སེར་བྱེས་རིག་མཛོད་ཆེན་མོ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་ (laptop, iPad, iPod iPhone & Android) སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས།
དྲ་ཚིགས།: www.serajeyrigzodchenmo.org གློག་འཕྲིན་ཁ་བྱང་། serajeyrigzodchenmo@gmail.com
ཁྲིད་གཞུང་། སི་ཏུའི་སུམ་རྟགས་འགྲེལ་ཆེན།[ག] རྟགས་འཇུག
སྒྲ་ཨང་། KADRD2030292
མཁས་པ་གཞན། [རིག་གནས།] སྤྱིའི་ཨང་། ༤༢༠
རྣམ་པ། MP3 རྣམ་གྲངས། 61 ཆེ་ཆུང་། 931.4 MB
ཁྲིད་གཞུང་། སུམ་རྟགས་རྣམ་བཤད་མུ་ཏིག་ཕྲེང་མཛེས།
མཛད་པ་པོ། སི་ཏུ་ཆོས་ཀྱི་འབྱུང་གནས། [༡༦༩༩- ༡༧༧༤]
ཁྲིད་མཚམས། རྟགས་འཇུག
འཁྲིད་མཁན། རྒན་བྱམས་པ་ཆོས་གྲགས།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་ ༠༣།༣༠ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་ཉེར་དྲུག་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
རྒན་བྱམས་པ་ཆོས་གྲགས་མཆོག་ནི། ༡༩༣༣ བོད་དུ་སྐུ་འཁྲུངས། དགུང་ལོ་དྲུག་ནས་ཡི་གེ་འབྲི་ཀློག་སོགས་སྦྱངས། དགུང་ལོ་བཅོ་ལྔའི་སྐབས་དབུས་སུ་ཕེབས་ཏེ་དགའ་ལྡན་ཤར་རྩེ་གྲྭ་ཚང་དུ་ཆོས་སྒོར་ཞུགས་ཏེ་སློབ་གཉེར་གནང༌། ༡༩༥༩ ལོར་འཕགས་ཡུལ་དུ་ཕེབས་ཏེ་ཐོག་མར་སྦག་སར་ཐོས་བསམ་གྱི་འཕྲོ་བསྐྱངས། ཞོར་དུ་ཡིག་གཟུགས། སྙན་སུམ་བཅས་ལའང་སྦྱངས། ༡༩༦༢ ལོར་རང་གཞུང་ཆོས་དོན་ལས་ཁུངས་ནས་དབུ་ཆེན་ཡིག་འབྲིར་བཀའ་འགུགས་གནང་། ༡༩༦༧ ལོར་རྡ་ཤོད་ཟུར་གསོག་སློབ་དགེ་དང་དེ་རྗེས་ཨ་བྷ་ནཱ་ཐའི་ཀོ་སྤྲིར་ཟུར་སྐྱོང་སློབ་གྲྭའི་དགེ་རྒན། ཤེས་རིག་ལྷན་ཁང་གི་ཡིག་ཆའི་དཀར་ཆག་བཟོ་འགོད། མ་སུ་རིར་དབྱིན་བོད་ཤན་སྦྱར་ཚིག་མཛོད་བཟོ་བསྐྲུན་གྱི་བོད་ཡིག་ལས་འགན་འཐུས་ཚང་གནང༌། ༡༩༦༨ ནས་རང་གཞུང་གཏན་སློབ་ཁག་ཏུ་བོད་དགེ་གནང་། ༡༩༧༣ ནས་ལོ་བཅུའི་རིང་རང་གཞུང་ཤེས་རིག་ལས་ཁུངས་ཀྱི་སློབ་དེབ་བསྐྱར་ཞིབ་ཚོགས་ཆུང་གི་ལས་དོན་རྐང་འཛིན་གནང༌། ༡༩༩༤ ལོར་རྒན་ཡོལ་ཐོབ་ནས་དགའ་ལྡན་ཤར་རྩེ་གྲྭ་ཚང་དུ་གཏན་བཞུགས་གནང་སྟེ་སློབ་ཕྲུག་རྣམས་ལ་སྙན་སུམ་སོགས་སློབ་ཁྲིད་གནང༌། ༢༠༠༩ ལོར་སྐུ་གཤེགས།
