མཛད་པ་པོ། རྗེ་བཙུན་ཆོས་ཀྱི་རྒྱལ་མཚན།
བརྗོད་བྱ། ཕར་ཕྱིན་སྐབས་དང་པོའི་མཐའ་དཔྱོད།
རིག་མཛོད་འཕྲུལ་དེབ་ཨང་། SJRB-0457
ཡིག་ཆའི་རྣམ་པ། PDF
ཤོག་གྲངས། 527 ལྗིད་ཚད། 13.8MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བཅུ་གཉིས་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་ནི། ཕྱི་ལོ་༡༤༦༩ ལོར་ཉང་སྟོད་དུ་སྐུ་འཁྲུངས། དགུང་ལོ་བདུན་པར་གནས་རྙིང་ཆོས་རྗེ་ཀུན་དགའ་བདེ་ལེགས་རིན་ཆེན་ལས་དགེ་བསྙེན་གྱི་སྡོམ་པ་ཞུས། པཎ་ཆེན་ཡེ་ཤེས་རྩེ་མོ་སོགས་བསྟེན་ནས་གཞུང་ཆེན་ལ་གསན་སྦྱོང་མཛད། དགུང་ལོ་ཉེར་གསུམ་པར་བཀྲ་ཤིས་ལྷུན་པོའི་དགེ་བསྐོས་མཛད། དཔལ་འཁོར་བདེ་ཆེན་སོགས་སུ་གྲྭ་སྐོར་གནང་། རྗེ་ཤེས་རབ་བཟང་པོ་སོགས་ལས་བསྙེན་རྫོགས་བསྒྲུབས། དགུང་ལོ་ཉེར་བདུན་པར་གཙང་དུ་མདོ་སྔགས་ཀྱི་ཆོས་འཁོར་བསྐོར། དགུང་ལོ་ཞེ་གསུམ་པར་སེར་བྱེས་མཁས་སྙན་གྲྭ་ཚང་གི་མཁན་པོ་མཛད། དགུང་ལོ་ང་ལྔ་པར་སྟག་རྩེ་རིན་ཆེན་སྒང་གི་མཁན་པོ་གནང་། དགུང་ལོ་རེ་དགུ་པར་སེ་རའི་མཁན་ཁྲིར་ཕེབས་ཏེ་འཆད་ཉན་ལེགས་པར་བསྐྱངས། ༡༥༤༤ ལོར་ཞི་བར་གཤེགས། གསུང་འབུམ་པོད་ཉ་པ་འདིར་ཕར་ཕྱིན་སྐབས་དང་པོའི་མཐའ་དཔྱོད་བཞུགས།

མཛད་པ་པོ། ལྷ་རམས་དགེ་བཤེས་སྐལ་བཟང་བསྟན་སྐྱོང་།
བརྗོད་བྱ། ཚད་མ་རིག་པ།
རིག་མཛོད་འཕྲུལ་དེབ་ཨང་། SJRB-0472
ཡིག་ཆའི་རྣམ་པ། PDF ཤོག་གྲངས། 768 ལྗིད་ཚད། 61.8MB
རྩོམ་སྒྲིག་ཁང་། རིག་མཛོད་ཆེན་མོ།
༢༠༢༥ ཟླ་བ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ལྷ་རམས་པ་སྐལ་བཟང་བསྟན་སྐྱོང་། སྨྱུག་མིང་། དར་ལྕེ་ཟད་པོ། ཁམས་ནགས་ཤོད་ལུང་པར་སྐྱེས། ཤུག་ལྡིང་དགོན་དགེ་ལྡན་རྣམ་རྒྱལ་ལྷ་རྩེ་གླིང་ལ་ཐོག་མར་ཆོས་སྒོར་ཞུགས།
