མཛད་པ་པོ། སྣ་ཚོགས།
བརྗོད་བྱ། ཞལ་འདོན།
རིག་མཛོད་འཕྲུལ་དེབ་ཨང་། SJRB-0337
ཡིག་ཆའི་རྣམ་པ། PDF
ལྗིད་ཚད། 2.5MB
བསྐྱར་སྒྲིག་པ། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༦ ལོའི་ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༦ ཚེས་ ༢ ལ་བསྐྱར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

འཕྲུལ་དེབ་འདི་ནི་དད་ལྡན་དོན་གཉེར་ཅན་དག་གི་ཞལ་འདོན་སོགས་ཀྱི་ཆེད་དུ། འདི་ག་རྩོམ་སྒྲིག་པས་ཆོས་སྤྱོད་སྣ་ཚོགས་ཕྱོགས་གཅིག་ཏུ་བཏུས་ཏེ། ཞལ་འདོན་ཕྱོགས་བཏུས་ཀྱི་ངོ་བོར་རྩོམ་སྒྲིག་བྱས་པ་ཞིག་ཡིན།

ཕབ་ལེན། PDF ཕབ་ལེན།

མཛད་པ་པོ། རྒྱལ་བ་བསྐལ་བཟང་རྒྱ་མཚོ། 
བརྗོད་བྱ། ལྟ་བའི་སྐོར།
རིག་མཛོད་འཕྲུལ་དེབ་ཨང་། SJRB-0198
ཡིག་ཆའི་རྣམ་པ། PDF
ལྗིད་ཚད། 398KB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༥ ཚེས་ ༢༧ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས། རྒྱལ་བ་བསྐལ་བཟང་རྒྱ་མཚོ་ནི། ༡༧༠༨ ལོར་ལི་ཐང་དུ་སྐུ་འཁྲུངས། རྒྱལ་བའི་ཡང་སྲིད་དུ་ངོས་འཛིན་ཞུས། དགུང་ལོ་བརྒྱད་པར་སྐུ་འབུམ་དུ་ཕེབས་ཏེ་དགེ་བསྙེན་གྱི་སྡོམ་པ་མནོས། ཆ་གན་ནོ་མིན་ཧན་སོགས་ལས་གཞུང་ཆེན་གསན་བསམ་མཛད། མེ་སྤྲེལ་ལོར་རབ་ཏུ་བྱུང་། དགུང་ལོ་བཅུ་གསུམ་གྱི་སྐབས་དབུས་སུ་ཕེབས། ལྕགས་བྱི་ལོར་པཎ་ཆེན་བློ་བཟང་ཡེ་ཤེས་ལས་དགེ་ཚུལ་གྱི་སྡོམ་པ་བཞེས། མཚན་བློ་བཟང་བསྐལ་བཟང་རྒྱ་མཚོར་གསོལ། ༡༧༥༡ ལོར་ཆབ་སྲིད་ཀྱི་ཐུགས་འགན་བཞེས། བཀའ་ཤག་ཐོག་མར་བཙུགས། དགུང་ལོ་ཞེ་ལྔ་པར་རྩེ་སློབ་གྲྭ་གསར་འཛུགས་མཛད། དགུང་ལོ་ཞེ་བདུན་པར་སྐལ་བཟང་ཕོ་བྲང་གསར་བསྐྲུན་དང་བཟོ་གྲྭ་ཞོལ་འདོད་དཔལ་གསར་འཛུགས་མཛད། ༡༧༥༧ ལོར་སྐུ་གཤེགས། གསུང་རྩོམ་པོད་བདུན་བཞུགས།

ཕབ་ལེན།   PDF  ཕབ་ལེན།

མཛད་པ་པོ། དབྲ་སྟོན་བསྐལ་བཟང་བསྟན་པའི་རྒྱལ་མཚན།
བརྗོད་བྱ། གང་ཟག་གི་བདག་མེད་དང་བོན་གྱི་བདག་མེད་སོགས།
རིག་མཛོད་འཕྲུལ་དེབ་ཨང་། SJRB-0188
ཡིག་ཆའི་རྣམ་པ། PDF
ལྗིད་ཚད། 465KB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༦ ཚེས་ ༢ ལ་བསྐྱར་སྒྲིག་བྱས།

