མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
བརྗོད་བྱ། ཚན་རིག་གི་དཔྱད་ཞིབ་ནང་ཤེས་པའི་རྣམ་གཞག་གིས་ཁ་སྐོང་དགོས་སྐོར།
རིག་མཛོད་དེབ་ཨང་། SJRB-0126
ཡིག་ཆའི་རྣམ་པ། PDF
ལྗིད་ཚད། 501KB
༢༠༡༥ ཟླ་བརྒྱད་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
བཀའ་སློབ་འདི་ནི། ༧གོང་ས་མཆོག་དབུ་བཞུགས་ཐོག་རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་དང་། ཡང་སྟེང་རིན་པོ་ཆེ། བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་དང་ནང་པའི་[ཚན་རིག་དང་ལྟ་གྲུབ་ཀུན་བཏུས་ཆེན་མོ་]རྩོམ་སྒྲིག་ཚོགས་ཆུང་གི་ཚོགས་མི་རྣམ་པ་བཅས་བླ་སྤྲུལ་དགེ་བཤེས་མཁས་དབང་ཁག་ཅིག་གིས་ནང་པའི་གཞུང་ལས་བཤད་པའི་ཚན་རིག་དང་ལྟ་གྲུབ་ཀྱི་རྣམ་གཞག་ཀུན་ལས་བཏུས་པའི་གླེགས་བམ་བསྐྱར་ཞིབ་མཛད་པའི་ཐོག་སྩལ་བའི་བཀའ་སློབ་ཅིག་ཡིན། འདིའི་ནང་དུ་དེང་དུས་ཤེས་ཡོན་གྱི་དཀྱིལ་འཁོར་ཧ་ཅང་རྒྱ་ཆེན་པོ་ཡོད་པ་མ་ཟད་ད་དུང་མུ་མཐུད་ནས་ཡར་རྒྱས་སུ་འགྲོ་བཞིན་ཡོད་ན་ཡང་། ཚན་རིག་གི་དཔྱད་ཞིབ་བྱ་རྒྱུའི་སྡེ་ཚན་ནང་ཕྱི་དངོས་པོའི་རྣམ་གཞག་ལས། ནང་སེམས་ཀྱི་རྣམ་གཞག་མེད་པ་ལྟ་བུ་ཡིན་སྟབས། ཤེས་བྱའི་སྡེ་ཚན་གྱི་ནང་དུ་སེམས་ཁམས་རིག་པའི་རྣམ་གཞག་ཅིག་དགོས་ངེས་ཤིང་། དེ་ཡང་ཤེས་བྱའི་སྡེ་ཚན་རྒྱ་སྐྱེད་པ་ཙམ་མིན་པར་ནང་སེམས་དང་བཅས་པའི་གཞི་དངོས་པའི་གནས་ཚོད་ལ་དཔྱད་ཞིབ་མཐའ་ཆོད་པ་བྱས་པའི་ཐོག་ནས་ཐོག་མའི་ཕན་ཐོགས་ཀྱི་དམིགས་ཡུལ་སྒྲུབ་ཐུབ་པ་ཞིག་ཡོང་བའི་ཆེད་དང་། དེའི་ཐད་ང་ཚོའི་གཞུང་གི་ནང་ནང་སེམས་ཀྱི་རང་བཞིན་ལ་དཔྱད་ཞིབ་བྱས་པའི་གྲུབ་དོན་དང་། བདེ་སྡུག་བླང་དོར་གྱི་རྣམ་གཞག་ལག་ལེན་ཐད་ནས་འཛམ་གླིང་སྤྱི་ལ་ཞབས་འདེགས་དང་ཕན་ཐོགས་སྒྲུབ་ཐུབ་པའི་དམིགས་བསལ་གྱི་ཆ་རྐྱེན་ཡོད་པ་སོགས་གསུངས་ཡོད།

