འདུལ་བ་མཚོ་ཊཱིཀ །སྨད་ཆ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། ཀུན་མཁྱེན་མཚོ་སྣ་བ།
བརྗོད་བྱ། སོ་སོར་ཐར་པ་འདུལ་བའི་སྐོར།
རིག་མཛོད་འཕྲུལ་དེབ་ཨང་། SJRB-0166
ཡིག་ཆའི་རྣམ་པ། PDF
ལྗིད་ཚད། 3.8MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༩ ལོའི་ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༨ ཚེས་ ༢༢ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
མཚོ་སྣ་བ་ཤེས་རབ་བཟང་པོ་ནི། དུས་རབས་བཅུ་གསུམ་པའི་དུས་འགོ་ཙམ་ལ་མོན་མཚོ་སྣ་སྟོད་དུ་སྐུ་འཁྲུངས། དགུང་ལོ་བརྒྱད་པར་ཟངས་ཆེན་དར་མ་བསོད་ནམས་ལས་རབ་ཏུ་བྱུང་། མཚན་ལ་ཤེས་རབ་བཟང་པོ་བཏགས། ཟངས་ཆེན་པ་བསྟེན་ཏེ་བཀའ་གདམས་གཞུང་དྲུག་དང་། འདུལ་བ་ལུང་སྡེ་བཞི་བཅས་སྦྱངས་ཤིང་བསྙེན་པར་རྫོགས། ཟངས་ཆེན་དགོན་གྱི་གདན་སའི་ཁྲི་ལ་བཞུགས་ནས་གཙོ་བོར་འདུལ་བའི་འཆད་ཉན་བསྐྱངས། དགུང་ལོ་དོན་གཉིས་པར་སྐུ་གཤེགས། [ལ་ལར་དགུང་ལོ་བཞི་བཅུའི་ནང་དུ་སྐུ་གཤེགས་པར་བཤད།]ཁོང་གི་སློབ་མའི་གཙོ་བོ། མོན་གྲ་པ་ཚུལ་ཁྲིམས་བཀྲ་ཤིས་ཡིན། གསུང་རྩོམ་ལ། འདུལ་བ་མདོ་རྩའི་འགྲེལ་པ་ལེགས་བཤད་ཉི་མའི་འོད་ཟེར་སོགས་བཞུགས། ལམ་རིམ་བླ་བརྒྱུད་ཀྱི་བླ་རབས་ཉི་ཤུ་པ་ཡིན།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།
| ཁྲིད་ཀྱི་དཀར་ཆག 1. འཁྲིད་མཁན། དགེ་བཤེས་འཇམ་དཔལ་བློ་ཤེས། |
| PDF ཕབ་ལེན། |
|---|
འདུལ་བ་མཚོ་ཊཱིཀ །སྟོད་ཆ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། ཀུན་མཁྱེན་མཚོ་སྣ་བ།
བརྗོད་བྱ། སོ་སོར་ཐར་པ་འདུལ་བའི་སྐོར།
རིག་མཛོད་འཕྲུལ་དེབ་ཨང་། SJRB-0165
ཡིག་ཆའི་རྣམ་པ། PDF
ལྗིད་ཚད། 3.7MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༩ ལོའི་ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༨ ཚེས་ ༢༢ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
མཚོ་སྣ་བ་ཤེས་རབ་བཟང་པོ་ནི། དུས་རབས་བཅུ་གསུམ་པའི་དུས་འགོ་ཙམ་ལ་མོན་མཚོ་སྣ་སྟོད་དུ་སྐུ་འཁྲུངས། དགུང་ལོ་བརྒྱད་པར་ཟངས་ཆེན་དར་མ་བསོད་ནམས་ལས་རབ་ཏུ་བྱུང་། མཚན་ལ་ཤེས་རབ་བཟང་པོ་བཏགས། ཟངས་ཆེན་པ་བསྟེན་ཏེ་བཀའ་གདམས་གཞུང་དྲུག་དང་། འདུལ་བ་ལུང་སྡེ་བཞི་བཅས་སྦྱངས་ཤིང་བསྙེན་པར་རྫོགས། ཟངས་ཆེན་དགོན་གྱི་གདན་སའི་ཁྲི་ལ་བཞུགས་ནས་གཙོ་བོར་འདུལ་བའི་འཆད་ཉན་བསྐྱངས། དགུང་ལོ་དོན་གཉིས་པར་སྐུ་གཤེགས། [ལ་ལར་དགུང་ལོ་བཞི་བཅུའི་ནང་དུ་སྐུ་གཤེགས་པར་བཤད།]ཁོང་གི་སློབ་མའི་གཙོ་བོ། མོན་གྲ་པ་ཚུལ་ཁྲིམས་བཀྲ་ཤིས་ཡིན། གསུང་རྩོམ་ལ། འདུལ་བ་མདོ་རྩའི་འགྲེལ་པ་ལེགས་བཤད་ཉི་མའི་འོད་ཟེར་སོགས་བཞུགས། ལམ་རིམ་བླ་བརྒྱུད་ཀྱི་བླ་རབས་ཉི་ཤུ་པ་ཡིན།
དྲ་ཚིགས་ཀྱི་ཡིག་ཆ་གང་ཞིག་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་པ་ཡིན།]ཞེས་རྩོམ་ཁུངས་ཁ་གསལ་འགོད་དགོས།
| ཁྲིད་ཀྱི་དཀར་ཆག 1. འཁྲིད་མཁན། དགེ་བཤེས་བློ་བཟང་ཆོས་འཕེལ། 2. དགེ་བཤེས་ངག་དབང་སངས་རྒྱས། [1] [2] 3. དགེ་བཤེས་འཇམ་དཔལ་བློ་ཤེས། |
| PDF ཕབ་ལེན། |
|---|
མདོ་གཟེར་མིག
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། སྟོན་པ་གཤེན་རབ།
བརྗོད་བྱ། སྟོན་པ་གཤེན་རབ་ཀྱི་རྣམ་ཐར།
ཡོང་ཁུངས། མར་ནང་དགེ་བཤེས་ཁྲི་གཡུང་དྲུང་།
རིག་མཛོད་དེབ་སྤྱིའི་ཨང་། SJRB-0204
ཡིག་ཆའི་རྣམ་པ། PDF
ལྗིད་ཚད། 3.6MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་གསུམ་པར་གསར་དུ་སྒྲིག་སྦྱོར་བྱས།
༢༠༢༢ ལོའི་ཟླ་བརྒྱད་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
གཡུང་དྲུང་བོན་གྱི་སྟོན་པ་གཤེན་རབ་མི་བོའི་བཀའི་གསུང་རབ་རྣམས་ཞང་ཞུང་གི་སྐད་ནས་བོད་ཡིག་ཏུ་བསྒྱུར་ཞིང་དེ་རྣམས་ཕྱོགས་གཅིག་ཏུ་བསྡུས་པ་ལ་བོན་གྱི་བཀའ་འགྱུར་ཞེས་ཟེར་བ་དང་། ད་ལྟ་འཕྲུལ་དེབ་ཏུ་བཟོས་ཡོད་པ་འདི་ནི་ཡོང་ཁུངས་གོང་འཁོད་ཀྱི་གཙོ་སྒྲིག་པ་བརྒྱུད་ལག་སོན་བྱུང་བར་རྒྱབ་ཤའི་གཤམ་དུ་འགྲེམས་སྤེལ་སྒྲིག་སྦྱོར་མཁན་དང་དེབ་ཨང་སོགས་གསལ་བའི་ཡིག་ཆུང་ཞིག་སྦྱར་བ་ལས་གཞན་དོ་བདག་གི་པར་གཞི་སོར་བཞག་གིས་འཕྲུལ་དེབ་ཏུ་རྩོམ་སྒྲིག་བྱས་པ་ཡིན།
