༸སྤྱི་ནོར་༸གོང་ས་༸སྐྱབས་མགོན་ཆེན་པོ་བྱམས་ཆོས་དང་རིགས་ཚོགས་དམ་བཅའི་ཚོགས་མགོན་དུ་ཆིབས་བསྒྱུར་བཀའ་དྲིན་བསྐྱངས།
དྲ་འཇུག་པ། རིག་མཛོད་རྩོམ་སྒྲིག་པ།
དེ་ཡང་ཕྱི་ལོ་༢༠༢༥ཟླ་བ་༡ཚེས་༡༨ཉིན་གྱི་སྔ་དྲོར་བྱེས་ཀྱི་གདན་ས་ཆེན་པོ་བཀྲ་ཤིས་ལྷུན་པོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུ་བཞུགས་གནང་སྟེ། རིགས་ཚོགས་དང་བྱམས་ཆོས་ཀྱི་ཆོས་ཐོག་དམ་བཅའི་ཚོགས་མགོན་དུ་ཞབས་སོར་འཁོད་ནས་དགྱེས་གཟིགས་དང་བཅས། བླང་དོར་གྱི་བཀའ་སློབ་བཀའ་དྲིན་བསྐྱངས།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༡༨ལ།
༸མཚུངས་མེད་ཤར་པ་ཆོས་རྗེའི་ཁྲི་གསོལ་ཕེབས་སྟོན་མཛད་སྒོ་ཚོགས་པ།
དྲ་འཇུག་པ། རིག་མཛོད་རྩོམ་སྒྲིག་པ།
ཕྱི་ལོ་༢༠༢༥ཟླ་༡ཚེས་༡༦ཞོགས་པར་དགེ་ལྡན་བསྟན་པའི་བདག་པོ་༸མཚུངས་མེད་ཤར་པ་ཆོས་རྗེ་རིན་པོ་ཆེ་༸རྗེ་བཙུན་ངག་དབང་འབྱོར་ལྡན་དཔལ་བཟང་པོ་མཆོག་མི་འཇིགས་གདོང་ལྔས་སྟེགས་པའི་ཁྲིར་གསོལ་གྲུབ་མཚམས་འདི་ག་སེར་བྱེས་མཁས་སྙན་གྲྭ་ཚང་དུ་ཞབས་སོར་བཀའ་དྲིན་ཆེ་སྐབས། གྲྭ་ཚང་གི་མཁན་བླ་འདུས་དམངས་ཡོངས་ནས་ཕེབས་བསུའི་གནས་ལེན་གཟབ་རྒྱས་དང་འབྲེལ། གྲྭ་ཚང་གི་གཙུག་ལག་ཁང་དུ་སྣང་གསལ་མར་མེ་ཞལ་འབྱེད་དང་ཕེབས་སྟོན་མཛད་སྒོ་སྟབས་བདེ་ཞིག་འཚོགས། སླད་མར་རིན་པོ་ཆེ་མཆོག་གིས་བསྟན་འགྲོའི་མགོན་དཔུང་དམ་པར་སྐུ་ཚེ་ཡུན་དུ་བརྟན་ཅིང་རླབས་ཆེན་ཐུགས་བཞེད་ལྷུན་གྱིས་གྲུབ་པའི་སྨོན་འདུན་དང་བཅས།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༡༦ལ།
༢༠༢༥ ལོའི་དགུན་ཆོས་ཆེན་མོའི་མཛད་རིམ།
དྲ་འཇུག་པ། སེར་བྱེས་རིག་མཛོད་ཆེན་མོ།གསལ་བཤད། གྲྭ་ཚང་གི་ཁྲིམས་བདག་དགེ་བསྐོས་མཆོག་གིས་ཆོས་རའི་མཛད་རིམ་གསལ་བསྒྲགས་བསྐྱངས་པ་གཞི་བཟུང་ནས། སློབ་གཉེར་བ་རྣམས་ཀྱིས་དྲ་ཐོག་ནས་གཟིགས་བདེ་བའི་ཆེད་དུ་བཟོ་སྒྲིག་བྱེད་བཞིན་ཡོད། གལ་ཏེ་ལས་སྣེ་གོང་མས་གསལ་བསྒྲགས་མ་གནང་ཚེ་འདི་ནས་ཀྱང་བཟོ་སྒྲིག་བྱེད་ཀྱི་མེད་པས་དེ་ལུགས་དགོངས་འཇགས་ཞུ།
| སེར་བྱེས་མཁས་སྙན་གྲྭ་ཚང་གི་དགུན་ཆོས་ཆེན་མོའི་ཆོས་རའི་མཛད་རིམ། | |||||
|---|---|---|---|---|---|
