རིག་མཛོད་རྩོམ་སྒྲིག་པ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས།
དྲ་ཚིགས།: www.serajeyrigzodchenmo.org ཡིག་འབྲེལ་དྲ་བྱང་། serajeyrigzodchenmo@gmail.com
ཁྲིད་གཞུང་། རྗེ་བཙུན་པའི་དབུ་མའི་སྤྱི་དོན།[མ] སྟོད་ཆ།
སྒྲ་ཨང་། KADZU2060440
མཁས་པ་གཞན། [གཞུང་ཆེན།] སྤྱིའི་ཨང་། ༥༦༨
རྣམ་པ། MP3 རྣམ་གྲངས། 172 ཆེ་ཆུང་། 2.03 GB
ཁྲིད་གཞུང་། རྗེ་བཙུན་པའི་དབུ་མའི་སྤྱི་དོན།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༤]
ཁྲིད་མཚམས། སྟོད་ཆ།
འཁྲིད་མཁན། དགེ་བཤེས་ཡ་མ་རིན་ཆེན།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བརྒྱད་པའི་ཚེས་ཉེར་དགུའི་ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ཡ་མ་རིན་ཆེན་ནི། སྤྱི་ལོ་ ༡༩༦༧ ལོར་བོད་ཏྲེ་ཧོར་དར་རྒྱས་ཀྱི་ཁོངས་སུ་སྐུ་འཁྲུངས། དགུང་ལོ་བདུན་ནས་བཅུ་དྲུག་བར་སློབ་ཆུང་སོགས་འགྲིམས་ཏེ་སློབ་སྦྱོང་གནང་། ༡༩༨༤ ལོར་འཕགས་ཡུལ་དུ་འབྱོར་ཞིང་། བྱེས་ཀྱི་གདན་ས་སེར་བྱེས་མཁས་སྙན་གྲྭ་ཚང་དུ་ཆོས་ཞུགས་དང་། རྒྱུད་སྨད་མཁན་ཟུར་རིན་པོ་ཆེ་རྗེ་བཙུན་ཨུ་རྒྱན་ཚེ་བརྟན་སོགས་བསྟེན་ནས་གཞུང་ཆེན་ལ་སློབ་གཉེར་གནང་། འཛིན་གྲྭ་ཟུར་གསར་གྱི་སྐབས་རིགས་ཆུང་ཨང་རིམ་དང་པོའི་ཚོགས་ལངས་དང་། ༡༩༩༡ ལོ་སྟེ་སློབ་གཉེར་གྱི་སྐབས་སམ་ཆོས་ར་འགྲིམ་བཞིན་པའི་སྐབས་ནས་སློབ་གཉེར་བ་རྣམས་ལ་དཔེ་ཁྲིད་ཆད་མེད་གནང་། ༡༩༩༧ ལོ་ནས་དགེ་ལུགས་རྒྱུགས་སྤྲོད་དུ་ཕེབས་ནས་ལོ་རིམ་མཐའ་མ་གསུམ་ལ་འདུལ་བའི་རྩོམ་རྒྱུགས་དང་བཅས་ཨང་དང་པོའི་མཚན་རྟགས་བཞེས། ༢༠༠༣ ལོར་དགེ་བཤེས་ལྷ་རམས་པའི་དམ་འཇོག་གནང་བ་དང་། ༢༠༠༥ ལོར་དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས་ཤིང་། སྔགས་ཀྱི་རྩོད་རྒྱུགས་ཨང་དང་པོ་བཞེས། ༢༠༠༩ ལོ་ནས་ལོ་གསུམ་གྱི་རིང་གྲྭ་ཚང་གི་སློབ་གཉེར་རྒན་གནང་ཞིང་། ༢༠༡༢ ལོར་རང་ཡུལ་དུ་ཕེབས་ཏེ་དགོན་གྲོང་རྣམས་སུ་ཆོས་སྦྱིན་དང་། ༢༠༡༣ ལོར་ཨོ་སུ་ཀྲི་ལི་ཡར་ TBI ཆོས་ཚོགས་སུ་ནང་ཆོས་སློབ་ཁྲིད་སོགས་གནང་། ༢༠༡༥ ལོར་གྲྭ་ཚང་གི་དགེ་བསྐོས་གནང་བ་དང་། རྒྱུན་དུ་ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་བཞིན་བཞུགས་པ་ལགས་སོ། །
