མཛད་པ་པོ། ལོ་ཆེན་དྷརྨ་ཤྲཱི།
བརྗོད་བྱ། འབྱུང་བའི་སྐོར་འགོ་ལ་བརྟེན་ནས་ལེགས་ཉེས་འབྱེད་ཐབས།
རིག་མཛོད་འཕྲུལ་དེབ་ཨང་། SJRB-0264
ཡིག་ཆའི་རྣམ་པ། PDF
ལྗིད་ཚད། 647KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༦ ཚེས་ ༡༢ ལ་བསྐྱར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

ལོ་ཆེན་དྷརྨ་ཤྲཱི། གཡོར་པོ་གྲྭ་ནང་གི་དར་རྒྱས་ཆོས་གླིང་དུ་འཁྲུངས། དགུང་ལོ་བཅུ་གསུམ་པར་གཙུག་ཕུད་ཕུལ། དགུང་ལོ་བཅོ་ལྔའི་སྐབས་རྒྱལ་དབང་ལྔ་པ་ལས་རབ་ཏུ་བྱུང་། སློབ་དཔོན་དོན་གྲུབ་དབང་རྒྱལ་སོགས་ལས་ཐུན་མོང་དང་ཐུན་མོང་མ་ཡིན་པའི་རིག་པའི་གནས་རྣམས་ལ་སྦྱངས་པ་དཔྱིས་ཕྱིན་པ་གནང་། སློབ་མ་གྲགས་ཆེ་བ། ས་སྐྱ་བདག་ཆེན་ངག་དབང་ཀུན་དགའ་བཀྲ་ཤིས་སོགས་མང་ངོ་། ༡༧༡༨ ལོར་ཇུན་གར་པས་སྐྱིད་ཆུའི་འགྲམ་དུ་བཀྲོངས། གསུང་རྩོམ་ལ། གསང་བདག་དགོངས་རྒྱན་སོགས་ཆོས་ཚན་བདུན་ཅུ་ལྷག་ཙམ་བཞུགས།