| བོད་ཟླ། | བོད་ཚེས། | ཕྱི་ཟླ། | ཕྱི་ཚེས། | རེས་གཟའ། | ཉིན་རེའི་མཛད་རིམ། |
| ༡༡ | ༡༦ | 01 | 14 | མིག་དམར། | ཆོས་རྒྱུགས། གསོ་སྦྱོང་། |
| ༡༡ | ༡༧ | 01 | 15 | ལྷག་པ། | ཆོས་ར་ཡར་ཚོགས། |
| ༡༡ | ༡༨ | 01 | 16 | ཕུར་བུ། | ཤིང་སློང་། |
| ༡༡ | ༡༩ | 01 | 17 | པ་སངས། | སྔ་དྲོ་ཆོས་ར། བཅུ་དགུ་མཆོད་པ། |
| ༡༡ | ༢༠ | 01 | 18 | སྤེན་པ། | སྔ་དགོང་ཆོས་ར། |
| ༡༡ | ༢༡ | 01 | 19 | ཉི་མ། | སྔ་དགོང་ཆོས་ར། |
| ༡༡ | ༢༢ | 01 | 20 | ཟླ་བ། | སྔ་དགོང་ཆོས་ར། |
| ༡༡ | ༢༢ | 01 | 21 | མིག་དམར། | གུང་སེང་། |
| ༡༡ | ༢༣ | 01 | 22 | ལྷག་པ། | ཆོས་འདོན། |
| ༡༡ | ༢༤ | 01 | 23 | ཕུར་བུ། | ཆོས་འདོན། |
| ༡༡ | ༢༥ | 01 | 24 | པ་སངས། | དུས་བཟང་ཆེན་མོ། |
| ༡༡ | ༢༦ | 01 | 25 | སྤེན་པ། | སྔ་དགོང་ཆོས་ར། |
| ༡༡ | ༢༧ | 01 | 26 | ཉི་མ། | སྔ་དགོང་ཆོས་ར། |
| ༡༡ | ༢༨ | 01 | 27 | ཟླ་བ། | སྔ་དགོང་ཆོས་ར། |
| ༡༡ | ༢༩ | 01 | 28 | མིག་དམར། | གུང་སེང་། གསོ་སྦྱོང་། |
| ༡༡ | ༣༠ | 01 | 29 | ལྷག་པ། | སྔ་དགོང་ཆོས་ར། |
| ༡༢ | ༠༡ | 01 | 30 | ཕུར་བུ། | སྔ་དགོང་ཆོས་ར། |
| ༡༢ | ༠༢ | 01 | 31 | པ་སངས། | སྒྲོལ་འདོན། |
| ༡༢ | ༠༣ | 02 | 01 | སྤེན་པ། | སྒྲོལ་འདོན། |
| ༡༢ | ༠༤ | 02 | 02 | ཉི་མ། | སྒྲོལ་འདོན། |
| ༡༢ | ༠༥ | 02 | 03 | ཟླ་བ། | རྒྱུགས་སྤྲོད། |
| ༡༢ | ༠༧ | 02 | 04 | མིག་དམར། | རྒྱུགས་སྤྲོད། |
| ༡༢ | ༠༨ | 02 | 05 | ལྷག་པ། | གུང་སེང་། |
| ༡༢ | ༠༩ | 02 | 06 | ཕུར་བུ། | བཟང་སྤྱོད་ཆེན་མོ་ཡར་ཚོགས། |
| ༡༢ | ༡༠ | 02 | 07 | པ་སངས། | བཟང་སྤྱོད་ཆེན་མོ། |
| ༡༢ | ༡༡ | 02 | 08 | སྤེན་པ། | བཟང་སྤྱོད་ཆེན་མོ། |
| ༡༢ | ༡༢ | 02 | 09 | ཉི་མ། | བཟང་སྤྱོད་ཆེན་མོ། |
| ༡༢ | ༡༣ | 02 | 10 | ཟླ་བ། | བཟང་སྤྱོད་ཆེན་མོ། |
| ༡༢ | ༡༤ | 02 | 11 | མིག་དམར། | བཟང་སྤྱོད་ཆེན་མོ། |
| ༡༢ | ༡༥ | 02 | 12 | ལྷག་པ། | བཟང་སྤྱོད་ཆེན་མོ་མར་གྲོལ། |
| ༡༢ | ༡༦ | 02 | 13 | ཕུར་བུ། | ཆོས་ར་མར་གྲོལ། |
