མཛད་པ་པོ། སྦྲ་ཆེན་བློ་བཟང་ཕུན་ཚོགས།
བརྗོད་བྱ། གསང་སྔགས་ཀྱི་ལམ་གྱི་རིམ་པ།
རིག་མཛོད་འཕྲུལ་དེབ་ཨང་། SJRB-0274
ཡིག་ཆའི་རྣམ་པ། PDF
ལྗིད་ཚད། 1.7 MB
༢༠༡༩ ཟླ་གསུམ་པར་རྩོམ་སྒྲིག་བྱས།
༢༠༢༠ ཟླ་ ༨ ཚེས་ ༣ ཉིན་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
སྦྲ་ཆེན་བློ་བཟང་ཕུན་ཚོགས་ནི། རྫ་སེར་ཤུལ་འབྲོག་སྡེའི་དཔོན་ཚང་སྦྲ་ཆེན་ཚང་ཞེས་པར་དུས་རབས་བཅུ་དགུ་པའི་ནང་དུ་སྐུ་འཁྲུངས། སེར་ཤུལ་དགོན་དུ་ཆོས་ཞུགས་ཀྱིས་སློབ་གཉེར་གནང་། དཔོན་ཚང་གི་ཐོབ་དང་རྒྱུ་འབྱོར་སོགས་གང་ཡང་དང་དུ་མ་བླངས་པར་རང་དགོན་གྱི་རྒྱབ་རིའི་ངོས་ཀྱི་རི་ཁྲོད་དུ་བཞུགས་ནས་ཉམས་བཞེས་གནང་ཞིང་། ཞོར་དུ་དོན་གཉེར་ཅན་གང་མང་ལ་གཞུང་ཆེན་ཁག་སློབ་ཁྲིད་གནང་། གསུང་རྩོམ་ལ། དྲང་ངེས་ཟིན་བྲིས་ཟབ་དོན་གསལ་བའི་སྒྲོན་མེ། རིམ་ལྔའི་མཐའ་དཔྱོད་གསང་ཆེན་ཀནྡ་བཞད་པའི་ལེགས་བཤད་རྒྱུ་སྐར་བདག་པོ་སོགས་པོ་ཏི་བཞི་ལྷག་ཙམ་ཡོད་པ་སེར་ཤུལ་དགོན་དུ་ཤིང་པར་བཞུགས། མཚན་གྱི་རྣམ་གྲངས་ལ། སེར་ཤུལ་བློ་བཟང་ཕུན་ཚོགས། བསོད་ནམས་དཔལ་འབྱོར།

མཛད་པ་པོ། མཁས་གྲུབ་ནོར་བཟང་རྒྱ་མཚོ།
བརྗོད་བྱ། དཔལ་དུས་ཀྱི་འཁོར་ལོའི་ཕྱི་ནང་གཞན་གསུམ།
རིག་མཛོད་འཕྲུལ་དེབ་ཨང་། SJRB-0233
ཡིག་ཆའི་རྣམ་པ། PDF
ལྗིད་ཚད། 3.2 MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༩ ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༠ ལོའི་ཟླ་ ༨ ཚེས་ ༣ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
མཁས་གྲུབ་ནོར་བཟང་རྒྱ་མཚོ་ནི། ཕྱི་ལོ་ ༡༤༢༣ ལོར་གཙང་རྟ་ནག་རང་བྱུང་དུ་སྐུ་འཁྲུངས། དགུང་ལོ་བཅུ་གསུམ་པ་ལ་ཆོས་རྗེ་བློ་གྲོས་མགོན་ལས་རབ་བྱུང་བསྒྲུབས། སློབ་དཔོན་གྲགས་པ་བཟང་པོའི་ཞབས་ལ་གཏུགས་ཏེ་གཞུང་ཆེན་ཁག་ལ་ཐོས་བསམ་སློབ་གཉེར་གནང་། སྟག་ཚང་ལོ་ཙཱ་བ་ཤེས་རབ་རིན་ཆེན་སོགས་དང་། རྒྱལ་བ་དགེ་འདུན་གྲུབ་པ་ལས་བསྐྱར་དུ་ཕར་ཕྱིན་སོགས་ལ་སྦྱངས་ཤིང་གསང་ཕུ་སོགས་སུ་གྲྭ་སྐོར་མཛད། དགུང་ལོ་སོ་ལྔ་པ་ལ་ཁྲི་ཆེན་བློ་གྲོས་ཆོས་སྐྱོང་ལས་བསྙེན་པར་རྫོགས། དགུང་ལོ་སོ་བདུན་པ་ལ་དབེན་གནས་འགྲིམས་ནས་ལོ་བཞི་བཅུ་ཙམ་གྱི་རིང་ལ་སྒྲུབ་པ་ཉམས་ལེན་གནང་། དགུང་ལོ་གོ་གཅིག་པ་ཕྱི་ལོ་ ༡༥༡༣ ལོར་སྐུ་གཤེགས། ཁོང་ནི་ལམ་རིམ་བླ་བརྒྱུད་ཀྱི་བླ་རབས་ལྔ་བཅུ་ང་བདུན་པ་ཡིན། ཁོང་གི་གསུང་རྩོམ་ལ། དུས་འཁོར་སྤྱི་དོན་དྲི་མེད་འོད་རྒྱན་སོགས་ཡོད།

མཛད་པ་པོ། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ།
བརྗོད་བྱ། སེམས་ངོ་སྤྲོད་ཚུལ་སོགས།
རིག་མཛོད་འཕྲུལ་དེབ་ཨང་། SJRB-0278
ཆོས་ཚན་གྲངས། བཅོ་ལྔ།
ཡིག་ཆའི་རྣམ་པ། PDF
ལྗིད་ཚད། 676 KB
༢༠༡༥ ཟླ་ ༨ པར་རྩོམ་སྒྲིག་བྱས།
༢༠༢༠ ཟླ་༧ཚེས་༢༢ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་ནི། ༡༨༤༦ ལོར་སྡེ་དགེའི་ཉེ་འདབས་ཡ་ཆུ་དིང་ཆུང་གི་ས་ཆར་སྐུ་འཁྲུངས། དགུང་ལོ་དྲུག་བདུན་ནས་ཡབ་དང་ཞང་པོའི་དྲུང་ནས་ཡི་གེའི་འབྲི་ཀློག་སོགས་ལ་གཞོལ། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད། དགུང་ལོ་བཅོ་བརྒྱད་ཀྱི་སྐབས་ཞང་པོ་དང་འགྲོགས་ནས་ལྷ་ལྡན་དུ་གནས་སྐོར་ལ་བྱོན། ཕྱིར་ལོག་རྗེས་འཇམ་དབྱངས་མཁྱེན་བརྩེ་དབང་པོ་སོགས་ལས་ཐུན་མོང་དང་ཐུན་མོང་མ་ཡིན་པའི་གཙུག་ལག་ལ་སྦྱངས། སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་སོགས་མང་དུ་བྱུང། ༡༩༡༢ ལོར་འཇུ་རི་ཁྲོད་དུ་སྐུ་གཤེགས། ཁོང་གི་གསུང་རྩོམ་ལ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།

མཛད་པ་པོ། ཀུན་མཁྱེན་ཀློང་ཆེན་དྲི་མེད་འོད་ཟེར།
བརྗོད་བྱ། རྫོགས་པ་ཆེན་པོ།
རིག་མཛོད་འཕྲུལ་དེབ་ཨང་། SJRB-0167
ཡིག་ཆའི་རྣམ་པ། PDF
ལྗིད་ཚད། 696 KB
༢༠༡༥ ཟླ་ ༡༡ པར་རྩོམ་སྒྲིག་བྱས།
༢༠༢༠ ཟླ་༧ཚེས་༢༡ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
