མཛད་པ་པོ། ཐུའུ་བཀྭན་བློ་བཟང་ཆོས་ཀྱི་ཉི་མ།
བརྗོད་བྱ། ཕྱི་ནང་གི་གྲུབ་མཐའི་བྱུང་ཚུལ་སོགས།
རིག་མཛོད་འཕྲུལ་དེབ་ཨང་། SJRB-0226
ཡིག་ཆའི་རྣམ་པ། PDF
ལྗིད་ཚད། 2.3MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༧ ཟླ་བཅུ་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༡༦ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཐུའུ་བཀྭན་བློ་བཟང་ཆོས་ཀྱི་ཉི་མ་མཆོག་ནི། ཕྱི་ལོ་ ༡༧༣༧ ལོར་ཕོ་རོད་ལང་གྲུའི་ཕུན་ཚོགས་ལུང་པར་སྐུ་འཁྲུངས། ཐུའུ་བཀྭན་སྐུ་གོང་མའི་ཡང་སྲིད་དུ་ངོས་འཛིན་མཛད་དེ་དགུང་ལོ་དྲུག་གི་སྐབས་དགོན་ལུང་དུ་གདན་འདྲེན་ཞུས། དགུང་ལོ་བཅུ་གཅིག་པར་རབ་ཏུ་བྱུང་བ་དང་། ཆོས་གྲྭར་ཞུགས་ཏེ་གཞུང་ཆེན་ལ་ཐུགས་གཉེར་གནང་། དགུང་ལོ་བཅུ་དགུའི་སྐབས་དབུས་སུ་ཕེབས་ནས་འབྲས་སྤུངས་སྒོ་མང་གྲྭ་ཚང་དུ་ཆོས་ཞུགས་དང་། གཞུང་ཆེན་ཁག་ལ་གསན་སྦྱོང་གནང་། དགུང་ལོ་ཉེར་གཅིག་པར་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉེར་ལྔའི་སྐབས་མདོ་ཁམས་སྨད་དུ་ཕེབས་ཏེ་དགོན་ལུང་དགོན་པའི་མཁན་པོ་མཛད། དགུང་ལོ་ཉེར་བདུན་པར་རྒྱ་ནག་གོང་མའི་རེ་སྐུལ་ལྟར་པེ་ཅིན་དུ་ཕེབས། དགུང་ལོ་སོ་གཉིས་པར་རང་དགོན་དུ་ཕེབས། དགུང་ལོ་སོ་བདུན་པར་ཡང་བསྐྱར་རྒྱ་ནག་པེ་ཅིན་དུ་ཕེབས། སྐུ་ཚེ་སྨད་དགོན་ལུང་དུ་ཕེབས་ཏེ་བཞུགས། བྱ་ཁྱུང་གི་མཁན་པོ་དང་། སྐུ་འབུམ་དགོན་པའི་ཁྲི་པ་མཛད། རྗེ་འདིས་དགོན་གནས་མང་དུ་བཏབ། ཕྱི་ལོ་ ༡༨༠༢ ལོར་སྐུ་གཤེགས། ཁོང་གི་གསུང་རྩོམ་ལ་པོ་ཏི་བཅོ་ལྔར་བསྡུས་ཏེ་དགོན་ལུང་དུ་ཤིར་པར་བརྐོས་ཡོད།