| ༢༠༢༥-༡-༡༤ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། སྒྲིག་བཟོ་བ། དགེ་བཤེས་སྐལ་བཟང་ཐར་འདོད། | |||||
འབྱུང་བའི་གོད་ཆག་དང་འབྲེལ་བའི་མཆོད་འབུལ་སྨོན་ལམ་ཚོགས།
དྲ་འཇུག་པ། རིག་མཛོད་རྩོམ་སྒྲིག་པ།
ཕྱི་ལོ་༢༠༢༥ཕྱི་ཟླ་དང་པོའི་ཚེས་བརྒྱད་ཀྱི་དགོང་མོར་བྱེས་ཀྱི་གདན་ས་སེར་བྱེས་མཁས་སྙན་གྲྭ་ཚང་གི་མདུན་ཐང་དུ། དབུ་ཆོས་རྣམས་ཀྱི་གཙོར་མཛད་རྒྱལ་སྲས་བླ་སྤྲུལ་ཁག་དང་། བཀའ་རབ་འབྱམས་དགེ་བའི་བཤེས་གཉེན་རྣམས་དང་། དེ་བཞིན་འདུས་མང་ཡོངས་ཀྱིས་བསྔོ་སྨོན་གནང་བ་དེ་ཡང་། ཉེ་ཆར་བོད་ཀྱི་སྟོད་ཕྱོགས་དིང་རི་རྫོང་དང་། ལྷ་རྩེ། ངམ་རིང་། ས་སྐྱ། གཏིང་སྐྱེས། གཞིས་ཀ་རྩེ་བཅས་ས་གནས་ཁག་ཏུ་བྱུང་བའི་གོད་ཆག་ས་ཡོམ་གྱི་གནོད་འཚེ་ཕོག་པའི་ཡིད་སྐྱོའི་གནས་ཚུལ་བྱུང་བར། གདུང་སེམས་མཉམ་སྐྱེ་དང་འབྲེལ། འདས་གསོན་རྣམས་ཀྱི་ཆེད་དུ་མཆོད་འབུལ་སྨོན་ལམ་གནང་།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༩ལ།
༸གོང་ས་༸སྐྱབས་མགོན་ཆེན་པོ་མཆོག་སྦེལ་ཀོབ་གཞིས་ཆགས་སུ་ཆིབས་བསྒྱུར་བསྐྱངས།
དྲ་འཇུག་པ། རིག་མཛོད་རྩོམ་སྒྲིག་པ།
དེ་ཕྱི་ལོ་༢༠༢༥ཟླ་༡ཚེས་༣ཉིན་གཞུང་སྒར་ནས་མཁའ་ལམ་བརྒྱུད་ཕེབས་ཐོན་དང་བཅས་རྒྱ་གར་གྱི་རྒྱལ་ས་ལྡི་ལིར་དང་། ཚེས་༤ཉིན་ལྷོ་ཕྱོགས་འབིང་ལོར་གྲོང་ཁྱེར་བཅས་སུ་བཞུགས་འཇགས་དང་། ཚེས་ལྔ་ཉིན་ཐད་འཕུར་མཁའ་གྲུའི་བརྒྱུད་བོད་མིའི་གཞིས་སྒར་སྦེལ་ཀོབ་གཞིས་ཆགས་སུ་ཆིབས་བསྒྱུར་གནང་ཞིང་། དེའི་སྐབས་སུ་སེར་སྐྱ་མི་མང་ཡོངས་ནས་ལག་ཏུ་མེ་ཏོག་བདུག་སྤོས་མཇལ་དར་སོགས་མཆོད་རྫས་སྣ་ཚོགས་པས་ཕེབས་བསུ་ཟབ་རྒྱས་ཞུས་ནས་ཆོས་སྡེ་ཆེན་པོ་བཀྲ་ཤིས་ལྷུན་པོར་ཞབས་སོར་བདེ་བར་འཁོད།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༥ལ།
དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་ཆིབས་བསྒྱུར་བསྐྱངས།
དྲ་འཇུག་པ། རིག་མཛོད་རྩོམ་སྒྲིག་པ།
