མཛད་པ་པོ། རྒྱལ་ཚབ་དར་མ་རིན་ཆེན།
པར་གཞི། བཀྲ་ཤིས་ལྷུན་པོའི་ཤིང་པར་ལ་གཞི་བྱས།
ཆོས་ཚན། རྣམ་ངེས་ཊཱིཀ་ཆེན་སྨད་ཆ་སོགས།
རིག་མཛོད་དེབ་ཨང་། SJRB-0375
ཡིག་ཆའི་རྣམ་པ། PDF
ལྗིད་ཚད། 2.9MB
༢༠༢༢ ཟླ་དང་པོར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྒྱལ་ཚབ་དར་མ་རིན་ཆེན་གྱི་གསུང་འབུམ་པོད་ཉ་པ་འདིའི་ནང་དུ། ༡ རྒྱལ་བའི་གསུང་རབ་མཐའ་དག་དང་ཁྱད་པར་དུ་མངོན་པའི་སྡེ་སྣོད་ཀྱི་དགོངས་པ་གཙོ་བོར་འགྲེལ་པ་ལྷག་པ་ཤེས་རབ་ཀྱི་བསླབ་པ་དངོས་སྟོབས་ཀྱི་རིགས་པས་གཏན་ལ་འབེབས་པ་ནང་རིག་པའི་བསྟན་བཅོས་ཚད་མ་རྣམ་པར་ངེས་པའི་རྣམ་བཤད་ཐེག་པ་གསུམ་གྱི་ལམ་དུ་བགྲོད་པ་རྒྱལ་བའི་དགོངས་པ་རབ་ཏུ་གསལ་བར་བྱེད་པ་ཞེས་བྱ་བ་ཡོངས་གྲགས་སུ་རྣམ་ངེས་ཊཱིཀ་ཆེན་དུ་གྲགས་པའི་སྨད་ཆ། ༢ ཚད་མ་རིགས་ཐིགས་ཀྱི་འགྲེལ་པ་ལེགས་བཤད་སྙིང་པོའི་གཏེར་རམ་རིགས་ཐིགས་དར་ཊཱིཀ་ཏུ་གྲགས་པ་བཅས་ཆོས་ཚན་གཉིས་ལྷན་དུ་བཞུགས།

མཛད་པ་པོ། རྒྱལ་ཚབ་དར་མ་རིན་ཆེན།
པར་གཞི། བཀྲས་ལྷུན་ཤིང་པར་དུ་མ་ཚུད་པའི་པར་རྩ་འདྲ་མིན་ནས་བཏུས་སྒྲིག་བྱས།
ཆོས་ཚན། ཚད་མ་རིགས་གཏེར་གྱི་རྣམ་བཤད་ལེགས་བཤད་སྙིང་པོ་སོགས།
རིག་མཛོད་དེབ་ཨང་། SJRB-0376
ཡིག་ཆའི་རྣམ་པ། PDF
ལྗིད་ཚད། 2.5MB
༢༠༢༢ ཟླ་དང་པོར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྒྱལ་ཚབ་དར་མ་རིན་ཆེན་གྱི་གསུང་འབུམ་པོད་ཏ་པ་འདིའི་ནང་དུ། ༡ ཚད་མ་རིགས་པའི་གཏེར་གྱི་རྣམ་བཤད་ལེགས་པར་བཤད་པའི་སྙིང་པོ། ༢ སློབ་དཔོན་ཡེ་ཤེས་སྙིང་པོས་མཛད་པའི་བདེན་གཉིས་ཀྱི་རྣམ་བཤད་སྙིང་པོ་གསལ་བྱེད། ༣ དབུ་མ་ལ་འཇུག་པའི་བསྡུས་དོན། ༤ རྫོགས་རིམ་དཔྱིད་ཀྱི་ཐིག་ལེའི་ཟིན་བྲིས་བྱི་བའི་ལོར་མཛད་པ། ༥ རྫོགས་རིམ་དཔྱིད་ཀྱི་ཐིག་ལེའི་ཟིན་བྲིས་ཕག་གི་ལོར་སེ་ར་ཆོས་སྡིངས་སུ་མཛད་པ། ༦ དུས་ཀྱི་འཁོར་ལོའི་རྣལ་འབྱོར་ཡན་ལག་དྲུག་གི་ཁྲིད་བསྡུས་པ། ༧ རྡོ་རྗེ་ཐེག་པའི་རྩ་ལྟུང་གི་རྣམ་བཤད། ༨ ལྟུང་བཤགས་ཀྱི་ཊཱིཀྐ་མདོར་བསྡུས། ༩ དཔལ་གསང་བ་འདུས་པའི་བླ་བརྒྱུད་གསོལ་འདེབས་བཅས་རྒྱལ་ཚབ་རིན་པོ་ཆེའི་གསུང་བཀྲ་ཤིས་ལྷུན་པོའི་ཤིང་དཔར་དུ་མ་ཚུད་པའི་ཆོས་ཚན་དགུ་ལྷན་དུ་བཞུགས།

མཛད་པ་པོ། རྒྱལ་བ་དགེ་འདུན་གྲུབ།
བརྗོད་བྱ། སོ་སོར་ཐར་པ་འདུལ་བའི་སྐོར།
རིག་མཛོད་འཕྲུལ་དེབ་ཨང་། SJRB-0367
རྣམ་པ། PDF
ལྗིད་ཚད། 2.4 MB
གཤིབ་སྡུར་དང་བཟོ་སྐྲུན་པ། དགེ་བཤེས་སྐལ་བཟང་ཐར་འདོད།
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༡ ཟླ་བཅུ་གཉིས་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྒྱལ་བ་དགེ་འདུན་གྲུབ་པ་མཆོག་ནི། ༧རྒྱལ་བ་རིན་པོ་ཆེ་སྐུ་ཕྲེང་དང་པོ། ཕྱི་ལོ་༡༣༩༡ ལོར་གཙང་དུ་ས་སྐྱའི་ཉེ་འདབས་སུ་སྐུ་འཁྲུངས། སྣར་ཐང་གི་མཁན་རབས་བཅུ་བཞི་པ་རྗེ་གྲུབ་པ་ཤེས་རབ་ལས་དགེ་བསྙེན་གྱི་སྡོམ་པ་བཞེས། དགུང་ལོ་བཅོ་ལྔ་པར་དགེ་ཚུལ་གྱི་སྡོམ་པ་མནོས། མཚན་ལ་དགེ་འདུན་གྲུབ་པ་དཔལ་དུ་གསོལ། དགུང་ལོ་ཉི་ཤུ་པར་དགེ་སློང་གི་སྡོམ་པ་མནོས། སྣང་ཐང་སངྒྷ་ཤྲཱི་ལས་སྙན་ངག་མེ་ལོང་སོགས་དང་། ཆོས་བཀའ་དུ་མ་གསན། དགུང་ལོ་ཉེར་ལྔ་པར་དབུས་སུ་ཕེབས་ཏེ་རྗེ་ཙོང་ཁ་པ་དང་མཇལ། དགུང་ལོ་སོ་དྲུག་པར་སྣར་ཐང་སོགས་སུ་ལོ་བཅུ་གཉིས་ཀྱི་བར་འཆད་ཉན་མཛད། དགུང་ལོ་ཞེ་གཉིས་པར་བོ་དོང་ཕྱོགས་ལས་རྣམ་རྒྱལ་དང་མཇལ་ཏེ་ཆོས་མང་པོ་གསན། དགུང་ལོ་ཞེ་དྲུག་ལ་བྱང་ཆེན་དུ་ཐེག་ཆེན་ཕོ་བྲང་ཆེན་མོ་བཏབ། དགུང་ལོ་ང་བདུན་པ་༡༤༤༧ ལོར་བཀྲ་ཤིས་ལྷུན་པོ་བཏབ་ཅིང་། དེར་ལོ་ཉི་ཤུ་རྩ་བརྒྱད་ཀྱི་བར་འཆད་ཉན་རྒྱུན་མ་ཆད་པར་གནང་། སློབ་མ་གྲགས་ཆེ་བ་ནི་འདུལ་འཛིན་དཔལ་ལྡན་བཟང་པོ་སོགས་མང་དུ་བྱུང་། ཕྱི་ལོ་ ༡༤༧༤ ལོར་སྐུ་གཤེགས། གསུང་རྩོམ་ལ། འདུལ་བའི་གླེང་འབུམ་སོགས་པོ་ཏི་བདུན་ཙམ་བཞུགས།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།

མཛད་པ་པོ། དཔལ་ལྡན་ཆོས་གྲགས།
བརྗོད་བྱ། སྡེ་བདུན་གྱི་ནང་ཚན་ཚད་མའི་སྐོར། 
རིག་མཛོད་འཕྲུལ་དེབ་ཨང་། SJRB-0021
ཡིག་ཆའི་རྣམ་པ། PDF
ཤོག་གྲངས། 361 ལྗིད་ཚད། 1.9MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
དཔལ་ལྡན་ཆོས་གྲགས་མཆོག་ནི། རྒྱ་གར་ལྷོ་ཕྱོགས་ཏྲི་མ་ལ་ཡ་ཟེར་བའི་ཡུལ་དུ་འཁྲུངས། ཆུང་དུས་ནས་རིག་གནས་ལྔ་དང་མུ་སྟེགས་ཀྱི་གྲུབ་མཐའ་ལ་སྦྱངས། དགུང་ལོ་བཅོ་བརྒྱད་ཀྱི་སྐབས་མུ་སྟེགས་ཀྱི་ལྟ་བ་ལ་མཁས་པར་གྱུར། རྗེས་སུ་ནང་པའི་གཞུང་ལ་གཟིགས་ནས་མུ་སྟེགས་ཀྱི་གྲུབ་མཐའ་དོར་བས་ཕ་མ་ཞང་པོ་དང་བཅས་པས་ཁྱིམ་ནས་བསྐྲད། རྒྱ་གར་ཡུལ་དབུས་སུ་བྱོན་ནས་སློབ་དཔོན་ཆོས་སྐྱོང་ལས་རབ་ཏུ་བྱུང་ནས་ནང་པའི་གཞུང་ལ་སྦྱངས། སློབ་དཔོན་དབང་ཕྱུག་སྡེའི་དྲུང་དུ། ཚད་མ་ཀུན་བཏུས་ཚར་གསུམ་གསན། སློབ་མ་ཁྲི་ཕྲག་མང་པོ་ཡོད་ཀྱང་མཉམ་དུ་གནས་པ་ནི་ལྔ་ལས་མེད། སྐུ་ཚེའི་མཐར་རྒྱ་གར་ལྷོ་ཕྱོགས་ཀྱི་རྒྱུད་དུ་བཞུགས་ནས། ཡུལ་ཀ་ལིངྐར་མྱ་ངན་ལས་འདས། སློབ་དཔོན་འདིས་བསྟན་བཅོས་མང་པོ་བརྩམས་ཀྱང་ཡོངས་གྲགས་སུ་བོད་དུ་བསྒྱུར་ཡོད་པ། ཚད་མ་རྣམ་འགྲེལ། ཚད་མ་རྣམ་ངེས། རིགས་པའི་ཐིགས་པ་སོགས་བསྟན་འགྱུར་མདོ་ཕྱོགས་ཀྱི་པོད། [ ཅེ ] པར་བཞུགས།

མཛད་པ་པོ། ༧རྒྱལ་བ་དགེ་འདུན་རྒྱ་མཚོ།