མཛད་པ་པོ། དགེ་བཤེས་སྐལ་བཟང་ཨེ་ལགས།
བརྗོད་བྱ། སུམ་ཅུ་པ་དང་རྟགས་འཇུག
རིག་མཛོད་འཕྲུལ་དེབ་ཨང་། SJRB-0182
ཡིག་ཆའི་རྣམ་པ། PDF
ལྗིད་ཚད། 1.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༡ ཟླ་ ༢ ཚེས་ ༢༧ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
དགེ་བཤེས་སྐལ་བཟང་ལྷུན་འགྲུབ་བམ་སྐལ་བཟང་ཨེ་ལགས་མཆོག་ནི། ཕྱི་ལོ་ ༡༩༥༩ ལོར་ཆབ་མདོ་ས་སྒང་ཕག་རིར་སྔོ་གསར་ཚང་ཡབ་མཁྱེན་རབ་བསྟན་འཛིན་དང་། ཡུམ་ལྷ་མོ་ཚེ་རིང་གཉིས་ཀྱི་སྲས་སུ་འཁྲུངས་ནས་ལོ་དེར་བཙན་བྱོལ་དུ་འབྱོར། དགུང་ལོ་བདུན་གྱི་ཐོག་མེ་སོར་བོད་མིའི་གཞིས་ཆགས་ཀྱི་སློབ་གྲྭར་འཛིན་གྲྭ་ལྔ་པའི་བར་ཕེབས། ཕྱི་ལོ་ ༡༩༧༢ ལོར་བྲག་རྒྱབ་རིན་པོ་ཆེའི་དྲུང་དུ་རབ་ཏུ་བྱུང་སྟེ་སེར་བྱེས་གྲྭ་ཚང་གི་ཆོས་སྒོར་ཞུགས། ཕྱི་ལོ་ ༡༩༨༥ ལོར་སེར་བྱེས་སློབ་གྲྭའི་དགེ་རྒན་གནང་ནས་བཟུང་ལོ་ངོ་ཉི་ཤུ་རྩ་ལྔ་ཧྲིལ་པོ་བོད་ཀྱི་རིག་གནས་དང་། རྒྱལ་རབས་ཆོས་འབྱུང་། དབུ་མེད་ཡིག་གཟུགས་ཁག་བདུན། དག་ཡིག་སོགས་སློབ་ཁྲིད་ཀྱི་ཕྱག་ལས་གནང་། མཐའ་མའི་ལོ་ལྔའི་རིང་སློབ་གྲྭའི་དགེ་རྒན་ཆེན་མོའི་མཚན་གནས་ཐོག་ཤེས་ཡོན་ཐུགས་འགན་བཞེས། ཕྱི་ལོ་ ༡༩༨༧ བོད་གཞུང་ཆོས་རིག་ལྷན་ཁང་གི་གོ་སྒྲིག་འོག་དམིགས་གསལ་བོད་ཀྱི་སྐད་ཡིག་རིག་གཞུང་ཐོག་དགེ་རྒན་འོས་སྦྱོང་གི་ལོ་གཅིག་མཛད། ཕྱི་ལོ་ ༡༩༩༤ ལོར་སེར་བྱེས་མཁས་སྙན་གྲྭ་ཚང་དུ་དགེ་བཤེས་དམ་འཇོག་གནང་སྟེ་བོད་ལ་གཉེན་འཕྲད་དུ་ཕེབས། སྐབས་དེར་ལྷ་ས་སྨན་རྩིས་ཁང་གི་དགེ་རྒན་གྱི་སྐུ་མདུན་ནས་ལཉྫ་དང་ཝར་ཏུའི་ཡིག་གཟུགས་བཅས་ལ་ཞིབ་པར་སྦྱངས། ཕྱིས་སུ་སེར་བྱེས་ཆོས་རའི་ཚོགས་ཁང་ནང་དགེ་འདུན་བགྲེས་གཞོན་ཆིག་སྟོང་ལ་ཉེ་བའི་སར་ཚོགས་ཡོངས་སུ་སུམ་ཅུ་པ་དང་རྟགས་འཇུག་ཟབ་ཁྲིད་ཐེངས་གསུམ་དང་། ཁང་ཚན་ཁག་ཏུའང་སུམ་རྟགས་བཤད་ཁྲིད་ལོ་མང་མཛད། སེར་བྱེས་གྲྭ་ཚང་གི་གོ་སྒྲིག་འོག་བོད་སློབ་རྣམས་ལ་བོད་ཀྱི་སྐད་ཡིག་རིག་གནས་ཟབ་སྦྱོང་ཐེངས་མང་མཛད། ལོ་འཁོར་གུང་གསེང་དང་སྟབས་བསྟུན་ས་གནས་ཉིན་སློབ་སློབ་ཕྲུག་རྣམས་ལ་ཟབ་ཁྲིད་ཐེངས་གསུམ་དང་། རྒྱུན་དུ་རང་ཤག་ཏུའང་རིག་གནས་ཟུར་སྦྱོང་བ་སྐྱ་སེར་སློབ་ཕྲུག་རྣམས་དང་། ཕྱི་རྒྱལ་བ་བཅས་ལ་བོད་ཡིག་དང་དབུས་སྐད་བསླབས་དང་སློབ་བཞིན་པ་མ་ཟད་ཁོང་གི་གནང་བའི་མཛད་རིམ་སྙིང་བསྡུས་ལས་ ༢༠༡༧ ཡན་ལ་སུམ་རྟགས་བཤད་ཁྲིད་ཚར་དྲུག་ཅུ་རེ་བདུན་ཙམ་མཛད་པ་དང་། དེ་ནས་རྒྱ་གར་བྱང་ཕྱོགས་ཀ་དར་སྒང་གསུམ་གྱི་གནས་སྡོད་པ་རྣམས་ལ་བོད་ཡིག་དང་སུམ་རྟགས་སློབ་ཁྲིད་ལོ་འགར་མཛད། ཏཱ་ལའི་བླ་མའི་མཐོ་སློབ་ཏུ་བོད་ཡིག་དགེ་རྒན་གྱི་ཕྱག་ལས་གནང་མུས་བཅས་ལོ་རྒྱུས་མདོར་བསྡུས་སུ།