དེ་རིང་སྟེ། ཕྱི་ལོ་༢༠༢༥ཟླ་༡ཚེས་༢ཀྱི་ཉིན་ྋའཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་ྋརྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་སེ་ར་ཐེག་ཆེན་གླིང་དུ་ཆིབས་བསྒྱུར་བསྐྱངས་ཤིང་། སེ་རའི་ཚོགས་ཆེན་དུ་བཞུགས་འཇགས་དང་། ཚེས་༣གྱི་སྔ་དྲོར་སེར་བྱེས་མཁས་སྙན་གྲྭ་ཚང་དུ་ཆིབས་བསྒྱུར་བསྐྱངས། དེ་དག་གི་སྐབས་རྣམས་སུ་བླ་སྤྲུལ་དགེ་བའི་བཤེས་གཉེན་འདུས་དམངས་དང་བཅས་པའི་ཕེབས་བསུའི་མཇལ་དར་དཀར་གཙང་དང་མཆོད་རྫས་ཚོགས་ཀྱིས་སྣེ་དྲངས་ཏེ་ཕེབས་བསུ་དང་ཕེབས་སྐྱེལ་གྲ་རྒྱས་བསྟར།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ༢༠༢༥ཟླ་༡ཚེས་༣ལ།
མཚུངས་མེད་ཤར་པ་ཆོས་རྗེའི་མཚན་རྟགས་འབུལ་བཞེས་མཛད་པ།
དྲ་འཇུག་པ། རིག་མཛོད་རྩོམ་སྒྲིག་པ།
དེ་རིང་སྟེ་ཕྱི་ལོ་༢༠༢༥ཕྱི་ཟླ་དང་པོའི་ཚེས་གཅིག་གི་ཞོགས་པར་ྋགོང་ས་ལྷ་མིའི་རྣམ་འདྲེན་ྋསྐྱབས་མགོན་ྋརྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གིས་གནང་པའི་ྋམཚུངས་མེད་ཤར་པ་ཆོས་རྗེའི་མཚན་རྟགས་རིན་པོ་ཆེ། ཞྭ་སེར་བསྟན་པའི་མཛེས་རྒྱན་སེར་སྨད་མཁན་ཟུར་རིན་པོ་ཆེ་ྋརྗེ་བཙུན་ངག་དབང་འབྱོར་ལྡན་དཔལ་བཟང་པོ་མཆོག་ལ་འབུལ་བཞེས་མཛད་པར་དགའ་དད་སྤྲོ་གསུམ་གྱི་སྒོ་ནས་འཚམས་འདྲི་ཞུ་བ་དང་བཅས། མགོན་པོ་གང་ཉིད་ཀྱི་ཐུགས་ཀྱི་བཞེད་དགོངས་མཐའ་དག་འབད་མེད་ལྷུན་གྱིས་འགྲུབ་པའི་སྨོན་འདུན་གྲངས་མེད་ཞུ།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༡ལ།
༢༠༢༤ལོའི་དགེ་ལྡན་ལྔ་མཆོད་ཆེན་མོ།
དྲ་འཇུག་པ། རིག་མཛོད་རྩོམ་སྒྲིག་པ།
རྣམ་དག་ཚངས་སྤྱོད་གཙང་མའི་བཀའ་ཡིག་ལ། །
མཐའ་བྲལ་རྟེན་འབྱུང་ལྟ་བའི་རྒྱས་བཏབ་སྟེ། །
ཐུབ་བསྟན་གླིང་བཞིའི་ཁྱོན་ལ་དབང་བསྒྱུར་པའི། །
རྨད་བྱུང་རྣམ་ཐར་གཙང་མ་རྗེས་སུ་དྲན། །
ཞེས་རི་བོ་དགེ་ལྡན་པའི་ཤིང་རྟའི་སྲོལ་འབྱེད་འཇམ་མགོན་བླ་མ་ཙོང་ཁ་པ་ཆེན་པོ་མཆོག་གི་དགོངས་རྫོགས་མཆོད་འབུལ་ཡོངས་གྲགས་སུ་དགའ་ལྡན་ལྔ་མཆོད་ཆེན་མོ་ཞེས་པ་དེ་ཡིན། དེ་ཡང་བོད་རབ་བྱུང་བདུན་པའི་ས་མོ་ཕག་སྟེ་ཕྱི་ལོ་༡༤༡༩ལོའི་སྟོན་དུས། ཁམས་གསུམ་འགྲོ་བའི་བླ་མ་ཆོས་ཀྱི་རྒྱལ་པོ་ཙོང་ཁ་པ་ཆེན་པོས་སྟོད་ལུང་དང་འབྲས་སྤུངས། ལྷ་ས། སེ་ར་སོགས་སུ་ཕེབས་ནས་བཀའ་ཆོས་མང་དུ་གསུངས། དེ་ནས་སླར་དགའ་ལྡན་དུ་ཕྱིར་ཕེབས་ཏེ་ཐུབ་དབང་ཚུལ་ཁྲིམས་མའི་སྐུ་མདུན་དུ་མཆོད་འབུལ་དང་བསྔོ་སྨོན་རྒྱ་ཆེར་མཛད་རྗེས། སྐུ་བེར་དང་དབུ་ཞྭ་དག་སྲས་ཀྱི་ཐུ་བོ་དར་མ་རིན་ཆེན་ལ་གནང་སྟེ་རྒྱལ་ཚབ་ཏུ་བསྐོ་བཞག་མཛད་མཐར། བོད་ཟླ་༡༠པའི་ཚེས་༢༥ཉིན་འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་གི་གཟིམ་ཁང་འོད་གསལ་སྦུག་ཏུ་དགོངས་པ་ཆོས་དབྱིངས་སུ་ཐིམ་པའི་ཚུལ་མཛད། རྒྱས་པར་འབྲེལ་ཐག་འདི་ནས་གཟིགས་རོགས།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས་ཕྱི་ལོ་༢༠༢༣ཟླ་༡༢ཚེས་༧ལ།
རྒྱལ་སྤྱིའི་དམ་ཆོས་འདུལ་བའི་བགྲོ་གླེང་ཐེངས་ལྔ་པ།
དྲ་འཇུག་པ། རིག་མཛོད་རྩོམ་སྒྲིག་པ།
ྋསྤྱི་ནོརྋགོང་ས་ྋསྐྱབས་མགོན་ཆེན་པོ་མཆོག་གི་དགོངས་གཞི་ལྟར། སེར་བྱེས་མཁས་སྙན་གྲྭ་ཚང་གིས་གོ་སྒྲིག་ཞུས་ཏེ། རང་སྡེ་ནང་པ་ཐུན་མོང་བའི་བརྗོད་གཞི་དམ་པའི་ཆོས་འདུལ་བའི་ཐོག་ནས་གོ་རྟོགས་གོང་འཕེལ་དང་། ཐུགས་མཐུན་ཁྲིམས་གཙང་ཡོང་སླད། རྒྱ་གར་དང་། ཤྲཱི་ལངྐ། འབྲུག བལ་ཡུལ། ཐའེ་ལནྜ། འབར་མ། ཝིཏ་ནམ། ལའོ་སི། ཉི་ཧོང་། ཀོ་རི་ཡ། ཐའེ་ཝན། བཅས་ནས་འཕགས་པ་གནས་བརྟན་སྡེ་པ་དང་། གཞི་ཐམས་ཅད་ཡོད་པར་སྨྲ་བའི་སྡེ་པ། ཆོས་སྲུང་སྡེ་པ་བཅས་ཀྱི་དགེ་སློང་འདུལ་བ་འཛིན་པ་རྣམས་གདན་འདྲེན་ཞུས་ཏེ། གཉུང་མར་གནས་པའི་གདན་སའི་འདུལ་བ་འཛིན་པ་ཆེན་པོ་རྣམས་དང་ལྷན་དུ་"རྒྱལ་སྤྱིའི་དམ་ཆོས་འདུལ་བའི་བགྲོ་གླེང་"ཞེས་པའི་བརྗོད་གཞིའི་ཐོག །ཕྱི་ལོ་༢༠༢༤ ཟླ་༡༢ པའི་ཚེས་༡༦ ནས་ ༡༨ བར་གནས་མཆོག་རྡོ་རྗེ་གདན་ཐའེ་ཝཏ་པ་དགོན་པའི་ཚོགས་ཁང་དུ་འཚོགས་པ་དང་། དེའི་སྐབས་འཛམ་གླིང་ས་ཕྱོགས་གང་སར་དྲ་ཐོག་ཐད་གཏོང་གནང་ཡོད་པ་མ་ཟད། བོད་སྐད། དབྱིན་སྐད། རྒྱ་སྐད་བཅས་སྐད་རིགས་གསུམ་གྱི་ཐོག་སྒྲ་སྒྱུར་དང་བཅས་འཚོགས་ཡོད།
༢༠༢༤ ཟླ་ ༡༢ ཚེས་ ༡༨ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
ཁྲི་ཟུར་རིན་པོ་ཆེ་ཆིབས་བསྒྱུར་དང་བརྟན་བཞུགས།
དྲ་འཇུག་པ། རིག་མཛོད་རྩོམ་སྒྲིག་པ།
དེ་རིང་སྟེ་ཕྱི་ལོ་༢༠༢༤ཟླ་༡༡ཚེས་༢༩རྣམ་དཀར་དགེ་བའི་ཉིན་རི་བོ་དགེ་ལྡན་པའི་བསྟན་པའི་སྲོག་ཤིང༌། ྋའཇམ་མགོན་རྒྱལ་བའི་གདུང་འཚོབ་ྋསྐྱབས་རྗེ་དགའ་ལྡན་ཁྲི་ཐོག་བརྒྱ་དང་བཞི་པ་ཁྲི་ཆེན་རྡོ་རྗེ་འཆང་ཆེན་པོ་ྋརྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གིས་དགའ་ལྡན་ཁྲི་པའི་མཛད་འགན་ཡོངས་སུ་གྲུབ་ཅིང་སེ་ར་ཐེག་ཆེན་གླིང་དུ་ཆིབས་བསྒྱུར་བསྐྱངས། དེའི་སྐབས་འདུས་མང་ཡོངས་ཀྱིས་ཕེབས་བསུ་ཟབ་རྒྱས་དང་འབྲེལ་སེར་བྱེས་མཁས་སྙན་གྲྭ་ཚང་དུ། མགོན་པོ་གང་ཉིད་སྐུ་ཚེ་དྲང་སྲོང་ཚེ་མཐའ་ཡས་པའི་ངོ་བོར་རྟག་ཏུ་བརྟན་ཅིང་། ཐུགས་ཀྱི་བཞེད་དགོངས་མཐའ་དག་ལྷུན་གྱིས་འགྲུབ་པ་བཅས་ཀྱི་ཆེད་དུ། དགོན་སྡེ་ཁག་གི་མཁན་ལས་ཟུར་རྣམ་པ་དང་། བོད་མིའི་གནས་ཡོད་མི་སྣ་ཆེ་ཁག་རྣམས་དང་། སེ་ར་བྱེས་སྨད་གཉིས་ཀྱི་བླ་སྤྲུལ་དགེ་བཤེས་འདུས་མང་ཡོངས་མཉམ་འཛོམས་ཀྱིས་བརྟན་བཞུགས་འདེགས་འབུལ་ཞུས་སོང་།
༢༠༢༤།༡༡།༢༩ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
དེ་ལས་མང་བ།...
དགའ་ལྡན་ཁྲི་ཐོག་བརྒྱ་དང་ལྔ་པའི་ཁྲི་འདོན་གྱི་མཛད་སྒོ་ཚུགས།
དྲ་འཇུག་པ། རིག་མཛོད་རྩོམ་སྒྲིག་པ།
ྋདགའ་ལྡན་ཁྲི་ཐོག་བརྒྱ་དང་ལྔ་པ་རྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་ཕྱི་ལོ་༢༠༢༤ཟླ་བ་༡༡ཚེས་༢༦གཟའ་སྐར་འབྱུང་འཕྲོད་དགེ་བའི་ཉིན། སྤྱན་རྒྱ་དང་སྤོས་རོལ་མཆོད་རྫས་སྣ་ཚོགས་ཀྱིས་མདུན་བསུས་ཤིང་ཕུ་ཁང་ཁང་ཚན་ནས་ཚོགས་ཆེན་དུ་གདན་ཞུས་དང་བཅས། ཚོགས་ཆེན་འདུ་ཁང་ནང་དུ་སྐུ་ཕྱག་དང་འཐོར་འབྲུའི་མེ་ཏོག་ཕྱོགས་ཀུན་གཏོར་ཞིང་ཐུགས་སྨོན་མཛད། རྟེན་གཙོ་ཁག་ལ་སྙན་ཤར་དང་སྣང་གསལ་ཞལ་འབྱེད་གནང་ཞིང་། དཔལ་ལྡན་ཡོན་ཏན་མ་དབུ་སྐུལ་དང་བཅས་དགའ་ལྡན་གསེར་ཁྲིར་ཆེན་མོར་དངོས་སུ་འཁོད་ཅིང་ཁྲི་ཐོག་བརྒྱ་དང་ལྔ་པའི་ཁྲི་འདོན་གྱི་མཛད་སྒོ་དངོས་སུ་ཚུགས། གསོལ་ཇ་འབྲས་སིལ་དཀར་སྤྲོ་བསྟར་ཞིང་མཎྜལ་རྟེན་གསུམ་འདེགས་འབུལ་དང་བཅས། སྐུ་མགྲོན་རྣམས་ཀྱིས་མཇལ་ཁ་རིམ་ཞུས་ཀྱིས་དགའ་ལྡན་གསེར་ཁྲི་ཆེན་པོར་མངའ་གསོལ་རྟེན་འབྱུང་གི་དགའ་སྟོན་རྒྱས་པར་མཛད། མཛད་སྒོ་གྲུབ་མཚམས་དགའ་ལྡན་ཚོགས་ཆེན་ཡང་ཐོག་ཏུ་གདན་ཞུས་དང་། དེ་ནས་སླར་ཡང་དགའ་ལྡན་ཚོགས་ཆེན་དུ་གདན་ཞུས་ཀྱིས་ལམ་རིམ་གསུང་ཆོས་གནང་། གསུང་ཆོས་གྲུབ་རྗེས་སུ་སླར་ཡང་ཚོགས་ཆེན་གཟིམ་ཆུང་དུ་གདན་ཞུས་ཀྱིས་ཉིན་དེར་ཚོགས་ཆེན་དུ་བཞུགས་ཞག་མཛད། ཚེས་༢༧ཉིན་ཁྲི་ཆེན་མཆོག་སྐུ་ཚེ་བསྐལ་བརྒྱར་བརྟན་པའི་ཐུགས་སྨོན་དང་འབྲེལ་རི་བོ་དགེ་ལྡན་པ་ཡོངས་ནས་བརྟན་བཞུགས་བསྟར་འབུལ་ཞུས། ཚེས་༢༩ཉིན་འབྲས་བློ་གླིང་ཕུ་ཁང་ཁང་ཚན་དུ་ཡང་ཁྲི་གསོལ་གྱི་མཛད་སྒོ་འཚོག་རྒྱུ་བཅས་མཛད་རིམ་སྙིང་བསྡུས་སུ།
