-
མདུན་ངོས།
- གདམས་པ་གསེར་གྱི་ཕྱེ་མ།
གདམས་པ་གསེར་གྱི་ཕྱེ་མ།
དྲ་ངོས་འདིར་རྒྱ་བོད་ཀྱི་ནང་པའི་སྐྱེས་ཆེན་དམ་པ་དག་གིས་དམ་པ་ལྷ་ཆོས་ཀྱི་ཕྱོགས་ནས་གནང་བའི་གདམས་པ་ཐོར་བུ་རྣམས་ཕྱོགས་བཏུས་ཀྱིས་རེའུ་མིག་ཏུ་བཀོད་ཡོད།
- Details
- དྲ་འཇུག་པ། སེར་བྱེས་རིག་མཛོད་ཆེན་མོ།
- སྡེ་ཚན། གདམས་པ་གསེར་གྱི་ཕྱེ་མ།
- ཀློག་གྲངས། 3801
| 11. དགེ་བཤེས་པོ་ཏོ་བའི་ཞལ་ནས། སྔར་དེ་ཙམ་ཞིག་འཁྱམས་པ་ལ་རང་ལོག་མ་བྱུང་ཙ་ན། ད་ཡང་རང་ལོག་མི་འོང་བས་བཟློག་དགོས། བཟློག་པའི་དུས་ཀྱང་དེ་རེས་དལ་འབྱོར་ཐོབ་པའི་དུས་འདིར་ཡིན། |
| 12. དགེ་བཤེས་ཁ་རག་སྒོམ་ཆུང་གི་ཞལ་ནས། དད་པ་མེད་པའི་མི་ལ་ཡོན་ཏན་གྱི་རྣམ་པ་གང་ཡང་མི་འབྱུང་བས་དགེ་བའི་བཤེས་གཉེན་བསྟེན་ཅིང་མདོ་སྡེ་བལྟ། བརྩོན་འགྲུས་མེད་པའི་མི་ལ་ཡོན་ཏན་གྱི་རྣམ་པ་གང་ཡང་མི་འབྱུང་བས་འཆི་བ་མི་རྟག་པ་བསྒོམ་ཞིང་ལེ་ལོ་སྤོངས། ང་རྒྱལ་ཅན་གྱི་གང་ཟག་ལ་ཡོན་ཏན་གྱི་རྣམ་པ་གང་ཡང་མི་འབྱུང་བས་རང་མགོ་སྨོད་ལ་དམན་ཆ་བཟུང་། ཆོས་དེ་གསུམ་དང་ལྡན་ན་ཉན་ཐོས་ཀྱི་རྟེན་དུའང་རུང་། བྱང་ཆུབ་སེམས་དཔའི་རྟེན་དུའང་རུང་། གསང་སྔགས་ཀྱི་རྟེན་དུའང་རུང་། མདོར་ན་ཡོན་ཏན་ཐམས་ཅད་ཀྱི་རྟེན་དུ་རུང་བ་ཡིན། |
| 13. དགེ་བཤེས་ཁ་རག་སྒོམ་ཆུང་གི་ཞལ་ནས། དགོས་པ་གསུམ། དང་པོ་འཆི་བས་འཇིགས་པ་ཞིག་དགོས། བར་དུ་ཤི་ཡང་མི་འགྱོད་པ་ཞིག་དགོས། ཐ་མ་ཤི་བས་མི་འཇིགས་པ་ཞིག་དགོས་སོ། ། |
| 14. དགེ་བཤེས་ཁ་རག་སྒོམ་ཆུང་གི་ཞལ་ནས། ཕན་མེད་བདུན། སྐྱབས་འགྲོ་ནས་སྔགས་ཀྱི་བར་དུ་སྡོམ་པ་ཐམས་ཅད་བླངས་ཀྱང་། འཇིག་རྟེན་པའི་ཆོས་ལས་བློ་མ་ལོག་ན་ཕན་མེད། དུས་རྒྱུན་དུ་གཞན་ལ་ཆོས་འཆད་ཀྱང་། རང་གི་ང་རྒྱལ་མ་ཞི་ན་ཕན་མེད། ཡར་སྐྱེད་སྟོན་ཀྱང་། སྐྱབས་འགྲོའི་ཆོས་གཞུག་ཤོར་ན་ཕན་མེད། ཉིན་མཚན་མེད་པར་དགེ་སྦྱོར་ལ་འབད་ཀྱང་། བྱང་ཆུབ་སེམས་ཀྱིས་མ་ཟིན་ན་ཕན་མེད། ཀུན་བཏགས་གཞན་དབང་ལ་སོགས་པ་གཏན་ལ་ཕེབས་ཀྱང་། སྒྱུ་མ་ལྟ་བུར་མ་ཤེས་ཕན་མེད། སྡེ་སྣོད་གསུམ་ཤེས་ཀྱང་། བླ་མ་ལ་མོས་གུས་མེད་ན་ཕན་མེད། སྟོང་པ་ཉིད་བསྒོམས་ཀྱང་། ཉོན་མོངས་པའི་གཉེན་པོར་མ་སོང་ན་ཕན་མེད། |
