མཛད་པ་པོ། རྒྱལ་སྲས་ཆེན་པོ་ཞི་བ་ལྷ།
བརྗོད་བྱ། བསླབ་པའི་གནད་ཀུན་ལས་བཏུས་པ།
རིག་མཛོད་འཕྲུལ་དེབ་ཨང་། SJRB-0406
རྣམ་པ། PDF
ཤོག་གྲངས། 511 ལྗིད་ཚད། 2.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༢ ཟླ་ ༡༡ པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྒྱལ་སྲས་ཆེན་པོ་ཞི་བ་ལྷ་མཆོག་ནི། དུས་རབས་བདུན་པའམ་བརྒྱད་པ་ཙམ་ལ་རྒྱ་གར་རྡོ་རྗེ་གདན་གྱི་ནུབ་ཕྱོགས་ཡུལ་འཁོར་མོ་བཟང་ཞེས་བྱ་བར་རྒྱལ་པོ་དགེ་བའི་གོ་ཆ་ཞེས་བྱ་བའི་སྲས་སུ་འཁྲུངས། མཚན་ཞི་བའི་གོ་ཆ་ཞེས་བཏགས། སྐུ་ན་ཕྲ་མོ་ནས་རིག་གནས་ཐམས་ཅད་ལ་མཁས་པའི་ཕུལ་དུ་ཕྱིན། རྗེ་བཙུན་འཇམ་པའི་དབྱངས་ཀྱི་ཞལ་གཟིགས། ཡབ་འདས་ནས་རྒྱལ་སྲིད་ལ་དབང་བསྐུར་བའི་དོ་ནུབ་བྲོས་ནས་ན་ལེནྡྲར་རྒྱལ་བའི་ལྷ་ལས་རབ་ཏུ་བྱུང་སྟེ། མཚན་ཞི་བ་ལྷ་ཞེས་གསོལ། མཁན་པོ་ལས་སྡེ་སྣོད་གསུམ་ལ་སྦྱངས་པས་མཁས་པའི་ཕུལ་དུ་ཕྱིན་པར་གྱུར། རྗེ་བཙུན་འཇམ་པའི་དབྱངས་ལས་དངོས་སུ་ཆོས་གསན་ཏེ་མདོ་སྔགས་ཀྱི་བཀའ་དང་གདམས་པ་མ་ལུས་པ་ཐུགས་སུ་ཆུད། སློབ་དཔོན་འདིས་མཛད་པའི་བསྟན་བཅོས་ལ། སྤྱོད་འཇུག་དང་བསླབ་བཏུས་སོགས་བཞུགས།

མཛད་པ་པོ། ཁྲི་ཆེན་རྒྱལ་མཚན་སེངྒེ།
བརྗོད་བྱ། བསྐྱེད་རྫོགས་ཀྱི་རིམ་པ།
རིག་མཛོད་འཕྲུལ་དེབ་ཨང་། SJRB-0402
ཡིག་ཆའི་རྣམ་པ། PDF
ཤོག་གྲངས། 167 ལྗིད་ཚད། 1.2MB
གསར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཁྲི་ཆེན་རྒྱལ་མཚན་སེང་གེ་མཆོག་ནི། རབ་བྱུང་བཅུ་གཅིག་པའི་ས་ཕོ་རྟ་ལོ་སྟེ་སྤྱི་ལོ ༡༦༧༨ ལོར་ད་ལྟའི་ཀན་ལྷོའི་ཀླུ་ཆུ་རྫོང་གི་ཟམ་ཚ་ཞང་ཀ་དེའུ་མགོའི་གྲོང་དུ་ཡབ་ཚེ་རིང་བཀྲ་ཤིས་དང་། ཡུམ་སྙིང་མོ་ལྕགས་གཉིས་ཀྱི་སྲས་སུ་སྐུ་འཁྲུངས། དགུང་ལོ་བཅུ་གཅིག་པར་ཏཱ་དབོན་ཚུལ་ཁྲིམས་སེང་གེ་ལས་རབ་ཏུ་བྱུང་། དམ་པ་དེར་བསྟེན་ནས་ཡི་གེའི་འབྲི་ཀློག་སྦྱངས། དགུང་ལོ་ཉེར་དགུ་པར་དབུས་སུ་ཕེབས་ཏེ་འབྲས་སྤུངས་སྒོ་མང་ཆོས་གྲྭར་བཞུགས། ཀུན་མཁྱེན་དབལ་ཤུལ་ངག་དབང་བརྩོན་འགྲུས་ཀྱི་དྲུང་དུ་བསྡུས་གྲྭའི་བརྩི་བཞག་གསན། པཎ་ཆེན་སྐུ་ཕྲེང་ལྔ་པ་བློ་བཟང་ཡེ་ཤེས་ལས་དགེ་ཚུལ་དང་བསྙེན་རྫོགས་ཀྱི་སྡོམ་པ་མནོས། དགུང་ལོ་སོ་དགུ་པར་སྨོན་ལམ་གྲྭ་སྐོར་མཛད། དེ་ནས་རྒྱུད་སྟོད་ཆོས་གྲྭར་ཞུགས་ཏེ་སྔགས་ལ་སྦྱངས། དགུང་ལོ་ང་ལྔ་པ་ལ་དགའ་ལྡན་གསེར་ཁྲི་རིན་པོ་ཆེར་ཞབས་ཀྱི་པདྨའི་འཁོར་ལོ་བཀོད། གདན་རབས་ང་གསུམ་པ་ཡིན། དགའ་ལྡན་དགོན་དུ་གསེར་དངུལ་སྲང་མང་པོས་བྱང་ཆུབ་མཆོད་རྟེན་བཞེངས། ཚོགས་མཆོད་ལ་དངུལ་ཊཾ་འགྱེད་དང་སྒོ་མང་ལ་སྲང་རེ་ཕུལ། འདུ་ཁང་སྟེང་དུ་གསེར་གྱི་རྒྱལ་མཚན་ཆ་གཅིག་བཞེངས། དགུང་ལོ་བདུན་ཅུ་བར་མདོ་སྨད་དུ་ཕེབས་ཏེ་བླ་བྲང་བཀྲ་ཤིས་འཁྱིལ་དུ་ཀུན་མཁྱེན་སྐུ་ཕྲེང་གཉིས་པ་འཇིགས་མེད་དབང་པོ་དང་མཇལ་འཛོམས་ཀྱིས་ཐུགས་འབྲེལ་ཟབ་པར་གྱུར། རབ་བྱུང་བཅུ་གསུམ་པའི་ས་ཕོ་འབྲུག་ལོ་སྟེ་སྤྱི་ལོ ༡༧༤༨ ལོར་ཆོས་སྡེ་ཆེན་པོ་དགའ་ལྡན་བཤད་སྒྲུབ་པད་དཀར་གྲོལ་བའི་གླིང་ཉིད་གསར་དུ་བཏབ། རབ་བྱུང་བཅུ་གསུམ་པའི་མེ་ཕོ་བྱི་ལོ་སྟེ་སྤྱི་ལོ ༡༧༥༦ ལོར་སྐུ་གཤེགས།

མཛད་པ་པོ། པཎ་ཆེན་བློ་བཟང་ཆོས་རྒྱན།
བརྗོད་བྱ། བསྐྱེད་པའི་རིམ་པ། 
རིག་མཛོད་འཕྲུལ་དེབ་ཨང་། SJRB-0404
ཡིག་ཆའི་རྣམ་པ། PDF
ཤོག་གྲངས། 85 ལྗིད་ཚད། 898KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
པཎ་ཆེན་བློ་བཟང་ཆོས་ཀྱི་རྒྱལ་མཚན་མཆོག་ནི། ཕྱི་ལོ་ ༡༥༧༠ ལོར་གཙང་རོང་དུ་འཁྲུངས། པཎ་ཆེན་སྐུ་ཕྲེང་བཞི་པ། དགུང་ལོ་ཆུང་ངུའི་སྐབས་དབེན་ས་བློ་བཟང་དོན་གྲུབ་ཀྱི་སྤྲུལ་སྐུར་ངོས་འཛིན་མཛད། དགུང་ལོ་བཅུ་གསུམ་གྱི་སྐབས་དགེ་ཚུལ་གྱི་སྡོམ་པ་བཞེས། དགུང་ལོ་བཅུ་བཞིའི་སྐབས་དབེན་དགོན་གྱི་ཁྲི་པ་མཛད། དགུང་ལོ་བཅུ་བདུན་པར་བཀྲ་ཤིས་ལྷུན་པོར་གཞུང་ཆེན་སློབ་གཉེར་དུ་ཕེབས། དགུང་ལོ་སོ་གཅིག་གི་སྐབས་བཀྲ་ཤིས་ལྷུན་པོའི་ཁྲིར་ཕེབས། དགུང་ལོ་ཞེ་བཞིའི་སྐབས་རྒྱལ་བ་ཡོན་ཏན་རྒྱ་མཚོའི་ཡོངས་འཛིན་མཛད། དགུང་ལོ་ཞེ་བདུན་གྱི་སྐབས་སེ་འབྲས་གཉིས་ཀྱི་མཁན་པོ་ལོ་ལྔ་རེ་མཛད། དགུང་ལོ་ལྔ་བཅུ་ང་གཉིས་ཀྱི་སྐབས་རྒྱལ་བའི་ཡང་སྲིད་ངོས་འཛིན་དང་། དགུང་ལོ་ང་ལྔའི་སྐབས་རྒྱལ་བ་བློ་བཟང་རྒྱ་མཚོའི་རབ་བྱུང་གི་མཁན་པོ་དང་། དགུང་ལོ་རེ་བརྒྱད་པར་བསྙེན་རྫོགས་ཀྱི་སྡོམ་པ་ཕུལ། དགུང་ལོ་དོན་བཞིའི་སྐབས་རྒྱ་ནག་གི་རྒྱལ་པོས་པཎ་ཆེན་ཞེས་པའི་མཚན་ཕུལ་ཏེ་གཙུག་ཏུ་བཀུར། སློབ་མ་གྲགས་ཆེ་པ། རྒྱལ་བ་ཡོན་ཏན་རྒྱ་མཚོ་དང། རྒྱལ་དབང་ལྔ་པ་སོགས་མང་དུ་བྱུང་། ༡༦༦༢ ལོར་སྐུ་གཤེགས། གསུང་རྩོམ་ལ་པོ་ཏི་ལྔ་བཞུགས།

མཛད་པ་པོ། གསེར་ཏོག་བློ་བཟང་ཚུལ་ཁྲིམས་རྒྱ་མཚོ།
བརྗོད་བྱ། གསང་སྔགས་ཀྱི་ས་ལམ་བགྲོད་ཚུལ།
རིག་མཛོད་འཕྲུལ་དེབ་ཨང་། SJRB-0403
ཡིག་ཆའི་རྣམ་པ། PDF
ཤོག་གྲངས། 362 ལྗིད་ཚད། 2MB
སྒྲིག་སྦྱོར་བ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསེར་ཏོག་བློ་བཟང་ཚུལ་ཁྲིམས་རྒྱ་མཚོ་མཆོག་ནི། མདོ་སྨད་ཅོང་ཆུའི་ཉེ་འགྲམ་ཡབ་རྟ་མགྲིན་དང་། ཡུམ་ཚེ་མདོ་གཉིས་ཀྱི་སྲས་སུ་ཕྱི་ལོ་༡༨༤༥ལོར་འཁྲུངས། གསེར་ཁང་བློ་བཟང་བསྟན་འཛིན་རྒྱ་མཚོའི་དྲུང་དུ་དགེ་བསྙེན་གྱི་སྡོམ་པ་བཞེས། ཆུ་བཟང་རིན་པོ་ཆེ་བློ་བཟང་ཐུབ་བསྟན་རབ་རྒྱས་དྲུང་དུ་དགེ་ཚུལ་གྱི་སྡོམ་པ་མནོས། ཤིང་བཟའ་བློ་བཟང་བསྟན་པའི་དབང་ཕྱུག་ཚུལ་ཁྲིམས་ཀྱི་དྲུང་དུ་བསྙེན་པར་རྫོགས། སྐུ་འབུམ་གྱི་སྐུ་འབུམ་གྱི་ཁྲིར་བཞུགས། ཆོས་རྗེ་དོན་གྲུབ་རིན་ཆེན་གྱི་གདན་ས་བྱ་ཁྱུང་དགོན་པའི་ཁྲི་ལ་བཞུགས། རྩིས་སྐར་ནག་དང་། དགའ་ལྡན་རྩིས་གསར་སོགས་རྩིས་རིག་གསན་བཞེས་མཛད། དགུང་ལོ་དོན་གཅིག་ལ་སྟེ་ཕྱི་ལོ་༡༩༡༥ལོར་དགོངས་པ་ཆོས་དབྱིངས་སུ་ཐིམ།
ཁོང་གི་བརྩམས་ཆོས་ནི། [སྐུ་འབུམ་གྱི་གདན་རབས་] [དགེ་ལྡན་རྩིས་གཞུང་བླང་དོར་གསལ་བའི་སྣང་བའི་མཛོད་མངོན་པར་དྲངས་པའི་རེའུ་མིག་མདོར་བསྡུས་མགྱོགས་འགྲོ་བདུན་ལྡན་གྱི་ཤིང་རྟ་] [བོད་ཀྱི་བརྡ་སྤྲོད་པ་སུམ་ཅུ་པ་དང་རྟགས་ཀྱི་འཇུག་པའི་མཆན་འགྲེལ་མདོར་བསྡུས་ཏེ་བརྗོད་པ་ངོ་མཚར་འཕྲུལ་གྱི་ལྡེ་མིག་] [སྒྲུབ་ཐབས་རིན་ཆེན