| PDF ཕབ་ལེན། |
|---|
གོ་སྒྲུབ་མན་གྱི་སྤྱི་དོན།
དྲ་འཇུག་པ། སེར་བྱེས་རིག་མཛོད་ཆེན་མོ།
དཔེ་ཨང་། JN1ZKPK0001
གཞུང་ཆེན་ཁག [ཕར་ཕྱིན།] སྤྱིའི་ཨང་། ༠༠༡
མཚན་བྱང་། ཕར་ཕྱིན་སྤྱི་དོན་ཀླུ་དབང་གི་རོལ་མཚོ་ལས་གོ་སྒྲུབ་མན་གྱི་སྤྱི་དོན།
བརྗོད་བྱ། གོ་སྒྲུབ་སོགས།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༤]
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ། སྒྲིག་སྦྱོར་བ། རྩོམ་སྒྲིག་པ། པར་བཤུ་པ། དམ་ཆོས་འོད་ཟེར། ཐུབ་བསྟན་ཚེ་རིང་། བཤུ་དུས། 2017/03/30/4:37PM. ༢༠༡༩ ལོའི་ཟླ་ ༣ ཚེས་ ༡༥ ཉིན་འགྲེམས་སྤེལ་སྒྲིག་སྦྱོར་བྱས།
དཔལ་རྟ་མཆོག་རོལ་བའི་བསྙེན་པ་ལ་བཞུགས།
དྲ་འཇུག་པ། རིག་མཛོད་རྩོམ་སྒྲིག་པ།
བསྟན་སྲིད་སོགས་ཀྱི་ཆེད་དུ་སེར་བྱེས་མཁས་སྙན་གྲྭ་ཚང་གི་འདུས་མང་ཡོངས་དཔལ་རྟ་མགྲིན་ཡང་གསང་གི་བསྙེན་པ་ལ་བཞུགས་སོང་།
སེར་བྱེས་མཁས་སྙན་གྲྭ་ཚང་གི་མཁན་བླ་དགེ་འདུན་འདུས་མང་ཡོངས་ཀྱིས་༧གོང་ས་༧སྐྱབས་མགོན་རྒྱལ་བའི་དབང་པོ་མཆོག་གཙོ་བྱས་པའི་རིས་མེད་བསྟན་འཛིན་གྱི་སྐྱེས་བུ་དམ་པ་རྣམས་སྐུ་ཚེ་བརྟན་ཅིང་བཞེད་དོན་ལྷུན་གྱིས་འགྲུབ་པ་དང་། རང་རེ་བོད་ཁ་བ་གངས་ཅན་པ་རྣམས་ཀྱིས་རང་དབང་ཞི་བདེའི་དཔལ་ལ་མྱུར་དུ་རོལ་ཐུབ་པ། གཞན་ཡང་འཛམ་གླིང་ཡུལ་གྲུ་ཀུན་ཏུ་ནད་མུག་འཁྲུག་རྩོད་སོགས་ཞི་སྟེ་སྐྱེ་འགྲོ་རྣམས་ཀྱིས་བདེ་དགེ་དཔལ་ལ་རྟག་ཏུ་ལོངས་སྤྱོད་པ་དང་། ཁྱད་པར་དུ་གྲྭ་ཚང་འདི་ཉིད་ཀྱི་མཁན་ལས་ཟུར་བླ་སྤྲུལ་དགེ་འདུན་འདུས་མང་ཡོངས་ཀྱི་བཤད་སྒྲུབ་ཆོས་སྤྱོད་ཀྱི་བྱ་བ་མཐའ་དག་བསྟན་འགྲོར་སྨན་པའི་རྒྱུ་རུ་འགྱུར་བ་སོགས་འཕྲལ་ཕུགས་ཕན་བདེའི་ལེགས་ཚོགས་དུ་མའི་ཆེད་དུ་དམིགས་ནས་ལོ་རེར་ལྷག་པའི་ལྷ་མཆོག་དཔལ་རྟ་མགྲིན་ཡང་གསང་གི་བསྙེན་པ་རེ་གཏོང་མུས་ཡིན་པ་ལྟར། ཁེ་ཉིན་བོད་རྒྱལ་ལོ་ ༢༡༤༦ བོད་ཟླ་ ༡ ཕྱི་མའི་ཚེས ༣ ཉིན་རེས་གཟའ་སྤེན་པ་དང་། ཕྱི་ལོ་ ༢༠༡༩ ཟླ་ ༣ པའི་ཚེས་ ༩ ཉིན་དགོང་དྲོའི་ཆུ་ཚོད་དྲུག་པའི་སྟེང་གྲྭ་ཚང་གི་མཁན་བླ་དགེ་འདུན་འདུས་མང་ཡོངས་ཀྱིས་ལྷག་པའི་ལྷ་མཆོག་དཔལ་རྟ་མགྲིན་ཡང་གསང་གི་བསྙེན་པ་ཡར་འཚོགས་གནང་སོང་བ་དང་། ཉིན་གྲངས་བཅུ་གཉིས་ཀྱི་རིང་ལ་ཉིན་རེར་ཐུན་བཞི་བསྐྱང་རྒྱུ་དང་། ཕྱི་ཚེས་ ༢༠ ཉིན་དཔལ་རྟ་མགྲིན་ཡང་གི་བསྙེན་པའི་ཁ་སྐོང་གི་སྦྱིན་སྲེག་དང་། བདག་འཇུག །ཚོགས་འཁོར་བཅས་གནང་སྟེ་བསྙེན་པ་གྲོལ་རྒྱུ་ཡིན་འདུག །
བསྙེན་པའི་རིང་ལ་གཞིས་གྲོང་དག་ནས་དད་ལྡན་མི་སྐྱ་ཕོ་མོ་བསྙེན་པར་བཞུགས་འདོད་ཡོད་རིགས་རྣམས་གྲྭ་ཚང་རང་ནས་ཕར་ཚུར་བསུ་སྐྱེལ་གྱི་རླངས་འཁོར་དང་། ཞལ་ལག་དང་གསོལ་ཇ་སོགས་བཀོད་སྒྲིག་བྱས་འདུག་པ་དང་། མི་མང་རྣམས་ལ་བསྙེན་པ་དང་ལྷན་དུ་གྲྭ་ཚང་ནས་དགེ་རྒན་རེས་བསྐོར་ཏེ་ནང་ཆོས་ངོ་སྤྲོད་ཀྱང་གནང་གིན་འདུག
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༩།༠༣།༡༡ ལ།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།
རིམ་ལྔའི་མཐའ་དཔྱོད།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། སྦྲ་ཆེན་བློ་བཟང་ཕུན་ཚོགས།
བརྗོད་བྱ། གསང་སྔགས་ཀྱི་ལམ་གྱི་རིམ་པ།
རིག་མཛོད་འཕྲུལ་དེབ་ཨང་། SJRB-0274
ཡིག་ཆའི་རྣམ་པ། PDF
ལྗིད་ཚད། 1.7 MB
༢༠༡༩ ཟླ་གསུམ་པར་རྩོམ་སྒྲིག་བྱས།
༢༠༢༠ ཟླ་ ༨ ཚེས་ ༣ ཉིན་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
སྦྲ་ཆེན་བློ་བཟང་ཕུན་ཚོགས་ནི། རྫ་སེར་ཤུལ་འབྲོག་སྡེའི་དཔོན་ཚང་སྦྲ་ཆེན་ཚང་ཞེས་པར་དུས་རབས་བཅུ་དགུ་པའི་ནང་དུ་སྐུ་འཁྲུངས། སེར་ཤུལ་དགོན་དུ་ཆོས་ཞུགས་ཀྱིས་སློབ་གཉེར་གནང་། དཔོན་ཚང་གི་ཐོབ་དང་རྒྱུ་འབྱོར་སོགས་གང་ཡང་དང་དུ་མ་བླངས་པར་རང་དགོན་གྱི་རྒྱབ་རིའི་ངོས་ཀྱི་རི་ཁྲོད་དུ་བཞུགས་ནས་ཉམས་བཞེས་གནང་ཞིང་། ཞོར་དུ་དོན་གཉེར་ཅན་གང་མང་ལ་གཞུང་ཆེན་ཁག་སློབ་ཁྲིད་གནང་། གསུང་རྩོམ་ལ། དྲང་ངེས་ཟིན་བྲིས་ཟབ་དོན་གསལ་བའི་སྒྲོན་མེ། རིམ་ལྔའི་མཐའ་དཔྱོད་གསང་ཆེན་ཀནྡ་བཞད་པའི་ལེགས་བཤད་རྒྱུ་སྐར་བདག་པོ་སོགས་པོ་ཏི་བཞི་ལྷག་ཙམ་ཡོད་པ་སེར་ཤུལ་དགོན་དུ་ཤིང་པར་བཞུགས། མཚན་གྱི་རྣམ་གྲངས་ལ། སེར་ཤུལ་བློ་བཟང་ཕུན་ཚོགས། བསོད་ནམས་དཔལ་འབྱོར།
