མཛད་པ་པོ། བློ་བཟང་ཚུལ་ཁྲིམས་རྒྱ་མཚོ། 
བརྗོད་བྱ། བོད་ཀྱི་བརྡའི་རྣམ་གཞག
རིག་མཛོད་འཕྲུལ་དེབ་ཨང་། SJRB-0289
ཡིག་ཆའི་རྣམ་པ། PDF
ལྗིད་ཚད། 1.7MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༨ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༢ལོའི་ཟླ་བདུན་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས། གསེར་ཏོག་བློ་བཟང་ཚུལ་ཁྲིམས་རྒྱ་མཚོ་ནི། ཕྱི་ལོ ༡༨༤༥ ལོར་ཙོང་ཆུའི་ཉེ་འགྲམ་ཨར་ཆ་ཞེས་པར་སྐུ་འཁྲུངས། དགུང་ལོ་གསུམ་པར་སྐུ་གོང་མའི་ཡང་སྲིད་དུ་ངོས་འཛིན་མཛད། རྗེ་གསེར་ཁང་བ་ལས་དགེ་བསྙེན་གྱི་སྡོམ་པ་མནོས། ལོ་དེར་གསེར་ཏོག་དགོན་དུ་གདན་སར་བཀོད། དགུང་ལོ་ལྔ་པ་ནས་ཡི་གེ་སྦྱོར་ཀློག་སོགས་ལ་སྦྱངས། དགུང་ལོ་བདུན་པར་དགེ་ཚུལ་གྱི་སྡོམ་པ་མནོས། དགུང་ལོ་བརྒྱད་པར་སྐུ་འབུམ་དགོན་དུ་ཆོས་ཞུགས་དང་། བསྡུས་གྲྭ་སོགས་གསན་བསམ་གནང་། དགུང་ལོ་ཉི་ཤུའི་སྐབས་བསྙེན་པར་རྫོགས། དགུང་ལོ་ཉེར་གཅིག་པར་རྒྱུད་པ་གྲྭ་ཚང་གི་ཆོས་སྒོར་ཞུགས། དགུང་ལོ་ཉེར་གཉིས་པར་རྒྱུད་པ་མཁན་པོའི་ཁྲི་ལ་ཕེབས། གྲུབ་དབང་འཇིགས་མེད་བསམ་གཏན་སོགས་ལས་ཆོས་བཀའ་གསན། དགུང་ལོ་ཉེར་བདུན་པར་སྐུ་འབུམ་དགོན་པའི་ཁྲི་ལ་ཕེབས། ཁྲི་ཟུར་ནས་ཁལ་ཁ་སོགས་སུ་ཆོས་ཀྱི་འཁོར་ལོ་བསྐོར་བར་མཛད། དགུང་ལོ་སོ་བདུན་ལ་བྱ་ཁྱུང་དགོན་པའི་ཁྲི་ལ་ཕེབས། སྐུ་འབུམ་སོགས་སུ་རྟེན་དང་བརྟེན་པ་མང་དུ་བཞེངས། དགུང་ལོ་དོན་གཅིག་ལ་ཕེབས་པ་ཕྱི་ལོ་ ༡༩༡༥ ལོར་སྐུ་གཤེགས། གསུང་རྩོམ་ལ། པོད་འབྲིང་པོ་ཏི་བཅུ་ཙམ་བཞུགས།

མཛད་པ་པོ། སྣར་ཐང་ལོ་ཙཱ་བ་དགེ་འདུན་དཔལ།
བརྗོད་བྱ། ལེགས་སྦྱར་གྱི་ཡི་གེ་ཀློག་ཐབས།
རིག་མཛོད་འཕྲུལ་དེབ་ཨང་། SJRB-0252
ཡིག་ཆའི་རྣམ་པ། PDF
