-
མདུན་ངོས།
-
འཕྲིན་གསར།
- ཆོས་ཕྱོགས་ཀྱི་གནས་འཕྲིན་གཞན།

ཆོས་ཕྱོགས་ཀྱི་གནས་འཕྲིན་གཞན། (34)
ྋམཚུངས་མེད་ཤར་པ་ཆོས་རྗེའི་ཁྲི་གསོལ་ཕེབས་སྟོན་མཛད་སྒོ་ཚོགས་པ།
དྲ་འཇུག་པ། རིག་མཛོད་རྩོམ་སྒྲིག་པ།ཕྱི་ལོ་༢༠༢༥ཟླ་༡ཚེས་༡༦ཞོགས་པར་དགེ་ལྡན་བསྟན་པའི་བདག་པོ་ྋམཚུངས་མེད་ཤར་པ་ཆོས་རྗེ་རིན་པོ་ཆེ་ྋརྗེ་བཙུན་ངག་དབང་འབྱོར་ལྡན་དཔལ་བཟང་པོ་མཆོག་མི་འཇིགས་གདོང་ལྔས་སྟེགས་པའི་ཁྲིར་གསོལ་གྲུབ་མཚམས་འདི་ག་སེར་བྱེས་མཁས་སྙན་གྲྭ་ཚང་དུ་ཞབས་སོར་བཀའ་དྲིན་ཆེ་སྐབས། གྲྭ་ཚང་གི་མཁན་བླ་འདུས་དམངས་ཡོངས་ནས་ཕེབས་བསུའི་གནས་ལེན་གཟབ་རྒྱས་དང་འབྲེལ། གྲྭ་ཚང་གི་གཙུག་ལག་ཁང་དུ་སྣང་གསལ་མར་མེ་ཞལ་འབྱེད་དང་ཕེབས་སྟོན་མཛད་སྒོ་སྟབས་བདེ་ཞིག་འཚོགས། སླད་མར་རིན་པོ་ཆེ་མཆོག་གིས་བསྟན་འགྲོའི་མགོན་དཔུང་དམ་པར་སྐུ་ཚེ་ཡུན་དུ་བརྟན་ཅིང་རླབས་ཆེན་ཐུགས་བཞེད་ལྷུན་གྱིས་གྲུབ་པའི་སྨོན་འདུན་དང་བཅས།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༡༦ལ།
དེ་ལས་མང་བ།...
འབྱུང་བའི་གོད་ཆག་དང་འབྲེལ་བའི་མཆོད་འབུལ་སྨོན་ལམ་ཚོགས།
དྲ་འཇུག་པ། རིག་མཛོད་རྩོམ་སྒྲིག་པ།ཕྱི་ལོ་༢༠༢༥ཕྱི་ཟླ་དང་པོའི་ཚེས་བརྒྱད་ཀྱི་དགོང་མོར་བྱེས་ཀྱི་གདན་ས་སེར་བྱེས་མཁས་སྙན་གྲྭ་ཚང་གི་མདུན་ཐང་དུ། དབུ་ཆོས་རྣམས་ཀྱི་གཙོར་མཛད་རྒྱལ་སྲས་བླ་སྤྲུལ་ཁག་དང་། བཀའ་རབ་འབྱམས་དགེ་བའི་བཤེས་གཉེན་རྣམས་དང་། དེ་བཞིན་འདུས་མང་ཡོངས་ཀྱིས་བསྔོ་སྨོན་གནང་བ་དེ་ཡང་། ཉེ་ཆར་བོད་ཀྱི་སྟོད་ཕྱོགས་དིང་རི་རྫོང་དང་། ལྷ་རྩེ། ངམ་རིང་། ས་སྐྱ། གཏིང་སྐྱེས། གཞིས་ཀ་རྩེ་བཅས་ས་གནས་ཁག་ཏུ་བྱུང་བའི་གོད་ཆག་ས་ཡོམ་གྱི་གནོད་འཚེ་ཕོག་པའི་ཡིད་སྐྱོའི་གནས་ཚུལ་བྱུང་བར། གདུང་སེམས་མཉམ་སྐྱེ་དང་འབྲེལ། འདས་གསོན་རྣམས་ཀྱི་ཆེད་དུ་མཆོད་འབུལ་སྨོན་ལམ་གནང་།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༩ལ།
ྋགོང་ས་ྋསྐྱབས་མགོན་ཆེན་པོ་མཆོག་སྦེལ་ཀོབ་གཞིས་ཆགས་སུ་ཆིབས་བསྒྱུར་བསྐྱངས།
དྲ་འཇུག་པ། རིག་མཛོད་རྩོམ་སྒྲིག་པ།དེ་ཕྱི་ལོ་༢༠༢༥ཟླ་༡ཚེས་༣ཉིན་གཞུང་སྒར་ནས་མཁའ་ལམ་བརྒྱུད་ཕེབས་ཐོན་དང་བཅས་རྒྱ་གར་གྱི་རྒྱལ་ས་ལྡི་ལིར་དང་། ཚེས་༤ཉིན་ལྷོ་ཕྱོགས་འབིང་ལོར་གྲོང་ཁྱེར་བཅས་སུ་བཞུགས་འཇགས་དང་། ཚེས་ལྔ་ཉིན་ཐད་འཕུར་མཁའ་གྲུའི་བརྒྱུད་བོད་མིའི་གཞིས་སྒར་སྦེལ་ཀོབ་གཞིས་ཆགས་སུ་ཆིབས་བསྒྱུར་གནང་ཞིང་། དེའི་སྐབས་སུ་སེར་སྐྱ་མི་མང་ཡོངས་ནས་ལག་ཏུ་མེ་ཏོག་བདུག་སྤོས་མཇལ་དར་སོགས་མཆོད་རྫས་སྣ་ཚོགས་པས་ཕེབས་བསུ་ཟབ་རྒྱས་ཞུས་ནས་ཆོས་སྡེ་ཆེན་པོ་བཀྲ་ཤིས་ལྷུན་པོར་ཞབས་སོར་བདེ་བར་འཁོད།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༥ལ།