མཛད་པ་པོ། དཔལ་ལྡན་ཆོས་གྲགས།
བརྗོད་བྱ། རྟོག་གེའི་ཚིག་དོན་བརྒྱད།
རིག་མཛོད་འཕྲུལ་དེབ་ཨང་། SJRB-0352
ཡིག་ཆའི་རྣམ་པ། PDF
ལྗིད་ཚད། 1.6KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༡ ཟླ་ ༡ ཚེས་ ༢༨ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
དཔལ་ལྡན་ཆོས་གྲགས་མཆོག་ནི། རྒྱ་གར་ལྷོ་ཕྱོགས་ཏྲི་མ་ལ་ཡ་ཟེར་བའི་ཡུལ་དུ་འཁྲུངས། ཆུང་དུས་ནས་རིག་གནས་ལྔ་དང་མུ་སྟེགས་ཀྱི་གྲུབ་མཐའ་ལ་སྦྱངས། དགུང་ལོ་བཅོ་བརྒྱད་ཀྱི་སྐབས་མུ་སྟེགས་ཀྱི་ལྟ་བ་ལ་མཁས་པར་གྱུར། རྗེས་སུ་ནང་པའི་གཞུང་ལ་གཟིགས་ནས་མུ་སྟེགས་ཀྱི་གྲུབ་མཐའ་དོར་བས་ཕ་མ་ཞང་པོ་དང་བཅས་པས་ཁྱིམ་ནས་བསྐྲད། རྒྱ་གར་ཡུལ་དབུས་སུ་བྱོན་ནས་སློབ་དཔོན་ཆོས་སྐྱོང་ལས་རབ་ཏུ་བྱུང་ནས་ནང་པའི་གཞུང་ལ་སྦྱངས། སློབ་དཔོན་དབང་ཕྱུག་སྡེའི་དྲུང་དུ། ཚད་མ་ཀུན་བཏུས་ཚར་གསུམ་གསན། སློབ་མ་ཁྲི་ཕྲག་མང་པོ་ཡོད་ཀྱང་མཉམ་དུ་གནས་པ་ནི་ལྔ་ལས་མེད། སྐུ་ཚེའི་མཐར་རྒྱ་གར་ལྷོ་ཕྱོགས་ཀྱི་རྒྱུད་དུ་བཞུགས་ནས། ཡུལ་ཀ་ལིངྐར་མྱ་ངན་ལས་འདས། སློབ་དཔོན་འདིས་བསྟན་བཅོས་མང་པོ་བརྩམས་ཀྱང་ཡོངས་གྲགས་སུ་བོད་དུ་བསྒྱུར་ཡོད་པ། ཚད་མ་རྣམ་འགྲེལ། ཚད་མ་རྣམ་ངེས། རིགས་པའི་ཐིགས་པ་སོགས་བསྟན་འགྱུར་མདོ་ཕྱོགས་ཀྱི་པོད། [ ཅེ ] པར་བཞུགས།

མཛད་པ་པོ། དགེ་བཤེས་སྐལ་བཟང་ཨེ་ལགས།
བརྗོད་བྱ། སུམ་ཅུ་པ་དང་རྟགས་འཇུག
རིག་མཛོད་འཕྲུལ་དེབ་ཨང་། SJRB-0182
ཡིག་ཆའི་རྣམ་པ། PDF
ལྗིད་ཚད། 1.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༡ ཟླ་ ༢ ཚེས་ ༢༧ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
