མཛད་པ་པོ། རྫ་དཔལ་སྤྲུལ།
བརྗོད་བྱ། ཀློང་ཆེན་སྙིང་ཏིག་གི་ཐུན་མོང་དང་ཐུན་མིན་གྱི་སྔོན་འགྲོ།
རིག་མཛོད་འཕྲུལ་དེབ་ཨང་། SJRB-0421
ཡིག་ཆའི་རྣམ་པ། PDF པར་རྩ། ཞོལ་ཤིང་པར།
ཤོག་གྲངས། 443 ལྗིད་ཚད། 2.7MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༣ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདི་ནི། རྫོགས་པ་ཆེན་པོ་ཀློང་ཆེན་སྙིང་ཏིག་གི་སྔོན་འགྲོའི་ཁྲིད་ཡིག་ཀུན་བཟང་བླ་མའི་ཞལ་ལུང་ཡིན་ཞིང་། གཞུང་འདིའི་མཛད་པ་པོ་རྫ་དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོ་ཡིན་ལ། གཞུང་འདི་ནི། དིལ་མགོ་མཁྱེན་བརྩེ་རིན་པོ་ཆེ་ནས། མཚན་སྔོན་འགྲོ་གསུངས་ཀྱང་དོན་ཉམས་ལེན་གྱི་སྔོན་དངོས་རྗེས་གསུམ་གྱི་གཞུང་ཤིང་། ནང་པ་སངས་རྒྱས་པའི་མདོ་སྔགས་ལམ་ཡོངས་རྫོགས་ཀྱི་ཉིང་ཁུ་མེད་དུ་མི་རུང་བའི་ཟབ་གནད་ཁྱད་འཕགས་སུ་གྲུབ་པ། ཞེས་བསྔགས་པ་མཛད་པ་ལྟར་ཉམས་ལེན་གྱི་ཟབ་གནད་མང་དུ་འདུས་ཤིང་། ཚིག་ཚོགས་ཉུང་ལ་གོ་བདེ་བ་སོགས་ཀྱི་ཁྱད་ཆོས་མང་དུ་མཆིས་པ་ལགས།

མཛད་པ་པོ། རྒྱལ་ཚབ་དར་མ་རིན་ཆེན།
བརྗོད་བྱ། བྱང་སེམས་ཀྱི་སྤྱོད་པ་ཉམས་ལེན་གྱི་སྐོར།
རིག་མཛོད་འཕྲུལ་དེབ་ཨང་། SJRB-0197
ཡིག་ཆའི་རྣམ་པ། PDF པར་གཞི། བཀྲས་ལྷུན་ཤིང་པར།
ཤོག་གྲངས། 346 ལྗིད་ཚད། 1.8MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༣ཟླ་བདུན་པར་གསར་དུ་རྩོམ་སྒྲིག་བྱས།
མཛད་པ་པོའི་ངོ་སྤྲོད་མདོར་བསྡུས། དགའ་ལྡན་ཁྲི་ཐོག་གཉིས་པ་རྒྱལ་ཚབ་དར་མ་རིན་ཆེན་མཆོག་ནི་ཕྱི་ལོ་༡༣༦༤ ལོར་གཙང་ཉང་སྟོད་དུ་ཡབ་བློན་པོ་རྦ་ཡི་རིགས་རྒྱུད་རྟ་དཔོན་པ་དང་། ཡུམ་ཇོ་མོ་ཤེས་རབ་མ་གཉིས་ཀྱི་སྲས་སུ་འཁྲུངས།
དགུང་ལོ་བཅུ་པར་གནས་སྙིང་དུ་མཁན་པོ་རིན་ཆེན་རྒྱལ་མཚན་ལས་རབ་ཏུ་བྱུང་ཞིང་མཚན་ལ་དར་མ་རིན་ཆེན་གསོལ། གངས་ཅན་པ་ཀུན་དགའ་དཔལ་གྱི་དྲུང་ནས་ཡི་གེ་འབྲི་ཀློག་སོགས་བསླབས། བཀའ་བཞི་པ་རིན་ཆེན་རྡོ་རྗེ་དང་། རྗེ་བཙུན་རེད་མདའ་བ་གཞོན་ནུ་བློ་གྲོས་དང་། ཉ་དབོན་པ་སོགས་ལས་མདོ་སྔགས་ཀྱི་གཞུང་མང་མཁས་པར་སྦྱངས། དགུང་ལོ་ཉེར་ལྔ་པར་ཉ་དབོན་ཀུན་དགའ་དཔལ་གྱི་དྲུང་ནས་བསྙེན་པར་རྫོགས། ས་སྐྱ་དང་། གསང་ཕུ། རྩེད་ཐང་སོགས་སུ་དཀའ་བཅུའི་གྲྭ་སྐོར་མཛད་དེ་མཁས་པའི་གྲགས་པ་རྒྱས་ཤིང་དཀའ་བཅུ་པ་ཞེས་པའི་མཚན་ཡང་ཐོགས། ལོ་རྒྱུས་ཐོག་དཀའ་བཅུའི་གྲྭ་སྐོར་མཛད་པའི་སྲོལ་ཡང་ཐོག་མར་འདི་ནས་བྱུང་བར་གྲགས། དེ་ནས་མི་རིང་བར་ཙོང་ཁ་པའི་སློབ་མ་གཙོ་བོར་གྱུར།
འཇམ་མགོན་བླ་མ་ཙོང་ཁ་པ་ཆེན་པོས་དབུ་ཞྭ་དང་སྐུ་བེར་གནང་སྟེ་རྒྱལ་ཚབ་ཏུ་བཞུགས་དགོས་པར་དོན་གྱིས་གོ་བར་མཛད་ཅིང་། རྗེ་རིན་པོ་ཆེ་དགའ་ལྡན་དུ་གཤེགས་རྗེས་བུ་སློབ་རྣམས་ཀྱིས་གསོལ་བ་བཏབ་སྟེ་དགུང་ལོ་ང་དྲུག་ཐོག་དགའ་ལྡན་ཁྲིར་ཕེབས་ཏེ་ལོ་བཅུ་གསུམ་བསྐྱངས། འཇམ་མགོན་བླ་མའི་བསྟན་པ་བཤད་སྒྲུབ་འཆད་ཉན་གྱི་སྒོ་ནས་ཉིན་མོ་ལྟར་གསལ་བར་མཛད།
དགུང་ལོ་རེ་དགུ་ཕྱི་ལོ་༡༤༣༢ལོར་རྩེ་པོ་ཏ་ལར་དགོངས་པ་ཞི་དབྱིངས་སུ་གཤེགས་པའི་ཚུལ་བསྟན།
སློབ་མ་ཡང་མཁས་གྲུབ་དགེ་ལེགས་དཔལ་བཟང་སོགས་རྗེའི་དངོས་སློབ་ཕལ་ཆེ་བ་འདི་བའི་སློབ་མར་ཡང་གྱུར། གསུང་རྩོམ་ཁྱོན་བསྡོམས་པོད་ཆེན་པོ་བརྒྱད་བཞུགས།