མཛད་པ་པོ། ཚེ་ཏན་ཞབས་དྲུང་། [༡༩༡༠-༡༩༨༥]
བརྗོད་བྱ། སྙན་ངག་མེ་ལོང་མའི་ལེའུ་གསུམ་གྱི་སྤྱི་ཁོག
རིག་མཛོད་དེབ་ཨང་། SJRB-0290
ཡིག་ཆའི་རྣམ་པ། PDF
ལྗིད་ཚད། 1.8MB
༢༠༡༨ ཟླ་དྲུག་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
ཚེ་ཏན་ཞབས་དྲུང་ནི། ཕྱི་ལོ་ ༡༩༡༠ ལོར་མཚོ་སྔོན་པོའི་ཉེ་འགྲམ་ཡ་རྫི་ཞེས་པར་སྐུ་འཁྲུངས། དགུང་ལོ་གསུམ་གྱི་སྐབས་ཚེ་ཏན་ཞབས་དྲུང་སྐུ་གོང་མའི་ཡང་སྲིད་དུ་ངོས་འཛིན་གྱིས་མཚན་བློ་བཟང་ཆོས་འཕེལ་དུ་གསོལ། དགུང་ལོ་བཅུ་བཞིར་ཕེབས་སྐབས་ཡོངས་འཛིན་རིན་པོ་ཆེ་དྲུང་ནས་གཞུང་ཆེན་ཁག་ལ་གསན་བསམ་མཛད། དགུང་ལོ་ཉི་ཤུའི་སྐབས་དགེ་སློང་གི་སྡོམ་པ་མནོས། མཚན་ལ་འཇིགས་མེད་རིག་པའི་བློ་གྲོས་ཞེས་གསོལ། དགུང་ལོ་ང་དྲུག་གི་སྐབས་རྒྱ་མིའི་བཙོན་ཁང་དུ་ལོ་བཅུ་གཉིས་ལྷག་བཞུགས་དགོས་བྱུང་། དགུང་ལོ་རེ་དགུའི་སྐབས་བཙོན་གྲོལ་ཐོབ་སྟེ་ནུབ་བྱང་མི་རིགས་སློབ་ཆེན་དུ་དགེ་རྒན་གནང་། ༡༩༨༥ ལོར་སྐུ་གཤེགས། ཁོང་གི་གསུང་རྩོམ་ལ། ༡༩༨༧ ལོར་མཚོ་སྔོན་མི་རིགས་དཔེ་སྐྲུན་ཁང་ནས་ལྕགས་དཔར་མ་དེབ་ལྔར་དཔར་སྐྲུན་བྱས་ཡོད།

ཕབ་ལེན། PDF     ཕབ་ལེན།

མཛད་པ་པོ། བསེ་ཚང་བློ་བཟང་དཔལ་ལྡན། [༡༩༣༨--]
བརྗོད་བྱ། སྙན་ངག་མེ་ལོང་མའི་ལེའུ་གསུམ།
རིག་མཛོད་དེབ་ཨང་། SJRB-0295
ཡིག་ཆའི་རྣམ་པ། PDF
ལྗིད་ཚད། 5.5MB
༢༠༡༨ ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
བསེ་ཚང་བློ་བཟང་དཔལ་ལྡན་མཆོག་ནི། ཕྱི་ལོ་༡༩༣༨ལོར་ཐེ་བུ་ཞེས་པའི་ས་ཆར་སྐུ་འཁྲུངས། བསེ་སྐུ་ཕྲེང་ལྔ་པའི་སྤྲུལ་སྐུར་ཐུགས་ཐག་བཅད་ཅིང་། གཏེར་ལུང་ཡིད་དགའ་ཆོས་འཛིན་གླིང་གི་གདན་སར་བཀོད། དགུང་ལོ་བཅོ་ལྔ་པར་དབུས་སུ་སྒོ་མང་གྲྭ་ཚང་དུ་གཞུང་ཆེན་ཁག་ལ་གསན་སྦྱོང་མཛད། དགུང་ལོ་བཅུ་དགུ་པར་ཕྱིར་ཕེབས་ཏེ་ཁྲིད་ལུང་མན་ངག་གང་མང་གསན་པ་དང་རྩིས་གཞུང་སོགས་ལ་སྦྱངས། དགུང་ལོ་ཉེར་གཅིག་པར་བསྙེན་པར་རྫོགས། དགུང་ལོ་ཉེར་གཉིས་པར་རྒྱ་མིས་བཙོན་དུ་བཅུག །དགུང་ལོ་ཉེར་དྲུག་པར་བཙོན་གྲོལ་ཐོབ། དགུང་ལོ་སུམ་ཅུ་པར་སླར་ཡང་བཙོན་དུ་བཅུག །༡༩༦༨ ལོར་ངལ་རྩོལ་བསྒྱུར་བཀོད་ནང་ལོ་བཅུ་གཅིག་བཞུགས། དགུང་ལོ་ཞེ་གསུམ་པར་དཀར་འདོན་གནང་། ༢༠༠༡ལོར་གསུང་རྩོམ་པོད་བདུན་པར་བསྐྲུན་འགྲེམས་སྤེལ་བྱས། སྔ་ཕྱིར་དགོན་སྒྲུབ་སྡེ་རི་ཁྲོད་མང་པོར་དབང་ལུང་མན་ངག་གི་ཆོས་ཆར་གང་མང་སྩལ་བ་དང་། ནུབ་བྱང་མི་རིགས་སློབ་གྲྭ་ཆེན་མོའི་གདན་ཞུས་སློབ་དཔོན་ཆེན་མོ་སོགས་གནང་བཞིན་བཞུགས་སོ། །