| PDF ཕབ་ལེན། |
|---|
གཡུང་དྲུང་བོན་གྱི་ཞལ་འདོན།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། སྣ་ཚོགས།
བརྗོད་བྱ། ཞལ་འདོན།
རིག་མཛོད་འཕྲུལ་དེབ་ཨང་། SJRB-0218
ཡིག་ཆའི་རྣམ་པ། PDF
ལྗིད་ཚད། 1.1MB
རྩོམ་སྒྲིག་འགན་འཁུར་པ། མར་ནང་དགེ་བཤེས་ཁྲི་གཡུང་དྲུང་།
ཡོང་ཁུངས། གོང་འཁོད་རྩོམ་སྒྲིག་པ།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༩ ལོའི་ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༧ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། གཡུང་དྲུང་བོན་གྱི་ཞལ་འདོན་ཕྱོགས་བསྡུས་ཀྱི་འཕྲུལ་དེབ་འདི་ནི་གཡུང་དྲུང་བོན་གྱི་དད་ལྡན་སྐྱ་སེར་རྣམས་ལ་ཕན་སླད། ཡོང་ཁུངས་གོང་འཁོད་ཀྱི་རྩོམ་སྒྲིག་པ་བརྒྱུད་ལག་སོན་བྱུང་བར་རྒྱབ་ཤའི་གཤམ་དུ་འགྲེམས་སྤེལ་སྒྲིག་སྦྱོར་མཁན་དང་དེབ་ཨང་སོགས་གསལ་བའི་ཡིག་ཆུང་ཞིག་སྦྱར་བ་ལས་གཞན་དོ་བདག་གི་པར་གཞི་རང་སོར་བཞག་སྟེ་འཕྲུལ་དེབ་ཏུ་རྩོམ་སྒྲིག་བྱས་ཡོད།
| ༡. རྗེ་རིན་པོ་ཆེའི་གསོལ་འདེབས། ༢. སྐྱབས་འགྲོ་དང་སེམས་བསྐྱེད། ༣. མཛད་པ་བཅུ་གཉིས་ཀྱི་བསྟོད་པ། ༤. བསྟོད་ཕྱག་སྐུ་གསུམ་ལྷུན་གྲུབ། ༥. མཆོད་བསྟོད་ཨུཏྤལ་ལའི་ཕྲེང་བ། ༦. གསོལ་འདེབས་མ་རིག་མུན་སེལ། ༧. གསོལ་འདེབས་ཐུགས་རྗེ་མྱུར་གཟིགས་མ།༨. བླ་མ་རྣམས་ཀྱི་སྤྱི་བསྟོད། ༩. སྐྱབས་མཆོག་དམ་པ། ༡༠. ༧སྨན་རིའི་ཁྲི་འཛིན་༣༣པའི་གསོལ་འདེབས། ༡༡. ༧སྨན་རིའི་ཁྲི་འཛིན་༣༤པའི་གསོལ་འདེབས། ༡༢. ༧སྨན་རིའི་ཡོངས་འཛིན་རིན་པོ་ཆེའི་གསོལ་འདེབས། ༡༣. ༧སྨན་རིའི་སློབ་དཔོན་རིན་པོ་ཆེའི་གསོལ་འདེབས། ༡༤. བསང་གི་དག་གཙང་སྔོན་འགྲོ། ༡༥. རྨད་བྱུང་ཁ་བསྐང་། ༡༦. ཐུགས་དམ་རྒྱུད་བསྐང་། ༡༧. མཁྱེན་གསོལ་རྣམ་དག་ཆུ་རྒྱུན། ༡༨. སྲིད་རྒྱལ་ནང་བསྐང་། ༡༩. ཡེ་ཤེས་དབལ་མོའི་བསྐུལ་བ། ༢༠. སྲིད་རྒྱལ་ཀ་བསྟོད། ༢༡. མི་བདུད་ཞལ་གཟིགས་མ། ༢༢. ཨ་བསེའི་བསྐུལ་བ། ༢༣. ཤེལ་ཁྲབ་ཅན་གྱི་གཏོར་བསྐང༌། ༢༤. གྲགས་པ་སེང་གེའི་མཆོད་བསྟོད། ༢༥. སྲོག་བདག་གྲོགས་མཆོག་བསྐུལ་བ། ༢༦. བོན་སྐྱོང་མངའ་གསོལ། ༢༧. ཡུལ་སའི་བསྟོད་པ། ༢༨. མ་ཏྲིའི་འཛབ་བསྟོད། ༢༩. བྱམས་མའི་སྔགས་བསྟོད། ༣༠. སྟག་ལ་སྤུ་གྲི་དམར་པོ། ༣༡. སྟག་ལ་བཅུད་དྲིལ། ༣༢. བར་ཆད་ལམ་སེལ། ༣༣. སྡོམ་གསུམ་སྨོན་ལམ། ༣༤. ཚེ་དབང་སྨོན་ལམ། ༣༥. སྨོན་ལམ་རྣམ་གསུམ། ༣༦. བདེན་ཚིག་སྨོན་ལམ། ༣༧. བསྔོ་བ་བདེ་ལེགས་ཀུན་འབྱུང་། ༣༨. ལུས་སྦྱིན་མཁའ་འགྲོའི་རྒྱང་། ༣༩. རབ་གནས་བསྡུས་པ། ༤༠. བསྟན་རྒྱས་སྨོན་ལམ། |
| PDF ཕབ་ལེན། |
|---|
ལོ་གསར་གྱི་ཤིས་ཚིག
དྲ་འཇུག་པ། རིག་མཛོད་རྩོམ་སྒྲིག་པ།
༈གནམ་ལོ་གསར་པའི་ནང་ལ་བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག
ལོ༵་ལེགས་སྙེ་མའི་རྦ་རླབས་གས༵ར་པ་ས་ཆེན་ཡངས་པའི་བྲང་ལ་འཐབ། །
བརྩེ་ཆེན་ནོར་གྱི་བློ་གྲོས་བཟ༵ང་པོ་སྐྱེ་དགུའི་སྙིང་གི་རྩེ་ན་འཁོར། །
རིག་འཛིན་ཚེ་ཡི་བྱིན་རླབས་འོད་བརྒྱ་དམ་པའི་ཞབས་ཀྱི་པདྨོས་འཐུངས། །
སྡེ་བཞིའི་རིན་ཆེན་གསེར་གྱི་ཐུར་མས་རབ་འབྱམས་ཞིང་ལ་རེག་པར་ཤོག །
ཅེས་བོད་རྒྱལ་ལོ་ ༢༡༤༦ རབ་གནས་ས་ཕག་ལོའི་གནམ་ལོ་གསར་ཚེས་ལ་སེམས་ཅན་སྐྱེ་འགྲོ་ཡོངས་ལ་ནད་མེད་བདེ་སྐྱིད་ཡོང་བ་དང་འཛམ་གླིང་ཡངས་པའི་ཁྱོན་ལ་ཞི་བདེའི་དཔལ་བཟང་རྒྱས་པའི་སྨོན་འདུན་ཞུ་བ་ཡིན།
༢༠༡༩།༠༢།༠༤ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
བརྟག་གཉིས་རྩ་འགྲེལ།
དྲ་འཇུག་པ། རིག་མཛོད་རྩོམ་སྒྲིག་པ།
རྩ་བ་མཛད་པ་པོ། རྒྱལ་བ་རྡོ་རྗེ་འཆང་།
འགྲེལ་པ་མཛད་པ་པོ། མཁས་གྲུབ་དགེ་ལེགས་དཔལ་བཟང་།
རིག་མཛོད་འཕྲུལ་དེབ་ཨང་། SJRB-0055
ཡོང་ཁུངས། འབྲས་ཀླུ་རྒྱལ་ཚང་རིན་པོ་ཆེ།
ཡིག་ཆའི་རྣམ་པ། PDF
ལྗིད་ཚད། 3.1 MB
༢༠༡༩ ཟླ་དང་པོར་གསར་དུ་རྩོམ་སྒྲིག་བྱས།
