-
མདུན་ངོས།
-
འཕྲིན་གསར།
-
བགྲོ་གླེང་འཕྲིན་གསར།
- ཕར་ཕྱིན་བགྲོ་གླེང་ཆེན་མོ་ཐེངས་དང་པོ་ཚུགས།
ཕར་ཕྱིན་བགྲོ་གླེང་ཆེན་མོ་ཐེངས་དང་པོ་ཚུགས།
དྲ་འཇུག་པ། རིག་མཛོད་རྩོམ་སྒྲིག་པ།
བོད་རྒྱལ་ལོ་༢༡༥༡ བོད་ཟླ་༨ ཚེས་༡༤ དང་། ཕྱི་ལོ་༢༠༢༤ ཟླ་བ་༡༠ ཚེས་༡༦ ཉིན་བྱེས་ཀྱི་གདན་ས་གསུམ་གྱི་ཡ་གྱལ་སེ་ར་ཐེག་ཆེན་གླིང་གི་ཁྱབ་ཁོངས་སེར་བྱེས་མཁས་སྙན་གྲྭ་ཚང་གི་གཙུག་ལག་ཁང་དུ་ྋསྐྱབས་རྗེ་མཁན་རིན་པོ་ཆེ་མཆོག་གི་དབུས་པའི་མཁན་ལས་ཟུར་རྣམས་དང་། མཚུངས་མེད་བསྟན་པའི་གསལ་བྱེད་དཔེ་ཁྲིད་དགེ་རྒན་རྣམ་པ། དེ་བཞིན་བཀའ་རབ་འབྱམས་དགེ་བའི་བཤེས་གཉེན་འདུས་ཚོགས་དམངས་དང་བཅས་པ་གདན་འཛོམས་པའི་ཐོག འཇམ་དབྱངས་མི་ཡི་རྣམ་རོལ་ལུང་དང་རིགས་པའི་དབང་ཕྱུག་རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་གི་གསུང་ཕར་ཕྱིན་ཐོག་ཉིན་འཁྱོངས་གཅིག་གི་བགྲོ་གླེང་ལྷུག་པོར་གནང་བས་འདི་ཕྱི་ཀུན་ཏུ་དགེ་བའི་དོན་བཟང་འགྱུར་བར་སྨོན། སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ཕྱི་ལོ་༢༠༢༤ཟླ་༡༠ཚེས་༡༧ལ།
རིག་མཛོད་རྩོམ་སྒྲིག་པ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས།
དྲ་ཚིགས།: www.serajeyrigzodchenmo.org ཡིག་འབྲེལ་དྲ་བྱང་། serajeyrigzodchenmo@gmail.com
