མཛད་པ་པོ། རྒྱལ་བ་བསོད་ནམས་རྒྱ་མཚོ།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0199
ཡིག་ཆའི་རྣམ་པ། PDF
ལྗིད་ཚད། 787KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྒྱལ་བ་བསོད་ནམས་རྒྱ་མཚོ་ནི། ཕྱི་ལོ་ ༡༥༤༣ ལོར་ལྷ་སའི་སྟོད་ལུང་མདའི་ཕྱོགས་སུ་སྐུ་འཁྲུངས། དགུང་ལོ་བཞི་པར་རྒྱལ་བ་དགེ་འདུན་རྒྱ་མཚོའི་ཡང་སྲིད་དུ་ངོས་འཛིན་མཛད་དེ་འབྲས་སྤུངས་སུ་གདན་སར་བཀོད། དགུང་ལོ་བདུན་པར་ཁྲི་ཆེན་བསོད་ནམས་གྲགས་པ་ལས་དགེ་ཚུལ་གྱི་སྡོམ་པ་མནོས། དགུང་ལོ་ཉེར་གཉིས་པར་ཁྲི་དགེ་ལེགས་དཔལ་བཟང་ལས་བསྙེན་རྫོགས་བསྒྲུབས། ཁྲི་ཆེན་མཆོག་སོགས་ལས་མདོ་སྔགས་གཞུང་ཁྲིད་དང་དབང་བཀའ་མང་པོ་གསན་པ་དང་། ཆོས་སྡེ་རྣམས་སུ་གསུང་ཆོས་ཀྱང་སྩལ། དགུང་ལོ་ཉེར་དྲུག་པར་འབྲས་སྤུངས་སུ་ཕན་བདེ་ལེགས་བཤད་གླིང་གསར་འཛུགས་གནང་། དགུང་ལོ་སོ་གཅིག་པར་རྣམ་རྒྱལ་གྲྭ་ཚང་ཕྱག་བཏབ།
དགུང་ལོ་སོ་བཞི་པར་སོག་པོའི་ཆ་ཧར་རྒྱལ་པོའམ་ཇིང་གིར་གྱི་གདུང་རབས་བཅུ་བདུན་པ་ཨལ་ཐན་ཁཱང་གིས་སོག་ཡུལ་དུ་གདན་དྲངས་ཏེ་༼ཐམས་ཅད་མཁྱེན་པ་བཛྲ་དྷ་ར་ཏཱ་ལའི་བླ་མ་༽ཞེས་པའི་མཚན་ཕུལ། དགུང་ལོ་སོ་བདུན་པར་ས་ཐམ་རྒྱལ་པོས་གདན་འདྲེན་ཞུས་པ་ལྟར་འཇང་ཡུལ་དང་ལི་ཐང་དུ་ཕེབས་ཏེ། དགོན་ཐུབ་བསྟན་བྱམས་ཆེན་ཕྱོགས་ལས་རྣམ་པར་རྒྱལ་བའི་གླིང་ཞེས་པའི་བཤད་གྲྭ་ཆེན་པོ་ཞིག་གསར་འདེབས་མཛད་ཅིང་བཀའ་ཆོས་གང་མང་གསུངས། དགུང་ལོ་བཞི་བཅུ་པར་རྗེ་ཙོང་ཁ་པ་ཆེན་པོའི་འཁྲུངས་པའི་གནས་སུ་བཤད་གྲྭ་སྐུ་འབུམ་བྱམས་པ་གླིང་ཕྱག་བཏབ། ཕྱི་ལོ་ ༡༥༨༨ ལོར་སོག་ཡུལ་འོ་ཐུ་མེ་འུར་སྐུ་གཤེགས། གསུང་རྩོམ་ལ་པོད་འབྲིང་གཅིག་ལྷག་བཞུགས།