༢༠༢༠ ཟླ་ ༨ ཚེས་ ༣ ཉིན་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
མཁས་གྲུབ་དགེ་ལེགས་དཔལ་བཟང་ནི། ༡༣༨༥ ལོར་ལ་སྟོད་བྱང་གི་ས་ཆའི་ལྡོག་གཞུང་དུ་འཁྲུངས། དགུང་ལོ་བདུན་གྱི་སྐབས་ཆོས་སྒོར་ཞུགས། མཚན་ལ་དགེ་ལེགས་དཔལ་བཟང་གསོལ། རྗེ་བཙུན་རེད་མདའ་བ་སོགས་ལས་གཞུང་ཆེན་ཁག་དང་གསང་སྔགས་ཀྱི་ཆོས་སྐོར་མང་པོ་གསན། དགུང་ལོ་ཉི་ཤུའི་སྐབས་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉེར་གསུམ་གྱི་སྐབས་རྗེ་ཙོང་ཁ་པ་སེ་ར་ཆོས་སྡིངས་སུ་བཞུགས་པ་དང་མཇལ་ཞིང་། མདོ་སྔགས་ཀྱི་ཆོས་རྒྱུན་སྤྱི་དང་ཐུན་མོང་མ་ཡིན་པའི་གདམས་པ་ཡོངས་རྫོགས་གནང་། དགུང་ལོ་ཞེ་བདུན་གྱི་སྐབས་དགའ་ལྡན་གྱི་ཁྲིར་ཕེབས། སློབ་མ་གྲགས་ཆེན་མང་དུ་བྱུང་། ༡༤༣༨ ལོར་སྐུ་གཤེགས། གསུང་རྩོམ་ལ། པོད་ཆེན་བཅུ་གསུམ་ཙམ་བཞུགས།
| PDF ཕབ་ལེན། |
|---|
བསྐང་གསོ་ཕྱོགས་བསྒྲིགས།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། སྣ་ཚོགས།
བརྗོད་བྱ། བསྟན་སྲུང་རྣམས་ཀྱི་གཏོར་ཆོག་བསྐང་གསོ།
ཆོས་ཚན་གྲངས། བདུན་བཞུགས།
རིག་མཛོད་འཕྲུལ་དེབ་ཨང་། SJRB-0334
རྣམ་པ། PDF
ལྗིད་ཚད། 1.4MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༩ ཟླ་དང་པོར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིར་ཡོད་པའི་འཇིགས་བྱེད་དཔའ་གཅིག་གི་ཆོ་ག་ནི་གཙོ་ཆེར་རྗེའི་གསུང་གི་བདུད་ལས་རྣམ་རྒྱལ་ལ་བསྟུན་ཡོད་པ་དང་། བསྐང་གསོའི་མ་ཕྱི་ནི་ཤེས་རིག་དཔར་ཁང་ནས་དཔར་བསྐྲུན་བྱས་པའི་བསྐང་གསོའི་དཔེ་ཐུང་གཞིར་བཟུང་ནས་ངག་འདོན་གྱི་རིམ་པ་ལྟར་བསྒྲིགས་ཡོད།
| ༡. འཇིགས་བྱེད་དཔའ་གཅིག་གི་ཆོ་ག ༢. མགོན་པོའི་བསྐང་གསོ། ༣. ཆོས་རྒྱལ་གྱི་བསྐང་གསོ། ༤. ལྷ་མོའི་བསྐང་གསོ། ༥. རྣམ་སྲས་ཀྱི་བསྐང་གསོ། ༦. ཆོས་སྐྱོང་སྤྱིའི་བསྐང་གསོ། ༧. དྲུག་ཅུ་མ། |
| PDF ཕབ་ལེན། |
|---|
དེ་ལས་མང་བ།...
འཇང་དགུན་ཆོས་འཚོགས།
དྲ་འཇུག་པ། རིག་མཛོད་རྩོམ་སྒྲིག་པ།
སེ་ར་ཐེག་པ་ཆེན་པོའི་གླིང་དུ་དགེ་ལྡན་པའི་འཇང་དགུན་ཆོས་ཐེངས་ཉེར་དགུ་པ་དབུ་འཛུགས་གནང་སོང་།
དེ་རིང་སྟེ་བོད་རྒྱལ་ལོ་༢༡༤༥ལོའི་བོད་ཟླ་༡༠པའི་ཚེས་༡༦དང་ཕྱི་ལོ་༢༠༡༨ལོའི་ཟླ་༡༡པའི་ཚེས་༢༤རེས་གཟའ་སྤེན་པའི་ཉིན་སྔ་དྲོའི་ཆུ་ཚོད་བརྒྱད་པར། ཕྱོགས་མཐའ་ཁག་ནས་འཇང་དགུན་ཆོས་ཀྱི་ཆེད་སེ་ར་ཆོས་སྒར་དུ་ཕེབས་པའི་སློབ་གཉེར་བ་རྣམས་སེ་ར་ཐེག་པ་ཆེན་པོའི་གླིང་གི་གཙུག་ལག་ཁང་དུ་འཛོམས་ཏེ། གྲྭ་ཚང་གཉིས་ཀྱི་༧སྐྱབས་རྗེ་མཁན་རིན་པོ་ཆེ་རྣམ་པ་གཉིས་སོགས་ཀྱིས་ལམ་སྟོན་བཀའ་སློབ་སོགས་གནང་སྟེ་འཇང་དགུན་ཆོས་ཀྱི་དབུ་འཛུགས་མཛད་སྒོ་འཚོགས་ཤིང་། དེ་རྗེས་སྔ་དྲོའི་ཆོས་ར་ཚོགས་སོང་། ཐེངས་འདིའི་འཇང་དགུན་ཆོས་ལ་གདན་ས་གསུམ་གྱི་གྲྭ་ཚང་དྲུག་དང་། སྐུ་བཅར་རྣམ་རྒྱལ་གྲྭ་ཚང་། རྒྱུད་གྲྭ་སྟོད་སྨད། བཀྲ་ཤིས་ལྷུན་པོ། ར་སྟོད་བདེ་བ་ཅན་གྲྭ་ཚང་། རྫོང་ཆོས་དགའ་ལྡན་འཕེལ་རྒྱས་གླིང་། བཞུགས་སྒར་རིགས་ལམ་སློབ་གཉེར་ཁང་སོགས་དགོན་སྡེ་ཁག་བཅུ་དྲུག་ནས་སློབ་གཉེར་བ་ཞལ་གྲངས་ ༢༩༥༥ ཙམ་ལྷན་དུ་འཛོམས་ཡོད་པ་དང་། ཉིན་གྲངས་ ༢༢ རིང་ལ་འཚོག་རྒྱུ་ཡིན་འདུག །
| ༈ བོད་རྒྱལ་ལོ་ ༢༡༤༥ དང་ཕྱི་ལོ་ ༢༠༡༨ ལོར་འཇང་དགུན་ཆོས་ལ་ཕེབས་པའི་གྲྭ་ཚང་སོ་སོའི་སློབ་གཉེར་བའི་གྲངས་འབོར་གྱི་རེའུ་མིག | |||||||||||||||
|---|---|---|---|---|---|---|---|---|---|---|---|---|---|---|---|
| ཨང་། | གྲྭ་ཚང་། | གྲངས་འབོར། | ཨང་། | གྲྭ་ཚང་། | གྲངས་འབོར། | ཨང་། | གྲྭ་ཚང་། | གྲངས་འབོར། | ཨང་། | གྲྭ་ཚང་། | གྲངས་འབོར། | ||||
| ༡ | སེར་སྨད། | ༣༢༠ | ༥ | བྱང་རྩེ། | ༣༣༩ | ༩ | སྲད་རྒྱུད། | ༢༡ | ༡༣ | རྣམ་རྒྱལ་གྲྭ་ཚང་། | ༢༤ | ||||
| ༢ | སེར་བྱེས། | ༦༥༠ | ༦ | ཤར་རྩེ། | ༢༤༨ | ༡༠ | བཀྲས་ལྷུན། | ༡༢༥ | ༡༤ | ཀོ་པན། | ༢༡ | ||||
| ༣ | བློ་གླིང་། | ༦༠༤ | ༧ | རྒྱུད་སྨད། | ༡༥ | ༡༡ | རྭ་སྟོད། | ༢༦ | ༡༥ | དྭགས་པོ་གྲྭ་ཚང་། | ༡༨ | ||||