སློབ་གཉེར་རྒྱུད་རིམ། བོད་སེ་རྭ་དགོན་ལ་ཞུགས་ནས་དགེ་བཤེས་ངག་དབང་ཟླ་གྲགས་དང་དགེ་བཤེས་ཡེ་ཤེས་དབང་ཕྱུག་རྣམ་གཉིས་སློབ་དཔོན་དུ་བསྟེན་ནས་གཞུང་ཆེན་ལ་སྦྱངས་འགོ་བརྩམས། རྒྱ་གར་དུ་འབྱོར་ནས་སེར་བྱེས་ལྷོ་པ་ཁམས་ཚན་ལ་ཞུགས་ནས་སྐྱབས་རྗེ་ཆོས་ལྡན་རིན་པོ་ཆེ་དང་ཁོང་གི་སློབ་མ་ལྷོ་པ་རྒན་འབྲུག་གྲགས་དང་རྒན་བྱམས་པ་དགེ་ལེགས་གཉིས་ཀྱི་ཞབས་ལ་གཏུགས་ནས་གཞུང་ཆེན་སྦྱངས། བསམ་བློ་རྒན་ཀླུ་སྒྲུབ་ཀྱི་མདུན་ནས་བརྡ་སྤྲོད་དང་རྩོམ་རིག་སྦྱངས། གདན་ས་གསུམ་དབུ་ཕར་དགུན་ཆོས་དམ་བཅའ་ཆེན་མོ་བཞག །འཇང་དགུན་ཆོས་སུ་སེར་བྱེས་གྲྭ་ཚང་གི་ཆོས་ཐོག་རྒན་བྱས།
ཤེས་ཚད་ལག་ཁྱེར། ཕར་ཕྱིན་རབ་འབྱམས་པ་དང་དབུ་མ་རབ་འབྱམས་པ་རྩེ་ཕུད་ཨང་གསུམ་པའི་བྱ་དགའ་ཐོབ། ལྷ་རམས་ཚད་མ་རིག་པ་ཉམས་ཞིབ་ཀྱི་རྩོམ་རྒྱུགས་སྤྲད།
རྒྱུད་སྟོད་གྲྭ་ཚང་ལ་གསང་སྔགས་ཀྱི་རྩོད་རྒྱུགས་ཆེན་མོ་་ཨང་གསུམ་པ་ཐོབ། ལྷ་སྤྱི་ཚོགས་ཞབས་ཞུ་ཚོགས་པའི་དགེ་བཤེས་དབྱིན་ཡིག་ཟབ་སྦྱོང་ལ་ཞུགས་ནས་ལག་ཁྱེེར་ཐོབ། རྒྱལ་སྤྱིའི་ཙོང་ཁ་པ་རྗེས་དྲན་ལོར་སྙན་རྩོམ་བྱ་དགའ་ཨང་དང་པོ་དང་དཔྱད་རྩོམ་བྱ་དགའ་ཨང་དང་པོའི་གཉིས་པའི་གཟེངས་བསྟོད་གཉིས་ཁོ་བོ་གཅིག་པུས་ཐོབ། པཎ་ཆེན་སྐུ་ཕྲེང་བཅུ་པ་རྗེས་དྲན་གྱི་སྙན་རྩོམ་འགྲན་བསྡུར་ཁྲོད་ནས་བྱ་དགའ་ཨང་དང་པོ་ཐོབ། ལྡི་ལི་བོད་ཁང་ནས་རྩོམ་ཡིག་འགྲན་བསྡུར་གྱི་ལམ་ནས་སློབ་ཡོན་ཐོབ་ནས་དབུ་མ་རྩ་བ་ཤེས་རབ་ཉམས་ཞིབ་ལེགས་པར་གྲུབ་ནས་<<རྩ་ཤེའི་འགྲེལ་པ་གྲགས་གསུམ་དགོངས་རྒྱན་>> ལྡི་ལི་བོད་ཁང་ནས་པར་སྐྲུན་བྱེད་ལ་ཉེ་བ་བཅས་ལོ་རྒྱུས་མཚམས་སྦྱོར་མདོར་བསྡུས།