ཀུན་མཁྱེན་ཀླུང་ཆེན་དྲི་མེད་འོད་ཟེར། གཡོ་རུ་གྲྭའི་ཆ་སྟོད་གྲོང་དུ་འཁྲུངས། དགུང་ལོ་ལྔའི་སྐབས་ནས་ཡི་གེ་འབྲི་ཀློག་སོགས་སྦྱངས། དགུང་ལོ་བཅུ་པར་ཆོས་སྒོར་ཞུགས། དགུང་ལོ་བཅུ་དྲུག་པར་ལམ་འབྲས་སོགས་མདོ་སྔགས་ཀྱི་ཆོས་མང་དུ་གསན། ལུང་རིགས་སྨྲ་བའི་སྡེ་རྣམས་སུ་གྲྭ་སྐོར་མཛད་པས་ཀློང་ཆེན་རབ་འབྱམས་པ་ཞེས་པའི་མཚན་སྙན་ཐོབ། གངས་རི་ཐོད་དཀར་ཨོ་རྒྱན་རྫོང་འོད་ཟེར་སྤྲིན་གྱི་སྐྱེད་ཚལ་དུ་དགོན་གནས་བཏབ། དབུ་རུ་ཞྭའི་ལྷ་ཁང་ཞིག་གསོ་མཛད། སྐུ་ཚེ་གང་པོར་འཆད་རྩོད་རྩོམ་གསུམ་གྱིས་དུས་འདའ་བར་མཛད། གངས་ཅན་གྱི་འཇམ་དབྱངས་རྣམ་གསུམ་གྱི་ཡ་གྱལ་དུ་བགྲངས། ༡༣༦༣ ལོར་བསམ་ཡས་མཆིམས་ཕུ་དཔལ་གྱི་ནགས་ཁྲོད་དུ་སྐུ་གཤེགས། གསུང་རྩོམ་ལ་ཆོས་ཚན་ཉིས་བརྒྱ་ལྔ་བཅུ་རྩ་གསུམ་བཞུགས་པར་གྲགས།

མཛད་པ་པོ། ཨ་ཁུ་ཤེས་རབ་རྒྱ་མཚོ།
བརྗོད་བྱ། བསྐྱེད་རིམ་གྱི་རྣམ་གཞག
རིག་མཛོད་འཕྲུལ་དེབ་ཨང་། SJRB-0269
ཡིག་ཆའི་རྣམ་པ། PDF
ལྗིད་ཚད། 927 KB
གཤིབ་སྡུར་དང་བཟོ་སྒྲིག་པ། སྐལ་བཟང་ཐར་འདོད། 
༢༠༡༥ ལོའི་ཟླ་བཅུ་པར་གསར་དུ་རྩོམ་སྒྲིག་བྱས།
༢༠༢༠ ཟླ་༧ཚེས་༢༡ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཨ་ཁུ་ཤེས་རབ་རྒྱ་མཚོ་ནི། རྩེ་གཞུང་བྲག་དམར་མདོ་རུ་འཁྲུངས། དགུང་ལོ་དྲུག་གི་སྐབས་ཡི་གེ་འབྲི་ཀློག་སྦྱངས། ལོ་དེར་དགེ་བསྙེན་དང་རབ་བྱུང་གི་སྡོམ་པ་ཞུས། བླ་བྲང་བཀྲ་ཤིས་འཁྱིལ་དུ་ཞུགས་ཏེ། མདོ་སྔགས་རིག་གནས་སོགས་ལ་སྦྱངས། དགུང་ལོ་བཅུ་བདུན་གྱི་སྐབས་དགེ་ཚུལ་གྱི་སྡོམ་པ་བཞེས། མཚན་ལ་དཀོན་མཆོག་བསྟན་འཛིན་གསོལ། འཇམ་བཞད་སྐུ་ཕྲེང་གསུམ་པའི་དྲུང་ཡིག་གི་འགན་ཁུར། དགུང་ལོ་ཉེར་བརྒྱད་པར་དགེ་སློང་གི་སྡོམ་པ་བླངས། མཚན་ལ་ཤེས་རབ་རྒྱ་མཚོ་གསོལ། དུས་འཁོར་གྲྭ་ཚང་དུ་རྣམ་སྣང་མངོན་བྱང་གི་སྒྲུབ་མཆོད་ཆ་ལག་དང་བཅས་པ་གསར་དུ་བཙུགས། ༡༨༧༥ ལོར་སྐུ་གཤེགས། གསུང་རྩོམ་ལ། པོ་ཏི་བདུན་བཞུགས།