མཛད་པ་པོ། དྭགས་པོ་ངག་དབང་གྲགས་པ།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0254
ཡིག་ཆའི་རྣམ་པ། PDF
ལྗིད་ཚད། 951KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
དྭགས་པོ་སྒོམ་ཆེན་ངག་དབང་གྲགས་པ་ནི། དུས་རབས་བཅོ་ལྔ་པའི་ལོ་རབས་ལྔ་བཅུའི་ཡར་མར་ཙམ་ལ་གཙང་ཕྱོགས་སུ་སྐུ་འཁྲུངས། དགུང་ལོ་ཆུང་ངུའི་དུས་ནས་རབ་ཏུ་བྱུང་སྟེ་ཡི་གེ་སྦྱོར་ཀློག་དང་འདོན་ཆོས་སྤྱོད་བཅས་ལ་བྱང་བར་མཛད། སེར་བྱེས་གྲྭ་ཚང་དུ་ཕེབས་ཏེ་གཞུང་ཆེན་པོ་ཏི་རྣམས་ལ་སྦྱངས་པ་གནང་། དཔལ་ལྡན་སྨད་རྒྱུད་གྲྭ་ཚང་དུ་ཕེབས་ནས་གསང་སྔགས་ཀྱི་གཞུང་དང་ཆོ་ག་ཕྱག་ལེན་བཅས་ལ་ལེགས་པར་སྦྱངས། དྭགས་པོ་གྲྭ་ཚང་གི་མཁན་ཁྲིར་ཕེབས། ཁྲི་ཐོག་གཉིས་པ་ཡིན། དེ་ནས་མི་རིང་བར་དཔལ་ལྡན་སྨད་རྒྱུད་གྲྭ་ཚང་གི་བླ་མ་དབུ་མཛད་དང་མཁན་ཁྲིར་ཕེབས་ཏེ་འཆད་ཉན་བསྐྱངས། དྭགས་སྟོད་རྒྱ་ཚར་ཟེ་གདོང་དགོན་དང་། ཨེར་རི་སྒོ་ཆོས་སྡེ་ཕྱག་བཏབ། དུས་རྒྱུན་ལྷ་སྡིངས་དགོན་དང་། པད་སྟེང་སོགས་སུ་བཞུགས་ཏེ་སྒྲུབ་པའི་རྒྱལ་མཚན་འཛིན་པ་ལ་རྩེ་གཅིག་ཏུ་གཞོལ། རྣམ་ཐར་ཁ་ཤས་སུ་དགའ་ལྡན་ཁྲིར་ཕེབས་པར་ཡང་བཤད་ཅིང་། རྒྱལ་ཚབ་དར་མ་རིན་ཆེན་དང་། མཁས་གྲུབ་དགེ་ལེགས་དཔལ་བཟང་སོགས་བསྟེན་ནས་གཞུང་ཆེན་ཁག་གསན་བསམ་གནང་བར་ཡང་བཤད་པ་སོགས་མཛད་རྣམ་ཞིབ་རྒྱས་ཤིག་མ་རྙེད་པས་རྣམ་ཐར་གསལ་པོ་ཞིག་འགོད་ཐབས་མ་བྱུང་། ཕྱི་ལོ་ ༡༧༣༤ ལོར་སྐུ་གཤེགས་པར་བཤད། གསུང་རྩོམ་ལ་རྟེན་འབྲེལ་བསྟོད་པའི་ཊཱིཀ་སོགས་པོད་འབྲིང་གསུམ་ཙམ་བཞུགས།

མཛད་པ་པོ། ཞྭ་དམར་དགེ་འདུན་བསྟན་འཛིན་རྒྱ་མཚོ།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0232
ཡིག་ཆའི་རྣམ་པ། PDF
ལྗིད་ཚད། 1.2MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཞྭ་དམར་དགེ་འདུན་བསྟན་འཛིན་རྒྱ་མཚོ་ནི། ཕྱི་ལོ་ ༡༨༥༢ ལོར་མདོ་སྨད་ཕྱོགས་སུ་སྐུ་འཁྲུངས། དགུང་ལོ་བཞི་པར་ལ་མོ་བདེ་ཆེན་དགོན་དུ་རོང་པོ་ཨ་ལགས་བསྟེན་ནས་ཡི་གེའི་སྦྱོར་ཀློག་དང་ཆོས་སྤྱོད་བཅས་ལ་སྦྱངས། དགུང་ལོ་བརྒྱད་པར་ཐར་ཤུལ་དགེ་འདུན་ཆོས་སྐྱོང་རྒྱ་མཚོ་ལས་རབ་ཏུ་བྱུང་། བདེ་ཆེན་དགོན་དུ་ཆོས་ཞུགས་མཛད་དེ་གཞུང་ཆེན་བཀའ་པོད་ལྔ་དང་གསང་ཆེན་རྒྱུད་སྡེ་བཞི་ལ་ཐོས་བསམ་ལེགས་པར་མཛད། དགུང་ལོ་བཅུ་དྲུག་པར་བླ་གཞུང་གི་དྲུང་ཡིག་མཛད། དགུང་ལོ་ཉེར་བདུན་པར་ཁུ་ལུགས་དགེ་བཤེས་ཉི་མ་རིན་པོ་ཆེའི་དྲུང་ནས་བསྙེན་རྫོགས་བསྒྲུབས། དགུང་ལོ་སོ་བཞི་ལ་རྭ་རྒྱ་དགོན་དུ་གཞུང་ཆེན་བཀའ་པོད་ལྔའི་དམ་བཅའ་བཞག །དགུང་ལོ་ལྔ་བཅུ་བར་མཚམས་ལ་བཞུགས། དགུང་ལོ་ང་གཅིག་ལ་ཐར་ཤུལ་རིན་པོཆེའི་གསུང་འབུམ་ལ་དཀར་ཆག་གསར་རྩོམ་མཛད། དགུང་ལོ་ང་གཉིས་ལ་ཕེབས་སྐབས་ལྡེ་ཚ་བཀྲ་ཤིས་ཆོས་སྡིངས་གསར་དུ་བཏབ། དགུང་ལོ་ང་བདུན་ལོར་ལ་མོ་བདེ་ཆེན་དགོན་པར་རྒྱུན་ཇའི་ཐེབས་རྩ་བཙུགས། རྒྱལ་བ་སྐུ་ཕྲེང་བཅུ་གསུམ་པ་ཆེན་པོར་གསུང་ཆོས་ཀྱང་ཕུལ། ཕྱི་ལོ་ ༡༩༡༢ ལོར་སྐུ་གཤེགས། ཁོང་ནི་ཞྭ་དམར་སྐུ་ཕྲེང་བཞི་པ་ཡིན། ཁོང་གི་གསུང་རྩོམ་ལ་པོད་དགུ་བཞུགས།