༢༠༢༤.༡༡.༢༧ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་བསྒྲིགས་བྱས།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་དམ་འདྲེན་བཀོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་པ་ཡིན།]ཞེས་རྩོམ་ཁུངས་ཁ་གསལ་འགོད་དགོས།
རྗེ་བཙུན་ཆོས་ཀྱི་རྒྱལ་མཚན་གྱི་གསུང་འབུམ། [ཇ]
དྲ་འཇུག་པ། སེར་བྱེས་རིག་མཛོད་ཆེན་མོ།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན།
བརྗོད་བྱ། ཟུར་བཀོལ་བཞིའི་སྤྱི་དོན།
རིག་མཛོད་འཕྲུལ་དེབ་ཨང་། SJRB-0456
ཡིག་ཆའི་རྣམ་པ། PDF
ཤོག་གྲངས། 535 ལྗིད་ཚད། 14MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་ནི། ཕྱི་ལོ་༡༤༦༩ ལོར་ཉང་སྟོད་དུ་སྐུ་འཁྲུངས། དགུང་ལོ་བདུན་པར་གནས་རྙིང་ཆོས་རྗེ་ཀུན་དགའ་བདེ་ལེགས་རིན་ཆེན་ལས་དགེ་བསྙེན་གྱི་སྡོམ་པ་ཞུས། པཎ་ཆེན་ཡེ་ཤེས་རྩེ་མོ་སོགས་བསྟེན་ནས་གཞུང་ཆེན་ལ་གསན་སྦྱོང་མཛད། དགུང་ལོ་ཉེར་གསུམ་པར་བཀྲ་ཤིས་ལྷུན་པོའི་དགེ་བསྐོས་མཛད། དཔལ་འཁོར་བདེ་ཆེན་སོགས་སུ་གྲྭ་སྐོར་གནང་། རྗེ་ཤེས་རབ་བཟང་པོ་སོགས་ལས་བསྙེན་རྫོགས་བསྒྲུབས། དགུང་ལོ་ཉེར་བདུན་པར་གཙང་དུ་མདོ་སྔགས་ཀྱི་ཆོས་འཁོར་བསྐོར། དགུང་ལོ་ཞེ་གསུམ་པར་སེར་བྱེས་མཁས་སྙན་གྲྭ་ཚང་གི་མཁན་པོ་མཛད། དགུང་ལོ་ང་ལྔ་པར་སྟག་རྩེ་རིན་ཆེན་སྒང་གི་མཁན་པོ་གནང་། དགུང་ལོ་རེ་དགུ་པར་སེ་རའི་མཁན་ཁྲིར་ཕེབས་ཏེ་འཆད་ཉན་ལེགས་པར་བསྐྱངས། ༡༥༤༤ ལོར་ཞི་བར་གཤེགས། གསུང་འབུམ་པོད་ཇ་པ་འདིར་ཟུར་བཀོལ་བཞིའི་སྤྱི་དོན་བཞུགས།
རྗེ་བཙུན་ཆོས་ཀྱི་རྒྱལ་མཚན་གྱི་གསུང་འབུམ། [ཆ]
དྲ་འཇུག་པ། སེར་བྱེས་རིག་མཛོད་ཆེན་མོ།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན།
བརྗོད་བྱ། སྐབས་ལྔ་པ་མན་ཆད་ཀྱི་སྤྱི་དོན།
རིག་མཛོད་འཕྲུལ་དེབ་ཨང་། SJRB-0455
ཡིག་ཆའི་རྣམ་པ། PDF