མཛད་པ་པོ། ཀ་མ་ལ་ཤཱི་ལ།
བརྗོད་བྱ། བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0108
ཡིག་ཆའི་རྣམ་པ། PDF
ཤོག་གྲངས། 138 ལྗིད་ཚད། 999KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༦ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༣ ཟླ་ ༡ ཚེས་ ༢༨ ལ་བསྐྱར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

སློབ་དཔོན་ཀ་མ་ལ་ཤཱི་ལ་ནི། མཁན་ཆེན་ཞི་བ་འཚོའི་དངོས་སློབ་ཡིན་ཞིང་། རྣལ་འབྱོར་སྤྱོད་པའི་དབུ་མ་རང་རྒྱུད་པའི་རང་ལུགས་འཛིན་པའི་རྒྱ་གར་གྱི་པཎྜི་ཏ་ཆེན་པོ་ཞིག་ཡིན། རྒྱལ་པོ་ཁྲི་སྲོང་ལྡེ་བཙན་གྱིས་མཁན་ཆེན་ཞི་བ་འཚོ་སྐུ་གཤེགས་ཁའི་ཞལ་ཆེམས་ལྟར། བལ་ཡུལ་ནས་བསམ་ཡས་སུ་གདན་དྲངས། སློབ་དཔོན་གྱིས་ཧཱ་ཤང་མ་ཧཱ་ཡ་ན་དང་རྩོད་པ་མཛད་དེ་ཧཱ་ཤང་ཕམ་པར་བྱས་ཤིང་བོད་ནས་ཕར་བསྐྲད། བཙན་པོ་ཁྲི་སྲོང་ལྡེ་བཙན་གྱིས་བསྐུལ་བ་ལྟར། བསྒོམ་རིམ་དང་པོ་དང་། བར་པ། ཐ་མ་བཅས་ཆེད་དུ་རྩོམ་པར་མཛད། སླར་ཡང་སྒོམ་རིམ་གསུམ་གྱི་དོན་འགྲེལ་དུ་དབུ་མ་སྣང་བ་བརྩམས། གཞན་ཁོང་གིས་མཛད་པའི་ཤེར་ཕྱིན་བདུན་བརྒྱ་པའི་རྒྱ་ཆེར་བཤད་པ་སོགས་ཡོད། འཁྲུངས་འདས་ཀྱི་ལོ་ཚིགས་སོགས་གསལ་པོ་ཞིག་ལོ་རྒྱུས་རྣམས་སུ་མཐོང་མ་སོང་ལ། གཤེགས་རྐྱེན་ལའང་མི་མཐུན་པ་ཁ་ཤས་ཤིག་འབྱུང་བ་ནི་འདིར་མ་བཀོད་དོ། །