| ༤ | སྒོ་མང་། | ༤༥༦ | ༨ | རྒྱུད་སྟོད། | ༢༨ | ༡༢ | རྫོང་ཆོས། | ༤༤ | ༡༦ | དཀྱིལ་དགོན། | ༡༦ | ||||
| ཁྱོན་བསྡོམས། | ༢༩༥༥ | ||||||||||||||
འཇང་དགུན་ཆོས་ཀྱི་སྔོན་འགྲོ་ལྟ་བུར་གྲྭ་ཚང་སོ་སོ་ནས་འཇང་དགུན་ཆོས་མ་ཚོགས་སྔོན་དུ་ཚད་མའི་ཆོས་ཐོག་དུས་ཡུན་ངེས་ཅན་རེ་ལ་ཚོགས་སྲོལ་ཡོད་པ་དང་། འཇང་དགུན་ཆོས་རིང་གི་རྩོད་གཞུང་གཙོ་བོ་ནི་དཔལ་ཆོས་ཀྱི་གྲགས་པའི་ཚད་མ་རྣམ་འགྲེལ་ཡིན་ཞིང་། དེའི་ཟུར་རྒྱན་དུ་རྣམ་ངེས་དང་ཚད་མ་ཀུན་བཏུས་སོགས་རྒྱ་གཞུང་ཁག་དང་བོད་འགྲེལ་གྱི་ཚད་མའི་ཡིག་ཆ་ཁག་བཟུང་སྟེ་འཛིན་གྲྭ་སོ་སོར་རྩོད་མཚམས་ཆ་བགོས་བྱས་ཡོད་པ་ལྟར། སློབ་གཉེར་བ་རྣམས་ཀྱིས་སོ་སོའི་རྩོད་གཞུང་གཙོ་བྱས་པའི་འབྲེལ་ཡོད་གཞུང་ཆེན་ཁག་ལ་དཔེ་གཟིགས་དང་རྩ་འགྲེལ་བློ་འཛིན། དཔེ་ཁྲིད་དང་བསྐྱར་སྦྱོང་སོགས་བྱེད་དགོས་པ་དང་། སྔ་དྲོའི་ཆོས་རར་རྩོད་ཟླ་དང་འཛིན་གྲྭའི་དམ་བཅའི་སྐབས་དོགས་གནད་ལ་རྩོད་པའི་སྒོ་ནས་དཔྱད་པ་གཏོང་དགོས། དགུང་དུས་ཆུ་ཚོད་དྲུག་པའི་ཐོར་ཆོས་[འདིའི་ཡིག་ཐོབ་གསལ་པོ་མ་ངེས།]དམ་བཅར་རྒྱན་ཐོབ་པའི་གྲྭ་ཚང་གཉིས་ཀྱི་གཅིག་གི་སློབ་གཉེར་བ་གཉིས་དམ་བཅའ་དང་གྲྭ་ཚང་གཞན་དེའི་དམ་བཅའི་རྩོད་གཞུང་གཅིག་པའི་སློབ་གཉེར་བ་རྣམས་ཀྱིས་རྟགས་གསལ་གཏོང་དགོས། དམ་བཅའ་གྲོལ་རྗེས་རྩོད་ཟླ་ཅུང་གནང་དགོས་པ་དང་། དེ་ནས་སྐར་མ་བཅུ་བཅོ་ལྔ་ཙམ་ལ་ངལ་གསོས་རྗེས་ཆུ་ཚོད་དགུ་པ་ནས་ཆོས་ར་འཚོགས་དགོས། ཆོས་རའི་སྐབས་ཐོག་མར་རྩོད་ཟླ་དང་དེ་ནས་དམ་བཅའ་ཚོགས་ཏེ་ཆུ་ཚོད་བཅུ་གཅིག་བཅུ་གཉིས་བར་དུ་དཀའ་གནད་ཁག་ལ་བརྒལ་བརྟག་གནང་སྲོལ་ཡོད་པ་དང་། ཆུ་ཚོད་དང་པོ་གཉིས་པའི་བར་དུ་རྩོད་པ་གནང་སྟེ་བཞུགས་པའང་ཡོད། འཇང་དགུན་ཆོས་ཀྱི་ཆོས་ཐོག་གི་དཀྱིལ་དང་མཇུག་ཏུ་མཚན་ཕུད་དམ་བཅའ་གནང་དགོས་པ་དང་། མཚན་ཕུད་དམ་བཅའི་སྐབས་གྲྭ་ཚང་གསུམ་རེའི་སློབ་གཉེར་བ་རྩེ་གྲས་རེ་སྟེ་སློབ་གཉེར་བ་གསུམ་རེ་དམ་བཅའ་དང་གྲྭ་ཚང་གཞན་གྱིས་རྟགས་གསལ་གཏོང་དགོས། འཇང་དགུན་ཆོས་སྐབས་སུ་ནམ་རྒྱུན་དང་མི་འདྲ་བར་སྒྲིག་ཁྲིམས་ཅུང་དམ་དུ་གཏོང་བཞིན་ཡོད།
| ༈ བོད་རྒྱལ་ལོ་ ༢༡༤༥ དང་ཕྱི་ལོ་ ༢༠༡༨ ལོའི་ཕྱི་ཟླ་ ༡༡ པའི་ཚེས་ ༢༤ ནས་ཕྱི་ཟླ་ ༡༢ པའི་ཚེས་ ༡༥ བར་གྱི་འཇང་དགུན་ཆོས་སྐབས་ཉིན་རེའི་ཆོས་ར་ཚོགས་དུས་ཀྱི་རེའུ་མིག | |||||||||
|---|---|---|---|---|---|---|---|---|---|
| སྔ་དྲོ། | |||||||||
| ཆུ་ཚོད། | འགྲེལ་བརྗོད། | ཆུ་ཚོད། | འགྲེལ་བརྗོད། | ||||||
| 9:00 | སྐུ་རིམ་ཉུང་ཙམ་གསུངས་རྗེས་རྩོད་ཟླ། | 10:00 - 11:00 | འཛིན་གྲྭ་སོ་སོའི་དམ་བཅའ། | ||||||
| ཕྱི་དྲོ། | |||||||||
| ཆུ་ཚོད། | འགྲེལ་བརྗོད། | ཆུ་ཚོད། | འགྲེལ་བརྗོད། | ཆུ་ཚོད། | འགྲེལ་བརྗོད། | ||||
| 6:00 | ཐོར་ཆོས་དམ་བཅའ། | 7:30 - 8:30 | རྩོད་ཟླ། | 9:00 - 11:00 | གྲྭ་ཚང་གཉིས་ལོག་ནང་ཁུལ་གྱི་ཆོས་ར། | ||||
| ༈ བོད་རྒྱལ་ལོ་ ༢༡༤༥ དང་ཕྱི་ལོ་ ༢༠༡༨ ལོའི་ཕྱི་ཟླ་ ༡༡ པའི་ཚེས་ ༢༤ ནས་ཕྱི་ཟླ་ ༡༢ པའི་ཚེས་ ༡༥ བར་གྱི་འཇང་དགུན་ཆོས་སྐབས་ཀྱི་དམ་བཅའ་སོགས་ཀྱི་རེའུ་མིག | |||||||||
|---|---|---|---|---|---|---|---|---|---|
| [ སྡེ་ཚན་དང་པོ། ] | |||||||||
| ཨང་། | རེས་གཟའ། | ཕྱི་ཚེས། | གྲྭ་ཚང་། | གཞུང་ཚན། | ཤོག་གྲངས། [ཝཱ་ཎའི་པར་རྙིང་།] | ||||
| ༡ | སྤེན་པ། | 24 | བློ་གླིང་། | དབུ་ནས་ཕྱོགས་སྒྲའི་བར། | ༡ ནས་ ༡༦ བར། | ||||
| ༢ | ཉི་མ། | 25 | སེར་སྨད། | འབྲས་རང་གི་རྟགས། | ༡༦ ནས་ ༡༩ བར། | ||||
| ༣ | ཟླ་བ། | 26 | བྱང་རྩེ། | མི་སྣང་བ་མ་དམིགས་པ། | ༡༩ ནས་༢༣ བར། | ||||
| ༤ | མིག་དམར། | 27 | སེར་བྱེས། | སྣང་རུང་མ་དམིགས་པ། | ༢༣ ནས་ ༢༨ བར། | ||||
| ༥ | ལྷག་པ། | 28 | ཤར་རྩེ། | རྟགས་གཞན་བཞི་པ། | ༢༨ ནས་ ༣༦ བར། | ||||
| ༦ | ཕུར་བུ། | 29 | སྒོ་མང་། | འབྲེལ་པ་སྟོད། | ༣༦ ནས་ ༤༣ བར། | ||||
| ༧ | པ་སངས། | 30 | རྭ་སྟོད། | གཞན་སེལ་སྟོད། | ༧༣ ནས་ ༨༦ བར། | ||||
| ༨ | སྤེན་པ། | 1 | བཀྲ་ཤིས་ལྷུན་པོ། | གཞན་སེལ་སྟོད། | ༨༦ ནས་ ༩༦ བར། | ||||
