![རིག་མཛོད་རྩོམ་སྒྲིག་པ།](/media/k2/users/2.jpg)
རིག་མཛོད་རྩོམ་སྒྲིག་པ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས།
དྲ་ཚིགས།: www.serajeyrigzodchenmo.org ཡིག་འབྲེལ་དྲ་བྱང་། serajeyrigzodchenmo@gmail.com
སེམས་ཀྱི་ཞི་བདེ།
མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
པར་གཞིའི་ཡོང་ཁུངས། རྒྱལ་བ་རིན་པོ་ཆེའི་དྲ་ཚིགས།
བརྗོད་བྱ། ནང་ཆོས་ངོ་སྤྲོད།
རིག་མཛོད་དེབ་ཨང་། SJRB-0364
ཡིག་ཆའི་རྣམ་པ། PDF
ཤོག་གྲངས། 282 ལྗིད་ཚད། 2.2MB
༢༠༡༥ ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༤ ཟླ་དྲུག་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས། གསུང་རྩོམ་འདི་ནི། ནང་པས་དཔྱད་པ་ལ་ལྟ་ཕྱོགས། འཁོར་འདས་ཀྱི་གནས་སྟངས། སེམས་དང་སེམས་བྱུང་། རྟེན་འབྲེལ་བཅུ་གཉིས། འགོག་བདེན་དང་རིགས། ལམ་དང་བདེ་བ། སྒོམ་གྱི་ཐབས་ལམ། བྱང་ཆུབ་ཀྱི་སེམས། དགྲ་བོར་གཅེས་པར་འཛིན་ཚུལ། ཤེས་རབ་བཅས་ལེའུ་བཅུ་ལས་གྲུབ་ཡོད་ཅིང་། མཆོག་གསུམ་དང་། ལྟ་བ་བཀར་བཏགས་ཀྱི་ཕྱག་རྒྱ་བཞི། འཕགས་པའི་བདེན་པ་བཞི། ཤེས་པའི་རྒྱུན་དང་སྐྱེ་འཆིའི་རྣམ་གཞག །ཉོན་མོངས་དང་ལས། རྣམ་ཤེས་ཕྲ་རགས། སེམས་སེམས་བྱུང་། འགོག་བདེན་དང་རིགས། བྱང་ཕྱོགས་སོ་བདུན། ཞི་ལྷག་དང་བྱང་ཆུབ་ཀྱི་སེམས་སྦྱོང་ཚུལ་སོགས་གོ་བདེ་བར་ངོ་སྤྲོད་མཛད་འདུག་ལ། དོན་ཚན་རེ་རེའི་མཇུག་ཏུ་དྲི་བར་ལན་གནང་བ་ཁག་ཅིག་ཀྱང་བཀོད་འདུག་པ་བཅས་ནང་པའི་གཞུང་ཆེན་ཁག་ལ་སློབ་གཉེར་གཏིང་ཟབ་མོ་བྱེད་པའི་གོ་སྐབས་མ་ཐོབ་པ་རྣམས་ལ་ཤིན་ཏུ་མཁོ་ཆེ་བ་ཞིག་ཡིན།
PDF ཕབ་ལེན། |
---|