སྒྲ་ཨང་། KADZPA206086
མཁས་པ་གཞན། [གཞུང་ཆེན།] སྤྱིའི་ཨང་། ༡༧༠
རྣམ་པ། MP3 རྣམ་གྲངས། 103 ཆེ་ཆུང་། 488 MB
ཁྲིད་གཞུང་། རྗེ་བཙུན་པའི་ས་ལམ་མཁས་པའི་མགུལ་རྒྱན།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༤]
བརྗོད་བྱ། ཕར་ཕྱིན་ཐེག་པའི་ས་ལམ་བགྲོད་ཚུལ།
འཁྲིད་མཁན། དགེ་བཤེས་བློ་བཟང་ཆོས་འཕེལ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ ༠༦།༠༦ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་བཅུ་དགུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་བློ་བཟང་ཆོས་འཕེལ་ནི། ༡༩༦༣ ལོར་ལྷོ་ཁ་ཁུལ་དུ་སྐུ་འཁྲུངས། ཆུང་དུས་དམངས་བཙུགས་སློབ་གྲྭ་འགྲིམས་ཏེ་བོད་ཡིག་འབྲི་ཀློག་སོགས་ལ་སྦྱངས། ༡༩༨༢ ལོར་དགའ་ལྡན་དུ་ཆོས་སྒོར་ཞུགས། ༨༣ ལོར་འཕགས་ཡུལ་དུ་ཕེབས་ཏེ། སེར་བྱེས་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར་གནང་། ༨༥ ལོར་༧ གོང་ས་མཆོག་ལས་བསྙེན་རྫོགས་ཀྱི་སྡོམ་པ་མནོས། སློབ་གཉེར་གྱི་སྐབས་ཏེ་ཆོས་ར་འགྲིམ་བཞིན་པའི་སྐབས་ནས་སློབ་གཉེར་པ་རྣམས་ལ་ཉིན་རེར་འཛིན་གྲྭ་ལྔ་དྲུག་རེར་དཔེ་ཁྲིད་ཆད་མེད་གནང་། ༢༠༠༡ ལོར་དགེ་བཤེས་ལྷ་རམས་པའི་དམ་འཇོག་དང་། ལྷ་རམས་ཨང་དང་པོའི་མཚན་རྟགས་བཞེས། དགེ་བཤེས་ཐོན་པ་དང་དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས། རྒྱུན་དུ་སློབ་གཉེར་པ་བརྒྱ་ཕྲག་མང་པོར་དཔེ་ཁྲིད་དང་། ༢༠༠༥ ལོར་ཨ་ཏི་ཤ་ཆོས་ཚོགས་ནས་གདན་ཞུས་ལྟར་ཐེ་ཝན་དུ་ཕེབས་ཏེ། ཤཱཀྱའི་འོད་སྣང་སློབ་གྲྭའི་དགེ་རྒན་སོགས་གནང་བཞིན། ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་བཞིན་བཞུགས་པ་དང་། ༢༠༡༨ ལོར་དཔལ་ལྡན་སྨད་རྒྱུད་གྲྭ་ཚང་གི་དགེ་བསྐོས་གནང་།

སྒྲ་ཨང་། KADZPS3333203
མཁས་པ་གཞན། [གཞུང་ཆེན།] སྤྱིའི་ཨང་། ༣༢༢
རྣམ་པ། MP3 རྣམ་གྲངས། 736 ཆེ་ཆུང་། 576 MB
ཁྲིད་གཞུང་། རྗེ་བཙུན་པའི་བསམ་གཟུགས་སྤྱི་དོན།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༤]
བརྗོད་བྱ། དངོས་གཞི་སྙོམས་འཇུག་སོགས།
འཁྲིད་མཁན། དགེ་བཤེས་འཕྲིན་ལས་རྡོ་རྗེ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་ ༠༧།༡༤ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་བཅུ་དགུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་འཕྲིན་ལས་རྡོ་རྗེ་ནི། བོད་དུ་སྐུ་འཁྲུངས་ཤིང་། ༡༩༥༩ ལོར་འཕགས་ཡུལ་དུ་ཕེབས་ཏེ་སྦག་ས་དང་སེར་བྱེས་མཁས་སྙན་གྲྭ་ཚང་དུ་གཞུང་ཆེན་སློབ་གཉེར་དང་ཞོར་དུ་སློབ་གཉེར་བ་རྣམས་ལ་དཔེ་ཁྲིད་ཀྱང་གང་མང་གནང་མྱོང་བ་ཞིག་ཡིན། [རྣམ་ཐར་གྱི་ས་བོན་ཙམ་ཡང་ལག་ཏུ་མ་འབྱོར་བས་འདི་ཙམ་ལས་འབྲི་ཐབས་མ་བྱུང་ན་རྗེས་སུ་ཐབས་འཚོལ་བྱས་ཏེ་ཁ་སྐོང་བྱ་ངེས་ཡིན། ]

