སྒྲ་ཨང་།  KADSR3333310
མཁས་པ་གཞན། [གསང་སྔགས།] སྤྱིའི་ཨང་། ༣༣༨
རྣམ་པ། MP3 རྣམ་གྲངས། 3 ཆེ་ཆུང་། 169.7 MB
ཁྲིད་གཞུང་། གསང་བ་འདུས་པའི་བདག་བསྐྱེད།
འཁྲིད་མཁན། དགེ་བཤེས་མཁས་གྲུབ་ནོར་བཟང་།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཞི་པའི་ཚེས་བཅོ་ལྔའི་ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་མཁས་གྲུབ་ནོར་བཟང་ནི། བོད་དུ་འཁྲུངས། འཕགས་ཡུལ་དུ་ཕེབས་ཏེ། སེར་བྱེས་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར་གནང་། དགེ་བཤེས་ལྷ་རམས་པའི་དམ་འཇོག་དང་། དཔལ་ལྡན་རྒྱུད་སྟོད་གྲྭ་ཚང་དུ་ཆོས་ཐོག་འགྲིམསས། ཆོས་ཐོག་ཐོན་པ་དང་རྒྱུད་སྟོད་དུ་བཞུགས་ཏེ་གྲྭ་ཚང་གི་སློབ་གཉེར་བ་རྣམས་དང་གདན་ས་ཁག་ནས་ཕེབས་པའི་དགེ་བཤེས་རྣམས་ལ་སྔགས་ཀྱི་དཔེ་ཁྲིད་གནང་བཞིན་བཞུགས་པ་ལགས་སོ། །[རྩོམ་སྒྲིག་པའི་ལག་ཏུ་རྣམ་ཐར་མ་རག་པས་གང་ཤེས་འདི་ཙམ་ལས་འབྲི་ཐབས་མ་བྱུང་ཡང་རྗེས་སུ་ཁ་གསབ་བྱེད་ངེས།]

སྒྲ་ཨང་།  KADSR2030375
མཁས་པ་གཞན། [གསང་སྔགས།] སྤྱིའི་ཨང་། ༥༠༣
རྣམ་པ། MP3 རྣམ་གྲངས། 61 ཆེ་ཆུང་། 1.28 GB
ཁྲིད་གཞུང་། རིམ་ལྔའི་མཐའ་དཔྱོད་ལེགས་བཤད་རྒྱུ་སྐར་བདག་པོ།
མཛད་པ་པོ། སྦྲ་ཆེན་བློ་བཟང་ཕུན་ཚོགས། [དུས་རབས་བཅུ་དགུ་པ]
འཁྲིད་མཁན། ཁྲི་རྗེ་བཙུན་བློ་བཟང་བསྟན་འཛིན་མཆོག
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༨ ལོའི་༠༥།༢༨ ལ་གསར་སྒྲིག་བྱས།
༢༠༡༩ ལོའི་ཟླ་ལྔ་པའི་ཚེས་ཉེར་བཞི་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
དགའ་ལྡན་ཁྲི་ཐོག་བརྒྱ་དང་བཞི་པ་རྗེ་བཙུན་བློ་བཟང་བསྟན་འཛིན་མཆོག་ནི། ༡༩༣༥ ལོར་ལྷ་རྩེར་འཁྲུངས། དགུང་ལོ་བཅུའི་སྐབས་ཆོས་སྒོར་ཞུགས། དགུང་ལོ་བཅུ་དྲུག་གི་སྐབས་སེར་བྱེས་གྲྭ་ཚང་དུ་སྒྲིག་ཞུགས་ཀྱིས་གཞུང་ཆེན་གསན་གཟིགས་དང་ཐུགས་གཉེར་གནང་། ༡༩༦༠ ལོར་བྱེས་སུ་ཕེབས་ཏེ་གཞུང་ཆེན་ལྷག་མ་རྣམས་དང་གསང་སྔགས་ཀྱི་གཞུང་ལ་ཐུགས་གཉེར་གནང་། ༡༩༧༨ ལོར་དགེ་བཤེས་ལྷ་རམས་པའི་མཚན་རྟགས་བཞེས་ཏེ། བླ་མ་དབུ་མཛད་དང་རྒྱུད་སྨད་ཀྱི་མཁན་ཁྲིར་ཕེབས། ༢༠༡༠ ལོར་བྱང་རྩེ་ཆོས་རྗེར་ཕེབས་ཤིང་། ༢༠༡༧ལོའི་ཟླ་༦ཚེས་༢༤ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་དགའ་ལྡན་ཁྲི་རིན་པོ་ཆེ་ཁྲི་ཐོག་བརྒྱ་དང་བཞི་པར་བསྐོ་བཞག་གི་བཀའ་ཡིག་སྩལ་གནང་མཛད་པ་དང་། ལོ་དེའི་ཕྱི་ཟླ་༨ཚེས་༤ཉིན་དགའ་ལྡན་གསེར་ཁྲི་རིན་པོ་ཆེར་མངའ་གསོལ་ཏེ་དགའ་ལྡན་ཁྲི་རིན་པོ་ཆེའི་མཛད་ཁུར་དངོས་སུ་བཞེས་ཤིང་། རྒྱུན་དུ་ཕྱི་ནང་གི་དོན་གཉེར་ཅན་མང་པོར་ལུང་ཆོས་མན་ངག་དང་། གདན་ས་ཁག་ཏུ་སློབ་གཉེར་པ་རྣམས་ལ་གཞུང་ཆེན་བཀའ་པོད་ལྔ་སྔགས་དང་བཅས་པའི་བཀའ་ཁྲིད་རྒྱུན་ཆད་མེད་པར་གནང་བཞིན་བཞུགས་པ་ལགས་སོ། །

སྒྲ་ཨང་།  KADSR2010373
མཁས་པ་གཞན། [གསང་སྔགས།] སྤྱིའི་ཨང་། ༥༠༡
རྣམ་པ། MP3 རྣམ་གྲངས། 157 ཆེ་ཆུང་། 727.9 MB
ཁྲིད་གཞུང་། རྡོ་རྗེ་འཇིགས་བྱེད་ཀྱི་བསྐྱེད་རྫོགས་ཀྱི་ཁྲིད།
མཛད་པ་པོ། ཐང་སག་པ་དངོས་གྲུབ་རྒྱ་མཚོ།
འཁྲིད་མཁན། འབྲས་ཁྲི་ཟུར་བསྟན་པ་བསྟན་འཛིན་མཆོག
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་ ༠༥།༠༢ ལ་སྒྲིག་སྦྱོར་བྱས།
༢༠༡༩ ལོའི་ཟླ་ལྔ་པའི་ཚེས་བཅུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
འབྲས་སྤུངས་ཁྲི་ཟུར་བསྟན་པ་བསྟན་འཛིན་མཆོག་ནི། ༡༩༡༧ ལོར་ཚ་བ་དཔའ་ཤོད་རེ་མཚོ་ཕྱུག་མོའི་འགྲམ་ཆུ་ཡག་མ་ཞེས་པའི་གྲོང་ཚོར་སྐུ་འཁྲུངས། དགུང་ལོ་ལྔ་ནས་ཡི་གེ་འབྲི་ཀློག་སྦྱངས། དགུང་གྲངས་བཅུ་གཉིས་ཐོག་དཔའ་ཤོད་དགོན་དུ་སྒྲིག་ཞུགས་མཛད། གུང་རུ་དགེ་བཤེས་བསྟན་པ་ཆོས་གྲགས་ལས་དགེ་ཚུལ་གྱི་སྡོམ་པ་མནོས། དགུང་ལོ་བཅུ་བདུན་པར་དབུས་སུ་ཕེབས་ཏེ་འབྲས་སྒོ་མང་གྲྭ་ཚང་དུ་ཆོས་ཞུགས་གནང་སྟེ་གཞུང་ཆེན་ཐུགས་གཉེར་མཛད། ཕར་ཕྱིན་དམ་བཅའ་གྲུབ་མཚམས་རང་དགོན་དུ་འཇིགས་བྱེད་ཀྱི་གཞི་བསྙེན་ཆེན་མོ་ལོ་གསུམ་ལ་བསྐྱངས་ཏེ། གྲྭ་སར་སློབ་གཉེར་གྱི་འཕྲོ་བསྐྱངས། ༡༩༥༩ལོར་༧གོང་ས་༧སྐྱབས་མགོན་ཆེན་པོ་མཆོག་དང་ལྷན་ལྷ་རམས་ཀྱི་གྲྭ་སྐོར་དམ་འཇོག་གནང་སྟེ་རྒྱུད་སྨད་གྲྭ་ཚང་དུ་སྒྲིག་ཞུགས་མཛད། དུས་འགྱུར་གྱི་རྗེས་ཌ་ལ་ཧའོ་སེར་སྨད་རྒྱུད་གྲྭ་ཚང་དུ་སྔགས་ལོ་མང་སྦྱངས་ཤིང་དགེ་བསྐོས་སོགས་རིམ་གྱིས་གནང་། ༡༩༦༨ལོར་འབྲས་སྒོ་མང་གྲྭ་ཚང་གི་མཁན་ཁྲིར་ཕེབས། ༡༩༨༥ལོར་འབྲས་སྤུངས་ཁྲི་པའི་མཛད་ཁུར་བཞེས།

སྒྲ་ཨང་།  KADSR2030264
མཁས་པ་གཞན། [གསང་སྔགས།] སྤྱིའི་ཨང་། ༣༨༨
རྣམ་པ། MP3 རྣམ་གྲངས། 56 ཆེ་ཆུང་། 545.2 MB
ཁྲིད་གཞུང་། ཡེ་ཤེས་རྡོ་རྗེ་ཀུན་ལས་བཏུས་པའི་ཊཱིཀྐ།
