རྩ་བ་མཛད་པ་པོ། པཎ་ཆེན་བློ་བཟང་ཆོས་ཀྱི་རྒྱལ་མཚན།
འགྲེལ་པ་མཛད་པ་པོ། དཀྱིལ་ཟུར་ཡོངས་འཛིན་བློ་བཟང་སྦྱིན་པ།
བརྗོད་བྱ། གཞི་ལམ་འབྲས་བུའི་ཕྱག་རྒྱ་ཆེན་པོ།
ཡོང་ཁུངས། བཤད་སྒྲུབ་ཟུང་འབྲེལ་དཔར་སྐྲུན་ལྷན་ཚོགས།
རིག་མཛོད་འཕྲུལ་དེབ་ཨང་། SJRB-0187
ཡིག་ཆའི་རྣམ་པ། PDF
ཤོག་གྲངས། 199 ལྗིད་ཚད། 1.7MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༧ ལོའི་ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༣ ཟླ་བཞི་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
གཞུང་འདི་ནི་གཞི་ལམ་འབྲས་གསུམ་ཕྱག་རྒྱ་ཆེན་པོའི་ངོ་བོ་ངོས་འཛིན་ལས་བརྩམས་པའི་ཤེས་རབ་དང་བདག་འཛིན་གཉིས་ཀྱི་གཤགས་འདེབས་ཞེས་མཚན་བྱང་ལས་འབྱུང་བ་ལྟར་རྩ་བ་མཛད་པ་པོ་ནི་པཎ་ཆེན་བློ་བཟང་ཆོས་ཀྱི་རྒྱལ་མཚན་ཡིན་ཞིང་། དེའི་འགྲེལ་པ་དཀྱིལ་ཟུར་ཡོངས་འཛིན་བློ་བཟང་སྦྱིན་པས་མཛད་པ་དང་། པར་རྩའི་ཡོང་ཁུངས་བཤད་སྒྲུབ་ཟུང་འབྲེལ་དཔར་སྐྲུན་ལྷན་ཚོགས་ཡིན་པ་གོང་འཁོད་ལྟར་དོ་བདག་གི་པར་རྩ་སོར་བཞག་གིས་རྩོམ་སྒྲིག་བྱས་ཡོད།

དེབ་ཨང་།  TBO115001
ཐོར་བུ། བློ་སྦྱོང་།
སྤྱིའི་ཨང་། ༤༩
མཚན་བྱང་། བློ་སྦྱོང་ཚིགས་བརྒྱད་མ།
མཛད་པ་པོ། གླང་ཐང་པ་རྡོ་རྗེ་སེང་གེ། [༡༠༥༤ - ༡༡༢༣]
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་དྲུག་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

དགེ་བཤེས་གླང་ཐང་པ་རྡོ་རྗེ་སེང་གེ། བོད་དུ་འཕན་ཡུལ་གཉན་གོང་གསེར་མ་གཤོངས་སུ་སྐུ་འཁྲུངས། བཀའ་གདམས་པའི་དགེ་བཤེས། དགེ་བཤེས་པོ་ཏོ་བ་སོགས་ལས་བཀའ་གདམས་གཞུང་དྲུག་གི་བཤད་པ་སོགས་གསན་ཞིང་། རྟག་ཏུ་འཁོར་བའི་ཉེས་དམིགས་དང་། བྱང་ཆུབ་ཀྱི་སེམས་ཁོ་ན་སྒོམ་པར་མཛད་སྟབས་རབ་ཏུ་བྱུང་བ་ནས་ཞལ་འཛུམ་པ་ལན་གསུམ་ལས་མ་བྱུང་། གླང་ཐང་དགོན་པ་བཏབ། གླང་ཐང་བ་དང་། ཤ་ར་བ་གཉིས་ལ་གླང་ཤར་གཉིས་ཞེས་བཀའ་གདམས་པའི་དགེ་བཤེས་གྲགས་ཆེ་བ་ཞིག་དང་། གསུང་ལ་ཆོས་ཚན་འདི་དང་། གཞན་ཡོད་དམ་དཔྱད། བུ་སློབ་ལ་ཡར་ལུང་ལྕགས་ཞིང་པ་སོགས་དང་། གདུང་རྟེན་ས་འབུམ་གླང་ཐང་དགོན་དུ་བཞུགས་སོ།། [དུང་དཀར་ཚིག་མཛོད་སོགས་ལས་བཏུས་ཏེ་བསྡུ་བསྒྲིགས་བྱས།] ཆོས་ཚན་འདི་དགེ་བཤེས་རང་གི་སྨོན་ལམ་གྱི་ཚུལ་དུ་མཛད་ཅིང་། དོན་ལ་རྗེས་འཇུག་རྣམས་ཀྱི་རང་སེམས་འདུལ་བྱེད་ཀྱི་ཐབས་དང་། དེ་ཡང་གཙོ་བོ་བདག་གཞན་མཉམ་བརྗེས་ཀྱི་སྒོ་ནས་གསུངས་ཡོད།

