དེབ་ཨང་།  RNSG205101
རིག་གནས། ༼རྩིས་རིག༽
སྤྱིའི་ཨང་། ༡༦༦
མཚན་བྱང་། རྩིས་གཞུང་འཇམ་དཔལ་དགྱེས་པའི་མཆོད་སྤྲིན།
བརྗོད་བྱ། ཟླ་ཉིའི་འཛིན་དང་དབུགས་སྒང་སོགས།
མཛད་པ་པོ། ཤེས་རབ་ཆོས་འཕེལ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
ཚོད་ལྟ། བསྐྱར་ཞིབ་བྱས་མེད།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

ཨ་ཁུ་ཤེས་རབ་ཆོས་འཕེལ་ལམ་ཤེས་རབ་ཨོཾ་ཆོས་ནི། དུས་རབས་ཉི་ཤུ་པའི་སྟོད་ཙམ་ལ་བླ་བྲང་བཀྲ་ཤིས་འཁྱིལ་གྱི་ཉེ་འགྲམ་དུ་སྐུ་འཁྲུངས། ཆུང་དུས་ནས་རབ་ཏུ་བྱུང་སྟེ་བླ་བྲང་བཀྲ་ཤིས་འཁྱིལ་གྱི་དུས་འཁོར་གྲྭ་ཚང་དུ་ཞུགས། ལོ་རབས་བརྒྱད་ཅུ་པ་ནས། བོད་ཀྱི་སྐད་ཡིག་སོགས་ཉམས་པ་སླར་གསོའི་ཕྱོགས་སུ་མཛད་རྗེས་བསྐྱངས། ལྷག་པར་དུ་བོད་ཡུལ་དུ་པ་ཎི་པའི་ཁྲིད་རྒྱུན་ཆད་ཡོད་པ་ལ། དེ་ཉིད་སླར་གསོའི་ཆེད་དུ། གྲྭ་ཤག་སོགས་ཡོ་ཆས་གང་ཡོད་བཙོངས་ཤིང་། འཕགས་ཡུལ་དུ་ཕེབས་ཏེ་ཝཱ་ར་ཎ་སིའི་བོད་ཀྱི་མཐོ་སློབ་ཏུ་། རྒྱ་གར་གྱི་མཁས་པ་ཞིག་ལ་ཡོན་ཕུལ་ཏེ། པ་ཎི་པའི་ཁྲིད་རྒྱུན་ཞུས། ཕྱིར་བོད་དུ་ཕེབས་ཏེ་པ་ཎི་པའི་ཁྲིད་རྒྱུན་སྤེལ། ད་ལན་དྲ་ཚིགས་ཀྱི་རྒྱ་རྩིས་ཀྱི་ཚན་པར་གནས་ཟིན་ཕྱིར། མཁས་དབང་དམ་པ་ཁོང་གི་གསུང་རྩོམ། རྒྱ་རྩིས་ཀྱི་བསྟན་བཅོས་ལས་ཚན་པ་ཐུང་ངུ་ཞིག་རྩོམ་སྒྲིག་བྱས་པ་ཡིན།

ཕབ་ལེན།   PDF  ཕབ་ལེན།    EPUB  ཕབ་ལེན།

དེབ་ཨང་།  RNE128001 
རིག་གནས། [སྡེབ་སྦྱོར།]
སྤྱིའི་ཨང་། ༤༠
མཚན་བྱང་། སྡེབ་སྦྱོར་ཡིད་བཞིན་ནོར་བུ།
མཛད་པ་པོ། ས་པཎ་ཀུན་དགའ་རྒྱལ་མཚན། [༡༡༨༢ - ༡༢༥༡]
བརྗོད་བྱ། ཡིག་སྡེབ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