ལྗིད་ཚད། 1.4MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༢ ལོའི་ཟླ་བརྒྱད་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས། སྣར་ཐང་ལོ་ཙཱ་བ་དགེ་འདུན་དཔལ་ལམ་སྣར་ཐང་ལོ་ཙཱ་བ་སཾགྷཤྲཱི་ནི། དུས་རབས་བཅུ་བཞི་པའི་དུས་སྨད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་ཡིན། ཁོང་དགུང་ལོ་ཆུང་ངུའི་དུས་ནས་དཔལ་སྣར་ཐང་དགོན་པའི་ཆོས་སྒོར་ཞུགས་ཤིང་རབ་ཏུ་བྱུང་བ་དང་། དགེ་ཚུལ་དང་དགེ་སློང་གི་སྡོམ་པ་རྣམས་རིམ་གྱིས་བཞེས་ཏེ་མདོ་སྔགས་གཉིས་ཀའི་གཞུང་ལུགས་ལ་ཐོས་བསམ་ནན་ཏན་དུ་མཛད། དེ་ནས་འགོས་ལོ་གཞོན་ནུ་དཔལ་དང་འདུལ་ནག་པ་དཔལ་ལྡན་བཟང་པོ་སོགས་ལ་སྒྲ་དང་། སྙན་ངག་མངོན་བརྗོད། རྩིས་སོགས་ཀྱི་ཁྲིད་གནང་སྟེ་སློབ་བུ་མང་དུ་གསོ་སྐྱོང་མཛད། རབ་བྱུང་བདུན་པའི་ལྕགས་བྱི་ལོ་སྟེ་ཕྱི་ལོ་༡༤༢༠ལོར་བཤེས་གཉེན་བློ་གྲོས་དཔལ་འབར་གྱིས་ཡང་ཡང་བསྐུལ་ངོར་ཐང་པོ་ཆེའི་གཙུག་ལག་ཁང་དུ་སྔགས་བཀླག་ཐབས་བསྡུས་པའི་ཊཱིཀྐ་མཐོང་བ་དོན་གསལ་བརྩམས། ད་དུང་ཀ་ལཱ་པའི་མཚམས་སྦྱོར་ལྔ་པའི་ཊཱིཀྐ་གཞུང་དོན་གསལ་བ་དང་། སྙན་ངག་མེ་ལོང་གི་བཤད་པ་བཀླགས་པས་དོན་ཐམས་ཅད་འགྲུབ་པ། དོན་རྒྱན་གསལ་བའི་མེ་ལོང་མཁས་པ་དགའ་བྱེད་འོད་ཟེར་འབུམ་ཕྲག་བརྒྱ་པ་སོགས་བཞུགས། འདིའི་འཁྲུངས་འདས་ཀྱི་ལོ་ཚིགས་སོགས་གསལ་པོ་མ་ངེས་ཤིང་། རྣམ་ཐར་རྒྱས་པ་ཞིག་མཇལ་རྒྱུ་མ་བྱུང་པས་འདི་ཙམ་ཞིག་གངས་ཅན་མཁས་གྲུབ་རིམ་བྱོན་གྱི་མིང་མཛོད་ལས་བཏུས་ཏེ་བཀོད་པའོ། །

ཕྱོགས་སྒྲིག་མཁན། རིག་མཛོད་རྩོམ་སྒྲིག་པ།
རིག་མཛོད་འཕྲུལ་དེབ་ཨང་། SJRB-0341
ཡིག་ཆའི་རྣམ་པ། PDF
