མཛད་པ་པོ། ཀིརྟི་སྐུ་ཕྲེང་བརྒྱད་པ་བློ་བཟང་འཕྲིན་ལས།
བརྗོད་བྱ། གསང་སྔགས། 
རིག་མཛོད་འཕྲུལ་དེབ་ཨང་། SJRB-0015
ཡིག་ཆའི་རྣམ་པ། PDF
ཤོག་གྲངས། 75 ལྗིད་ཚད། 807KB
གསར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༣ ཟླ་ ༢ ཚེས་ ༤ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཀིརྟི་སྐུ་ཕྲེང་བརྒྱད་པ་བློ་བཟང་འཕྲིན་ལས་དཀོན་མཆོག་བསྟན་པ་རྒྱ་མཚོ་མཆོག་ནི། ཕྱི་ལོ་༡༨༤༩ལོར་ཡབ་གཏེར་སྟོན་སྔགས་འཆང་བདེ་ཆེན་རྡོ་རྗེ་དང་ཡུམ་ཇོ་མོ་ཐར་གཉིས་ཀྱི་སྲས་སུ་སྐུ་བལྟམས། ༡༨༥༣ལོར་འཇམ་བཞད་སྐུ་ཕྲེང་གསུམ་པ་འཇིགས་མེད་རྒྱ་མཚོ་མཆོག་ནས་ཀིརྟི་སྐུ་གོང་མའི་ཡང་སྤྲུལ་དུ་ངོས་འཛིན་མཛད་དེ་བློ་བཟང་འཕྲིན་ལས་བསྟན་པ་རྒྱ་མཚོ་ཞེས་པའི་མཚན་གསོལ། ༡༨༥༤ལོར་རྗེ་དཀོན་མཆོག་སྨོན་ལམ་གྱི་དྲུང་ནས་དགེ་བསྙེན་གྱི་སྡོམ་པ་བཞེས། ལོ་དེའི་བོད་ཟླ་ལྔ་པའི་ནང་སྟག་ཚང་ལྷ་མོ་བློ་གླིང་དགེ་ལྡན་བཀྲ་ཤིས་འཁྱིལ་གྱི་འདུ་ཁང་ཆེན་མོར་ཁྲི་འཕང་མཐོན་པོར་ཞབས་ཟུང་བཀོད། ༡༨༥༦ལོར་༧རྗེ་དཀོན་མཆོག་སྨོན་ལམ་གྱི་དྲུང་ནས་དགེ་ཚུལ་གྱི་སྡོམ་པ་བཞེས། ཚ་ཁོའི་མ་དགོན་ཀཱ་ལ་རི་བཀྲ་ཤིས་ལྷུན་གྲུབ་གླིང་དུ་གོང་མ་རིམ་བྱོན་གྱི་ཆོས་ཁྲིར་ཞབས་ཟུང་བཀོད། ཧོར་ཚང་ཀིརྟི་དགོན་དུ་ཆོ་འཕྲུལ་སྨོན་ལམ་གསར་འཛུགས་གནང་། དབུ་ཚད་ཕར་ཕྱིན་སོགས་གཞུང་ལུགས་མཐའ་ཡས་པར་ཐོས་བསམ་སྒོམ་གསུམ་མཛད། ༡༨༧༢ལོར་རྗེ་བཙུན་ངག་དབང་ཆོས་འཕེལ་གྱི་དྲུང་ནས་བསྙེན་རྫོགས་ཀྱི་སྡོམ་པ་བཞེས། རྔ་བ་ཀིརྟིའི་དགོན་དགེ་ལྡན་ལེགས་བཤད་གླིང་དུ་གསང་སྔགས་རྒྱུད་པ་གྲྭ་ཚང་དང་སྟག་ཚང་ལྷ་མོར་དུས་འཁོར་གྲྭ་ཚང་གསར་འཛུགས་གནང་། མཐར་རབ་བྱུང་བཅོ་ལྔ་པའི་ཤིང་སྦྲུལ་སྟེ་ཕྱི་ལོ་༡༩༠༥ལོར་ཕྱི་ལུགས་དགུང་ལོ་ང་བདུན་བཞེས་པའི་ཐོག་གཟུགས་སྐུའི་བཀོད་པ་གཞན་དོན་དུ་གཤེགས།
ཁོང་གི་བརྩམས་ཆོས་ནི། གཞུང་ཆེན་མོ་རྣམས་ཀྱི་སྡོམ་ཚིག་དང་། དཀའ་འགྲེལ། མཐའ་དཔྱོད། དོགས་སློང་། དྲིས་ལན། སྙན་རྩོམ། བསྟོད་ཚོགས། བསླབ་བྱ། བསང་ཆོག །སྒྲུབ་ཆོག་བཅས་བཀའ་རྩོམ་པོད་ཆེན་བཅུ་གཉིས་བཞུགས།

མཛད་པ་པོ། ཀ་མ་ལ་ཤཱི་ལ།
བརྗོད་བྱ། བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0108
ཡིག་ཆའི་རྣམ་པ། PDF
ཤོག་གྲངས། 138 ལྗིད་ཚད། 999KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༦ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༣ ཟླ་ ༡ ཚེས་ ༢༨ ལ་བསྐྱར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

སློབ་དཔོན་ཀ་མ་ལ་ཤཱི་ལ་ནི། མཁན་ཆེན་ཞི་བ་འཚོའི་དངོས་སློབ་ཡིན་ཞིང་། རྣལ་འབྱོར་སྤྱོད་པའི་དབུ་མ་རང་རྒྱུད་པའི་རང་ལུགས་འཛིན་པའི་རྒྱ་གར་གྱི་པཎྜི་ཏ་ཆེན་པོ་ཞིག་ཡིན། རྒྱལ་པོ་ཁྲི་སྲོང་ལྡེ་བཙན་གྱིས་མཁན་ཆེན་ཞི་བ་འཚོ་སྐུ་གཤེགས་ཁའི་ཞལ་ཆེམས་ལྟར། བལ་ཡུལ་ནས་བསམ་ཡས་སུ་གདན་དྲངས། སློབ་དཔོན་གྱིས་ཧཱ་ཤང་མ་ཧཱ་ཡ་ན་དང་རྩོད་པ་མཛད་དེ་ཧཱ་ཤང་ཕམ་པར་བྱས་ཤིང་བོད་ནས་ཕར་བསྐྲད། བཙན་པོ་ཁྲི་སྲོང་ལྡེ་བཙན་གྱིས་བསྐུལ་བ་ལྟར། བསྒོམ་རིམ་དང་པོ་དང་། བར་པ། ཐ་མ་བཅས་ཆེད་དུ་རྩོམ་པར་མཛད། སླར་ཡང་སྒོམ་རིམ་གསུམ་གྱི་དོན་འགྲེལ་དུ་དབུ་མ་སྣང་བ་བརྩམས། གཞན་ཁོང་གིས་མཛད་པའི་ཤེར་ཕྱིན་བདུན་བརྒྱ་པའི་རྒྱ་ཆེར་བཤད་པ་སོགས་ཡོད། འཁྲུངས་འདས་ཀྱི་ལོ་ཚིགས་སོགས་གསལ་པོ་ཞིག་ལོ་རྒྱུས་རྣམས་སུ་མཐོང་མ་སོང་ལ། གཤེགས་རྐྱེན་ལའང་མི་མཐུན་པ་ཁ་ཤས་ཤིག་འབྱུང་བ་ནི་འདིར་མ་བཀོད་དོ། །

