སྒྲ་ཨང་། KADK2040128
མཁས་པ་གཞན། [བཀའ་སློབ་སོགས།] སྤྱིའི་ཨང་། ༢༢༥
རྣམ་པ། MP3 རྣམ་གྲངས། 7 ཆེ་ཆུང་། 106.1 MB
ཁྲིད་ཚན། བླང་དོར་བཀའ་སློབ།
འཁྲིད་མཁན། ༧ཀུན་གཟིགས་པཎ་ཆེན་བཅུ་པ་མཆོག
འཁྲིད་དུས། ༡༩༨༦
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ ༠༦།༠༨ ལ་གསར་དུ་སྒྲིག་སྦྱོར་བྱས།
༢༠༡༩ ལོའི་ཟླ་བརྒྱད་པའི་ཚེས་ཉེར་དགུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
པཎ་ཆེན་སྐུ་ཕྲེང་བཅུ་པ་ཆོས་ཀྱི་རྒྱལ་མཚན་ནི། ༡༩༣༨ ལོར་མདོ་ཁམས་སྨད་དུ་སྐུ་འཁྲུངས། ཐོག་མའི་མཚན་ལ་མགོན་པོ་ཚེ་བརྟན་ཞུ། ༡༩༤༡ ལོར་པཎ་ཆེན་ནང་སྒང་ནས་པཎ་ཆེན་སྐུ་ཕྲེང་དགུ་བའི་ཡང་སྲིད་དུ་ངོས་འཛིན་ཞུས། བླ་ཁོ་རིན་པོ་ཆེས་རྗེ་བཙུན་བློ་བཟང་འཕྲིན་ལས་ལྷུན་གྲུབ་ཆོས་ཀྱི་རྒྱལ་མཚན་དཔལ་བཟང་པོ་ཞེས་མཚན་གསོལ། དངུལ་ཆུ་རིན་པོ་ཆེ་སོགས་ཡོངས་འཛིན་དུ་བསྟེན་ཏེ། གཞུང་ཆེན་ཁག་ལ་གསན་སྦྱངས་དང་ཉམས་བཞེས་མཐར་ཕྱིན་མཛད་པར་མ་ཟད། དགོན་སྡེ་ཉམས་གསོ་དང་སྐུ་གསུང་ཐུགས་རྟེན་གསར་བཞེངས། ནང་རིག་གི་སློབ་གྲྭ་གསར་འཛུགས། དགོན་སྡེ་ཁག་ལ་བཤད་གྲྭ་གསར་འཛུགས་སོགས་བསྟན་འགྲོར་སྨན་པའི་རླབས་ཆེན་གྱི་ཕྱག་ལས་རྒྱ་ཆེར་གནང་ཞིང་། ལྷག་པར་དུ་བོད་ཁམས་སུ་དཔལ་འབྱོར་དང་། རིག་གནས། སློབ་གསོ་སོགས་གོང་འཕེལ་ཡོང་ཆེད་འབད་པ་ལྷོད་མེད་གནང་། ༡༩༦༢ ལོར་རྒྱ་གཞུང་ལ་ཡིག་འབྲུ་ཁྲི་བདུན་གྱི་སྙན་ཞུ་ཕུལ་བ་སོགས་ཀྱིས་ལོ་དགུའི་རིང་བཙོན་དུ་བཞུགས་དགོས་བྱུང་། ༡༩༧༨ ལོར་བཙོན་གྲོལ་ཐོབ་སྟེ། བོད་ཡུལ་ཡར་རྒྱས་ཀྱི་ཆེད་དུ་རྒྱ་གཞུང་ལ་སྐུལ་མ་དང་། མི་རིགས་ས་ཁོངས་རང་སྐྱོང་གི་བཅའ་ཁྲིམས་ལག་བསྟར་བྱེད་རྒྱུར་ཐུགས་འཁུར་ཆེ་བཞེས་གནང་། ༡༩༨༧ལོར་བོད་དར་རྒྱས་རོགས་སྐྱོར་ཐེབས་རྩ་ལྷན་ཚོགས་བཙུགས། བོད་ཀྱི་སྐད་ཡིག་སློབ་སྦྱོང་དང་། བེད་སྤྱོད། གོང་འཕེལ་གཏོང་རྒྱུར་ལྷག་པར་དུ་མཐོང་ཆེན་གནང་ཞིང་། ནང་བསྟན་སློབ་གྲྭ་དང་མཐོ་སློབ་གསར་འཛུགས་གནང་བ་སོགས་བོད་མི་རིགས་ཀྱི་རིག་གཞུང་གོང་འཕེལ་དང་། བོད་ཡུལ་གྱི་དཔལ་འབྱོར་ཡར་རྒྱས་དང་བོད་མིའི་བདེ་སྐྱིད་ཀྱི་ཆེད་དུ་ཕྱག་ལས་རྒྱ་ཆེར་གནང་མུར། ༡༩༨༩ ལོའི་ཟླ་༡ ཕྱི་ཚེས་༢༨ ཉིན་བཀྲ་ཤིས་ལྷུན་པོའི་གཟིམ་ཆུང་དུ་དགོངས་པ་གཞན་དོན་དུ་གཤེགས།