ཕབ་ལེན།   PDF    ཕབ་ལེན།

མཛད་པ་པོ། དམུ་དགེ་བསམ་གཏན་རྒྱ་མཚོ། [༡༩༡༤-༡༩༩༣]
བརྗོད་བྱ། སྙན་ངག་མེ་ལོང་གི་ལེའུ་གསུམ།
རིག་མཛོད་དེབ་ཨང་། SJRB-0345
ཡིག་ཆའི་རྣམ་པ། PDF
ལྗིད་ཚད། 1.8MB
༢༠༢༠ ཟླ་ ༩ ཚེས་ ༡༤ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་རྩོམ་འདི་ནི་རིག་གནས་གསར་བརྗེའི་གོད་ཆག་ཆེན་པོའི་རྗེས་སུ་བོད་ཀྱི་རིག་གནས་སླར་གསོའི་བྱ་གཞག་ཐད་མཛད་རྗེས་ཤིན་ཏུ་ཆེ་བའི་དགེ་བའི་བཤེས་གཉེན་ཆེན་པོ་རྗེ་དམུ་དགེ་བསམ་གཏན་རྒྱ་མཚོ་མཆོག་ནས་ཕྱི་ལོ་ ༡༩༨༡ ལོར་བརྩམས་པ་ཡིན་ཞིང་། འདིར་ཀུན་མཁྱེན་འཇམ་དབྱངས་བཞད་པས་མཛད་པའི་སྙན་ངག་གི་བསྟན་བཅོས་དབྱངས་ཅན་ཞལ་ལུང་ཉི་མ་འབུམ་གྱི་འོད་ཅན་རྩ་བར་བཟུང་ནས་དེའི་དཔེར་བརྗོད་དུ་གུང་ཐང་བསྟན་པའི་སྒྲོན་མེས་མཛད་པའི་སྙན་ངག་གི་དཔེར་བརྗོད་རྩོམ་འཕྲོ་ཅན་དྲངས་ཤིང་དཔེར་བརྗོད་ཀྱི་འཕྲོ་རྣམས་ཁོང་རང་ཉིད་ཀྱིས་ཁ་བསྐངས་སྟེ་མཛད་པ་ཞིག་ཡིན། འདི་ནི་གཞན་དག་ལྟར་འདོད་པའི་གཏམ་གྱི་ཕྱོགས་སུ་གཞོལ་བ་དང་ཚོགས་པར་དབྱུང་དུ་མི་རུང་བའི་གཏམ་མང་བ་སོགས་ཀྱི་སྐྱོན་གྱིས་མ་སྦགས་པར་ཆོས་དང་མཐུན་པའི་གཏམ་འབའ་ཞིག་གིས་གྲུབ་པས་ཚངས་སྤྱོད་ཀྱི་སྡེ་དང་། ཉེ་དུ། དགེ་སློབ་འདུས་པའི་མདུན་ས་སོགས་གང་དུ་ཡང་འཆད་ཉན་བྱེད་བདེ་བ་དང་། འགྲེལ་བཤད་རྣམས་ཁ་གསལ་ཞིང་གོ་བདེ་ལ་ཚིག་ཚོགས་ཉུང་བ་སོགས་གཞན་ལས་འཕགས་པའི་ཁྱད་ཆོས་དུ་མ་དང་ལྡན་ཡོད།

ཕབ་ལེན།   PDF    ཕབ་ལེན།      ཁྲིད་ཡོད།