དགེ་བཤེས་སྐལ་བཟང་ལྷུན་འགྲུབ་བམ་སྐལ་བཟང་ཨེ་ལགས་མཆོག་ནི། ཕྱི་ལོ་ ༡༩༥༩ ལོར་ཆབ་མདོ་ས་སྒང་ཕག་རིར་སྔོ་གསར་ཚང་ཡབ་མཁྱེན་རབ་བསྟན་འཛིན་དང་། ཡུམ་ལྷ་མོ་ཚེ་རིང་གཉིས་ཀྱི་སྲས་སུ་འཁྲུངས་ནས་ལོ་དེར་བཙན་བྱོལ་དུ་འབྱོར། དགུང་ལོ་བདུན་གྱི་ཐོག་མེ་སོར་བོད་མིའི་གཞིས་ཆགས་ཀྱི་སློབ་གྲྭར་འཛིན་གྲྭ་ལྔ་པའི་བར་ཕེབས། ཕྱི་ལོ་ ༡༩༧༢ ལོར་བྲག་རྒྱབ་རིན་པོ་ཆེའི་དྲུང་དུ་རབ་ཏུ་བྱུང་སྟེ་སེར་བྱེས་གྲྭ་ཚང་གི་ཆོས་སྒོར་ཞུགས། ཕྱི་ལོ་ ༡༩༨༥ ལོར་སེར་བྱེས་སློབ་གྲྭའི་དགེ་རྒན་གནང་ནས་བཟུང་ལོ་ངོ་ཉི་ཤུ་རྩ་ལྔ་ཧྲིལ་པོ་བོད་ཀྱི་རིག་གནས་དང་། རྒྱལ་རབས་ཆོས་འབྱུང་། དབུ་མེད་ཡིག་གཟུགས་ཁག་བདུན། དག་ཡིག་སོགས་སློབ་ཁྲིད་ཀྱི་ཕྱག་ལས་གནང་། མཐའ་མའི་ལོ་ལྔའི་རིང་སློབ་གྲྭའི་དགེ་རྒན་ཆེན་མོའི་མཚན་གནས་ཐོག་ཤེས་ཡོན་ཐུགས་འགན་བཞེས། ཕྱི་ལོ་ ༡༩༨༧ བོད་གཞུང་ཆོས་རིག་ལྷན་ཁང་གི་གོ་སྒྲིག་འོག་དམིགས་གསལ་བོད་ཀྱི་སྐད་ཡིག་རིག་གཞུང་ཐོག་དགེ་རྒན་འོས་སྦྱོང་གི་ལོ་གཅིག་མཛད། ཕྱི་ལོ་ ༡༩༩༤ ལོར་སེར་བྱེས་མཁས་སྙན་གྲྭ་ཚང་དུ་དགེ་བཤེས་དམ་འཇོག་གནང་སྟེ་བོད་ལ་གཉེན་འཕྲད་དུ་ཕེབས། སྐབས་དེར་ལྷ་ས་སྨན་རྩིས་ཁང་གི་དགེ་རྒན་གྱི་སྐུ་མདུན་ནས་ལཉྫ་དང་ཝར་ཏུའི་ཡིག་གཟུགས་བཅས་ལ་ཞིབ་པར་སྦྱངས། ཕྱིས་སུ་སེར་བྱེས་ཆོས་རའི་ཚོགས་ཁང་ནང་དགེ་འདུན་བགྲེས་གཞོན་ཆིག་སྟོང་ལ་ཉེ་བའི་སར་ཚོགས་ཡོངས་སུ་སུམ་ཅུ་པ་དང་རྟགས་འཇུག་ཟབ་ཁྲིད་ཐེངས་གསུམ་དང་། ཁང་ཚན་ཁག་ཏུའང་སུམ་རྟགས་བཤད་ཁྲིད་ལོ་མང་མཛད། སེར་བྱེས་གྲྭ་ཚང་གི་གོ་སྒྲིག་འོག་བོད་སློབ་རྣམས་ལ་བོད་ཀྱི་སྐད་ཡིག་རིག་གནས་ཟབ་སྦྱོང་ཐེངས་མང་མཛད། ལོ་འཁོར་གུང་གསེང་དང་སྟབས་བསྟུན་ས་གནས་ཉིན་སློབ་སློབ་ཕྲུག་རྣམས་ལ་ཟབ་ཁྲིད་ཐེངས་གསུམ་དང་། རྒྱུན་དུ་རང་ཤག་ཏུའང་རིག་གནས་ཟུར་སྦྱོང་བ་སྐྱ་སེར་སློབ་ཕྲུག་རྣམས་དང་། ཕྱི་རྒྱལ་བ་བཅས་ལ་བོད་ཡིག་དང་དབུས་སྐད་བསླབས་དང་སློབ་བཞིན་པ་མ་ཟད་ཁོང་གི་གནང་བའི་མཛད་རིམ་སྙིང་བསྡུས་ལས་ ༢༠༡༧ ཡན་ལ་སུམ་རྟགས་བཤད་ཁྲིད་ཚར་དྲུག་ཅུ་རེ་བདུན་ཙམ་མཛད་པ་དང་། དེ་ནས་རྒྱ་གར་བྱང་ཕྱོགས་ཀ་དར་སྒང་གསུམ་གྱི་གནས་སྡོད་པ་རྣམས་ལ་བོད་ཡིག་དང་སུམ་རྟགས་སློབ་ཁྲིད་ལོ་འགར་མཛད། ཏཱ་ལའི་བླ་མའི་མཐོ་སློབ་ཏུ་བོད་ཡིག་དགེ་རྒན་གྱི་ཕྱག་ལས་གནང་མུས་བཅས་ལོ་རྒྱུས་མདོར་བསྡུས་སུ།

མཛད་པ་པོ། དགྱེས་རབ་རྡོ་རྗེ། [༡༨༣༢-༡༨༨༨]
ཆོས་ཚན། རྗེ་བཙུན་བླ་མ་ལུང་བསྟན་ཚུལ་སོགས།
ཞུ་སྒྲིག་པ། སེར་བྱེས་ལྡན་བྱམས་པ་ཆོས་དབང་།
པར་གཞི་ཡོང་ཁུངས། སེར་བྱེས་ལྡན་བྱམས་པ་ཆོས་དབང་།
རིག་མཛོད་དེབ་ཨང་། SJRB-0169
ཡིག་ཆའི་རྣམ་པ། PDF
ལྗིད་ཚད། 1.8MB
༢༠༡༦ ཟླ་དང་པོར་གསར་དུ་རྩོམ་སྒྲིག་བྱས།
༢༠༢༡ ཟླ་ ༢ ཚེས་ ༣ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་འབུམ་པོད་ཀ་པ་འདིར། ༡ དགྱེས་རབ་རྡོ་རྗེའི་མཛད་རྣམ་སྙིང་བསྡུས། ༢ རྟ་མཆོག་རོལ་པའི་རྒྱུད་ལས་རྗེ་བཙུན་བླ་མ་ལུང་བསྟན་ཚུལ་བཤད་པ། ༣ དཔལ་རྟ་མཆོག་རོལ་པའི་རྒྱུད་ལས་ལུང་བསྟན་པའི་ལུང་བསྟན་གྱི་རྣམ་བཤད། ༤ རྟོགས་བརྗོད་འཇིགས་མེད་རྡོ་རྗེའི་གླུ་དབྱངས། ༥ རྟོགས་བརྗོད་འཇིགས་མེད་རྡོ་རྗེའི་གླུ་དབྱངས་ཀྱི་འགྲེལ་པ། ༦ རྟོགས་པའི་ཉམས་མགུར། ༧ མཁའ་མགྲོའི་རྟགས་བསྟོད། ༨ རྒྱུད་དོན་བསྡུས་པའི་བླ་མ་ལྔ་བཅུ་པ་པཎྜི་ཏ་ཆེན་པོ་བློ་གྲོས་རྣམ་པར་བཀྲ་བས་མཛད་པ་ལ་མཆན་འགྲེལ་གསུང་བཤད་ཟིན་བྲིས་སུ་བཏབ་པ། ༩ གྲུབ་མཐའི་རྣམ་བཞག་ལེགས་བཤད་རབ་གསལ་ཤེལ་དཀར་མེ་ལོང་། ༡༠ སྔགས་ཀྱི་ས་ལམ་གྱི་རྣམ་གཞག ༡༡ ལམ་རིམ་སྔོན་འགྲོ་སྦྱོར་བའི་ཆོས་དྲུག་ཉམས་སུ་ལེན་ཚུལ། ༡༢ ལམ་རིམ་སྔོན་འགྲོ་སྦྱོར་ཆོས་དྲུག་གི་ཁྲིད་ཡིག་བཅས་ཆོས་ཚན་བཅུ་གཉིས་ལྷན་དུ་བཞུགས་ཡོད།

མཛད་པ་པོ། དགྱེས་རབ་རྡོ་རྗེ། [༡༨༣༢-༡༨༨༨]
ཆོས་ཚན། ཕར་ཕྱིན་གྱི་གཞུང་འགྲེལ།