མཛད་པ་པོ། རྗེ་བཙུན་ཆོས་ཀྱི་རྒྱལ་མཚན།
བརྗོད་བྱ། གྲུབ་མཐའ་བཞིའི་གཞི་ལམ་འབྲས་གསུམ་གྱི་རྣམ་གཞག
རིག་མཛོད་འཕྲུལ་དེབ་ཨང་། SJRB-0082
ཡིག་ཆའི་རྣམ་པ། PDF
ལྗིད་ཚད། 946KB
སྒྱུར་པ་པོ། སེར་བྱེས་རྒྱ་སྐད་སྐད་སྒྱུར་སྡེ་ཚན།
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༧ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༡༦ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་ནི། ཕྱི་ལོ་༡༤༦༩ ལོར་ཉང་སྟོད་དུ་སྐུ་འཁྲུངས། དགུང་ལོ་བདུན་པར་གནས་རྙིང་ཆོས་རྗེ་ཀུན་དགའ་བདེ་ལེགས་རིན་ཆེན་ལས་དགེ་བསྙེན་གྱི་སྡོམ་པ་ཞུས། པཎ་ཆེན་ཡེ་ཤེས་རྩེ་མོ་སོགས་བསྟེན་ནས་གཞུང་ཆེན་ལ་གསན་སྦྱོང་མཛད། དགུང་ལོ་ཉེར་གསུམ་པར་བཀྲ་ཤིས་ལྷུན་པོའི་དགེ་བསྐོས་མཛད། དཔལ་འཁོར་བདེ་ཆེན་སོགས་སུ་གྲྭ་སྐོར་གནང་། རྗེ་ཤེས་རབ་བཟང་པོ་སོགས་ལས་བསྙེན་རྫོགས་བསྒྲུབས། དགུང་ལོ་ཉེར་བདུན་པར་གཙང་དུ་མདོ་སྔགས་ཀྱི་ཆོས་འཁོར་བསྐོར། དགུང་ལོ་ཞེ་གསུམ་པར་སེར་བྱེས་མཁས་སྙན་གྲྭ་ཚང་གི་མཁན་པོ་མཛད། དགུང་ལོ་ང་ལྔ་པར་སྟག་རྩེ་རིན་ཆེན་སྒང་གི་མཁན་པོ་གནང་། དགུང་ལོ་རེ་དགུ་པར་སེ་རའི་མཁན་ཁྲིར་ཕེབས་ཏེ་འཆད་ཉན་ལེགས་པར་བསྐྱངས། ༡༥༤༤ ལོར་ཞི་བར་གཤེགས་སོ། །བཀའ་རྩོམ་གྱི་སྐོར་ལ། སེར་བྱེས་གྲྭ་ཚང་གི་རྗེ་བཙུན་པའི་གསུང་འབུམ་དཔེ་བསྡུར་མའི་རྩོམ་སྒྲིག་པས་ལེགས་བསྒྲིགས་བྱས་པའི་དཔེ་གཟུགས་གླེགས་བམ་བཅོ་ལྔ་བཞུགས།

མཛད་པ་པོ། གུང་ཐང་བསྟན་པའི་སྒྲོན་མེ།
བརྗོད་བྱ། རིགས་ལམ་སྐོར།
རིག་མཛོད་འཕྲུལ་དེབ་ཨང་། SJRB-0244
ཡིག་ཆའི་རྣམ་པ། PDF
ལྗིད་ཚད། 576KB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༡༦ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གུང་ཐང་བསྟན་པའི་སྒྲོན་མེ། ༡༧༦༢ལོར་མདོ་སྨད་མཛོད་དགེ་སྨད་དུ་འཁྲུངས། དགུང་ལོ་ལྔའི་སྐབས་གུང་ཐང་སྐུ་གོང་མའི་ཡང་སྲིད་དུ་ངོས་འཛིན་གནང་། དགུང་ལོ་བདུན་གྱི་སྐབས་བཀྲ་ཤིས་འཁྱིལ་དུ་ཆོས་སྒོར་ཞུགས་ཤིང་ཡི་གེ་འབྲི་ཀློག་སོགས་སྦྱངས། དགུང་ལོ་བཅུ་བདུན་གྱི་སྐབས་དབུས་སུ་འབྲས་སྤུངས་སྒོ་མང་གྲྭ་ཚང་དུ་ཆོས་ཞུགས་ཀྱིས་ལོ་དགུའི་རིང་གཞུང་ཆེན་སློབ་གཉེར་མཛད། དགུང་ལོ་ཉེར་གཅིག་གི་སྐབས་དགེ་སློང་གི་སྡོམ་པ་ཞུས། དགུང་ལོ་ཉེར་ལྔའི་སྐབས་ལྷ་རམས་པའི་གྲྭ་སྐོར་དམ་བཅའ་མཛད། དགུང་ལོ་སོ་གཅིག་གི་སྐབས་བླ་བྲང་བཀྲ་ཤིས་འཁྱིལ་གྱི་ཚོགས་ཆེན་གྱི་ཁྲིར་ཕེབས། མདོ་སྨད་ཀྱི་ཆོས་སྡེ་མང་པོར་ཆོས་རྒྱུན་འཆད་སྤེལ་སོགས་གནང་། སློབ་མ་ལ་སྐྱེས་ཆེན་དམ་པ་མང་པོ་བྱུང་། ༡༨༢༣ ལོར་སྐུ་གཤེགས། གསུང་རྩོམ་ལ། པོད་བརྒྱད་བཞུགས།

