མཛད་པ་པོ། ས་ཆེན་ཀུན་དགའ་སྙིང་པོ།
བརྗོད་བྱ། བསྟོད་ཚོགས།
རིག་མཛོད་འཕྲུལ་དེབ་ཨང་། SJRB-0097
ཡིག་ཆའི་རྣམ་པ། PDF
ལྗིད་ཚད། 326KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༦ ལོའི་ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ས་ཆེན་ཀུན་དགའ་སྙིང་པོ། བོད་དུ་དཔལ་ས་སྐྱར་འཁོན་དཀོན་མཆོག་རྒྱལ་པོའི་སྲས་སུ་སྐུ་འཁྲུངས། ས་སྐྱ་གོང་མ་ལྔའི་ནང་གི་དཀར་པོ་རྣམ་གསུམ་གྱི་ཡ་གྱལ་དུ་བགྲངས། བ་རི་ལོ་ཙཱ་བ་སོགས་ལས་མདོ་སྔགས་ཀྱི་གཞུང་ལུགས་སྤྱི་དང་གཙོ་བོ་སྔགས་ལ་སློབ་གཉེར་གནང་། དགུང་ལོ་ཉི་ཤུ་ནས་དྲུག་ཅུ་རེ་བདུན་གྱི་བར་ས་སྐྱའི་གདན་ས་མཛད། འདིས་མཛད་པའི་གསུང་རྩོམ་ལ་པོད་གཉིས་བཞུགས། གཡས་རུ་སྐྱ་བོ་ཁ་གདངས་སུ་སྐུ་གཤེགས། རྣམ་ཐར་རྒྱས་པ། བདག་ཆེན་ཨ་མེས་ཞབས་ཀྱིས་མཛད་པའི་[ས་སྐྱའི་གདུང་རབས་རིན་ཆེན་བང་མཛོད་]དུ་གསལ།

མཛད་པ་པོ། རྗེ་བཙུན་ཏཱ་ར་ནཱ་ཐ།
བརྗོད་བྱ། འཕགས་ཡུལ་དུ་དམ་པའི་ཆོས་ཀྱི་བྱུང་རབས།
རིག་མཛོད་འཕྲུལ་དེབ་ཨང་། SJRB-0201
ཡིག་ཆའི་རྣམ་པ། PDF
ལྗིད་ཚད། 1.9MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། རྗེ་བཙུན་ཏཱ་ར་ནཱ་ཐ་མཆོག་ནི། ཕྱི་ལོ་༡༥༧༥ལོར་དབུས་ཀྱི་ཇོ་མོ་ཁ་རག་དང་ཉེ་བར་སྐུ་འཁྲུངས། དགུང་ལོ་བཞི་པར་ཇོ་ནང་བླ་མ་ཀུན་དགའ་གྲོལ་མཆོག་གི་ཡང་སྤྲུལ་དུ་ངོས་འཛིན་མཛད། སྟག་ལུང་པ་ཀུན་དགའ་བཀྲ་ཤིས་རྒྱལ་མཚན་གྱི་དྲུང་ནས་བཀའ་གདམས་གླེགས་བམ་གྱི་ལུང་ཞུས་པ་དང་སྦྲགས་རབ་བྱུང་དང་དགེ་ཚུལ་གྱི་སྡོམ་པའང་མནོས། རྗེ་གྲུབ་པའི་དབང་ཕྱུག་ལས་རས་ཆུང་སྙན་བརྒྱུད་ཀྱི་ཆོས་རྫོགས་པར་ཞུས། དགུང་ལོ་བཅུ་བདུན་པར་བསྙེན་པར་རྫོགས། དབུས་སུ་ཕེབས་ཏེ་རིས་མེད་ཀྱི་བླ་མ་མང་པོ་ལས་ཆོས་མང་དུ་གསན། དགུང་ལོ་སོ་གཅིག་ནས་རིས་མེད་ཀྱི་བླ་སློབ་མང་པོར་མདོ་སྔགས་འཆད་མཉན་མཛད། དགུང་ལོ་ཞེ་གཅིག་པར་རྟག་བརྟན་དམ་ཆོས་གླིང་གི་གནས་གཞི་གསར་དུ་བཙུགས། ༡༦༣༤ ལོར་སྐུ་གཤེགས། ཁོང་གི་གསུང་རྩོམ་ལ་པོ་ཏི་ཀ་ནས་ཙའི་བར་བཅུ་བདུན་བཞུགས།

