་ཕྱོགས་ཀར་རྣ་ཊ་ཀའི་ཁུངས་བྷེལ་ཀོབ་ཏུ་གནས་སྤོར་ཏེ་ཆགས་ཡོད་ལ། སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནི་སེར་བྱེས་མཁས་སྙན་གྲྭ་ཚང་གི་ཡན་ལག་ཚོགས་པ་ཞིག་ཡིན་པ་དང་། གངས་ཅན་པའི་ཆོས་དང་རིག་གཞུང་སོགས་དར་སྤེལ་དང་སྲུང་སྐྱོབ་ཀྱི་སླད་དུ་གསར་བཟོ་བྱས་པའི་དྲ་ཚིགས་ཤིག་གཉེར་གྱིན་ཡོད་ལ། རྩོམ་སྒྲིག་ཚོགས་མི་བརྒྱད་དགུ་ཞིག་གིས་རྩོམ་སྒྲིག་སོགས་ཀྱི་འགན་འཁུར་བཞིན་ཡོད་དོ། །