མཛད་པ་པོ། ཕུར་ལྕོག་བྱམས་པ་རྒྱ་མཚོ།
བརྗོད་བྱ། རིགས་ལམ་གྱི་རྣམ་གཞག
རིག་མཛོད་འཕྲུལ་དེབ་ཨང་། SJRB-0239
ཡིག་ཆའི་རྣམ་པ། PDF
ལྗིད་ཚད། 1.6MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༧ ཟླ་གཉིས་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༡༦ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཡོངས་འཛིན་ཕུར་ལྕོག་བྱམས་པ་རྒྱ་མཚོ། ༡༨༢༥ ལོར་འཁྲུངས། དགུང་ལོ་ལྔའི་སྐབས་དབུས་སུ་གདན་དྲངས་ཏེ་ཕུར་ལྕོག་རི་ཁྲོད་དུ་བཞུགས་ཤིང་ཡི་གེའི་སྦྱོར་ཀློག་དང་ཆོས་སྤྱོད་བཅས་ལ་གསན་སྦྱོང་མཛད། དགུང་ལོ་བཅུའི་སྐབས་སེར་བྱེས་གྲྭ་ཚང་དུ་ཆོས་ཞུགས་མཛད། ལོ་དེར་གཙུག་ཕུད་ཕུལ། པཎ་ཆེན་བསྟན་པའི་ཉི་མ་ལས་དགེ་ཚུལ་བསྒྲུབས། ཡོངས་འཛིན་དགེ་བཤེས་གྲགས་པ་བརྩོན་འགྲུས་སོགས་བསྟེན་ནས་གཞུང་ཆེན་ལ་གསན་སྦྱོང་མཛད། དགུང་ལོ་ཉི་ཤུའི་སྐབས་བསྙེན་རྫོགས་བསྒྲུབས། དགུང་ལོ་ཉེར་གཅིག་གི་སྐབས་ལྷ་རམས་པའི་གྲྭ་སྐོར་དམ་བཅའ་གནང་། རྒྱལ་དབང་སྐུ་ཕྲེང་བཅུ་གཉིས་པ་དང་བཅུ་གསུམ་པའི་ཡོངས་འཛིན་མཛད། དགུང་ལོ་དོན་བདུན་པ་ ༡༩༠༡ ལོར་སྐུ་གཤེགས། གསུང་རྩོམ་ལ། པོད་འབྲིང་གཉིས་ལྷག་བཞུགས།

 AUDIO ཁྲིད་ཡོད། 1 2 3 4 5 6 7 8 9 SC ཁྲིད། 1 2 3 4 5 6 7 8 9

བརྗོད་བྱ། ༸རྒྱལ་དབང་སྐུ་ཕྲེང་དང་པོ་དང་གཉིས་པའི་རྣམ་ཐར།
རྩོམ་སྒྲིག་པ། སོ་རུ་དར་རྒྱས།
པར་གཞིའི་ཡོང་ཁུངས། མདོ་སྨད་༧སྐུའི་གྱ་སྟོན་གོ་སྒྲིག་ཚོགས་ཆུང་།
རིག་མཛོད་དེབ་ཨང་། SJRB-0207
ཡིག་ཆའི་རྣམ་པ། PDF