| [ སྡེ་ཚན་གཉིས་པ། ] | |||||||||
|---|---|---|---|---|---|---|---|---|---|
| ཨང་། | རེས་གཟའ། | ཕྱི་ཚེས། | གྲྭ་ཚང་། | གཞུང་ཚན། | ཤོག་གྲངས། [ཝཱ་ཎའི་པར་རྙིང་།] | ||||
| ༡ | ཉི་མ། | 2 | སེར་སྨད། | འབྲེལ་པ་སྨད། | ༤༣ ནས་ ༤༨ བར། | ||||
| ༢ | ཟླ་བ། | 3 | བློ་གླིང་། | ལུང་འགལ། | ༤༨ ནས་ ༦༧ བར། | ||||
| ༣ | མིག་དམར། | 4 | གུང་སེང་། | ||||||
| ༤ | ལྷག་པ། | 5 | སྒོ་མང་། | ཚད་མ་ཕྲུགས་གསུམ། | ༦༧ ནས་ ༧༣ བར། | ||||
| ༥ | ཕུར་བུ། | 6 | བྱང་རྩེ། | གཞན་སེལ་སྟོད། | ༧༣ ནས་ ༨༦ བར། | ||||
| ༦ | པ་སངས། | 7 | སེར་བྱེས། | གཞན་སེལ་སྨད། | ༨༦ ནས་ ༩༩ བར། | ||||
| ༧ | སྤེན་པ། | 8 | ཤར་རྩེ། | ཤིང་འཛིན་རྟོག་པ། | ༩༩ ནས་ ༡༡༣ བར། | ||||
| [ སྡེ་ཚན་གསུམ་པ། ] | |||||||||
|---|---|---|---|---|---|---|---|---|---|
| ཨང་། | རེས་གཟའ། | ཕྱི་ཚེས། | གྲྭ་ཚང་། | གཞུང་ཚན། | ཤོག་གྲངས། [ཝཱ་ཎའི་པར་རྙིང་།] | ||||
| ༡ | ཉི་མ། | 9 | སེར་བྱེས | སྟོན་པ་ཚད་མ་སོགས། | ༢༢༥ ནས་ ༢༣༩ བར། | ||||
| ཕྱི་ཚེས་ ༩ ཉིན་སེར་སྨད་གྲྭ་ཚང་དུ་མཚན་ཕུད་དམ་བཅའ་དང་པོ། | |||||||||
| ༢ | ཟླ་བ། | 10 | ༧ གོང་ས་༧ སྐྱབས་མགོན་ཆེན་པོ་མཆོག་གི་ཞི་བདེའི་གཟེངས་རྟགས་དུས་དྲན། | ||||||
| ༣ | མིག་དམར། | 11 | སྒོ་མང་། | དབང་ཕྱུག་རྟག་པ། | ༢༣༩ ནས་ ༢༥༡ བར། | ||||
| ༤ | ལྷག་པ། | 12 | བློ་གླིང་། | སྐྱེ་བ་སྔ་ཕྱི། | ༢༥༡ ནས་ ༢༨༨ བར། | ||||
| ༥ | ཕུར་བུ། | 13 | སེར་སྨད། | རྣལ་འབྱོར་མངོན་སུམ། | ༢༨༨ ནས་ ༣༠༢ བར། | ||||
| ༦ | པ་སངས། | 14 | ཤར་རྩེ། | སྡུག་ཀུན་གཉིས། | ༣༠༢ ནས་ ༣༢༡ བར། | ||||
| ཕྱི་ཚེས་ ༡༤ ཉིན་སེར་བྱེས་གྲྭ་ཚང་དུ་མཚན་ཕུད་དམ་བཅའ་གཉིས་པ། | |||||||||
| ༧ | སྤེན་པ། | 15 | བྱང་རྩེ། | འགོག་ལམ་གཉིས། | ༣༢༡ ནས་ ༣༦༦ བར། | ||||
འཇང་དགུན་ཆོས་དང་དུས་མཉམ་དུ་ལོ་ཤས་གོང་ནས་གདན་ས་ཁག་གི་སློབ་གཉེར་བ་རྒན་གྲས་ཏེ་དགེ་ལུགས་རྒྱུགས་སྤྲོད་དུ་ཕེབས་མཁན་རྣམས་ཕར་ཕྱིན་དང་དབུ་མའི་ཆོས་ཐོག་ཅེས་པ་འཚོགས་ཀྱིན་ཡོད་པ་དང་། ད་ལོ་འབྲས་སྤུངས་སུ་འཚོགས་ཡོད་འདུག །[འཇང་དགུན་ཆོས་ཀྱི་སྐོར་ཚོམས་ཀྱི་ངོ་སྤྲོད་དུ་འབྲི་རྩིས་ཀྱིས་འདིར་དེ་ཙམ་གྱིས་འཐུས་པར་བྱས་སོ། །]
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༨།༡༡།༢༤ལ།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།
གསེར་ཏོག་བློ་བཟང་ཚུལ་ཁྲིམས་རྒྱ་མཚོ།
དྲ་འཇུག་པ། སེར་བྱེས་རིག་མཛོད་ཆེན་མོ། གསེར་ཏོག་བློ་བཟང་ཚུལ་ཁྲིམས་རྒྱ་མཚོ་ནི། ཕྱི་ལོ ༡༨༤༥ ལོར་ཙོང་ཆུའི་ཉེ་འགྲམ་ཨར་ཆ་ཞེས་པར་ཡབ་རྟ་མགྲིན་དང་། ཡུམ་ཚེ་མདོ་གཉིས་ཀྱི་སྲས་སུ་སྐུ་འཁྲུངས། ཆུང་དུས་མཚན་ལ་ཚེ་དཔག་སྐྱབས་ཞེས་གསོལ།
དགུང་ལོ་གསུམ་པར་སྐུ་གོང་མའི་ཡང་སྲིད་དུ་ངོས་འཛིན་མཛད་ཅིང་། རྗེ་གསེར་ཁང་བ་བློ་བཟང་བསྟན་འཛིན་རྒྱ་མཚོ་དབུས་སུ་ཕེབས་བཞིན་པའི་རྗེས་བསྙེགས་ཀྱིས་ཕྱིན་ཏེ་མཚོ་ཁྲི་ཤོར་རྒྱལ་མོའི་ནུབ་འགྲམ་མཚེར་བ་རིའི་མདུན་ཐད་ཀྱི་ས་ཆར་གུར་སྒར་སྟེང་དུ་སླེབས་སྐབས། མཇལ་དུ་ཕྱིན་ནས་དགེ་བསྙེན་གྱི་སྡོམ་པ་མནོས་ཏེ་མཚན་ལ་བློ་པཟང་ཐུབ་བསྟན་རྒྱ་མཚོ་ཞེས་གསོལ། ཁོང་གི་མདུན་ནས་དགའ་ལྡན་ལྷ་བརྒྱ་མ། ཡོན་ཏན་གཞིར་གྱུར་མ་སོགས་ཀྱི་ལུང་ཡང་ཞུས། ལོ་དེར་གསེར་ཏོག་དགོན་དགའ་ལྡན་འགྲོ་ཕན་གླིང་དུ་གདན་སར་བཀོད།
དགུང་ལོ་ལྔ་པར་རྗེ་སྐལ་བཟང་གྲགས་པ་ཡོངས་འཛིན་དུ་བསྟེན་ནས་ཕྱི་མོའི་ཡི་གེ་སུམ་ཅུ་ནས་བཟུང་སྐྱབས་འགྲོ་སོགས་ཚོགས་འདོན་ཆོས་སྤྱོད་ཡོངས་རྫོགས། བསྐང་གསོ་ཀུན་རིག་སོགས་བློ་འཛིན་གནང་།
དགུང་ལོ་བདུན་པར་ཆུ་བཟང་དགོན་དུ་ཕེབས་ནས་ཆུ་བཟང་བློ་བཟང་ཐུབ་བསྟན་རབ་རྒྱས་ལས་རབ་བྱུང་དང་དགེ་ཚུལ་གྱི་སྡོམ་པ་མནོས་ཏེ་མཚན་ལ་བློ་བཟང་ཚུལ་ཁྲིམས་ཆོས་གྲགས་ཞེས་གསོལ།
དགུང་ལོ་བརྒྱད་པར་སྐུ་འབུམ་བྱམས་པ་གླིང་གི་རང་སྒར་དུ་གདན་སར་བཀོད་དེ་ཚོགས་ཆེན་གྱི་ཚོགས་དབུས་སུ་དགེ་འདུན་མང་ལ་མཇལ་ཁ་དང་། དགའ་ལྡན་ལྷ་བརྒྱ་མའི་ལུང་འབུལ་གནང་།