ལྗིད་ཚད། 1MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདི་ནི་ཐ་སྙད་གསར་པའི་ཚན་པར་དཀར་ཆག་གི་འབྲེལ་སྣེ་མཐུད་རྒྱུ་སོགས་ལ་འཕྲུལ་དེབ་ཅིག་མ་བྱུང་ཐབས་མེད་ཀྱིས། རྩོམ་སྒྲིག་པས་ཐ་སྙད་གསར་པ་གང་མང་ཞིག་ཕྱོགས་བསྒྲིགས་བྱས་ཏེ་རྩོམ་སྒྲིག་བྱས་པ་ཡིན་ན། སྐྱོན་དང་ནོར་འཁྲུལ་མི་ཉུང་བ་ཞིག་ཡོད་ངེས་ཤིང་། རྒྱུ་ཆ་འདི་ཉིད་གང་ལས་བྱུང་བའི་རྩོམ་སྒྲིག་པ་དང་། ཡིག་སྒྱུར་པ་སོགས་དང་། གཟིགས་མཁན་རྣམ་པར་སྙིང་ནས་བཟོད་གསོལ་ཞུས་པ་ཡིན་ལ། རྗེས་འཆར་ཐ་སྙད་གསར་པའི་སྐོར་གྱི་འཕྲུལ་དེབ་གང་མང་ཞིག་རྩོམ་སྒྲིག་བྱ་རྒྱུར་འབད་བརྩོན་བྱེད་ངེས་ཡིན།

མཛད་པ་པོ། དངུལ་ཆུ་དྷརྨ་བྷ་དྲ།
བརྗོད་བྱ། བོད་ཀྱི་བརྡའི་རྣམ་གཞག
རིག་མཛོད་འཕྲུལ་དེབ་ཨང་། SJRB-0180
ཡིག་ཆའི་རྣམ་པ། PDF
ལྗིད་ཚད། 1.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༧ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། དངུལ་ཆུ་བླ་མ་ཆོས་བཟང་ངམ། ཡོངས་གྲགས་སུ་དངུལ་ཆུ་དྷརྨ་བྷ་དྲ་ཞེས་འབོད། གཙང་ཕྱོགས་སུ་འཁྲུངས། དགུང་ལོ་བཅུ་གཅིག་སྐབས་ནས་ཡི་གེ་འབྲི་ཀློག་སོགས་སྦྱངས། དགུང་ལོ་བཅུ་བཞིའི་སྐབས་ཆོས་སྒོར་ཞུགས། བཀྲ་ཤིས་ལྷུན་པོ་སོགས་སུ་གཞུང་ཆེན་ཁག་གཙོ་བྱས་ཏེ་ཐུན་མོང་དང་ཐུན་མོང་མ་ཡིན་པའི་རིག་པའི་གནས་མཐའ་དག་ལེགས་པར་སྦྱངས། སློབ་མ་གྲགས་ཆེན་དབྱངས་ཅན་གྲུབ་པའི་རྡོ་རྗེ་དང་། མཁས་ཆེན་ངག་དབང་སྙན་གྲགས་སོགས་མང་ངོ་། ༡༨༥༡ ལོར་དངུལ་ཆུ་རི་ཁྲོད་དུ་སྐུ་གཤེགས། གསུང་རྩོམ་ལ། པོ་ཏི་དྲུག་བཞུགས།

མཛད་པ་པོ། ཨཱ་ཙཱརྱ་དཔལ་བརྩེགས།
བརྗོད་བྱ། ཆོས་ཕྱོགས་ཀྱི་ཐ་སྙད།
རིག་མཛོད་འཕྲུལ་དེབ་ཨང་། SJRB-0002
ཡིག་ཆའི་རྣམ་པ། PDF
