རྩ་བ་མཛད་པ་པོ། རྗེ་ཙོང་ཁ་པ།
མཆན་འདེབས་པ་པོ། བ་སོ་ལྷ་དབང་ཆོས་ཀྱི་རྒྱལ་མཚན་སོགས།
བརྗོད་བྱ། སྐྱེས་བུ་གསུམ་གྱི་ལམ་རིམ་ལས་ཞི་ལྷག་ཡན།
རིག་མཛོད་འཕྲུལ་དེབ་ཨང་། SJRB-0259
རྣམ་པ། PDF ཤོག་གྲངས། 793 ལྗིད་ཚད། 5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་རབ་འདི་ནི་རྗེ་ཙོང་ཁ་པས་མཛད་པའི་བྱང་ཆུབ་ལམ་གྱི་རིམ་པ་ལ་བ་སོ་ལྷ་དབང་ཆོས་ཀྱི་རྒྱལ་མཚན་(༡༥༣༧-༡༦༠༥)གྱིས་མཛད་པའི་ལམ་རིམ་གྱི་མཆན་དང་། གུང་རུ་ཆོས་ཀྱི་འབྱུང་གནས་ཀྱི་གསུང་རྒྱུན་ལམ་རིམ་གྱི་མཆན། ཀུན་མཁྱེན་འཇམ་དབྱངས་བཞད་(༡༦༤༨-༡༧༢༡)པས་མཛད་པའི་ལམ་རིམ་གྱི་མཆན། པྲ་སྟི་དགེ་བཤེས་རིན་ཆེན་དོན་གྲུབ་(༡༦༧༡-༡༧༣༧)ཀྱིས་མཛད་པའི་ལྷག་མཐོང་ཆེན་མོའི་མཆན་བཅས་མཆན་བཞི་མཉམ་སྦྲགས་ཀྱིས་གྲུབ་པ་ཞིག་ཡིན། པོད་འདིའི་པར་གཞི་ཐོག་མ་ནི་ཕྱི་ལོ་༡༨༠༢ལོར་ཚེ་མཆོག་གླིང་དུ་གསར་བསྐྲུན་བྱས་པ་དང་། རྗེས་སུ་པར་གཞི་དེར་ཞུས་དག་གནང་སྟེ་ཕྱི་ལོ་༡༨༤༢ལོར་པར་གཞི་གཉིས་པ་དང་། སླར་ཡང་ཕྱི་ལོ་༡༩༤༦ལོར་ཞོལ་པར་ཁང་ཆེན་མོར་པར་གཞི་གཉིས་པ་གཞིར་བཞག་གིས་པར་གཞི་གསུམ་པ་གསར་དུ་བསྐྲུན། ཡང་ཕྱི་ལོ་༡༩༧༢ལོར་ལྡི་ལི་གསར་པར་པར་གཞི་གསུམ་པ་གཞིར་བཞག་གིས་འཕྲུལ་པར་དུ་བཏབ་ཅིང་། འདིར་པར་གཞི་གསུམ་པ་ལྟར་གྱི་འཕྲུལ་དེབ་གཞིར་བཟུང་ཞིང་དེའི་རྗེས་སུ་བཙན་བྱོལ་ཁྲོད་བྱུང་བའི་པར་གཞི་གསར་པ་འགའ་ལའང་བསྡུར་ནས་འཕྲུལ་དེབ་ཏུ་གསར་བཟོ་བྱས་པ་ཡིན།

རྩ་བ་མཛད་པ་པོ། རྗེ་ཙོང་ཁ་པ།
མཆན་འདེབས་པ་པོ། བ་སོ་ལྷ་དབང་ཆོས་ཀྱི་རྒྱལ་མཚན་སོགས།
བརྗོད་བྱ། སྐྱེས་བུ་གསུམ་གྱི་ལམ་རིམ་ལས་ཞི་ལྷག་གཉིས།
རིག་མཛོད་འཕྲུལ་དེབ་ཨང་། SJRB-0260
རྣམ་པ། PDF ཤོག་གྲངས། 757 ལྗིད་ཚད། 5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་རབ་འདི་ནི་རྗེ་ཙོང་ཁ་པས་མཛད་པའི་བྱང་ཆུབ་ལམ་གྱི་རིམ་པ་ལ་བ་སོ་ལྷ་དབང་ཆོས་ཀྱི་རྒྱལ་མཚན་(༡༥༣༧-༡༦༠༥)གྱིས་མཛད་པའི་ལམ་རིམ་གྱི་མཆན་དང་། གུང་རུ་ཆོས་ཀྱི་འབྱུང་གནས་ཀྱི་གསུང་རྒྱུན་ལམ་རིམ་གྱི་མཆན། ཀུན་མཁྱེན་འཇམ་དབྱངས་བཞད་(༡༦༤༨-༡༧༢༡)པས་མཛད་པའི་ལམ་རིམ་གྱི་མཆན། པྲ་སྟི་དགེ་བཤེས་རིན་ཆེན་དོན་གྲུབ་(༡༦༧༡-༡༧༣༧)ཀྱིས་མཛད་པའི་ལྷག་མཐོང་ཆེན་མོའི་མཆན་བཅས་མཆན་བཞི་མཉམ་སྦྲགས་ཀྱིས་གྲུབ་པ་ཞིག་ཡིན། པོད་འདིའི་པར་གཞི་ཐོག་མ་ནི་ཕྱི་ལོ་༡༨༠༢ལོར་ཚེ་མཆོག་གླིང་དུ་གསར་བསྐྲུན་བྱས་པ་དང་། རྗེས་སུ་པར་གཞི་དེར་ཞུས་དག་གནང་སྟེ་ཕྱི་ལོ་༡༨༤༢ལོར་པར་གཞི་གཉིས་པ་དང་། སླར་ཡང་ཕྱི་ལོ་༡༩༤༦ལོར་ཞོལ་པར་ཁང་ཆེན་མོར་པར་གཞི་གཉིས་པ་གཞིར་བཞག་གིས་པར་གཞི་གསུམ་པ་གསར་དུ་བསྐྲུན། ཡང་ཕྱི་ལོ་༡༩༧༢ལོར་ལྡི་ལི་གསར་པར་པར་གཞི་གསུམ་པ་གཞིར་བཞག་གིས་འཕྲུལ་པར་དུ་བཏབ་ཅིང་། འདིར་པར་གཞི་གསུམ་པ་ལྟར་གྱི་འཕྲུལ་དེབ་གཞིར་བཟུང་ཞིང་དེའི་རྗེས་སུ་བཙན་བྱོལ་ཁྲོད་བྱུང་བའི་པར་གཞི་གསར་པ་འགའ་ལའང་བསྡུར་ནས་འཕྲུལ་དེབ་ཏུ་གསར་བཟོ་བྱས་པ་ཡིན།

མཛད་པ་པོ། འཕགས་པ་ཐོགས་མེད།
བརྗོད་བྱ། བྱང་ཆུབ་སེམས་དཔེའི་སའི་རྣམ་པ་བཤད་པ།
རིག་མཛོད་འཕྲུལ་དེབ་ཨང་། SJRB-0020
རྣམ་པ། PDF ཤོག་གྲངས། 572 ལྗིད་ཚད། 2.6MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་གསུམ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕགས་པ་ཐོགས་མེད། འཛམ་གླིང་མཛེས་པའི་རྒྱན་དྲུག་གི་ནང་ཚན་དང་ཤིང་རྟའི་སྲོལ་འབྱེད་གཉིས་ཀྱི་ཡ་གྱལ་དུ་བགྲངས། བྲམ་ཟེ་མོ་གསལ་བའི་ཚུལ་ཁྲིམས་ཞེས་བྱ་བས། རྒྱལ་བའི་བསྟན་པའི་རྩ་བ་མངོན་པ་ལ་དགྲ་ལན་གསུམ་གྱིས་བསྣུབས་པས། བདག་གིས་ནི་བསྟན་པ་གསོ་བར་མི་ནུས་མོད། ལུས་ལ་བུ་བསྐྱེད་ནས་དར་བར་གཞུག་གོ་སྙམ་ནས་རྒྱལ་རིགས