མཛད་པ་པོ། ཁྲི་བྱང་བློ་བཟང་ཡེ་ཤེས་བསྟན་འཛིན་རྒྱ་མཚོ།

བརྗོད་བྱ། ལམ་གྱི་རིམ་པ་ལ་བློ་སྦྱོང་བའི་ཐབས།
རིག་མཛོད་འཕྲུལ་དེབ་ཨང་། SJRB-0258
ཡིག་ཆའི་རྣམ་པ། PDF
ལྗིད་ཚད། 3.2MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཁྲི་བྱང་བློ་བཟང་ཡེ་ཤེས་བསྟན་འཛིན་རྒྱ་མཚོ། ཚལ་གུང་ཐང་དུ་འཁྲུངས། ཁྲི་བྱང་སྐུ་ཕྲེང་གསུམ་པ། དགུང་ལོ་ཆུང་ངུའི་དུས་ནས་ཁྲི་བྱང་སྐུ་གོང་མའི་ཡང་སྲིད་དུ་ངོས་འཛིན་གནང་། དགའ་ལྡན་ཤར་རྩེ་གྲྭ་ཚང་དུ་ཆོས་ཞུགས་མཛད་དེ་གཞུང་ཆེན་ལ་གསན་བཞེས་དང་། ཐ་སྙད་རིག་གནས་ལ་སྦྱངས་པ་མཛད། དགུང་ལོ་ཉེར་གཅིག་གི་སྐབས་ལྷ་རམས་པའི་དམ་བཅའ་གནང་། མདོ་སྔགས་ཀྱི་ཆོས་མང་དུ་གསན། དགུང་ལོ་སོ་བཞི་པར་རྒྱལ་བ་ཐུབ་བསྟན་རྒྱ་མཚོའི་གསེར་སྡོང་གསར་བཞེངས་ཀྱི་ཕྱག་ལས་གནང་། དགུང་ལོ་ཞེ་བཞིའི་སྐབས་༧གོང་ས་མཆོག་གི་མཚན་ཞབས་མཛད། དགུང་ལོ་ང་གཅིག་གི་སྐབས་༧གོང་ས་མཆོག་གི་ཡོངས་འཛིན་གནང་། ༡༩༨༢ ལོར་སྐུ་གཤེགས། གསུང་རྩོམ་ལ། པོ་ཏི་གཅིག་བཞུགས།

མཛད་པ་པོ། རྗེ་དགེ་འདུན་འཇམ་དབྱངས།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0255
ཡིག་ཆའི་རྣམ་པ། PDF
ལྗིད་ཚད། 889KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
དགེ་འདུན་འཇམ་དབྱངས་ནི། ཡར་ཀླུང་རི་བོ་ཆོས་གླིང་དང་དྭགས་པོ་གྲྭ་ཚང་ལ་ཆོས་ཞུགས་གྱིས་གཞུང་ཆེན་ལ་ཐུགས་གཉེར་གནང་ཞིང་། རྗེ་ངག་དབང་བསྟན་དར་གྱི་དྲུང་ནས་ལྷོ་བརྒྱུད་ལམ་གྱི་མྱོང་ཁྲིད་ལེགས་པར་ཞུས། རྣམ་ཐར་རྒྱས་པ་ཞིག་མ་རྙེད་པས་འདི་ཙམ་ལས་འབྲི་ཐབས་མ་བྱུང་།