མཛད་པ་པོ། བླ་མ་ཐུབ་བསྟན་བཟོད་པ།
བརྗོད་བྱ། བློ་སྦྱོང་སྐོར།
རིག་མཛོད་འཕྲུལ་དེབ་ཨང་། SJRB-0300
ཡིག་ཆའི་རྣམ་པ། PDF
ལྗིད་ཚད། 996KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༦ ལོའི་ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། བླ་མ་ཐུབ་བསྟན་བཟོད་པ་རིན་པོ་ཆེ་ནི། ཕྱི་ལོ་༡༩༤༦ཤར་ཁུམ་བུའི་ཁུལ་དུ་སྐུ་འཁྲུངས། དགུང་ལོ་གསུམ་གྱི་སྐབས་ལཱའུ་རྡོ་བླ་མ་ཞེས་པའི་ཡང་སྲིད་དུ་ངོས་འཛིན་གནང། སྦག་ས་ཆོས་སྒར་དུ་གཞུང་ཆེན་ཁག་ལ་ཐོས་བསམ་མཛད། ༡༩༦༧ ལོར་བླ་མ་ཐུབ་བསྟན་ཡེ་ཤེས་དང་ལྷན་དུ་བལ་ཡུལ་དུ་བྱོན་ཏེ་འོག་མིན་བྱང་ཆུབ་ཆོས་གླིང་སོགས་དགེ་འདུན་གྱི་སྡེ་མང་པོ་རིམ་གྱི་བཙུགས། ༡༩༧༤ལོར་བླ་མ་ཐུབ་བསྟན་ཡེ་ཤེས་དང་ལྷན་དུ་ནུབ་ཕྱོགས་རྒྱལ་ཁབ་ཁག་ཏུ་བསྐྱོད་དེ་ནང་པའི་ཆོས་ཚོགས་བརྒྱ་དང་གྱ་བཞི་ཙམ་བཙུགས་ཤིང་སྤྱི་ཚོགས་ལ་ཕན་བདེ་རྒྱ་ཆེར་སྒྲུབ་བཞིན་བཞུགས་པ་ལགས་སོ། །

མཛད་པ་པོ། རྒྱལ་སྲས་ཐོགས་མེད་བཟང་པོ།
བརྗོད་བྱ། རྒྱལ་སྲས་ཀྱི་སྤྱོད་པའི་སྐོར།
རིག་མཛོད་འཕྲུལ་དེབ་ཨང་། SJRB-0241
ཡིག་ཆའི་རྣམ་པ། PDF
ལྗིད་ཚད། 347KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༧ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། རྒྱལ་སྲས་ཐོགས་མེད་བཟང་པོ་མཆོག་ནི། ཕྱི་ལོ་ ༡༢༩༥ ལོར་འཁྲུངས། དགུང་ལོ་བཅུ་བཞིའི་སྐབས་བསམ་གླིང་པ་དཔལ་འབར་ལས་རབ་ཏུ་བྱུང་། མཚན་ལ་བཟང་པོ་དཔལ་དུ་གསོལ། དགུང་ལོ་བཅོ་ལྔའི་སྐབས་སློབ་དཔོན་ཀུན་དགའ་རྒྱལ་མཚན་ལས་མངོན་པ་སོགས་ལ་ཐོས་བསམ་མཛད། འཇམ་དབྱངས་ཉི་མ་རྒྱལ་མཚན་གྱིས་མངོན་པའི་སྐོར་ལ་དྲི་བ་གནང་བར་ལན་ཐོགས་མེད་དུ་གནང་བས། ཐོགས་མེད་བཟང་པོ་དཔལ་ཞེས་གྲགས། དགུང་ལོ་ཉེར་གཅིག་ནས་གཞུང་ཆེན་འཆད་ཁྲིད་ཀྱི་དབུ་བཙུགས། དགུང་ལོ་སུམ་ཅུའི་སྐབས་མཁན་པོ་བྱང་སེམས་རིན་ཆེན་སོགས་ལས་བསྙེན་པར་རྫོགས། དགུང་ལོ་སོ་གཉིས་ཀྱི་སྐབས་རྟ་རའི་གདན་ས་མཛད། སློབ་མའི་གཙོ་བོ་ལ་རེད་འདའ་བ་གཞོན་ནུ་བློ་གྲོས་སོགས་བྱུང་། ཕྱི་ལོ་༡༣༦༩ ལོར་སྐུ་གཤེགས། གསུང་རྩོམ་ལ། རྒྱལ་སྲས་ལག་ལེན་སོགས་ཆོས་ཚན་བརྒྱ་དང་བཅོ་ལྔ་བཞུགས།