་འབྱུང་གནས་ཀྱི་རྗེས་གནང་སྐབས་སུ་ཉེ་བར་མཁོ་བའི་མཆོད་གཏོར་སོགས་ཀྱི་ལག་ལེན་ཐུར་དུ་བཀོལ་བ་ཀུན་གསལ་མེ་ལོང་] [གསང་ཆེན་རྡོ་རྗེ་ཐེག་པའི་ས་དང་ལམ་གྱི་རྣམ་པར་གཞག་པ་ཟུང་འཇུག་ཁང་དུ་བགྲོད་པའི་རིན་ཆེན་ཐེམ་སྐས་]སོགས་བཀའ་རྩོམ་པོད་འབྲིང་བཅུ་ཙམ་མཛད།

མཛད་པ་པོ། ལྕང་སྐྱ་ངག་དབང་ཆོས་ལྡན།
བརྗོད་བྱ། རིམ་གཉིས་ཀྱི་ཁྲིད།
རིག་མཛོད་འཕྲུལ་དེབ་ཨང་། SJRB-0105
ཡིག་ཆའི་རྣམ་པ། PDF
ཤོག་གྲངས། 96 ལྗིད་ཚད། 930KB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ལྕང་སྐྱ་ངག་དབང་བློ་བཟང་ཆོས་ལྡན་མཆོག་ནི། མདོ་སྨད་ཙོང་ཁ་རྟ་ཕྱུག་ཅེས་པའི་གྲོང་དུ་ཡབ་ཨེ་ཧར་དང་ཡུམ་ལོ་བཟའ་ཐར་མོ་མཚོ་གཉིས་ཀྱི་སྲས་སུ་རབ་བྱུང་བཅུ་གཅིག་པའི་ཆུ་རྟ་ལོར་སྐུ་བལྟམས། ཐང་རིང་དགོན་གྱི་ཁྲི་པ་ཚུལ་ཁྲིམས་རྒྱ་མཚོ་དང་པཎ་ཆེན་བློ་བཟང་ཆོས་རྒྱན་གྱིས་བླ་མ་གོང་མ་གྲགས་པ་འོད་ཟེར་གྱི་སྤྲུལ་སྐུར་ངོས་འཛིན་མཛད། བླ་མ་ཚུལ་ཁྲིམས་རྒྱ་མཚོ་དང་ཕུན་ཚོགས་བཟང་པོ་གཉིས་ཀྱི་དྲུང་ནས་རབ་ཏུ་བྱུང་། ཀུན་གཟིགས་ལྔ་པ་ཆེན་པོ་བློ་བཟང་རྒྱ་མཚོ་མཆོག་གི་སྤྱན་སྔར་དགེ་ཚུལ་གྱི་སྡོམ་པ་མནོས། བློ་བཟང་ཆོས་ལྡན་ཞེས་པའི་མཚན་གནང་། དེ་ནས་འབྲས་སྤུངས་སྒོ་མང་གྲྭ་ཚང་གི་ཆོས་གྲྭར་ཞུགས། དགུང་ལོ་ཉེར་གསུམ་ལ་ཕེབས་པ་རྒྱལ་མཆོག་ལྔ་པ་ཆེན་པོའི་སྐུ་མདུན་དུ་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉེར་བདུན་པར་གླིང་བསྲེ་དང་ལྷ་ས་སྨོན་ལམ་ཆེན་མོར་གྲྭ་སྐོར་མཛད། གོང་མས་མཚོ་བདུན་དུ་ལྷ་ཁང་གསར་རྒྱག་བྱས་པའི་གཙུག་ལག་ཁང་རྟེན་གསུམ་པ་ཐམས་ཅད་རྗེ་འདི་ལ་གཏད། མེ་ཁྱི་ལོར་གོང་མས་ཀྭོན་ཏིང་ཕུའུ་ཤན་བཀང་ཆི་ཏཱ་གོ་ཤྲིའི་ལུང་དང་གསེར་ཐམ་གནང་། མཐར་དགུང་ལོ་དོན་གསུམ་ལ་ཕེབས་པ་རབ་བྱུང་བཅུ་གཉིས་པའི་ཤིང་རྟ་ལོར་སྐུ་གཤེགས།
གསུང་རྩོམ། ཡཱ་དུར་ཛིན་འབྲེལ་སྙིང་པོའི་ཊིཀྐ་བདེ་གཤེགས་དགོངས་རྒྱན། བྱིན་རླབས་མྱུར་དུ་འཇུག་བྱེད་བླ་མ་ལྷའི་རྣལ་འབྱོར་སྐོར་སོགས་པོད་ལྔ་ཙམ་མཛད།