དགུང་ལོ་དགུ་པར་ཞིང་སྐྱོང་ཉ་ཀྱཱ་ལྷ་རམས་པ་ངག་དབང་ཆོས་གྲགས་ཡོངས་འཛིན་དུ་བསྟེན་ནས་སྨན་བླ་རྒྱས་པ་སོགས་འདོན་ཆོས་སྤྱོད་དང་། རྒྱན་འཇུག །བསྡུས་གཞུང་དང་རྣམ་འགྲེལ་བློ་རྟགས། ཀུན་གཞི་རྩ་འགྲེལ། དྲང་ངེས་རྣམ་འབྱེད་སོགས་ཀྱི་ཡིག་ཆ་རྣམས་བློ་འཛིན། རྣམ་འགྲེལ་གྱི་གཞུང་། ཕར་ཕྱིན་སྐབས་བརྒྱད་ཀ །དྲང་ངེས་རྣམ་འབྱེད། དབུ་མ་ལུང་རིགས་སྒྲོན་མ་སོགས་ལ་བཤད་ཁྲིད་དང་། གཞན་རྣམས་ལ་མཛུབ་ཁྲིད་དང་དཔེ་ཁྲིད་རིམ་བཞིན་ཞུས། ཞོར་དུ་སྒྲ་སྙན་ངག་སྡེབ་སྦྱོར་སོགས་རིག་གནས་ཀྱི་སྐོར་རྣམས་སྦྱངས་ཤིང་དཔེར་བརྗོད་ཀྱི་རྩོམ་རྒྱུགས་ཀྱང་ཕུལ་བས་ཀུན་བཤད་ཀྱི་མིང་མི་ཕམ་སྒྲ་དབྱངས་བཞད་པའི་རྡོ་རྗེ་ཞེས་གནང་།
དགུང་ལོ་བཅུ་གསུམ་པར་སྐུ་འབུམ་དཔལ་ལྡན་བཤད་སྒྲུབ་གླིང་གི་ཆོས་སྒོར་ཞུགས་ནས་བསྡུས་ཆུང་གི་འཛིན་གྲྭ་ལྔའི་སྐབས་འཛིན་གཤར་སྦྱང་། སྔ་ཕྱིར་ཚོགས་ལངས་ལན་བཞིར་ལངས་ཤིང་། དགུང་ལོ་བཅུ་དྲུག་པར་བསྡུས་གྲྭའི་དམ་བཅའ་ཉིན་གསུམ་གྱི་རིང་དུ་བཞག་པར་མཛད།
དགུང་ལོ་བཅུ་དགུའི་སྐབས་དཔྱིད་ཆོས་དང་པོ་བཙུགས་མ་ཐག་སྒོ་མང་སྐབས་དང་པོའི་སྐྱོར་དཔོན་ལ་བཞག །
དགུང་ལོ་ཉི་ཤུའི་སྐབས་ཤིང་བཟའ་བློ་བཟང་བསྟན་པའི་དབང་ཕྱུག་ཚུལ་ཁྲིམས་ཀྱི་དྲུང་དུ་བསྙེན་པར་རྫོགས། དགུང་ལོ་ཉེར་གཅིག་པར་རྒྱུད་པ་གྲྭ་ཚང་གི་ཆོས་སྒོར་ཞུགས་ནས་གསང་བདེའི་བདག་མདུན་སོགས་ཀྱི་ཆོ་ག་སོགས་བློ་འཛིན་དང་། དབྱངས་ཐིག་གར་གསུམ་དང་བཅས་པར་ལེགས་པར་སྦྱངས།
དགུང་ལོ་ཉེར་གཉིས་པར་རྒྱུད་པ་མཁན་པོའི་ཁྲི་ལ་ཕེབས་ཤིང་ལོ་གཅིག་བཞུགས་པར་མཛད། གྲུབ་དབང་འཇིགས་མེད་བསམ་གཏན། ཤིང་བཟའ་རིན་པོ་ཆེ། ཞྭ་དམར་དགེ་འདུན་བསྟན་འཛིན་རྒྱ་མཚོ་སོགས་ལས་ཆོས་བཀའ་མང་དུ་གསན། ཟི་ན་མཁན་ཆེན་སྐལ་བཟང་དར་རྒྱས་རྒྱ་མཚོའི་དྲུང་ནས་སྨན་རྩིས་ཀྱི་སྐོར་རྣམས་གསན།
དགུང་ལོ་ཉེར་བཞི་དང་ཉེར་ལྔ་གཉིས་སུ་མཆོད་རྟེན་སྐེས་དགོན་པ་དང་། ཁྲི་ཀ་གོང་བ་གྲྭ་ཚང་། རྭ་རྒྱ་དགོན། མགོ་ལོག་གི་འབྲོག་སྡེ་རྩངས་སྐོར། བོང་སྟག །ཁུར་ལུགས་པཱེ་ཟིའི་ཧོར་ཤུ་སོགས་སུ་ཆོས་ཀྱི་འཁོར་ལོ་བསྐོར་བར་མཛད། ཨ་ཏི་དགོན་དུ་ཡི་དམ་ཡང་གསང་གི་བསྙེན་སྒྲུབ་སྦྲགས་མ་མཛད། སྐབས་དེར་སུམ་རྟགས་ཀྱི་མཆན་འགྲེལ་ངོ་མཚར་འཕྲུལ་གྱི་ལྡེ་མིག་བརྩམས།
དགུང་ལོ་ཉེར་བདུན་པར་སྐུ་འབུམ་དགོན་པའི་ཁྲི་ལ་ཕེབས་ནས་ལོ་གསུམ་གྱི་རིང་དུ་གདན་ས་བསྐྱངས། ཁྲི་ཟུར་ནས་ཁལ་ཁ་དང་། ཨུ་ཅུ་མུ་ཆིན་སོགས་སུ་ཕེབས་ཤིང་ཆོས་ཀྱི་འཁོར་ལོ་བསྐོར་བར་མཛད་པ་དང་། རྒྱ་ནག་པེ་ཅིན་དང་རི་བོ་རྩེ་ལྔ་སོགས་སུ་ཕེབས་ཏེ་གནས་མཇལ་དང་བསྙེན་བཀུར་སྨོན་འདུན་ཡང་མཛད།
དགུང་ལོ་སོ་བདུན་པར་ཆོས་རྗེ་དོན་གྲུབ་རིན་ཆེན་གྱི་གདན་ས་བྱ་ཁྱུང་དགོན་པའི་ཁྲི་ལ་ཕེབས་ཏེ་དགའ་སྟོན་དང་བསྙེན་བཀུར་ཞུས། ལོ་གཅིག་ལྷག་ཙམ་གྱི་རིང་ལ་འགྲིག་ལམ་ཀུན་སྤྱོད་དང་ཆོས་འཆད་ཉན་སྐོར་ལ་དོ་དམ་གང་ལེགས་མཛད། སྐུ་འབུམ་དགོན་དང་། བྱ་ཁྱུང་དགོན། ཁྱུང་ཀྱཱ་དགོན། བཱ་ཡན་སྨད་ཐའི་དགོན། གསེར་ཏོག་དགོན་བཅས་ལ་རྟེན་དང་བརྟེན་པ་མང་དུ་བཞེངས།
དགུང་ལོ་ལྔ་བཅུ་ང་དགུ་པར་ཨན་འཇའ་སུ་ཞབས་དྲུང་དང་། ཆུ་དཀར་ཞབས་དྲུང་སོགས་སུ་རྡུལ་ཚོན་གྱི་དཀྱིལ་འཁོར་ལ་བསྟེན་པའི་སྒོ་ནས་དབང་ཆེན་མང་པོ་གནང་བར་མཛད།
དགུང་ལོ་ང་དགུ་ལ་སྐུ་འབུམ་གྱི་གདན་རབས་རྩོམ་པར་མཛད། ཁོང་ནི་སྐུ་འབུམ་དགོན་པའི་གདན་སའི་ཁྲི་ཆེན་དྲུག་ཅུ་རེ་གསུམ་པ་དང་། བྱ་ཁྱུང་དགོན་པའི་མཁན་རབས་བདུད་ཅུ་དོན་དགུ་པ་ཡིན། དགུང་ལོ་དོན་གཅིག་ལ་ཕེབས་པ་ཕྱི་ལོ་ ༡༩༡༥ ལོར་སྐུ་གཤེགས།
གསུང་རྩོམ་ལ། [ དགེ་ལྡན་རྩིས་གཞུང་བླང་དོར་གསལ་བའི་སྣང་བའི་མཛོད་མངོན་པར་དྲངས་པའི་རེའུ་མིག་མདོར་བསྡུས་མགྱོགས་འགྲོ་བདུན་ལྡན་གྱི་ཤིང་རྟ།] དང་[བོད་ཀྱི་བརྡ་སྤྲོད་པ་སུམ་ཅུ་པ་དང་རྟགས་ཀྱི་འཇུག་པའི་མཆན་འགྲེལ་མདོར་བསྡུས་ཏེ་བརྗོད་པ་ངོ་མཚར་འཕྲུལ་གྱི་ལྡེ་མིག] [སྒྲུབ་ཐབས་རིན་ཆེན་འབྱུང་གནས་ཀྱི་རྗེས་གནང་སྐབས་སུ་ཉེ་བར་མཁོ་བའི་མཆོད་གཏོར་སོགས་ཀྱི་ལག་ལེན་ཟུར་དུ་བཀོལ་བ་ཀུན་གསལ་མེ་ལོང་།] [གསང་ཆེན་རྡོ་རྗེ་ཐེག་པའི་ས་དང་ལམ་གྱི་རྣམ་པར་གཞག་པ་ཟུང་འཇུག་ཁང་དུ་བགྲོད་པའི་རིན་ཆེན་ཐེམ་སྐས་]སོགས་ཆོས་ཚན་བརྒྱ་དང་དགུ་བཅུ་གོ་གཉིས་དང་པོད་འབྲིང་པོ་ཏི་བཅུ་ཙམ་བཞུགས།