བརྗོད་བྱ། ཟབ་མོ་དབུ་མའི་ལྟ་བའི་སྐོར།
རིག་མཛོད་དེབ་ཨང་། SJRB-0348
ཡིག་ཆའི་རྣམ་པ། PDF
ལྗིད་ཚད། 1.4MB
༢༠༢༡ ཟླ་ ༢ ཚེས་ ༢༨ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ྋརྒྱལ་བ་དགེ་འདུན་རྒྱ་མཚོ་མཆོག་ནི། རབ་བྱུང་བརྒྱད་པའི་མེ་སྤྲེལ་སྤྱི་ལོ་ ༡༤༧༦ ལོར་གཙང་རྟ་ནག་ཡུལ་གྱི་སོ་ནམ་པའི་ཁྱིམ་དུ་ཡབ་ཀུན་དགའ་རྒྱ་མཚོ་དང༌། ཡུམ་ཀུན་དགའ་དཔལ་མོ་གཉིས་ཀྱི་སྲས་སུ་སྐུ་འཁྲུངས། དགུང་ལོ་བཅུ་གཅིག་པར་ྋརྗེ་དགེ་འདུན་གྲུབ་པའི་ཡང་སྤྲུལ་དུ་ངོས་འཛིན་མཛད། དགུང་ལོ་བཅུ་གཉིས་པར་གྲྭ་སར་ཞུགས་ཏེ་དགེ་བཤེས་ལུང་རིགས་རྒྱ་མཚོ་ལས་དགེ་ཚུལ་གྱི་སྡོམ་པ་མནོས། གདན་ས་ཆེན་པོ་འབྲས་སྤུངས་སུ་ཕེབས་ཏེ་གནས་རྙིང་རིན་པོ་ཆེ་ལས་བསྙེན་པར་རྫོགས་ཤིང་། དབུ་མ། ཚད་མ། ཕར་ཕྱིན་བཅས་ལ་མཁས་པར་སྦྱངས། དེ་ནས་ལྷོ་ཁ་དང༌། དྭགས་པོ། སྣར་ཐང༌། རྭ་སྒྲེང་སོགས་སུ་ཞབས་ཀྱིས་བཅགས་ཏེ་ཞྭ་སེར་བསྟན་པའི་མེ་རོ་གསོས། ལྷ་མོའི་བླ་མཚོའི་ཉེ་འགྲམ་དུ་གདན་ས་ཆོས་འཁོར་རྒྱལ་ཕྱག་བཏབ། གདན་ས་བཀྲ་ཤིས་ལྷུན་པོ་དང༌། འབྲས་སྤུངས་དགོན་གྱི་ཁྲི་ལ་བཀོད། སེ་ར་ཐེག་ཆེན་གླིང་གི་མཁན་པོའང་མཛད། འབྲས་སྤུངས་དགོན་དུ་བཞུགས་གནང་མཛད་སྐབས་དགའ་ལྡན་ཕོ་བྲང་ཕྱག་འདེབས་མཛད་ནས་སྡེ་སྲིད་བསྐོ་བཞག་བྱེད་པའི་ལམ་ལུགས་བཙུགས། ཁོང་རབ་བྱུང་དགུ་པའི་ཆུ་ཕོ་སྟག་ལོ་སྟེ་སྤྱི་ལོ་ ༡༥༤༣ ལོར་འབྲས་སྤུངས་སུ་སྐུ་མྱ་ངན་ལས་འདས་པ་བཅས་སོ།
ཁོང་གི་གསུང་རྩོམ་ནི། དོན་རྒྱན་སོ་ལྔའི་དཔེར་བརྗོད་དང༌། གྲུབ་མཐའ་རྒྱ་མཚོར་འཇུག་པའི་གྲུ་རྫིངས། སྟོང་ཉིད་བདུན་ཅུའི་རྣམ་བཤད། རྟེན་འབྲེལ་བསྟོད་པའི་རྣམ་བཤད། དབུ་མ་འཇུག་པའི་རྣམ་བཤད། དཀར་ཆག་དང་རྣམ་ཐར་སོགས་པོ་ཏི་གསུམ་ཙམ་བཞུགས།