| 15. དགེ་བཤེས་ཁ་རག་སྒོམ་ཆུང་གི་ཞལ་ནས། ལོག་པ་ལྔ། གང་སུ་ལས་ཀྱང་ལྷག་པར་བྱ་བའི་ཕྱིར་ཐོས་པ་བྱེད་པ་ལོག །རྙེད་པ་དང་གྲགས་པའི་ཕྱིར་གཞན་ལ་ཆོས་འཆད་པ་ལོག །སྒོམ་གྱི་གདམས་པ་མེད་པར་བསམ་གཏན་ལ་སྙོམས་པར་འཇུག་པ་ལོག །རྙེད་བཀུར་འོང་ལ་རེ་ནས་ཚུལ་ཁྲིམས་བསྲུང་བ་ལོག །ཐམས་ཅད་དབང་དུ་བསྡུ་བའི་ཕྱིར་སྦྱིན་པ་གཏོང་བ་ལོག་གོ ། |
| 16. དགེ་བཤེས་ཁ་རག་སྒོམ་ཆུང་གི་ཞལ་ནས། རྩ་བ་བཞི། ཆང་བུད་མེད་ལ་དགའ་ན་ཉེས་པའི་རྩ་བ། ལས་དང་བྱ་བ་ལ་དགའ་ན་གཡེང་བའི་རྩ་བ། ནོར་རྫས་ལ་འཛིན་པ་ཆེ་ན་འཆིང་བའི་རྩ་བ། ཁ་དྲག་ལ་འབྱོར་ལྕོགས་ཆེ་ན་སྡིག་པའི་རྩ་བའོ། ། |
| 17. དགེ་བཤེས་ཁ་རག་སྒོམ་ཆུང་གི་ཞལ་ནས། གླེན་པ་དྲུག །སྡུག་བསྔལ་གྱི་རྩ་བར་གྱུར་པའི་འཁོར་འདམ་ལ་དགའ་ཞིང་བརྩེ་གདུང་བྱེད་པ་འདི་ཡང་གླེན། ཕུང་པོ་མི་རྟག་བརྙན་པོ་ལྟ་བུ་ལ་ལྷག་པར་བཀུར་སྟི་བྱེད་པ་འདི་ཡང་གླེན། སྡུག་བསྔལ་ཆེན་པོ་ནམ་ཡོང་ཆ་མེད་པར་ཚེ་འདི་འབའ་ཞིག་གི་ཞལ་ཏ་བྱེད་པ་འདི་ཡང་གླེན། ད་ལྟའི་སྡུག་བསྔལ་ཕྲན་ཚེགས་མི་བཟོད་པར་ཤི་ནས་ངན་སོང་དུ་སྡུག་བསྔལ་བཟོད་དུ་རེ་བ་འདི་ཡང་གླེན། ཟབ་ལ་རྒྱ་ཆེ་བའི་ཆོས་ལ་མི་སྤྱོད་པར་རང་གིས་རང་སྡུག་ཤོམ་པ་འདི་ཡང་གླེན། |
| 18. དགེ་བཤེས་ཤ་ར་བའི་ཞལ་ནས། ཆོས་ཀྱིས་ཕན་ན་ཕན་པར་བརྩི། གཞན་གྱིས་ཕན་པ་ཏ་ཕ་མས་ཀྱང་འདི་ལྟར་བྱེད་དེ་དེས་ཐར་པ་ལ་ཅང་མ་ཕན། གྲྭ་པ་ཆོས་ལ་མ་མགུ་ནས་སོང་ན་དེ་རང་གི་ཉེས་པར་བརྩི། གཞན་ལ་མ་མགུ་ནས་སོང་བ་རང་གི་ཉེས་པར་མི་བརྩི། |
| 19. དགེ་བཤེས་ཤ་ར་བའི་ཞལ་ནས། རྟེན་དང་བསྲུང་བ་མི་དགོས་པའི་གང་ཟག་གསུམ་ཡིན། དགེ་སློང་ཆོས་གོས་རྣམ་གསུམ་ལས་ཡོངས་སུ་བཟུང་བ་ཐམས་ཅད་སྤངས་ཏེ་ཉེས་པ་ཕྲ་ཞིང་ཕྲ་བས་ཀྱང་མ་གོས་པ་ཞིག་བྱུང་ན་རྟེན་དེ་ཉིད་མཆོད་གནས་ཡིན་པས་མི་དགོས། བྱང་ཆུབ་ཀྱི་སེམས་སྨོན་འཇུག་གཉིས་རྣལ་མར་ཡོད་པ་དེ་སེམས་ཅན་ཐམས་ཅད་ཀྱི་མཆོད་གནས་ཡིན་པས་མི་དགོས། སྔགས་པ་མཚན་ཉིད་དང་ལྡན་པ་སྣང་བ་ཐམས་ཅད་ལྷ་དང་ལྷ་མོར་ཤེས་པ་ལ་མི་དགོས་གསུངས། |
| 20. དགེ་བཤེས་ཤ་ར་བའི་ཞལ་ནས། ཚོང་དང་བུན་བསྐྱེད་ཀྱིས་ནོར་བསྒྲུབས་ནས་དཀོན་མཆོག་མཆོད་པ་དང་དབུལ་ཕོངས་ལ་སྦྱིན་གཏོང་བྱེད་པ་བྱུང་ན་ང་ནི་ཁྱེད་ལ་གཏོང་བའི་ཕན་ཡོན་མི་བརྗོད་ཀྱིས་འཛིན་པའི་ཉེས་དམིགས་བརྗོད་པ་ཡིན། |
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།