མཛད་པ་པོ། བོད་མཁས་པ་མི་ཕམ་དགེ་ལེགས་རྣམ་རྒྱལ།
བརྗོད་བྱ། སྙན་ངག་མེ་ལོང་མའི་འགྲེལ་པ། 
རིག་མཛོད་འཕྲུལ་དེབ་ཨང་། SJRB-0347
ཡིག་ཆའི་རྣམ་པ། PDF
ཤོག་གྲངས། 347 ལྗིད་ཚད། 2.1MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། བོད་མཁས་པ་མི་ཕམ་དགེ་ལེགས་རྣམ་རྒྱལ་མཆོག་ནི། རབ་བྱུང་བཅུ་པའི་ས་རྟ་ཕྱི་ལོ་ ༡༦༡༨ ལོར་སྐུ་འཁྲུངས། འབྲུག་པ་སངས་རྒྱས་རྡོ་རྗེ་སོགས་བསྟེན་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པ་མཛད་ཅིང་། ཕྱི་ནང་རིག་བྱེད་གང་ལའང་མཁས་པའི་སྙན་གྲགས་གང་སར་ཁྱབ་པས་བོད་མཁས་པའི་མཚན་སྙན་ཐོབ།
ཁོང་གི་བརྩམས་ཆོས། [སྨན་གྱི་རོ་ནུས་བཤད་པ་བེེ་ཌཱུརྱའི་མེ་ལོང་།] ཟུར་མཁར་བློ་གྲོས་རྒྱལ་པོས་གསོ་བ་རིག་པའི་གཞི་ལམ་འབྲས་བུའི་རྣམ་གཞག་སྐོར་གྱི་དྲི་ལན་དུ་[དྲིས་ལན་ལེགས་བཤད་རིན་པོ་ཆེའི་སྣང་བ་གསར་པ།] [སྙན་ངག་འགྲེལ་པ་དཎྜིའི་དགོངས་རྒྱན།] [ལུས་ཐིག་ཟླ་བ་ནོར་བུ་] གསོ་བ་རིག་པའི་སྐོར་སོགས་གསུང་རྩོམ་མང་། འདས་ལོ་མི་གསལ།

མཛད་པ་པོ། འབྲུག་ཁམས་སྤྲུལ་བསྟན་འཛིན་ཆོས་ཀྱི་ཉི་མ།
བརྗོད་བྱ། སྙན་ངག་མེ་ལོང་མའི་འགྲེལ་པ།
རིག་མཛོད་འཕྲུལ་དེབ་ཨང་། SJRB-0388
ཡིག་ཆའི་རྣམ་པ། PDF
ཤོག་གྲངས། 822 ལྗིད་ཚད། 4.1MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འབྲུག་ཁམས་སྤྲུལ་བསྟན་འཛིན་ཆོས་ཀྱི་ཉི་མ་མཆོག་ནི། ཡབ་ལྷ་དབང་དང་། ཡུམ་བསོད་ནམས་སྒྲོལ་མ་གཉིས་ཀྱི་སྲས་སུ། ཕྱི་ལོ་ ༡༧༣༠ ལོར་རྫ་སྟོད་དཔོན་ཚང་གི་ཁྱིམ་དུ་འཁྲུངས། དགུང་ལོ་བཞིར་ཕེབས་སྐབས། ཁམས་པ་དགོན་ཕུན་ཚོགས་ཆོས་འཁོར་གླིང་གི་སྤྲུལ་སྐུར་ངོས་འཛིན་ཞུས། དགུང་ལོ་དྲུག་ལ་ཕེབས་པར་སྒར་ཆེན་དུ་གདན་ནས་ཁྲི་འདོན་བྱས། དགུང་ལོ་བཅུ་དྲུག་པ་འོག་མིན་དཔལ་ཕུན་ཚོགས་ཆོས་འཁོར་གླིང་གི་གཙུག་ལག་ཁང་བརྟེན་དང་རྟེན་པ་བཅས་པ་གསར་བཞེངས་ལེགས་པར་གྲུབ་ཅིང་འདི་ལ་ཁམས་པ་སྒར་ཞེས་གྲགས། དགུང་ལོ་ཉེར་གཉིས་པར་སི་ཏུ་པཎ་ཆེན་གྱི་དྲུང་ནས་སྒྲ་དང་སྙན་ངག མངོན་བརྗོད་སོགས་ཀྱི་ཟབ་ཁྲིད་རྒྱ་ཆེར་གསན། མདོ་སྔགས་རིག་གནས་དང་བཅས་པའི་གཞུང་འགྲེལ་ཡང་དུ་མ་མཛད། རབ་བྱུང་བཅུ་གསུམ་པར་རྒྱན་གྱི་བསྟན་བཅོས་དབྱངས་ཅན་ངག་གི་རོལ་མཚོ་ཞེས་པ་ལྗགས་རྩོམ་གནང་། སླར་ཡང་ཕྱི་ལོ་ ༡༧༧༠ ལོར་སྔོན་གྱི་ཟིན་བྲིས་གནང་བའི་མ་རྩོམ་གྱི་ཐོག་ཏུ། སི་ཏུ་པཎ་ཆེན་སྐུ་དངོས་ཀྱི་སྤྱན་སྔར་འདྲི་གཏུགས་དང་དོགས་གཅོད་བཅས་རིག་བྱེད་ཀྱི་གཏམ་བརྒྱུད་དང་། བཀའ་བསྟན་ལས་བྱུང་བའི་བསྟོད་ཚོགས་སོགས་མང་པོ་ཡོད། གྱིང་ཕུ་དཔལ་གྱི་ཡང་དབེན་སོགས་དགོན་སྡེ་ཆེན་པོ་གསུམ་ཕྱག་བཏབ། དགུང་ལོ་ལྔ་བཅུར་ཕེབས་པར་རབ་བྱུང་བཅུ་གསུམ་པ་ཕྱི་ལོ་ ༡༧༧༩ ལོར་ཕུན་ཚོགས་ཆོས་འཁོར་གླིང་དུ་སྐུ་གཤེགས།

མཛད་པ་པོ། རྒྱལ་མཆོག་ལྔ་པ་ཆེན་པོ།
བརྗོད་བྱ། སྙན་ངག་མེ་ལོང་མའི་འགྲེལ་པ།
རིག་མཛོད་འཕྲུལ་དེབ་ཨང་། SJRB-0387
ཡིག་ཆའི་རྣམ་པ། PDF
ཤོག་གྲངས། 277 ལྗིད་ཚད། 2.2MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ྋརྒྱལ་མཆོག་ལྔ་པ་ཆེན་པོ་ངག་དབང་བློ་བཟང་རྒྱ་མཚོ་མཆོག་ནི། ཕྱི་ལོ་ ༡༦༡༧ ལོར་ལྷོ་ཁ་འཕྱོངས་རྒྱས་འཕྱིང་བར་སྟག་རྩེར་ཡབ་བདུད་འདུལ་རབ་བརྟན་དང༌། ཡུམ་ཀུན་དགའ་ལྷ་མཛེས་གཉིས་ཀྱི་སྲས་སུ་སྐུ་འཁྲུངས། པཎ་ཆེན་བློ་བཟང་ཆོས་རྒྱན་ལས་དབུ་སྐྲ་གཙུག་ཕུད་བཞེས་དང་དགེ་ཚུལ་གྱི་སྡོམ་པ་བཞེས། ངག་དབང་བློ་བཟང་རྒྱ་མཚོ་ཞེས་མཚན་གསོལ།