ཞུ་སྒྲིག་པ། སེར་བྱེས་ལྡན་བྱམས་པ་ཆོས་དབང་།
པར་གཞི་ཡོང་ཁུངས། སེར་བྱེས་ལྡན་བྱམས་པ་ཆོས་དབང་།
རིག་མཛོད་དེབ་ཨང་། SJRB-0170
ཡིག་ཆའི་རྣམ་པ། PDF
ལྗིད་ཚད། 1.9MB
༢༠༡༦ ཟླ་དང་པོར་གསར་དུ་རྩོམ་སྒྲིག་བྱས།
༢༠༢༡ ཟླ་ ༢ ཚེས་ ༣ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་འབུམ་པོད་ཁ་པ་འདིའི་ནང་དུ། ༡ ལྡན་མ་ལབ་སྐྱབས་མགོན་སྐུ་ཕྲེ ང་བཅུ་གཉིས་པ་མཁས་ཤིང་གྲུབ་པ་ཐོབ་པའི་མ་ཧཱ་པཎྜི་ཏ་ཆེན་པོ་དཔལ་དབང་ཆེན་གར་གྱི་དབང་ཕྱུག་དགྱེས་རབ་རྡོ་རྗེའི་མཛད་རྣམ་སྙིང་བསྡུས་དད་གསུམ་པདྨོ་འབྱེད་པའི་ཉི་གཞོན་ཞེས་བྱ་བ། ༢ ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་རྣམ་བཤད་རྣམ་པ་གཉིས་ཀྱི་དཀའ་གནས་གསལ་བར་བཤད་པ་ཕར་ཕྱིན་གྱི་གཞུང་འགྲེལ་མི་ཕམ་ཞལ་ལུང་ལེགས་བཤད་མཁས་པའི་དགོངས་རྒྱན་ཞེས་བྱ་བ་ཆ་ཚང་བ་བཅས་ཆོས་ཚན་གཉིས་ལྷན་དུ་བཞུགས།

མཛད་པ་པོ། དགྱེས་རབ་རྡོ་རྗེ། [༡༨༣༢-༡༨༨༨] 
ཆོས་ཚན། དབུ་མ་འཇུག་པར་ཐོས་བསམ་བྱ་ཚུལ།
ཞུ་སྒྲིག་པ། སེར་བྱེས་ལྡན་བྱམས་པ་ཆོས་དབང་།
པར་གཞི་ཡོང་ཁུངས། སེར་བྱེས་ལྡན་བྱམས་པ་ཆོས་དབང་།
རིག་མཛོད་དེབ་ཨང་། SJRB-0171
ཡིག་ཆའི་རྣམ་པ། PDF
ལྗིད་ཚད། 2.1MB
༢༠༡༦ ཟླ་དང་པོར་གསར་དུ་རྩོམ་སྒྲིག་བྱས།
༢༠༢༡ ཟླ་ ༢ ཚེས་ ༣ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་འབུམ་པོད་ག་པ་འདིའི་ནང་དུ། ༡ ལྡན་མ་ལབ་སྐྱབས་མགོན་སྐུ་ཕྲེ ང་བཅུ་གཉིས་པ་མཁས་ཤིང་གྲུབ་པ་ཐོབ་པའི་མ་ཧཱ་པཎྜི་ཏ་ཆེན་པོ་དཔལ་དབང་ཆེན་གར་གྱི་དབང་ཕྱུག་དགྱེས་རབ་རྡོ་རྗེའི་མཛད་རྣམ་སྙིང་བསྡུས་དད་གསུམ་པདྨོ་འབྱེ ད་པའི་ཉི་གཞོན་ཞེས་བྱ་བ། ༢ བསྟན་བཅོས་ཆེན་པོ་དབུ་མ་ལ་འཇུག་པའི་གཞུང་ལ་ཐོས་བསམ་བྱ་བའི་ཚུལ་འཇམ་དབྱངས་ཞལ་ལུང་མཁས་པའི་དགོངས་རྒྱན་ཞེས་བྱ་བ་ཆ་ཚང་བ་བཅས་ཆོས་ཚན་གཉིས་བཞུགས།