ལྗིད་ཚད། 1.1MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་ ༦ ཚེས་ ༢༥ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ལོ་ཙཱ་བ་སྐ་བ་དཔལ་བརྩེགས་སམ་བན་དེ་དཔལ་བརྩེགས་མཆོག་ནི། འཕན་པོའི་ཡུལ་དུ་རུས་མིང་སྐ་བ་ཡིན་པའི་ཡབ་སྐ་བ་བློ་ལྡན་དང་ཡུམ་འབྲོ་བཟའ་རྡོ་རྗེ་ལྕམ་གཉིས་ཀྱི་སྲས་སུ་འཁྲུངས། བཙན་པོ་ཁྲི་སྲོང་ལྡེ་བཙན་གྱི་དུས་སུ་བྱོན་པའི་ལོ་ཙཱ་བ་རབ་དགུའི་ནང་གསེས་གཞོན་གསུམ་སྟེ། འབྲོ་སྐ་བ་དཔལ་བརྩེགས་དང༌། ཅོག་རོ་ཀླུའི་རྒྱལ་མཚན། སྣ་ནམ་ཞང་ཡེ་ཤེས་སྡེ་བཅས་གསུམ་ལ་ཡོངས་གྲགས་སུ་སྐ་ཅོག་ཞང་གསུམ་ཞེས་པའི་ཡ་གྱལ་གྱི་ལོ་ཙཱ་བ་ཞིག་ཡིན། སྔ་འགྱུར་གྱི་ལོ་རྒྱུས་ཕལ་ཆེ་བའི་ནང་སྐ་ཅོག་ཞང་གསུམ་མཁན་སློབ་ཆོས་གསུམ་གྱི་སྐབས་སུ་ལོ་ཙཱ་བ་མཛད་པ་མ་ཟད། མཁན་ཆེན་སྐུ་གཤེགས་རྗེས་རྒྱ་ནག་གི་སློབ་དཔོན་ཧྭ་ཤང་དང༌། སློབ་དཔོན་ཀ་མ་ལ་ཤཱི་ལ་གཉིས་དམ་པའི་ཆོས་ཀྱི་རྩོད་པ་མཛད་ཅིང་ཧྭ་ཤང་ཕམ་པར་མཛད་པའི་རྗེས་སུ། སྒོམ་རིམ་ཐོག་མཐའ་བར་གསུམ་དང་དབུ་མ་སྣང་བ་བཅས་བརྩམས་ནས་བཙན་པོ་ཁྲི་སྲོང་ལྡེ་བཙན་ལ་གནང་། སྒོམ་རིམ་རྣམ་པ་གསུམ་ཞང་ཡེ་ཤེས་སྡེས་བོད་སྐད་དུ་བསྒྱུར་ཞིང་། དབུ་མ་སྣང་བ་སྐ་བ་དཔལ་བརྩེགས་ཀྱིས་བོད་སྐད་དུ་བསྒྱུར་གནང་མཛད་པ་བཅས་ལ་བརྟེན་ནས་སྐ་ཅོག་ཞང་གསུམ་མཁན་སློབ་ཆོས་གསུམ་ཞལ་བཞུགས་དུས་ཀྱི་ལོ་ཙཱ་བ་ཡིན། ཆོས་འབྱུང་མེ་ཏོག་སྙིང་པོ་ལས་ཀྱང་སྐ་ཅོག་ཞང་གསུམ་ནི་རྒྱལ་པོ་ཁྲི་སྲོང་ལྡེ་བཙན་གྱི་སྐུ་ཚེའི་སྨད་དུ་བྱོན་པའི་ལོ་ཙཱ་བ་ཡིན་པར་གསུངས། ལོ་རྒྱུས་ནང་དུ་ཡོད་པ་བཞིན་སྐ་ཅོག་ཞང་གསུམ་ལ་ཁྲི་སྲོང་ལྡེ་བཙན་གྱི་སྐབས་སུ་ལོ་ཙཱ་བ་གཞོན་གསུམ་ཞེས་གསུང་སྲོལ་ཡོད་པའི་རྒྱུ་མཚན་ཡང་འདི་ཉིད་ཡིན་པར་སྙམ། བཀའ་བསྟན་ཤེར་ཕྱིན་གྱི་གཞུང་དང་། འདུལ་བ། གསང་སྔགས་སོགས་ལོ་ཙཱ་བ་འདི་ཉིད་ཀྱིས་བསྒྱུར་བའི་བཀའ་བསྟན་ཤིན་ཏུ་མང་ངོ་། །
༢༠༢༢ ཟླ་ ༦ ཚེས་ ༢༥ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་ཏེ་བསྒྲིགས།