སྒྲ་ཨང་། KADZT2060157
མཁས་པ་གཞན། [གཞུང་ཆེན།] སྤྱིའི་ཨང་། ༢༠༠
རྣམ་པ། MP3 རྣམ་གྲངས། 26 ཆེ་ཆུང་། 2.61 GB
ཁྲིད་གཞུང་། རྣམ་འགྲེལ་ཐར་ལམ་གསལ་བྱེད།
མཛད་པ་པོ། རྒྱལ་ཚབ་དར་མ་རིན་ཆེན། [༡༣༦༤-༡༤༣༢]
ཁྲིད་མཚམས། ལེའུ་གཉིས་པ།
འཁྲིད་མཁན། དགེ་བཤེས་བློ་བཟང་ཆོས་འཕེལ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་ ༠༤།༠༣ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་ཉེར་གསུམ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་བློ་བཟང་ཆོས་འཕེལ་ནི། ༡༩༦༣ ལོར་ལྷོ་ཁ་ཁུལ་དུ་སྐུ་འཁྲུངས། ཆུང་དུས་དམངས་བཙུགས་སློབ་གྲྭ་འགྲིམས་ཏེ་བོད་ཡིག་འབྲི་ཀློག་སོགས་ལ་སྦྱངས། ༡༩༨༢ ལོར་དགའ་ལྡན་དུ་ཆོས་སྒོར་ཞུགས། ༨༣ ལོར་འཕགས་ཡུལ་དུ་ཕེབས་ཏེ། སེར་བྱེས་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར་གནང་། ༨༥ ལོར་༧ གོང་ས་མཆོག་ལས་བསྙེན་རྫོགས་ཀྱི་སྡོམ་པ་མནོས། སློབ་གཉེར་གྱི་སྐབས་ཏེ་ཆོས་ར་འགྲིམ་བཞིན་པའི་སྐབས་ནས་སློབ་གཉེར་པ་རྣམས་ལ་ཉིན་རེར་འཛིན་གྲྭ་ལྔ་དྲུག་རེར་དཔེ་ཁྲིད་ཆད་མེད་གནང་། ༢༠༠༡ ལོར་དགེ་བཤེས་ལྷ་རམས་པའི་དམ་འཇོག་དང་། ལྷ་རམས་ཨང་དང་པོའི་མཚན་རྟགས་བཞེས། དགེ་བཤེས་ཐོན་པ་དང་དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས། རྒྱུན་དུ་སློབ་གཉེར་པ་བརྒྱ་ཕྲག་མང་པོར་དཔེ་ཁྲིད་དང་། ༢༠༠༥ ལོར་ཨ་ཏི་ཤ་ཆོས་ཚོགས་ནས་གདན་ཞུས་ལྟར་ཐེ་ཝན་དུ་ཕེབས་ཏེ། ཤཱཀྱའི་འོད་སྣང་སློབ་གྲྭའི་དགེ་རྒན་སོགས་གནང་བཞིན། ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་བཞིན་བཞུགས་པ་དང་། ༢༠༡༨ ལོར་དཔལ་ལྡན་སྨད་རྒྱུད་གྲྭ་ཚང་གི་དགེ་བསྐོས་གནང་།