ཕབ་ལེན། PDF ཕབ་ལེན། EPUB ཕབ་ལེན།  ཁྲིད་ཡོད།  1  | 2 | 3 | 4 |

དེབ་ཨང་། TBM200001
ཐོར་བུ། སྙན་རྩོམ།
སྤྱིའི་ཨང་། ༡༣༥
མཚན་བྱང་། དགེ་ཆོས་ཀྱི་སྙན་རྩོམ་ཐོར་བུ།
མཛད་པ་པོ། དགེ་འདུན་ཆོས་འཕེལ། ༡༩༠༣ - ༡༩༥༡
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ལྔ་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

དགེ་འདུན་ཆོས་འཕེལ་ནི། མདོ་སྨད་རེབ་གོང་ཞོ་འཕོང་དུ་སྐུ་འཁྲུངས། གཡའ་མ་བཀྲ་ཤིས་འཁྱིལ་དུ་ཆོས་ཞུགས་བྱས། དེར་སུམ་རྟགས་དང་སྙན་ངག་སོགས་སྦྱངས། དགུང་ལོ་བཅོ་ལྔ་ནས་ལྡི་ཚ་བཀྲ་ཤིས་ཆོས་སྡིངས་སུ་ཞུགས་ཏེ་གཞུང་ལ་སློབ་གཉེར་གནང་། དགུང་ལོ་བཅུ་དགུའི་སྐབས་དགེ་ཚུལ་གྱི་སྡོམ་པ་བཞེས་ཏེ་མཚན་ལ་དགེ་འདུན་ཆོས་འཕེལ་གསོལ། བླ་བྲང་བཀྲ་ཤིས་འཁྱིལ་དུ་ཕེབས་ཏེ་ཚད་མ་དང་ཕར་ཕྱིན་ལ་སྦྱངས་པ་མཛད། དགུང་ལོ་ཉེར་ལྔའི་སྐབས་དབུས་སུ་ཕེབས་ཏེ་འབྲས་སྤུངས་སྒོ་མང་གྲྭ་ཚང་དུ་ཞུགས། དགུང་ལོ་སུམ་ཅུའི་སྐབས་པཎྜི་ཏ་ར་ཧུ་ལས་གདན་ཞུས་ལྟར་རྒྱ་གར་དུ་ཕེབས། དགུང་ལོ་ཞེ་གཉིས་པར་ཁྲི་བྱང་རིན་པོ་ཆེ་དང་ཀ་ཤོད་པ་གཉིས་ཀས་གདན་འདྲེན་ཞུས་པ་ལྟ་བོད་དུ་ཕྱིར་ཕེབས། དགུང་ལོ་ཞེ་བཞི་པར་བཙོན་དུ་བཅུག །༡༩༥༡ སྐུ་གཤེགས་སོ། །ད་ལྟ་ཁོང་གི་གསུང་རྩོམ་ལག་སོན་བྱུང་བ་ཆོས་ཚན་ཉེར་བཞི་བཞུགས་ལ། བསྒྱུར་རྩོམ་ལ་ཆོས་ཚན་དགུ་བཞུགས།

ཕབ་ལེན།  PDF  ཕབ་ལེན།  EPUB  ཕབ་ལེན།

དེབ་ཨང་།  TBK145001
ཐོར་བུ།  ༼དཀར་ཆག༽
སྤྱིའི་ཨང་། ༡༧༨
མཚན་བྱང་། རྗེ་ཙོང་ཁ་པའི་གསུང་འབུམ་གྱི་དཀར་ཆག
ཕྱོགས་སྒྲིག་པ། རིག་མཛོད་རྩོམ་སྒྲིག་པ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ལོའི་ཟླ་བདུན་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