ཕྱི་ལོ་ ༡༦༤༢ ལོར་གཞིས་རྩེའི་ཚོམས་ཆེན་དུ་བོད་ཆོལ་གསུམ་གྱི་བདག་པོར་གསེར་ཁྲིར་མངའ་གསོལ། གུ་ཤྲིའི་དཔུང་ཚོགས་དང་བཅས་པ་མངའ་འབངས་སུ་འབུལ་བཞེས་མཛད། བོད་གཞུང་དགའ་ལྡན་ཕོ་བྲང་ལུགས་གཉིས་ཆབ་སྲིད་མངའ་ཐང་དབུ་བརྙེས། ཆོས་རྒྱལ་སྲོང་བཙན་སྒམ་པོས་དམར་པོ་རིར་བརྩིགས་པའི་ཕོ་བྲང་དེའི་ཤུལ་དེར་རྒྱ་བསྐྱེད་གནང་།
ཆུ་འབྲུག་ཕྱི་ལོ་ ༡༦༥༢ ལོར་མན་ཇུ་གོང་མས་གདན་ཞུས་ལྟར་ཆིབས་བསྒྱུར་གནང༌སྐབས་གོང་མ་རང་ཉིད་ཀྱང་ཕེབས་བསུར་བཅར་བ་སོགས་ཆེ་མཐོང་དང༌མཚན་བསྟོད་རྒྱ་ཆེ་ཕུལ།
ྋརྒྱལ་དབང་མཆོག་ནས་བོད་རྒྱ་སོག་གསུམ་གྱི་དགོན་སྡེ་ཆེ་ཆུང་ཕལ་མོ་ཆེ་ལ་ཞབས་ཀྱི་བཅགས་ཏེ། སངས་རྒྱས་ཀྱི་བསྟན་པ་ཕྱོགས་མཐར་རྒྱ་ཆེར་སྤེལ་བའི་མཛད་འཕྲིན་རླབས་པོ་ཆེ་བསྐྱངས། དགུང་གྲངས་དྲུག་ཅུ་རེ་ལྔ་སྟེ་ཕྱི་ལོ་ ༡༦༨༢ ལོར་ྋརྒྱལ་དབང་མཆོག་གློ་བུར་དུ་ཞབས་ཀྱི་སྙུན་གཞིའི་ཚུལ་བཞེས་ཤིང༌། སྡེ་སྲིད་ལ་རེ་ཞིག་གསང་རྒྱ་བྱས་ཏེ། བྱ་བ་ཆེ་ཕྲ་བློས་མ་ཆོད་པ་མཐའ་དག་ལྷ་མོར་བརྟག་བསྒྲིལ་ཞུ་དགོས་སོགས་ཞལ་ཆེམས་རྒྱ་ཆེ་སྩལ་རྗེས་སྐུ་མྱ་ངན་ལས་འདས་ཚུལ་བསྟན། ཁོང་གིས་པོ་ཏ་ལ་ཉམས་གསོའི་ལས་དོན་གཞི་རྒྱ་ཆེ་བས་འཐུས་ཤོར་དང༌། འགལ་རྐྱེན་མི་ཡོང་བ་སོགས་ཀྱི་ཆེད་ལོ་བཅུ་གསུམ་ལྷག་ཙམ་གསང་བ་མཛད་དེ་རྩེ་ཕོ་བྲང་ཉམས་གསོ་རྒྱ་བསྐྱེད་ལེགས་སྒྲུབ་མཛད།
གསུང་རྩོམ་སྐོར་ལ། རང་ཉིད་ཀྱི་རྣམ་ཐར་རང་རྩོམ་དང༌། རྩ་བའི་བླ་མ་ཁག་གི་རྣམ་ཐར། བོད་ཀྱི་རྒྱལ་རབས་ལོ་རྒྱུས། སྙན་ངག མཚན་ཉིད་རིག་པ། ཁྲིམས་ཡིག གནས་དགོན་མང་པོའི་དཀར་ཆག ས་སྐྱའི་ཆོས་སྐོར། རྙིང་མའི་ཆོས་སྐོར། དཔར་བསྐྲུན་མི་ཆོག་པའི་བཀའ་རྒྱ་མ་བཅས་པོད་གྲངས་སུམ་ཅུ་ལྷག་ཡོད།