ཕབ་ལེན།  PDF  ཕབ་ལེན།

མཛད་པ་པོ། ༧གོང་ས་མཆོག་སོགས།
བརྗོད་བྱ། ཚན་རིག་པ་དང་བགྲོ་གླེང་གནང་བའི་ནང་དོན་སྐོར། ( ༢༠༠༣ )
རྩོམ་སྒྲིག་པ། ཧན་རེ་ཏྲོང་དང་ཨ་ཐོར། (Anne Harrington and Arthur Zajionc)
སྒྱུར་བ་པོ། བསྟན་འཛིན་རིག་བཟང་།
པར་གཞིའི་ཡོང་ཁུངས། བསྟན་འཛིན་རིག་བཟང་།
རིག་མཛོད་དེབ་ཨང་། SJRB-0162
ཡིག་ཆའི་རྣམ་པ། PDF
ལྗིད་ཚད། 2MB
༢༠༡༧ ལོའི་ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
དཔེ་དེབ་འདི་ནི་ཕྱི་ལོ་ཉིས་སྟོང་གསུམ་ལོའི་ཟླ་དགུ་པར་ཨད་མི་ཨ་ཡེ་ཏྲེར་[MIT]༧གོང་ས་༧སྐྱབས་མགོན་ཆེན་པོ་མཆོག་གིས་གཙོ་བོར་མཛད་དེ་ཚན་རིག་པ་མཁས་དབང་ཁག་གཅིག་གིས་“ སེམས་ལ་དཔྱད་པ “ ཞེས་པའི་མིང་བྱང་འོག་ཏུ་ཉིན་གཉིས་རིང་སེམས་དང་སྲོག་གི་ཚོགས་འདུ་སྐོང་ཚོགས་གནང་སྟེ་ཕྱིའི་གཟུགས་ཅན་གྱི་དངོས་པོ་དང་། ནང་སེམས་ཀྱི་ངོ་བོ་དང་རྣམ་བཞག་བཅས་ཀྱི་སྐོར་ལ་བགྲོ་གླེང་ཞིབ་མོར་གནང་བའི་ནང་དོན་རྣམས་ཟིན་བྲིས་སུ་བཏབ་སྟེ་རྩོམ་སྒྲིག་བྱས་པ་ཞིག་ཡིན། དེབ་འདིའི་པར་རྩའི་ཡོང་ཁུངས་ནི་སྒྱུར་པ་པོས་འདི་ག་རྩོམ་སྒྲིག་ཁང་དུ་གནང་འབྱོར་བྱུང་བ་རང་སོར་བཞག་སྟེ་འཕྲུལ་དེབ་ཏུ་རྩོམ་སྒྲིག་བྱས་པ་ཡིན།

ཕབ་ལེན།  PDF  ཕབ་ལེན།

མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
ཡིག་འབེབས་དང་ཞུ་སྒྲིག་པ། ཤེས་རབ་དར་རྒྱས།
པར་གཞིའི་ཡོང་ཁུངས། ཤེས་རབ་དར་རྒྱས།
རིག་མཛོད་དེབ་ཨང་། SJRB-0125
ཡིག་ཆའི་རྣམ་པ། PDF
ལྗིད་ཚད། 1.1MB
༢༠༡༥ ཟླ་བཅུ་གཉིས་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
གསུང་རྩོམ་འདི་ནི་ ༧གོང་ས་༧སྐྱབས་མགོན་ཆེན་པོ་མཆོག་ཞལ་སྔ་ནས་ཀྱིས་ལན་གྲངས་དུ་མར་སྩལ་བའི་ཟབ་ཆོས་བཀའ་གདམས་ཐིག་ལེ་བཅུ་དྲུག་གི་བཀའ་དབང་སྒྲ་འཇུག་གསུང་འཁོར་ལས། རྩོམ་པ་པོ་ཤེས་རབ་དར་རྒྱས་ལགས་ཀྱིས་ཡིག་འབེབས་དང་ཞུ་སྒྲིག་བྱས་པ་ཞིག་ཡིན་ཞིང་། འདིར་ཇོ་བོ་རྗེ་དཔལ་ལྡན་ཨ་ཏི་ཤ་ནས་བརྒྱུད་པའི་བཀའ་གདམས་ཐིག་ལེ་བཅུ་དྲུག་གི་ཆོས་འབྱུང་མདོར་བསྡུས་དང་། ཐིག་ལེ་བཅུ་དྲུག་སོ་སོའི་དབང་སྐབས་ཀྱི་དམིགས་པ་སྐྱོང་སྟངས་སོགས་དང་། དབང་གི་གསན་ཡིག ། ཐུན་མིན་གྱི་བཤད་པ་སོགས་དང་། གུང་ཐང་བསྟན་པའི་སྒྲོན་མེས་མཛད་པའི་ཐིག་ལེ་བཅུ་དྲུག་གི་སྒོམ་བཟླས་ཉམས་སུ་ལེན་ཚུལ་སྙིང་པོར་དྲིལ་བ་བཅས་ལྷན་དུ་བཞུགས།

