-
མདུན་ངོས།
-
གསང་སྔགས།
-
རིམ་གཉིས་ཀྱི་ཁྲིད།
- རིག་མཛོད་རྩོམ་སྒྲིག་པ།
![རིག་མཛོད་རྩོམ་སྒྲིག་པ།](/media/k2/users/2.jpg)
རིག་མཛོད་རྩོམ་སྒྲིག་པ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས།
དྲ་ཚིགས།: www.serajeyrigzodchenmo.org ཡིག་འབྲེལ་དྲ་བྱང་། serajeyrigzodchenmo@gmail.com
ཁྲིད་གཞུང་། ཀུན་བཟང་བླ་མའི་ཞལ་ལུང་། [ཁ]
སྒྲ་ཨང་། KADLL2050425
མཁས་པ་གཞན། [ལམ་རིམ་བློ་སྦྱོང་།] སྤྱིའི་ཨང་། ༥༥༣
རྣམ་པ། MP3 རྣམ་གྲངས། 163 ཆེ་ཆུང་། 4.05 GB
ཁྲིད་གཞུང་། ཀུན་བཟང་བླ་མའི་ཞལ་ལུང་།
བརྗོད་བྱ། རྫོགས་པ་ཆེན་པོ་ཀློང་ཆེན་སྙིང་ཏིག་གི་སྔོན་འགྲོ།
མཛད་པ་པོ། ཀློང་ཆེན་རབ་འབྱམས་པ་དྲི་མེད་འོད་ཟེར། [ ༡༣༠༨-༡༣༦༣]
འཁྲིད་མཁན། མཁན་པོ་རྣམ་གྲོལ་མཆོག
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་ ༡༡།༡༢ ལ་གསར་སྒྲིག་བྱས།
༢༠༡༩ ལོའི་ཟླ་བདུན་པའི་ཚེས་ཉེར་དྲུག་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
མཁན་པོ་རྣམ་གྲོལ་མཆོག་ནི། ཕྱི་ལོ་ ༡༩༥༣ ལོར་སྡེ་དགེར་སྐུ་འཁྲུངས། དགུང་གྲངས་བདུན་པ་ ༡༩༥༩ ལོར་འཕགས་ཡུལ་དུ་ཕེབས་ཏེ་ལྷོ་ཕྱོགས་སྦེལ་ཀོབ་ས་གནས་སུ་བཞུགས། ༡༩༦༨ ལོར་ཟླ་དྲུག་རིང་སྔོན་འགྲོ་འབུམ་ལྔ་བསགས་སྦྱང་གནང་། སྨྱོ་ཤུལ་མཁན་རིན་པོ་ཆེ་དང་། མཁན་པོ་བརྩོན་འགྲུས་སོགས་ལས་སྟོང་ཐུན་སེངྒེའི་ང་རོ། རྩ་ཤེའི་མཆན་འགྲེལ། རིགས་ཚོགས་གཞན་རྣམས་དང་། ཤེར་ཕྱིན་དང་། དབུ་མ་སོགས་མདོ་ཕྱོགས་དང་། རང་གྲོལ་སྐོར་གསུམ། གསང་སྙིང་སྤྱི་དོན་མཛོད་ཀྱི་ལྡེ་མིག་སོགས་གསན། དགུང་གྲངས་ཉེར་ལྔ་པ་ ༡༩༧༧ ལོར་༧སྐྱབས་རྗེ་པད་ནོར་རིན་པོ་ཆེའི་བཀའ་དགོངས་ལྟར་མཁན་པོ་བརྩོན་འགྲུས་དང་ལྷན་རྣམ་གྲོལ་གླིང་དགོན་པར་ཕེབས། ༡༩༧༨ ལོར་མཐོ་སློབ་དབུ་བརྙེས་ནས་བཟུང་བཤད་གྲྭའི་སྒྲིག་གཞི་གཟིགས་རྟོག་དང་དཔེ་ཁྲིད་སོགས་ཀྱིས་འཛིན་སྐྱོང་གནང་། ༡༩༨༣ ལོར་༧སྐྱབས་རྗེ་པད་ནོར་རིན་པོ་ཆེས་མཁན་པོའི་མཚན་གནས་སྩལ། ༡༩༨༨ ལོར་༧མཁན་ཆེན་འཇིགས་མེད་ཕུན་ཚོགས་ལས་མདོ་སྔགས་སྤྱི་དང་། ཁྱད་པར་གསང་སྙིང་སྤྱི་དོན་འོད་གསལ་སྙིང་པོ་སོགས་དང་། ༡༩༩༢ ལོར་ཚིག་དོན་རིན་པོ་ཆེའི་མཛོད་སོགས་གསན། དེ་རྗེས་བཤད་གྲྭར་དབུ་མ་འཇུག་པ། སྤྱི་དོན་མཛོད་ཀྱི་ལྡེ་མིག་སོགས་རྒྱ་བོད་ཀྱི་གཞུང་ཆེན་རྣམས་ཀྱི་བཤད་ཁྲིད་གནང་། ༡༩༩༨ ལོར་༧སྐྱབས་རྗེ་པད་ནོར་རིན་པོ་ཆེའི་བཀའ་དགོངས་བཞིན་བལ་ཡུལ་ཡང་ལེ་ཤོད་དུ་སྒྲུབ་ཁང་བསམ་གཏན་འོད་གསལ་གླིང་རྟེན་བརྟེན་པ་བཅས་གསར་འཛུགས་ཀྱིས་དབང་ཁྲིད་སོགས་གནང་དང་གནང་སུ་བཞུགས་པ་ལགས་སོ། །