སྒྲ་ཨང་། KADZPS2060184
མཁས་པ་གཞན། [གཞུང་ཆེན།] སྤྱིའི་ཨང་། ༣༠༣
རྣམ་པ། MP3 རྣམ་གྲངས། 72 ཆེ་ཆུང་། 684.2 MB
ཁྲིད་གཞུང་། རྗེ་བཙུན་པའི་བསམ་གཟུགས་སྤྱི་དོན།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༤]
བརྗོད་བྱ། དངོས་གཞི་སྙོམས་འཇུག་སོགས།
འཁྲིད་མཁན། དགེ་བཤེས་འཇམ་དཔལ་བློ་ཤེས།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ ༠༧།༡༣ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་བཅུ་དགུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་འཇམ་དཔལ་བློ་ཤེས་ནི། ༡༩༦༨ ལོར་བོད་འདན་ཡུལ་ཀ་ཕུ་བསམ་འགྲུབ་གླིང་དུ་འཁྲུངས། རང་ལོ་ཉི་ཤུའི་སྟེང་བསྙེན་རྫོགས་ཀྱི་སྡོམ་པ་བླངས་ཤིང་། སློབ་གཉེར་གྱི་ཆེད་དབུས་སུ་ཕྱིན་ནའང་རྐྱེན་དུ་མས་སྡོད་མ་ཐུབ་པར་ཕྱིར་ལོག་སྟེ། སེར་ཤུལ་དགོན་དུ་ཆོས་ཞུགས་བྱས། རང་ལོ་ཉེར་བཞིའི་སྐབས་འཕགས་ཡུལ་དུ་བརྟོལ་ཏེ་སེར་བྱེས་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར། ༢༠༠༡ ལོར་སེར་ཤུལ་ཁྲི་ཟུར་རིན་པོ་ཆེའི་ཐུགས་རེ་ལྟར་སེར་ཤུལ་དགོན་གྱི་དཔེ་ཁྲིད་དགེ་རྒན་དུ་བོད་ལ་ལོག །རང་ལོ་སོ་ལྔའི་སྐབས་སློབ་གཉེར་གྱི་འཕྲོ་བསྐྱང་ཆེད་སླར་ཡང་འཕགས་ཡུལ་དུ་བརྟོལ་ཏེ་དགེ་བཤེས་ལྷ་རམས་པའི་གྲྭ་སྐོར་དང་དམ་བཅའ་བཞག །དེ་རྗེས་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས། དེ་ནས་བོད་དུ་སེར་ཤུལ་དགོན་གྱིས་གདན་འདྲེན་བྱས་པ་ལྟར་རང་ཡུལ་དུ་ལོག་སྟེ་ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་བཞིན་པ་ལགས་སོ། །

སྒྲ་ཨང་། KADZPS2060149
མཁས་པ་གཞན། [གཞུང་ཆེན།] སྤྱིའི་ཨང་། ༢༤༧
རྣམ་པ། MP3 རྣམ་གྲངས། 137 ཆེ་ཆུང་། 617.2 MB
ཁྲིད་གཞུང་། རྗེ་བཙུན་པའི་བསམ་གཟུགས་སྤྱི་དོན།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༤]
བརྗོད་བྱ། དངོས་གཞི་སྙོམས་འཇུག་སོགས།
འཁྲིད་མཁན། དགེ་བཤེས་ཡ་མ་རིན་ཆེན།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ ༠༨།༡༣ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་བཅུ་དགུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ཡ་མ་རིན་ཆེན་ནི། སྤྱི་ལོ་ ༡༩༦༧ ལོར་བོད་ཏྲེ་ཧོར་དར་རྒྱས་ཀྱི་ཁོངས་སུ་སྐུ་འཁྲུངས། དགུང་ལོ་བདུན་ནས་བཅུ་དྲུག་བར་སློབ་ཆུང་སོགས་འགྲིམས་ཏེ་སློབ་སྦྱོང་གནང་། ༡༩༨༤ ལོར་འཕགས་ཡུལ་དུ་འབྱོར་ཞིང་། བྱེས་ཀྱི་གདན་ས་སེར་བྱེས་མཁས་སྙན་གྲྭ་ཚང་དུ་ཆོས་ཞུགས་དང་། རྒྱུད་སྨད་མཁན་ཟུར་རིན་པོ་ཆེ་རྗེ་བཙུན་ཨུ་རྒྱན་ཚེ་བརྟན་སོགས་བསྟེན་ནས་གཞུང་ཆེན་ལ་སློབ་གཉེར་གནང་། འཛིན་གྲྭ་ཟུར་གསར་གྱི་སྐབས་རིགས་ཆུང་ཨང་རིམ་དང་པོའི་ཚོགས་ལངས་དང་། ༡༩༩༡ ལོ་སྟེ་སློབ་གཉེར་གྱི་སྐབས་སམ་ཆོས་ར་འགྲིམ་བཞིན་པའི་སྐབས་ནས་སློབ་གཉེར་བ་རྣམས་ལ་དཔེ་ཁྲིད་ཆད་མེད་གནང་། ༡༩༩༧ ལོ་ནས་དགེ་ལུགས་རྒྱུགས་སྤྲོད་དུ་ཕེབས་ནས་ལོ་རིམ་མཐའ་མ་གསུམ་ལ་འདུལ་བའི་རྩོམ་རྒྱུགས་དང་བཅས་ཨང་དང་པོའི་མཚན་རྟགས་བཞེས། ༢༠༠༣ ལོར་དགེ་བཤེས་ལྷ་རམས་པའི་དམ་འཇོག་གནང་བ་དང་། ༢༠༠༥ ལོར་དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས་ཤིང་། སྔགས་ཀྱི་རྩོད་རྒྱུགས་ཨང་དང་པོ་བཞེས། ༢༠༠༩ ལོ་ནས་ལོ་གསུམ་གྱི་རིང་གྲྭ་ཚང་གི་སློབ་གཉེར་རྒན་གནང་ཞིང་། ༢༠༡༢ ལོར་རང་ཡུལ་དུ་ཕེབས་ཏེ་དགོན་གྲོང་རྣམས་སུ་ཆོས་སྦྱིན་དང་། ༢༠༡༣ ལོར་ཨོ་སུ་ཀྲི་ལི་ཡར་ TBI ཆོས་ཚོགས་སུ་ནང་ཆོས་སློབ་ཁྲིད་སོགས་གནང་། ༢༠༡༥ ལོར་གྲྭ་ཚང་གི་དགེ་བསྐོས་གནང་བ་དང་། རྒྱུན་དུ་ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་བཞིན་བཞུགས་པ་ལགས་སོ། །

སྒྲ་ཨང་། KADZPS2060105
མཁས་པ་གཞན། [གཞུང་ཆེན།] སྤྱིའི་ཨང་། ༡༩༠
རྣམ་པ། MP3 རྣམ་གྲངས། 305 ཆེ་ཆུང་། 715 MB
ཁྲིད་གཞུང་། རྗེ་བཙུན་པའི་བསམ་གཟུགས་སྤྱི་དོན།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༤]
བརྗོད་བྱ། དངོས་གཞི་སྙོམས་འཇུག་སོགས།
འཁྲིད་མཁན། དགེ་བཤེས་ངག་དབང་སངས་རྒྱས།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ ༠༦།༠༧ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་བཅུ་དགུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ངག་དབང་སངས་རྒྱས་ནི། ༡༩༧༠ ལོར་ལ་དྭགས་ས་ཕུད་དུ་འཁྲུངས། རང་ལོ་བཅུ་པའི་སྐབས་གཞུང་གི་སྔོན་འགྲོའི་གཞི་རིམ་སློབ་གྲྭར་འཛིན་གྲྭ་བཞི་པ་བར་དུ་སློབ་སྦྱོང་གནང་། ༡༩༧༩ ལོར་སེར་བྱེས་གྲྭ་ཚང་དུ་ཆོས་ཞུགས་གནང་། མཁན་རིན་པོ་ཆེ་ངག་དབང་ལེགས་ལྡན་ལས་རབ་ཏུ་བྱུང་ཏེ་ངག་དབང་སངས་རྒྱས་ཞེས་གསོལ། དགེ་བའི་བཤེས་གཉེན་དུ་མ་བསྟེན་ནས་གཞུང་ཆེན་ལ་སློབ་གཉེར་དང་། རང་ལོ་སོ་གཅིག་གི་སྐབས་ཏེ་ ༢༠༠༡ ལོར་ལྷ་རམས་པའི་དམ་འཇོག་གནང་ཞིང་། སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས། ༢༠༡༢ ལོར་གྲྭ་ཚང་གི་དགེ་བསྐོས་གནང་། ༢༠༡༨ ལོར་དཔལ་ལྡན་སྨད་རྒྱུད་གྲྭ་ཚང་གི་དགེ་བསྐོས་གནང་། རྒྱུན་དུ་སློབ་གཉེར་པ་རྣམས་ལ་དཔེ་ཁྲིད་དང་། ལ་དྭགས་སོགས་དང་ཕྱིའི་ཡུལ་གྲུ་ཁག་ཏུའང་ཆོས་སྦྱིན་སྤེལ་མུས་སུ་བཞུགས་པ་ལགས་སོ། །