ཕབ་ལེན།  PDF  ཕབ་ལེན།

མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
བརྗོད་བྱ། ནང་པའི་ཚན་རིག་ཀུན་བཏུས་དེབ་ཕྲེང་གི་སྔོན་གླེང་བཀའ་རྩོམ།
པར་གཞིའི་ཡོང་ཁུངས། ཚན་རིག་ཀུན་བཏུས་དེབ་ལས་ཟུར་འདོན་ཞུས།
རིག་མཛོད་དེབ་ཨང་། SJRB-0143
ཡིག་ཆའི་རྣམ་པ། PDF
ལྗིད་ཚད། 727KB
༢༠༡༥ ཟླ་བརྒྱད་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
གསུང་རྩོམ་འདི་ནི། ༧གོང་ས་༧སྐྱབས་མགོན་ཆེན་པོ་མཆོག་གི་བཀའ་དགོངས་ལྟར། ཀུན་བཏུས་རྩོམ་སྒྲིག་ཚོགས་ཆུང་གིས་ནང་པའི་གཞུང་ནས་བཤད་པའི་ཚན་རིག་དང་། ལྟ་གྲུབ་ཀྱི་རྣམ་གཞག་ཀུན་ལས་བཏུས་པའི་གླེགས་བམ་རྩོམ་སྒྲིག་གནང་སྐབས། དེའི་སྔོན་གླེང་དུ་སྩལ་གནང་མཛད་པ་ཞིག་ཡིན་ལ། བཀའ་རྩོམ་འདིའི་ནང་༧གོང་ས་༧སྐྱབས་མགོན་ཆེན་པོ་མཆོག་གི་རླབས་ཆེན་གྱི་མཛད་པའི་ཆ་ཤས་ཤིག་སྟེ། ནང་པའི་གསུང་རབ་ཀྱི་བརྗོད་བྱ་ལ་སྡེ་ཚན་གསུམ་དུ་གནས་པ་གསལ་སྟོན་མཛད་ཅིང་། དེའི་དགོས་པ་དམིགས་ཡུལ་སོགས་དང་། ལྷག་པར་ནང་པའི་གཞུང་ནས་འབྱུང་བའི་གཞི་དངོས་པོའི་རྣམ་གཞག་གམ་ཚན་རིག་གི་སྐོར་དང་། ལྟ་གྲུབ་ཀྱི་རྣམ་གཞག་ཕྱོགས་གཅིག་ཏུ་རྩོམ་སྒྲིག་བྱས་པའི་གླེགས་བམ་འདི་དག་གིས་ད་ལྟའི་འཇིག་རྟེན་སྤྱི་ཡོངས་ཀྱི་ཤེས་ཡོན་སློབ་གསོའི་གཞུང་ལུགས་ཐད་ཁ་སྐོང་དང་སྔར་མེད་གསར་གཏོད་ཀྱི་ལེགས་སྐྱེས་ཤིག་འབུལ་ཐུབ་པ་དང་། དེ་ལྟར་བྱུང་ན་སྐྱེ་འགྲོ་མང་པོར་ཕན་རླབས་རྒྱ་ཆེར་འབྱུང་ངེས་པའི་ཐུགས་རེའི་ལམ་སྟོན་མཛད་ཡོད།

ཕབ་ལེན།  PDF  ཕབ་ལེན།

མཛད་པ་པོ། ༧གོང་ས་མཆོག་སོགས།
བརྗོད་བྱ། ཚན་རིག་པ་དང་བགྲོ་གླེང་གནང་བའི་ནང་དོན་སྐོར། (༢༠༠༢)
རྩོམ་པ་པོ། ལོ་ཡེ་སི། (Prof. Dr. Pier Luigi Luisi)
སྒྱུར་བ་པོ། བསྟན་འཛིན་རིག་བཟང་།
པར་གཞིའི་ཡོང་ཁུངས། བསྟན་འཛིན་རིག་བཟང་།
རིག་མཛོད་དེབ་ཨང་། SJRB-0115
ཡིག་ཆའི་རྣམ་པ། PDF
ལྗིད་ཚད། 4.3MB
༢༠༡༥ ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
དཔེ་དེབ་འདི་ནི་ཕྱི་ལོ་ཉིས་སྟོང་གཉིས་ལོར་བཞུགས་སྒར་དུ་༧གོང་ས་༧སྐྱབས་མགོན་ཆེན་པོ་མཆོག་དང་། ཚན་རིག་མཁས་དབང་ཁག་གཅིག་གིས་ཉིན་ལྔའི་རིང་སེམས་དང་སྲོག་གི་ཚོགས་འདུ་ཐེངས་བཅུ་པ་སྐོང་ཚོགས་གནང་སྟེ་ཕྱིའི་གཟུགས་ཅན་གྱི་དངོས་པོ་དང་། ནང་སེམས་ཀྱི་ངོ་བོ་དང་རྣམ་བཞག་བཅས་ཀྱི་སྐོར་ལ་བགྲོ་གླེང་ཞིབ་མོར་གནང་བ་དང་འབྲེལ་བླང་དོར་གྱི་དཀའ་རྙོག་གི་སྐོར་ལ་གོ་བསྡུར་གནང་བ་བཅས་ཀྱི་ནང་དོན་རྣམས་ཟིན་བྲིས་སུ་བཏབ་སྟེ་རྩོམ་སྒྲིག་བྱས་པ་ཞིག་ཡིན་ཞིང་། ཚན་རིག་དང་ནང་ཆོས་ཀྱི་ལྟ་གྲུབ་སྐོར་གྱི་འབྲེལ་བ་དང་དམིགས་ཡུལ་ཕན་འབྲས་བཅས་ལ་མནོ་བསམ་གཏོང་འདོད་པ་རྣམས་ཀྱིས་ངེས་པར་བཀླག་འོས་པ་ཞིག་ཡིན་འདུག ། འདིའི་པར་རྩའི་ཡོང་ཁུངས་ནི་སྒྱུར་པ་པོས་འདི་ག་རྩོམ་སྒྲིག་ཁང་དུ་གནང་འབྱོར་བྱུང་བ་རང་སོར་བཞག་སྟེ་འཕྲུལ་དེབ་ཏུ་རྩོམ་སྒྲིག་བྱས་ཡོད།

ཕབ་ལེན།  PDF  ཕབ་ལེན།