ཕྱི་ལོ་༢༠༢༥ ཟླ་༤ ཚེས་༡ ཉིན་སེར་བྱེས་མཁས་སྙན་གྲྭ་ཚང་གི་ཕྱག་མཛོད་གསར་པ། ཕྱག་མཛོད་ཆེན་མོ་དགེ་བཤེས་བློ་བཟང་ནོར་བུ་དང་། ཕྱག་མཛོད་དགེ་བཤེས་བློ་བཟང་མཁས་གྲུབ། ཕྱག་མཛོད་དགེ་བཤེས་མགོན་པོ་དགྲ་འདུལ། ཕྱག་མཛོད་དགེ་བཤེས་ངག་དབང་སྙིང་རྗེ་བཅས་ཕྱག་མཛོད་རྣམ་པས་ྋསྐྱབས་རྗེ་མཁན་རིན་པོ་ཆེ་མཆོག་མཇལ་ཁ་ཞུས་ནས་ཕྱག་མཛོད་སྐབས་༢༤པའི་ལས་ཁུར་དངོས་སུ་དབུ་འཛུགས་གནང་། ཕྱག་མཛོད་རྣམ་པར་འཚམས་འདྲི་དང་བཅས་སྐབས་བབས་ཀྱི་བྱེད་སྒོ་ལས་དོན་མཐའ་དག་གེགས་མེད་ལམ་ལྷོངས་ཡོང་བར་སྨོན།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་ ༤ ཚེས་ ༢ ལ།

མཛད་པ་པོ། སྒྲུབ་ཁང་པ་བློ་བཟང་ཚུལ་ཁྲིམས།
བརྗོད་བྱ། རིམ་པ་དང་པོའི་ཁྲིད།
རིག་མཛོད་འཕྲུལ་དེབ་ཨང་། SJRB-0471
ཡིག་ཆའི་རྣམ་པ། PDF ཤོག་གྲངས། 101 ལྗིད་ཚད། 733KB
རྩོམ་སྒྲིག་ཁང་། རིག་མཛོད་ཆེན་མོ།
༢༠༢༥ ཟླ་བ་གསུམ་པར་གསར་དུ་རྩོམ་སྒྲིག་བྱས།
དེབ་ཀྱི་ངོ་སྤྲོད། དཔལ་ཆེན་རྟ་མགྲིན་ཡང་གསང་ཁྲོས་པའི་རིམ་པ་དང་པོའི་རྣལ་འབྱོར་ཉམས་སུ་ལེན་ཚུལ་གྱི་ཁྲིད་ཡིག་མན་ངག་བྱིན་བརླབས་བདུད་རྩིའི་ཆར་འབེབས་ཅེས་བྱ་འདི་ནི། སྒྲུབ་ཁང་བློ་བཟང་ཚུལ་ཁྲིམས་མཆོག་གི་ཐུགས་དམ་གྱི་སེང་བར་འགའ་རེར་ལྷུགས་སྩོལ་ཕྲན་ཚེགས་མཛད་མུས་སུ་དགོངས་པ་ཁྱད་པར་ཅན་གྱིས་སྐུ་ཚེ་མཐའ་མའི་མཛད་པ་བསྟེན་ཏེ་འཕྲོ་ལུས་སུ་འཇོག་པར་མཛད་པར། ཕུར་ལྕོག་པ་ཡོངས་འཛིན་བློ་བཟང་ཚུལ་ཁྲིམས་བྱམས་པ་རྒྱ་ཚོ་མཆོག་ལ་དམ་པ་གང་དེའི་ཞབས་འབྲིང་ཕྱག་མཛོད་དང་། གཞན་ཡང་དོན་གཉེར་ཅན་མཆོག་དམན་དུ་མས་ཀྱང་། དམ་པ་གང་གི་གསུང་བཞིན་མཇུག་མཐུད་དགོས་པ་ཡང་ཡང་བསྐུལ་ཞིང་། ལེགས་བཤད་ནོར་བུའི་འཕྲེང་བའི་འཕྲོ་མཐུད་མཛད་པའོ། །