ས་སྐྱ་པཎ་ཆེན་ཀུན་དགའ་རྒྱལ་མཚན། ས་སྐྱར་འཁྲུངས། ཁུ་བོ་གྲགས་པ་རྒྱལ་མཚན་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ལ་ཀུན་དགའ་རྒྱལ་མཚན་གསོལ། དགུང་ལོ་ཆུང་དུས་ནས་ཐུན་མོང་དང་ཐུན་མོང་མ་ཡིན་པའི་རིག་པའི་གནས་ལ་སྦྱངས་པ་གནང་པས་འཆད་ཉན་དང་ལག་ལེན་འཁྱོལ་ཐུབ་པའི་མཁས་པར་གྱུར། རྒྱ་གར་གྱི་མུ་སྟེགས་པའི་མཁས་པ་འཕྲོག་བྱེད་དགའ་བོ་རྩོད་པས་བཏུལ་ནས་རལ་བ་བྲེགས། དགུང་ལོ་ཉེར་གསུམ་པར་ཁ་ཆེ་པཎ་ཆེན་ཤཱཀྱ་ཤྲཱི་བྷ་དྲ་ལས་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉེར་ལྔའི་སྐབས་ས་སྐྱའི་གདན་སའི་ཁྲིར་ཕེབས། སྐལ་ལྡན་གྱི་བུ་སློབ་མང་དུ་བསྐྱངས། དགུང་ལོ་རེ་གཉིས་པར་སོག་རྒྱལ་གྱིས་གདན་ཞུས་ལྟར་ལང་གྲུར་ཕེབས། ཁོང་ནི་ས་སྐྱ་གོང་མ་ལྔའི་ནང་གི་བཞི་པ་ཡིན། ༡༢༥༡ ལོར་ལང་གྲུར་སྐུ་གཤེགས། གསུང་རྩོམ་ལ་པོད་གསུམ་བཞུགས།

ཁྱེད་ཀྱིས་འཚོལ་བཞིན་པའི་གནད་དོན་གྱི་ལས་རིམ་དེ་ད་ལྟ་ཆ་ཚང་བ་ཞིག་གྲུབ་མེད་པས་དགོངས་སེལ་ཞུ། སླད་མར་གང་མགྱོགས་ཁྱེད་ཀྱི་ཐུགས་རེ་བཞིན་འགྲུབ་ཐུབ་པའི་རེ་བ་ཡོད། ཁྱེད་ཀྱིས་ང་ཚོའི་དྲ་རྒྱར་ཕེབས་ནས་ཐུགས་སྣང་གནང་བར་བཀའ་དྲིན་ཆེ།

སྐུ་ཉིད་ཀྱིས་འཚོལ་བཞིན་པའི་ཡིག་ཆ་འདི་གནས་སྐབས་སུ་རྩོམ་སྒྲིག་བྱེད་མ་ཐུབ་པས་དགོངས་འགལ་མེད་པར་ཞུ་རྒྱུ་དང་། གལ་ཏེ་སྐུ་ཉིད་ལ་ལག་སོན་བྱུང་ཚེ་འདི་ག་རྩོམ་སྒྲིག་ཁང་ལ་མཁོ་སྤྲོད་གནང་རོགས། serajeyrigzodchenmo@gmail.com

མཛད་པ་པོ། མཁས་གྲུབ་དགེ་ལེགས་དཔལ་བཟང་།
བརྗོད་བྱ། རྒྱུད་སྡེ་སྤྱིའི་རྣམ་གཞག
རིག་མཛོད་འཕྲུལ་དེབ་ཨང་། SJRB-0052
ཡིག་ཆའི་རྣམ་པ། PDF
ཤོག་གྲངས། 201 ལྗིད་ཚད། 1.3 MB
གཤིབ་སྡུར་དང་བཟོ་སྒྲིག་པ། སྐལ་བཟང་ཐར་འདོད།
༢༠༡༥ ཟླ་བརྒྱད་པར་གསར་དུ་རྩོམ་སྒྲིག་བྱས།
༢༠༢༠ ཟླ་༧ཚེས་༢༡ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།