་དང་འདུས་པས་འཕགས་པ་ཐོགས་མེད་དང་། བྲམ་ཟེ་དང་འདུས་པས་སློབ་དཔོན་དབྱིག་གཉེན་བྱུང་། རབ་ཏུ་བྱུང་སྟེ། སྡེ་སྣོད་གསུམ་ལ་སྦྱངས། བྱམས་ཆོས་སྡེ་ལྔ་ཡི་གེར་བཀོད། དེ་དག་གི་དགོངས་འགྲེལ་གྱི་བསྟན་བཅོས་ཀྱང་མང་དུ་མཛད་དེ་སེམས་ཙམ་པའི་ཤིང་རྟའི་སྲོལ་ཕྱེ། སྐུ་ཚེའི་སྨད་དུ་ལོ་བཅུ་གཉིས་ཀྱི་རིང་རྒྱ་གར་ཡུལ་དབུས་ནཱ་ལེནྡྲའི་མཁན་པོ་མཛད་དེ་བཞུགས། སློབ་དཔོན་འདིས་མཛད་པའི་བསྟན་བཅོས་ལ། ས་སྡེ་ལྔ་དང་སྡོམ་རྣམ་གཉིས་སོགས་ཡོད། མཐར་དགུང་ལོ་བརྒྱ་དང་ལྔ་བཅུ་པར་གྲོང་ཁྱེར་རྒྱལ་པོའི་ཁབ་ཏུ་མྱ་ངན་ལས་འདས་པའི་ཚུལ་བསྟན།

མཛད་པ་པོ། ྋརྒྱལ་བ་དགེ་འདུན་གྲུབ་པ།
བརྗོད་བྱ། ཚད་མའི་སྐོར།
རིག་མཛོད་འཕྲུལ་དེབ་ཨང་། SJRB-0090
ཡིག་ཆའི་རྣམ་པ། PDF
ཤོག་གྲངས། 389 ལྗིད་ཚད། 2,1MB
གསར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༣ ཟླ་གསུམ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ྋརྒྱལ་བ་དགེ་འདུན་གྲུབ་པ་མཆོག་ནི། རྒྱལ་བ་རིན་པོ་ཆེ་སྐུ་ཕྲེང་དང་པོ། ཕྱི་ལོ་༡༣༩༡ ལོར་གཙང་དུ་ས་སྐྱའི་ཉེ་འདབས་སུ་སྐུ་འཁྲུངས། སྣར་ཐང་གི་མཁན་རབས་བཅུ་བཞི་པ་རྗེ་གྲུབ་པ་ཤེས་རབ་ལས་དགེ་བསྙེན་གྱི་སྡོམ་པ་བཞེས། དགུང་ལོ་བཅོ་ལྔ་པར་དགེ་ཚུལ་གྱི་སྡོམ་པ་མནོས། མཚན་ལ་དགེ་འདུན་གྲུབ་པ་དཔལ་དུ་གསོལ། དགུང་ལོ་ཉི་ཤུ་པར་དགེ་སློང་གི་སྡོམ་པ་མནོས། སྣང་ཐང་སངྒྷ་ཤྲཱི་ལས་སྙན་ངག་མེ་ལོང་སོགས་དང་། ཆོས་བཀའ་དུ་མ་གསན། དགུང་ལོ་ཉེར་ལྔ་པར་དབུས་སུ་ཕེབས་ཏེ་རྗེ་ཙོང་ཁ་པ་དང་མཇལ། དགུང་ལོ་སོ་དྲུག་པར་སྣར་ཐང་སོགས་སུ་ལོ་བཅུ་གཉིས་ཀྱི་བར་འཆད་ཉན་མཛད། དགུང་ལོ་ཞེ་གཉིས་པར་བོ་དོང་ཕྱོགས་ལས་རྣམ་རྒྱལ་དང་མཇལ་ཏེ་ཆོས་མང་པོ་གསན། དགུང་ལོ་ཞེ་དྲུག་ལ་བྱང་ཆེན་དུ་ཐེག་ཆེན་ཕོ་བྲང་ཆེན་མོ་བཏབ། དགུང་ལོ་ང་བདུན་པ་༡༤༤༧ ལོར་བཀྲ་ཤིས་ལྷུན་པོ་བཏབ་ཅིང་། དེར་ལོ་ཉི་ཤུ་རྩ་བརྒྱད་ཀྱི་བར་འཆད་ཉན་རྒྱུན་མ་ཆད་པར་གནང་། སློབ་མ་གྲགས་ཆེ་བ་ནི་འདུལ་འཛིན་དཔལ་ལྡན་བཟང་པོ་སོགས་མང་དུ་བྱུང་། ཕྱི་ལོ་ ༡༤༧༤ ལོར་སྐུ་གཤེགས། གསུང་རྩོམ་ལ། འདུལ་བའི་གླེང་འབུམ་སོགས་པོ་ཏི་བདུན་ཙམ་བཞུགས།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།

མཛད་པ་པོ། ཚེ་ཏན་ཞབས་དྲུང་། (༡༩༡༠-༡༩༨༥)
བརྗོད་བྱ། ལཉྫ་དང་ཝརྟུའི་ཡིག་གཟུགས།
རིག་མཛོད་འཕྲུལ་དེབ་ཨང་། SJRB-0261
ཡིག་ཆའི་རྣམ་པ། PDF
ཤོག་གྲངས། 48 ལྗིད་ཚད། 8.2MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་བདུན་པར་གསར་དུ་བསྒྲིགས།
༢༠༢༣ ལོའི་ཟླ་གཉིས་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
འདིའི་མཛད་པ་པོ་ནི། དུས་རབས་ཉི་ཤུ་པའི་ནང་རིག་གནས་གསར་བརྗེ་ཆེན་པོའི་གོད་ཆག་གིས་བོད་ཀྱི་སྣོད་བཅུད་གཉིས་ཆར་ཐེག་དཀའ་བའི་གཏོར་བཅོམ་བཏང་བའི་སྔ་གཞུག་ཏུ་བོད་ཀྱི་རིག་གནས་འཛིན་སྐྱོང་དང་སླར་གསོའི་བྱ་གཞག་ལ་སྐུ་དྲིན་ཤིན་ཏུ་ཆེ་བའི་མཁས་པ་ཨ་ལགས་ཚེ་ཏན་ཞབས་དྲུང་རིན་པོ་ཆེ་ཡིན་ཞིང་། ལཉྫ་དང་ཝརྟུའི་ཡིག་གཟུགས་ཀྱི་བྲིས་རྒྱུན་ལ་དཔང་ལོ་ཙཱ་པ་ནས་བརྒྱུད་པ་དང་སྣར་ཐང་ལོ་ཙཱ་པ་ནས་བརྒྱུད་པ་གཉིས་མདོ་སྨད་ཕྱོགས་སུ་བཞུགས་པ་ལས་འཕྲུལ་དེབ་འདིར་སྣར་ཐང་ལོ་ཙཱ་པ་ནས་བརྒྱུད་པའི་ལཉྫ་དང་ཝརྟུའི་ཡིག་གཟུགས་ཀྱི་བྲིས་རྒྱུན་ཇི་ལྟ་བ་བཞིན་ཨ་ལགས་ཚེ་ཏན་ཞབས་དྲུང་རིན་པོ་ཆེ་ཁོང་རང་ཉིད་ནས་ཕྱག་བྲིས་མཛད་པ་དང་། བྲིས་རྒྱུན་འདིའི་ལཉྫའི་ཐིག་རྩ། ཧོར་ཡིག་སོགས་ཡིག་གཟུགས་གཞན་གསུམ་ཡང་ལྷན་དུ་བཞུགས་ལ། དཔེ་འདི་ལས་ཨ་ལགས་ཚེ་ཏན་ཞབས་དྲུང་ཁོང་གི་ཁྱད་དུ་འཕགས་པའི་དབུ་ཅན་ཡིག་གཟུགས་ཀྱང་མཇལ་ཐུབ་པས་ཡིག་གཟུགས་སྦྱོང་མཁན་དག་ལ་ཕན་ཆེ་བར་སྙམ་མོ།།