༢༠༡༨.༡༡.༠༧. སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་བསྒྲིགས་བྱས།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་དམ་འདྲེན་བཀོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་པ་ཡིན།]ཞེས་རྩོམ་ཁུངས་ཁ་གསལ་འགོད་དགོས།
སྔགས་ཀྱི་བཀླག་ཐབས་རྩ་འགྲེལ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། སྣར་ཐང་ལོ་ཙཱ་བ་དགེ་འདུན་དཔལ།
བརྗོད་བྱ། ལེགས་སྦྱར་གྱི་ཡི་གེ་ཀློག་ཐབས།
རིག་མཛོད་འཕྲུལ་དེབ་ཨང་། SJRB-0252
ཡིག་ཆའི་རྣམ་པ། PDF
ལྗིད་ཚད། 1.4MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༢ ལོའི་ཟླ་བརྒྱད་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས། སྣར་ཐང་ལོ་ཙཱ་བ་དགེ་འདུན་དཔལ་ལམ་སྣར་ཐང་ལོ་ཙཱ་བ་སཾགྷཤྲཱི་ནི། དུས་རབས་བཅུ་བཞི་པའི་དུས་སྨད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་ཡིན། ཁོང་དགུང་ལོ་ཆུང་ངུའི་དུས་ནས་དཔལ་སྣར་ཐང་དགོན་པའི་ཆོས་སྒོར་ཞུགས་ཤིང་རབ་ཏུ་བྱུང་བ་དང་། དགེ་ཚུལ་དང་དགེ་སློང་གི་སྡོམ་པ་རྣམས་རིམ་གྱིས་བཞེས་ཏེ་མདོ་སྔགས་གཉིས་ཀའི་གཞུང་ལུགས་ལ་ཐོས་བསམ་ནན་ཏན་དུ་མཛད། དེ་ནས་འགོས་ལོ་གཞོན་ནུ་དཔལ་དང་འདུལ་ནག་པ་དཔལ་ལྡན་བཟང་པོ་སོགས་ལ་སྒྲ་དང་། སྙན་ངག་མངོན་བརྗོད། རྩིས་སོགས་ཀྱི་ཁྲིད་གནང་སྟེ་སློབ་བུ་མང་དུ་གསོ་སྐྱོང་མཛད། རབ་བྱུང་བདུན་པའི་ལྕགས་བྱི་ལོ་སྟེ་ཕྱི་ལོ་༡༤༢༠ལོར་བཤེས་གཉེན་བློ་གྲོས་དཔལ་འབར་གྱིས་ཡང་ཡང་བསྐུལ་ངོར་ཐང་པོ་ཆེའི་གཙུག་ལག་ཁང་དུ་སྔགས་བཀླག་ཐབས་བསྡུས་པའི་ཊཱིཀྐ་མཐོང་བ་དོན་གསལ་བརྩམས། ད་དུང་ཀ་ལཱ་པའི་མཚམས་སྦྱོར་ལྔ་པའི་ཊཱིཀྐ་གཞུང་དོན་གསལ་བ་དང་། སྙན་ངག་མེ་ལོང་གི་བཤད་པ་བཀླགས་པས་དོན་ཐམས་ཅད་འགྲུབ་པ། དོན་རྒྱན་གསལ་བའི་མེ་ལོང་མཁས་པ་དགའ་བྱེད་འོད་ཟེར་འབུམ་ཕྲག་བརྒྱ་པ་སོགས་བཞུགས། འདིའི་འཁྲུངས་འདས་ཀྱི་ལོ་ཚིགས་སོགས་གསལ་པོ་མ་ངེས་ཤིང་། རྣམ་ཐར་རྒྱས་པ་ཞིག་མཇལ་རྒྱུ་མ་བྱུང་པས་འདི་ཙམ་ཞིག་གངས་ཅན་མཁས་གྲུབ་རིམ་བྱོན་གྱི་མིང་མཛོད་ལས་བཏུས་ཏེ་བཀོད་པའོ། །
| PDF ཕབ་ལེན། |
|---|
གསེར་ཏོག་སུམ་རྟགས།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། བློ་བཟང་ཚུལ་ཁྲིམས་རྒྱ་མཚོ།
བརྗོད་བྱ། བོད་ཀྱི་བརྡའི་རྣམ་གཞག
རིག་མཛོད་འཕྲུལ་དེབ་ཨང་། SJRB-0289
ཡིག་ཆའི་རྣམ་པ། PDF
ལྗིད་ཚད། 1.7MB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༨ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༢ལོའི་ཟླ་བདུན་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས། གསེར་ཏོག་བློ་བཟང་ཚུལ་ཁྲིམས་རྒྱ་མཚོ་ནི། ཕྱི་ལོ ༡༨༤༥ ལོར་ཙོང་ཆུའི་ཉེ་འགྲམ་ཨར་ཆ་ཞེས་པར་སྐུ་འཁྲུངས། དགུང་ལོ་གསུམ་པར་སྐུ་གོང་མའི་ཡང་སྲིད་དུ་ངོས་འཛིན་མཛད། རྗེ་གསེར་ཁང་བ་ལས་དགེ་བསྙེན་གྱི་སྡོམ་པ་མནོས། ལོ་དེར་གསེར་ཏོག་དགོན་དུ་གདན་སར་བཀོད། དགུང་ལོ་ལྔ་པ་ནས་ཡི་གེ་སྦྱོར་ཀློག་སོགས་ལ་སྦྱངས། དགུང་ལོ་བདུན་པར་དགེ་ཚུལ་གྱི་སྡོམ་པ་མནོས། དགུང་ལོ་བརྒྱད་པར་སྐུ་འབུམ་དགོན་དུ་ཆོས་ཞུགས་དང་། བསྡུས་གྲྭ་སོགས་གསན་བསམ་གནང་། དགུང་ལོ་ཉི་ཤུའི་སྐབས་བསྙེན་པར་རྫོགས། དགུང་ལོ་ཉེར་གཅིག་པར་རྒྱུད་པ་གྲྭ་ཚང་གི་ཆོས་སྒོར་ཞུགས། དགུང་ལོ་ཉེར་གཉིས་པར་རྒྱུད་པ་མཁན་པོའི་ཁྲི་ལ་ཕེབས། གྲུབ་དབང་འཇིགས་མེད་བསམ་གཏན་སོགས་ལས་ཆོས་བཀའ་གསན། དགུང་ལོ་ཉེར་བདུན་པར་སྐུ་འབུམ་དགོན་པའི་ཁྲི་ལ་ཕེབས། ཁྲི་ཟུར་ནས་ཁལ་ཁ་སོགས་སུ་ཆོས་ཀྱི་འཁོར་ལོ་བསྐོར་བར་མཛད། དགུང་ལོ་སོ་བདུན་ལ་བྱ་ཁྱུང་དགོན་པའི་ཁྲི་ལ་ཕེབས། སྐུ་འབུམ་སོགས་སུ་རྟེན་དང་བརྟེན་པ་མང་དུ་བཞེངས། དགུང་ལོ་དོན་གཅིག་ལ་ཕེབས་པ་ཕྱི་ལོ་ ༡༩༡༥ ལོར་སྐུ་གཤེགས། གསུང་རྩོམ་ལ། པོད་འབྲིང་པོ་ཏི་བཅུ་ཙམ་བཞུགས།
| PDF ཕབ་ལེན། |
|---|