༢༠༡༩།༠༧།༢༨ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
འབྲེལ་ཡོད་ཚན་པ་དག
གདམས་པ་གསེར་གྱི་ཕྱེ་མ།
གདམས་པ་གསེར་གྱི་ཕྱེ་མ་གསུམ་པ།
སྡེ་ཚན། : གདམས་པ་གསེར་གྱི་ཕྱེ་མ། | ཀློག་གྲངས། 3375
གདམས་པ་གསེར་གྱི་ཕྱེ་མ་གཉིས་པ།
སྡེ་ཚན། : གདམས་པ་གསེར་གྱི་ཕྱེ་མ། | ཀློག་གྲངས། 3801
གདམས་པ་གསེར་གྱི་ཕྱེ་མ་དང་པོ།
སྡེ་ཚན། : གདམས་པ་གསེར་གྱི་ཕྱེ་མ། | ཀློག་གྲངས། 3728
གྲྭ་ཚང་གི་བྱེད་སྒོ་ཁག
༢༠༢༤ ལོའི་སྟོན་ཆོས་གསུམ་པའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 82
༢༠༢༤ ལོའི་སྟོན་ཆོས་གཉིས་པའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 119
༢༠༢༤ ལོའི་སྟོན་ཆོས་དང་པོའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 134
སེར་བྱེས་མཁས་སྙན་གྲྭ་ཚང་གི་སློབ་གཉེར་བའི་སློབ་ཚན་དང་རྒྱུགས་སྤྲོད་ཁག
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 179
༢༠༢༤ ལོའི་དབྱར་ཆོས་ཆེན་མོའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 245
༢༠༢༤ ལོའི་དབྱར་ཆོས་དང་པོའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 356
༢༠༢༤ ལོའི་དཔྱིད་ཆོས་ཆེན་མོའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 342
༢༠༢༢ ལོའི་སྟོན་ཆོས་གསུམ་པའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 11149
༢༠༢༢ ལོའི་སྟོན་ཆོས་གཉིས་པའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 10046
༢༠༢༢ ལོའི་སྟོན་ཆོས་དང་པོའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 10173
༢༠༢༢ ལོའི་དབྱར་ཆོས་ཆེན་མོའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 9952
༢༠༡༩ ལོའི་དབྱར་ཆོས་ཆེན་མོའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 9767
༢༠༡༨ ལོའི་སྟོན་ཆོས་གཉིས་པའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 9790
༢༠༡༨ ལོའི་སྟོན་ཆོས་དང་པོའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 9846
༢༠༡༨ ལོའི་དབྱར་ཆོས་ཆེན་མོའི་མཛད་རིམ།
སྡེ་ཚན། : གྲྭ་ཚང་གི་བྱེད་སྒོ་ཁག | ཀློག་གྲངས། 9771