ཤོག་གྲངས། 684 ལྗིད་ཚད། 15MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་ནི། ཕྱི་ལོ་༡༤༦༩ ལོར་ཉང་སྟོད་དུ་སྐུ་འཁྲུངས། དགུང་ལོ་བདུན་པར་གནས་རྙིང་ཆོས་རྗེ་ཀུན་དགའ་བདེ་ལེགས་རིན་ཆེན་ལས་དགེ་བསྙེན་གྱི་སྡོམ་པ་ཞུས། པཎ་ཆེན་ཡེ་ཤེས་རྩེ་མོ་སོགས་བསྟེན་ནས་གཞུང་ཆེན་ལ་གསན་སྦྱོང་མཛད། དགུང་ལོ་ཉེར་གསུམ་པར་བཀྲ་ཤིས་ལྷུན་པོའི་དགེ་བསྐོས་མཛད། དཔལ་འཁོར་བདེ་ཆེན་སོགས་སུ་གྲྭ་སྐོར་གནང་། རྗེ་ཤེས་རབ་བཟང་པོ་སོགས་ལས་བསྙེན་རྫོགས་བསྒྲུབས། དགུང་ལོ་ཉེར་བདུན་པར་གཙང་དུ་མདོ་སྔགས་ཀྱི་ཆོས་འཁོར་བསྐོར། དགུང་ལོ་ཞེ་གསུམ་པར་སེར་བྱེས་མཁས་སྙན་གྲྭ་ཚང་གི་མཁན་པོ་མཛད། དགུང་ལོ་ང་ལྔ་པར་སྟག་རྩེ་རིན་ཆེན་སྒང་གི་མཁན་པོ་གནང་། དགུང་ལོ་རེ་དགུ་པར་སེ་རའི་མཁན་ཁྲིར་ཕེབས་ཏེ་འཆད་ཉན་ལེགས་པར་བསྐྱངས། ༡༥༤༤ ལོར་ཞི་བར་གཤེགས། གསུང་འབུམ་པོད་ཆ་པ་འདིར་ཕར་ཕྱིན་སྐབས་ལྔ་པ་མན་ཆད་ཀྱི་སྤྱི་དོན་བཞུགས།
རྗེ་བཙུན་ཆོས་ཀྱི་རྒྱལ་མཚན་གྱི་གསུང་འབུམ། [ཅ]
དྲ་འཇུག་པ། སེར་བྱེས་རིག་མཛོད་ཆེན་མོ།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན།
བརྗོད་བྱ། སྐབས་བཞི་པའི་སྤྱི་དོན།
རིག་མཛོད་འཕྲུལ་དེབ་ཨང་། SJRB-0454
ཡིག་ཆའི་རྣམ་པ། PDF
ཤོག་གྲངས། 483 ལྗིད་ཚད། 13.9MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་དགུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་ནི། ཕྱི་ལོ་༡༤༦༩ ལོར་ཉང་སྟོད་དུ་སྐུ་འཁྲུངས། དགུང་ལོ་བདུན་པར་གནས་རྙིང་ཆོས་རྗེ་ཀུན་དགའ་བདེ་ལེགས་རིན་ཆེན་ལས་དགེ་བསྙེན་གྱི་སྡོམ་པ་ཞུས། པཎ་ཆེན་ཡེ་ཤེས་རྩེ་མོ་སོགས་བསྟེན་ནས་གཞུང་ཆེན་ལ་གསན་སྦྱོང་མཛད། དགུང་ལོ་ཉེར་གསུམ་པར་བཀྲ་ཤིས་ལྷུན་པོའི་དགེ་བསྐོས་མཛད། དཔལ་འཁོར་བདེ་ཆེན་སོགས་སུ་གྲྭ་སྐོར་གནང་། རྗེ་ཤེས་རབ་བཟང་པོ་སོགས་ལས་བསྙེན་རྫོགས་བསྒྲུབས། དགུང་ལོ་ཉེར་བདུན་པར་གཙང་དུ་མདོ་སྔགས་ཀྱི་ཆོས་འཁོར་བསྐོར། དགུང་ལོ་ཞེ་གསུམ་པར་སེར་བྱེས་མཁས་སྙན་གྲྭ་ཚང་གི་མཁན་པོ་མཛད། དགུང་ལོ་ང་ལྔ་པར་སྟག་རྩེ་རིན་ཆེན་སྒང་གི་མཁན་པོ་གནང་། དགུང་ལོ་རེ་དགུ་པར་སེ་རའི་མཁན་ཁྲིར་ཕེབས་ཏེ་འཆད་ཉན་ལེགས་པར་བསྐྱངས། ༡༥༤༤ ལོར་ཞི་བར་གཤེགས། གསུང་འབུམ་པོད་ཅ་པ་འདིར་ཕར་ཕྱིན་སྐབས་བཞི་པའི་སྤྱི་དོན་བཞུགས།