ལྗིད་ཚད། 3MB
༢༠༡༧ ཟླ་ ༤ པར་གསར་དུ་རྩོམ་སྒྲིག་བྱས།

༢༠༢༠ ཟླ་ ༡༠ པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།

གསུང་རབ་གླེགས་བམ་འདི་ནི། ༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༢༠༡༥ ལོའི་ཟླ་ ༧ ཚེས ༦ ཉིན་དགུང་གྲངས་བརྒྱད་ཅུར་ཕེབས་པའི་དུས་ཚིགས་ཁྱད་པར་ཅན་དང་བསྟུན་མདོ་སྨད་ཆོལ་ཁའི་བཙན་བྱོལ་བ་རྣམས་ཀྱིས་ཕ་ཡུལ་གྱི་ལུགས་སྲོལ་ལྟར་༸སྐུའི་གྱ་སྟོན་གོ་སྒྲིག་ཞུས་པའི་མཛད་རིམ་གྱི་ཁོངས་སུ་༸རྒྱལ་དབང་སྐུ་ཕྲེང་དང་པོ་ནས་བཅུ་བཞི་པའི་བར་གྱི་འཁྲུངས་རབས་དང་མཛད་རྣམ་ཆེད་བསྒྲིགས་ཀྱིས་<<འཁྲུངས་རབས་དེབ་ཐེར་ནོར་བུའི་ཕྲེང་བ་>>པོད་བཅུ་པར་བསྐྲུན་འགྲེམས་སྤེལ་གནང་བའི་ནང་ཚན་པོད་དང་པོ་ཡིན་ལ། པོད་འདིའི་ནང་དུ་ [༡] འཕགས་པ་འཇིག་རྟེན་དབང་ཕྱུག་གི་རྣམ་འཕྲུལ་རིན་བྱོན་གྱི་འཁྲུངས་རབས་སྤྱི་དང་། རྒྱ་གར་དུ་སྤྱན་རས་གཟིགས་ཀྱི་རྣམ་འཕྲུལ་སོ་དྲུག་བྱོན་ཚུལ། བོད་གངས་ཅན་གྱི་ལྗོངས་སུ་རྒྱལ་པོ་དང་པཎ་གྲུབ་ཀྱི་རྣམ་པར་བྱོན་ཚུལ་བཅས་སྡེ་སྲིད་སངས་རྒྱས་རྒྱ་མཚོས་མཛད་པ། [༢] ༸རྒྱལ་དབང་སྐུ་ཕྲེང་དང་པོའི་རྣམ་ཐར་ངོ་མཚར་རྨད་བྱུང་ནོར་བུའི་ཕྲེང་བ་པཎ་ཆེན་ཡེ་ཤེས་རྩེ་མོས་མཛད་པ། [༣] ༸རྒྱལ་དབང་སྐུ་ཕྲེང་དང་པོའི་རྣམ་ཐར་ངོ་མཚར་མཛད་པ་བཅུ་གཉིས་པ་ཀུན་དགའ་རྒྱལ་མཚན་གྱིས་མཛད་པ། [༤] ༸རྒྱལ་དབང་སྐུ་ཕྲེང་གཉིས་པ་དགེ་འདུན་རྒྱ་མཚོའི་རང་རྣམ་རྩོམ་འཕྲོ་ཅན་བཅས་ལྷན་དུ་བཞུགས་ཡོད་པ་དང་། འདི་ག་རྩོམ་སྒྲིག་ཁང་གིས་༧སྐུའི་གྱ་སྟོན་གོ་སྒྲིག་ཚོགས་ཆུང་ལ་ཆོག་མཆན་ཞུས་ཏེ་མ་དཔེ་སོར་བཞག་གིས་འཕྲུལ་དེབ་ཏུ་རྩོམ་སྒྲིག་བྱས་པ་ཡིན།