ངོ་སྤྲོད་མདོར་བསྡུས།

དབྲ་སྟོན་བསྐལ་བཟང་བསྟན་པའི་རྒྱལ་མཚན་ནི། ཕྱི་ལོ་ ༡༨༩༧ ལོར་སྐུ་འཁྲུངས། དགུང་ལོ་ཆུང་ངུ་ནས་ཡི་གེའི་འབྲི་ཀློག་བསླབས་པས་ལེགས་པར་མཁྱེན། གླག་བྲག་རྫོང་དགོན་དུ་ཕེབས་ཏེ་གཞུང་ལུགས་གསན་ནས་མཁས་པའི་གྲགས་པ་ཐོབ། ཡེ་ཤེས་དགོན་གྱི་མཁན་པོ་དྲང་སྲོང་དམ་པ་ཚུལ་ཁྲིམས་མཆོག་རྒྱལ་ལས་བསྙེན་པར་རྫོགས། རིས་མེད་ཀྱི་བླ་མ་དམ་པ་དུ་མ་བསྟེན། ཁྱད་པར་དུ་གྲུབ་དབང་ཤར་རྫ་བཀྲ་ཤིས་རྒྱལ་མཚན་བསྟེན་ནས་འཕྲུལ་ངག་གཡུང་དྲུང་བོན་གྱི་རིང་ལུགས་གཙང་མའི་མདོ་རྒྱུད་ཀྱི་གཞུང་བཤད་དང་། རྫོགས་ཆེན་གྱི་མན་ངག་དབང་ཁྲིད་དང་བཅས་པ་གསན། ༡༩༥༩ ལོར་སྐུ་གཤེགས། ཁོང་གི་གསུང་རྩོམ་པོ་ཏི་ལྔ་ཙམ་བཞུགས།

ཕབ་ལེན། PDF ཕབ་ལེན།

མཛད་པ་པོ། ལྕང་སྐྱ་རོལ་པའི་རྡོ་རྗེ།
བརྗོད་བྱ། ལྟ་བའི་སྐོར།
རིག་མཛོད་འཕྲུལ་དེབ་ཨང་། SJRB-0391
ཡིག་ཆའི་རྣམ་པ། PDF
ལྗིད་ཚད། 416KB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༢ ཟླ་ ༥ ཚེས་ ༢༨ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ལྕང་སྐྱ་སྐུ་ཕྲེང་གསུམ་པ་རོལ་པའི་རྡོ་རྗེ་ནི། མདོ་སྨད་ཙོང་ཁ་བྱང་གི་ཕྱོགས་སུ་ལང་གྲུའུ་ཞེས་པའི་འབྲོག་སྡེར། ཧོར་གྱི་རུས་སུ་གཏོགས་པའི་ཡབ་ཆི་གྱ་ཚངས་པ་གུ་རུ་བསྟན་འཛིན་དང་། ཡུམ་བུ་སྐྱིད་གཉིས་ཀྱི་སྲས་སུ། རབ་བྱུང་བཅུ་གཉིས་པའི་མེ་བྱ། སྤྱི་ལོ་ ༡༧༡༧ ལོའི་ཟླ་བ་དང་པོའི་ཚེས་བཅུའི་ཉིན་སྐུ་བལྟམས། དང་ཐོག་ཆིང་གོང་མའི་ཕོ་བྲང་དུ་འཚོ་ཞིང་སློབ་གཉེར་མཛད། ཆིང་གོང་མའི་ཕོ་བྲང་གི་རྩ་བའི་བླ་མ་དང་། གོང་མ་ཆན་ལུང་གི་དབུ་བླ་ཡིན་ལ། ཆིང་གོང་མ་དང་ཨེ་ཤ་ཡའི་སྐམ་སའི་དབུས་ཁུལ་བར་དུ་འབྲེལ་བ་འཛུགས་མཁན་གཙོ་ཤོས་ཡིན། ཁོང་གི་བོད་ཡུལ་གྱི་གདན་ས་གཙོ་བོ་ནི་ཨ་མདོའི་བྱང་གི་དགོན་ཆེན་བཞིའི་ཡ་གྱལ་དགོན་ལུང་བྱམས་པ་གླིང་ཡིན། སྐུ་ཚེ་གང་བོར་གོང་མ་ཆན་ལུང་གི་ནང་བསྟན་གྱི་ལོ་ཙཱ་བ་དང་། དབུ་བླ་་དང་སློབ་དཔོན་མཛད་ནས་བཞུགས། རབ་བྱུང་བཅུ་གསུམ་པའི་མེ་ཕོ་རྟའི་ལོ། སྤྱི་ལོ་ ༡༧༨༦ ཟླ་བ་བཞི་པའི་ཚེས་གཉིས་ཀྱི་ཕྱི་དྲོར་ལྕང་སྐྱ་རོལ་པའི་རྡོ་རྗེ་རྒྱ་ནག་རི་བོ་རྩེ་ལྔར་སྐུ་གཤེགས།
ཁོང་གི་གསུང་རྩོམ་ནི། རྣམ་ཐར་དང་། གསོལ་འདེབས། མགུར་དང་། ཆབ་ཤོག ཞུ་འཕྲིནཆོ་ག་དང་སྒྲུབ་ཐབས་སོགས་པོ་ཏི་ཀ་ནས་ཇ་པའི་བར་པོད་བདུན་བཞུགས།