མཛད་པ་པོ། ཨ་མྱེས་ཀུན་དགའ་བསོད་ནམས།
བརྗོད་བྱ། གདུང་རབས།
རིག་མཛོད་འཕྲུལ་དེབ་ཨང་། SJRB-0251
ཡིག་ཆའི་རྣམ་པ། PDF
དེབ་ཀྱི་ལྗིད་ཚད། 3.3MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ཨ་མེས་ཀུན་དགའ་བསོད་ནམས་གྲགས་པ་རྒྱལ་མཚན་མཆོག་ནི། ཕྱི་ལོ་༡༥༣༧ ལོར་ས་སྐྱའི་ལྷ་ཁང་ཆེན་མོ་ཕུན་ཚོགས་གླིང་གི་བླ་བྲང་དུ་སྐུ་འཁྲུངས། དཔལ་ས་སྐྱའི་གདན་ས་ཆེན་པོའི་ཁྲི་རབས་ཉེར་དྲུག་པ་དང་། གདུང་རབས་བཅུ་པ་ཡིན། ཡོངས་གྲགས་སུ་མཚན་གཞན་ལ་བདག་ཆེན་ངག་དབང་ཀུན་དགའ་བསོད་ནམས་ཞུ། མདོ་རྒྱུད་སྤྱི་དང་དཔལ་ས་སྐྱའི་གསུང་ངག་ལམ་འབྲས་དང་བཅས་པ་ལ་སྦྱངས། དགུང་གྲངས་ཉི་ཤུ་རྩ་དགུ་[ཁ་ཤས་སུ་རྩ་བཞི་གསུངས།]ལ་དཔལ་ས་སྐྱའི་གདན་ས་ཆེན་པོའི་ཁྲིར་བཞུགས་ནས་ལོ་ངོ་སུམ་ཅུ་ལྷག་གི་རིང་དུ་ཆོས་སྲིད་གཉིས་ཀྱིས་ལེགས་པར་བསྐྱངས། འདས་ལོ་མི་གསལ།

མཛད་པ་པོ། ཆོས་རྒྱལ་སྲོང་བཙན་སྒམ་པོ།
བརྗོད་བྱ། བོད་ཀྱི་ལོ་རྒྱུས་ཀྱི་བྱུང་བ།
རིག་མཛོད་འཕྲུལ་དེབ་ཨང་། SJRB-0224
ཡིག་ཆའི་རྣམ་པ། PDF
ལྗིད་ཚད། 1.6MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ཆོས་རྒྱལ་སྲོང་བཙན་སྒམ་པོ་ནི། འཁྲུངས་འདས་ཀྱི་སྐོར་ལ་མི་མཐུན་པ་མང་ན་ཡང་། དུང་དཀར་ཚིག་མཛོད་དུ། ཕྱི་ལོ་༦༡༧ ལོར་འཁྲུངས་པ་དང་། ༦༥༠ ལོར་སྐུ་གཤེགས་པར་བཤད། རྒྱལ་པོ་འདི་སྐུ་ན་ཕྲ་བའི་སྐབས་ནས་རྒྱལ་སྲིད་བཟུང་སྟེ། ཕྱི་ནང་གི་དུས་ཟིང་ལྷིང་འཇགས་དང་། རྒྱལ་ཕྲན་ཁ་ཐོར་ཚང་མ་མངའ་འོག་ཏུ་བསྡུས་ཏེ་བོད་རྒྱལ་ཁབ་གཅིག་གྱུར། པོ་ཏཱ་ལའི་རི་ལ་ཕོ་བྲང་བརྩིགས་ཤིང་། བོད་ཡིག་གི་སྲོལ་བཏོད། དམ་པའི་ཆོས་ཐོག་མར་བོད་ཡིག་ཏུ་བསྒྱུར། བཀའ་ཡི་ཁྲིམས་ཡིག་ཆེན་པོ་རྣམ་དྲུག་མཛད། རྒྱལ་ཁབ་གཞན་ནས་ཆོས་དང༌། སྨན། རྩིས། སྒྱུ་རྩལ། དཔལ་འབྱོར་སོགས་ཀྱི་སྲོལ་རྒྱུན་སྣ་ཚོགས་བོད་དུ་དྲངས། བོད་ཁམས་དར་ཞིང་རྒྱས་པར་གྱུར་ཅིང༌། རྗེ་འདི་དང་མོང་བཟའ་གཉིས་ལ་སྲས་གུང་རི་གུང་བཙན་བྱུང་ཡང་ཡབ་རྗེའི་གོང་དུ་འདས་པས་རྒྱལ་ས་དབོན་སྲས་མང་སྲོང་མང་བཙན་ལ་བསྐུར། དེ་དག་གི་ལོ་ཚིགས་ལ་བཞེད་ཚུལ་མི་འདྲ་བ་མང་ངོ་། །

མཛད་པ་པོ། དགེ་འདུན་ཆོས་འཕེལ།
བརྗོད་བྱ། བོད་ཀྱི་རྒྱལ་རབས།
རིག་མཛོད་འཕྲུལ་དེབ་ཨང་། SJRB-0177
ཡིག་ཆའི་རྣམ་པ། PDF
ལྗིད་ཚད། 838KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་གཉིས་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། མཁས་དབང་དགེ་འདུན་ཆོས་འཕེལ་ནི། མདོ་སྨད་རེབ་གོང་ཞོ་འཕོང་དུ་སྐུ་འཁྲུངས། གཡའ་མ་བཀྲ་ཤིས་འཁྱིལ་དུ་ཆོས་ཞུགས་བྱས། དེར་སུམ་རྟགས་དང་སྙན་ངག་སོགས་སྦྱངས། དགུང་ལོ་བཅོ་ལྔ་ནས་ལྡི་ཚ་བཀྲ་ཤིས་ཆོས་སྡིངས་སུ་ཞུགས་ཏེ་གཞུང་ལ་སློབ་གཉེར་གནང་། དགུང་ལོ་བཅུ་དགུའི་སྐབས་དགེ་ཚུལ་གྱི་སྡོམ་པ་བཞེས་ཏེ་མཚན་ལ་དགེ་འདུན་ཆོས་འཕེལ་གསོལ། བླ་བྲང་བཀྲ་ཤིས་འཁྱིལ་དུ་ཕེབས་ཏེ་ཚད་མ་དང་ཕར་ཕྱིན་ལ་སྦྱངས་པ་མཛད། དགུང་ལོ་ཉེར་ལྔའི་སྐབས་དབུས་སུ་ཕེབས་ཏེ་འབྲས་སྤུངས་སྒོ་མང་གྲྭ་ཚང་དུ་ཞུགས། དགུང་ལོ་སུམ་ཅུའི་སྐབས་པཎྜི་ཏ་ར་ཧུ་ལས་གདན་ཞུས་ལྟར་རྒྱ་གར་དུ་ཕེབས། དགུང་ལོ་ཞེ་གཉིས་པར་ཁྲི་བྱང་རིན་པོ་ཆེ་དང་ཀ་ཤོད་པ་གཉིས་ཀས་གདན་འདྲེན་ཞུས་པ་ལྟ་བོད་དུ་ཕྱིར་ཕེབས། དགུང་ལོ་ཞེ་བཞི་པར་བཙོན་དུ་བཅུག །༡༩༥༡ སྐུ་གཤེགས་སོ། །ད་ལྟ་ཁོང་གི་གསུང་རྩོམ་ལག་སོན་བྱུང་བ་ཆོས་ཚན་ཉེར་བཞི་བཞུགས་ལ། བསྒྱུར་རྩོམ་ལ་ཆོས་ཚན་དགུ་བཞུགས།