མཛད་པ་པོ། རྗེ་བློ་བཟང་གྲགས་པ། [༡༣༥༧-༡༤༡༩]
འཁྲིད་མཁན། སྐུ་ཕྱོགས་ཆོས་ལྡན་རིན་པོ་ཆེ།
འཁྲིད་དུས། ༢༠༠༩
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༧ ལོའི་ཟླ་ ༠༦།༡༠ ལ་སྒྲིག་སྦྱོར་བྱས།
༢༠༡༩ ལོའི་ཟླ་བརྒྱད་པའི་ཚེས་བཅུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སྐུ་ཕྱོགས་ཆོས་ལྡན་རིན་པོ་ཆེ་མཆོག་ནི། ༡༩༣༡ ལོར་འཁྲུངས། རྒྱལ་ཚབ་རྭ་སྒྲེང་རིན་པོ་ཆེས་གོང་མའི་ཡང་སྲིད་དུ་ངོས་འཛིན་གནང༌། ༡༩༣༧ ལོར་རབ་ཏུ་བྱུང་། ༡༩༤༦ ལོར་སེར་བྱེས་གྲྭ་ཚང་དུ་སྒྲིག་ཞུགས་མཛད། ང་དགུའི་བར་ལོ་བཅུ་གསུམ་གྱི་རིང་གྲྭ་རྐྱང་དཀྱུས་མའི་ཚུལ་དུ་ཆོས་ར་འགྲིམས་ཏེ་གཞུང་ཆེན་ཐོས་བསམ་གནང་། དགུང་ལོ་ཉི་ཤུའི་སྐབས་བསྙེན་རྫོགས་ཀྱི་སྡོམ་པ་བཞེས། ༦༥ ནས་༨༠ བར་སྒོ་ཕྱིར་མ་ཐོན་པར་དགེ་སྦྱོར་འབའ་ཞིག་ལ་གཞོལ་བར་མཛད། ༨༥ ལོར་འཕགས་ཡུལ་དུ་ཕེབས། སེར་བྱེས་གྲྭ་ཚང་དུ་གླིང་བསྲེ་དགེ་བཤེས་ཀྱི་དམ་འཇོག་གནང་ཞིང་། རྒྱུན་ཏུ་གྲྭ་ཚང་དུ་སློབ་གཉེར་བ་རྣམས་ལ་དཔེ་ཁྲིད་དང་ཕྱི་ནང་གི་དོན་གཉེར་པ་མང་པོ་དཔེ་ཁྲིད་དང་ལུང་ཆོས་མན་ངག་གིས་བསྐྱངས་པ་དང་། ༢༠༡༥ ལོར་ལོར་དགོངས་པ་ཆོས་དབྱིངས་སུ་ཐིམ་ཚུལ་བསྟན།

བརྗོད་བྱ། རྫོགས་པའི་རིམ་པའི་སྐོར།
འཁྲིད་མཁན། སྒོམ་སྡེ་ལྷ་རམས་པ།
རིག་མཛོད་སྒྲ་སྤྱིའི་ཨང་། SJRA-0370
རྣམ་པ། MP3 རྣམ་གྲངས། 102 ཆེ་ཆུང་། 1.84 GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་བཅུ་པར་སྒྲིག་སྦྱོར་བྱས།
༢༠༢༤ ལོའི་ཟླ་བཞི་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ཐུབ་བསྟན་བསམ་འགྲུབ་བམ་སྒོམ་སྡེ་ལྷ་རམས་པ་ནི། ཕྱི་ལོ་༡༩༥༨ལོར་བོད་དུ་འཁྲུངས་ཤིང་། ༥༩ ལོར་འཕགས་ཡུལ་དུ་འབྱོར། ༡༩༧༢ ལོར་སེར་བྱེས་གྲྭ་ཚང་དུ་སྒྲིག་ཞུགས་ཀྱིས་གཞུང་ཆེན་ལ་སློབ་གཉེར་གནང་། རིགས་ཆེ་ཆུང་གི་ཚོགས་ལངས་དང་། སློབ་གཉེར་གྱི་སྐབས་ནས་སློབ་བུ་གང་མང་ལ་དཔེ་ཁྲིད་གནང་། ༡༩༩༣ ལོར་ལྷ་རམས་པའི་གྲྭ་སྐོར་དང་དམ་འཇོག །དེ་རྗེས་རྒྱུད་སྟོད་གྲྭ་ཚང་དུ་གསང་སྔགས་ཀྱི་གཞུང་ལ་ཐོས་བསམ་གནང་། སེར་བྱེས་གྲྭ་ཚང་གི་སློབ་གཉེར་དགེ་རྒན་ཡང་གནང་། བརྩམས་ཆོས་ཀྱང་སྒོམ་སྡེ་ཚིག་མཛོད་ཆེན་མོས་གཙོས་གང་མང་ཞིག་ཡོད། དེང་སྐབས་ཕྱི་རྒྱལ་དུ་དོན་གཉེར་ཅན་རྣམས་ལ་སློབ་ཁྲིད་བྱེད་མུས་སུ་མཆིས་སོ། །