ཕབ་ལེན། PDF ཕབ་ལེན།

མཛད་པ་པོ། བུ་སྟོན་ཐམས་ཅད་མཁྱེན་པ་སོགས།
བརྗོད་བྱ། སྟོན་པའི་རྣམ་ཐར།
རིག་མཛོད་འཕྲུལ་དེབ་ཨང་། SJRB-0113
ཡིག་ཆའི་རྣམ་པ། PDF
ལྗིད་ཚད། 2.5MB
བསྐྱར་སྒྲིག་པ། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༦ ལོའི་ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༦ ཚེས་ ༢ ལ་བསྐྱར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

དད་ལྡན་དོན་གཉེར་ཅན་རྣམས་གཙོ་བྱས་ཏེ་སྟོན་པ་ཐུགས་རྗེ་ཅན་གྱི་མཛད་རྣམ་ཤེས་འདོད་ཡོད་པ་དག་གི་ཆེད་དུ། འདི་ག་རྩོམ་སྒྲིག་ཁང་གིས་སྟོན་པ་ཐུགས་རྗེ་ཅན་གྱི་མཛད་རྣམ་མི་འདྲ་བ་གང་ཡོད་ཕྱོགས་བཏུས་ཀྱིས་འཕྲུལ་དེབ་ཏུ་རྩོམ་སྒྲིག་བྱ་འཆར་ཡོད་པ་ལྟར།
ཐེངས་འདིར་བུ་སྟོན་ཆོས་འབྱུང་ལས་འབྱུང་བའི་སྟོན་པའི་རྣམ་ཐར་དང་། རྗེ་བཙུན་ཏཱ་ར་ནཱ་ཐའི་སྟོན་པའི་རྣམ་ཐར། ཆོས་འབྱུང་མཁས་པའི་དགའ་སྟོན་ལས་འབྱུང་བའི་སྟོན་པའི་རྣམ་ཐར། ཡོངས་འཛིན་ཡེ་ཤེས་རྒྱལ་མཚན་གྱི་ལམ་རིམ་བླ་མ་བརྒྱུད་པའི་རྣམ་ཐར་ལས་འབྱུང་བའི་སྟོན་པའི་རྣམ་ཐར། རྗེ་བཙུན་ཡེ་ཤེས་རྒྱ་མཚོའི་སྟོན་པའི་རྣམ་ཐར། དུང་དཀར་གྲུབ་མཐའ་ལས་འབྱུང་བའི་སྟོན་པའི་རྣམ་ཐར་བཅས་ཕྱོགས་བསྒྲིགས་ཀྱིས་འཕྲུལ་དེབ་གཉིས་སུ་བགོས་ཏེ་རྩོམ་སྒྲིག་བྱས་ཡོད།
གསལ་བཤད་ཞུ་རྒྱུར། དུས་ཚོད་ཀྱི་རྐྱེན་གྱིས་མཛད་རྣམ་འདི་དག་ལ་ཞུས་དག་ཞིབ་ཚགས་ཤིག་གཏོང་ཁོམ་མ་བྱུང་བར་རྩོམ་སྒྲིག་བྱས་པ་ཡིན་པས། ཡིག་ནོར་གང་མང་ཞིག་ལྷག་འདུག་ན་ཀློག་པ་པོ་རྣམས་ལ་བཟོད་གསོལ་དང་འབྲེལ་རྗེས་སུ་བསྐྱར་ཞིབ་བྱས་ཏེ་རྩོམ་སྒྲིག་བྱ་རྒྱུ་ལགས་ན་དེའི་ལུགས་དགོངས་འཇགས་འཚལ།