རྗེ་ཙོང་ཁ་པ་བློ་བཟང་གྲགས་པ། མདོ་སྨད་ཙོང་ཁའི་ཡུལ་དུ་འཁྲུངས། དགུང་ལོ་གསུམ་པར་རྗེ་ཀརྨ་པ་རོལ་བའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ལ་ཀུན་དགའ་སྙིང་པོ་དང་། དགུང་ལོ་བདུན་པར་ཆོས་རྗེ་དོན་གྲུབ་རིན་ཆེན་ལས་དགེ་ཚུལ་གྱི་སྡོམ་པ་བཞེས་ཏེ་མཚན་ལ་བློ་བཟང་གྲགས་པ་གསོལ། དགུང་ལོ་བཅུ་བདུན་པར་སློབ་གཉེར་གྱི་ཆེད་དུ་དབུས་སུ་ཕེབས། དགུང་ལོ་སོ་དྲུག་གི་སྐབས་འཁོར་དག་པ་རྣམ་བརྒྱད་དང་བཅས་འོལ་ཁར་སྒྲུབ་པ་གཙོ་བོར་མཛད། དགུང་ལོ་སོ་བདུན་པར་རྫིང་ཕྱིའི་བྱམས་པ་ཞིག་གསོ་མཛད། དགུང་ལོ་སོ་དགུ་པར་གཉལ་གྱི་ལུང་རར་ཆོས་འཁོར་བསྐོར། དགུང་ལོ་ང་གཉིས་ཀྱི་སྐབས་ཆོ་འཕྲུལ་སྨོན་ལམ་ཆེན་མོ་བཙུགས། དགུང་ལོ་ང་གསུམ་གྱི་སྐབས་དགའ་ལྡན་དགོན་པ་བཏབ། དགུང་ལོ་ང་དགུའི་སྐབས། དགའ་ལྡན་དུ་སྟག་རྩེའི་སྒྲུབ་མཆོད་སྤེལ། སློབ་མ་གྲགས་ཆེ་བ། རྒྱལ་ཚབ་དར་མ་རིན་ཆེན་སོགས་མང་དུ་བྱུང་། ༡༤༡༩ ལོར་སྐུ་གཤེགས། གསུང་རྩོམ་ལ། བྱང་ཆུབ་ལམ་རིམ་སོགས་པོ་ཏི་བཅུ་དགུ་བཞུགས།

ཕབ་ལེན།   PDF  ཕབ་ལེན།    EPUB  ཕབ་ལེན།

དེབ་ཨང་།  TBCZ624002
ཐོར་བུ། ༼ ཆོས་སྤྱོད། ༽
སྤྱིའི་ཨང་། ༣༢
མཚན་བྱང་། དཀོན་མཆོག་རྗེས་དྲན་ཡོན་སྦྱོང་དང་བཅས།
མཛད་པ་པོ། སྟོན་པ་བཅོམ་ལྡན་འདས།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བཞི་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

སྟོན་པ་བཅོམ་ལྡན་འདས། སྟོན་པ་ཐུགས་རྗེ་ཅན་དེ་ཉིད་ཀྱིས་དང་པོར་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་པ་གྲངས་མེད་གསུམ་ལ་ཚོགས་བསགས། མཐར་མངོན་པར་རྗོགས་པར་སངས་རྒྱས་ཏེ་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་ནས་འགྲོ་བའི་དོན་རྒྱུན་ཆད་མེད་པར་མཛད། དེ་ཡང་ཐེག་པ་ཆེ་ཆུང་གི་གདུལ་བྱ་ཐུན་མོང་ལ་ཡོངས་སུ་གྲགས་པའི་མཛད་པ་བཅུ་གཉིས་ནི། རྒྱུད་བླ་མ་ལས། སྐྱེ་བ་མངོན་པར་སྐྱེ་བ་དང་། །དགའ་ལྡན་གནས་ནས་འཕོ་བ་དང་། །ལྷུམས་སུ་འཇུག་དང་བལྟམས་པ་དང་། །བཟོ་ཡི་གནས་ལ་མཁས་པ་དང་། །བཙུན་མོའི་འཁོར་དགྱེས་རོལ་བ་དང་། །ངེས་འབྱུང་དཀའ་བ་སྤྱོད་པ་དང་། །བྱང་ཆུབ་སྙིང་པོར་གཤེགས་པ་དང་། །བདུད་སྡེ་འཇོམས་དང་རྫོགས་པར་ནི། །བྱང་ཆུབ་ཆོས་ཀྱི་འཁོར་ལོ་དང་། །མྱ་ངན་འདས་པར་གཤེགས་མཛད་རྣམས། །ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཞེས་པ་ལྟར་རོ།

ཕབ་ལེན།   PDF   ཕབ་ལེན།    EPUB  ཕབ་ལེན།