མཁས་གྲུབ་དགེ་ལེགས་དཔལ་བཟང་ནི། མཁས་གྲུབ་དགེ་ལེགས་དཔལ་བཟང་། ༡༣༨༥ ལོར་ལ་སྟོད་བྱང་གི་ས་ཆའི་ལྡོག་གཞུང་དུ་འཁྲུངས། དགུང་ལོ་བདུན་གྱི་སྐབས་ཆོས་སྒོར་ཞུགས། མཚན་ལ་དགེ་ལེགས་དཔལ་བཟང་གསོལ། རྗེ་བཙུན་རེད་མདའ་བ་སོགས་ལས་གཞུང་ཆེན་ཁག་དང་གསང་སྔགས་ཀྱི་ཆོས་སྐོར་མང་པོ་གསན། དགུང་ལོ་ཉི་ཤུའི་སྐབས་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉེར་གསུམ་གྱི་སྐབས་རྗེ་ཙོང་ཁ་པ་སེ་ར་ཆོས་སྡིངས་སུ་བཞུགས་པ་དང་མཇལ་ཞིང་། མདོ་སྔགས་ཀྱི་ཆོས་རྒྱུན་སྤྱི་དང་ཐུན་མོང་མ་ཡིན་པའི་གདམས་པ་ཡོངས་རྫོགས་གནང་། དགུང་ལོ་ཞེ་བདུན་གྱི་སྐབས་དགའ་ལྡན་གྱི་ཁྲིར་ཕེབས། སློབ་མ་གྲགས་ཆེན་མང་དུ་བྱུང་། ༡༤༣༨ ལོར་སྐུ་གཤེགས། གསུང་རྩོམ་ལ། པོད་ཆེན་བཅུ་གསུམ་ཙམ་བཞུགས།

མཛད་པ་པོ། བྲག་དཀར་བློ་བཟང་སྙན་གྲགས།
བརྗོད་བྱ། རྫོགས་ཆེན་གཞི་ལམ་འབྲས་གསུམ།
རིག་མཛོད་འཕྲུལ་དེབ་ཨང་། SJRB-0237
ཡིག་ཆའི་རྣམ་པ། PDF
ལྗིད་ཚད། 696 KB
༢༠༡༥ ཟླ་ ༧ པར་རྩོམ་སྒྲིག་བྱས།
༢༠༢༠ ཟླ་༧ཚེས་༢༡ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
བྲག་དཀར་བློ་བཟང་དཔལ་ལྡན་བསྟན་འཛིན་སྙན་གྲགས། ༡༨༦༦ལོར་འཁྲུངས། དགུང་ལོ་བཞིའི་སྐབས་བྲག་དཀར་བྱང་ཆུབ་རྒྱལ་མཚན་གྱི་ཡང་སྲིད་དུ་ངོས་འཛིན་མཛད། དགུང་ལོ་ལྔའི་སྐབས་ནས་ཡི་གེ་འབྲི་ཀློག་སོགས་ལ་གསན་སྦྱོང་མཛད། དགུང་ལོ་བཅུ་གཅིག་གི་སྐབས་དགེ་ཚུལ་གྱི་སྡོམ་པ་བཞེས། དགུང་ལོ་བཅུ་བདུན་སྐབས་ལྷ་ལྡན་དུ་ཕེབས། འབྲས་བློ་གླིང་གྲྭ་ཚང་དུ་ཆོས་ཞུགས་མཛད་དེ་གཞུང་ཆེན་ལ་ཐུགས་གཉེར་གནང་། དགུང་ལོ་ཉི་ཤུའི་སྐབས་བསྙེན་པར་རྫོགས། འཇམ་དབྱངས་མི་ཕམ་རྣམ་རྒྱལ་གྱི་མདུན་དུ་རྩོད་ལན་ཕུལ། དགུང་ལོ་ཉེར་གསུམ་གྱི་སྐབས་རང་ཡུལ་དུ་ཕེབས་ཤིང་རིས་མེད་ཀྱི་མཁས་གྲུབ་དུ་མ་བསྟེན་ཏེ་ལུང་ཁྲིད་མན་ངག་དབང་སོགས་མནོས། གུང་ལོ་ཉེར་བདུན་ནས་བཟུང་བཀའ་ཆོས་རྒྱ་ཆེར་གསུངས་ནས་རིས་སུ་མ་ཆད་པའི་གདུལ་བྱ་བསྐྱངས། སློབ་མའི་གཙོ་བོ། དགེ་བཤེས་འཇམ་དཔལ་རོལ་བའི་བློ་གྲོས་སོགས་བྱུང་། ༡༩༢༩ལོར་སྐུ་གཤེགས། གསུང་རྩོམ་ལ། རྩོམ་སྒྲིག་པར་ལག་སོན་བྱུང་བ་པོ་ཏི་བཅུ་དགུ་བཞུགས།