མཛད་པ་པོ། འཕགས་པ་ཐོགས་མེད།
བརྗོད་བྱ། སེམས་ཙམ་པའི་ལུགས།
རིག་མཛོད་འཕྲུལ་དེབ་ཨང་། SJRB-0433
ཡིག་ཆའི་རྣམ་པ། PDF མ་ཕྱིའི་པར་རྩ། སྡེ་དགེའི་ཤིང་པར།
ཤོག་གྲངས། 868 ལྗིད་ཚད། 4.9MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་གསུམ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདི་ནི་འཕགས་པ་ཐོགས་མེད་ཀྱིས་མཛད་པའི་ས་སྡེ་ལྔ་སྟེ། ཇི་སྐད་དུ། ས་སྡེ་ལྔ་ནི་ས་ཡི་དངོས་གཞི་དང་། དེའི་དོན་འགྲེལ་ལྟ་བུ་རྣམ་པར་གཏན་ལ་དབབ་པ་བསྡུ་བ། དེ་དག་སྡེ་སྣོད་གསུམ་དུ་བསྡུ་ཚུལ་སྟོན་པ་གཞི་བསྡུ་བ། ཀུན་ཉོན་དང་རྣམ་བྱང་གི་རྣམ་གྲངས་བྱེ་བྲག་ཏུ་སྟོན་པ་རྣམ་གྲངས་བསྡུ་བ། དེ་འཆད་ཚུལ་སྟོན་པ་རྣམ་པར་བཤད་པའི་སྒོ་བསྡུ་བ་ལྔའོ། །ཞེས་པ་ལྟར་གྱི་ས་སྡེ་ལྔ་དགེའི་བསྟན་འགྱུར་གྱི་ཤིང་པར་གཞིར་བཟུང་ནས་བསྒྲིགས་པ་ཡིན་ལ། སྨད་ཆ་འདིའི་ནང་དུ་གཏན་ལ་དབབ་པ་བསྡུ་བའི་སྨད་ཀྱི་བམ་པོ་སོ་དྲུག་པ་སོགས་བམ་པོ་ལྷག་མ་བརྒྱད་དང་། གཞི་བསྡུ་བ། རྣམ་གྲངས་བསྡུ་བ། རྣམ་པར་བཤད་པའི་སྒོ་བསྡུ་བ་བཅས་བཅས་མཉམ་དུ་བསྡུས་ཡོད།

མཛད་པ་པོ། སློབ་དཔོན་ཟླ་བ་གྲགས་པ།
བརྗོད་བྱ། གསང་བ་འདུས་པའི་ལམ་གྱི་གནད།
རིག་མཛོད་འཕྲུལ་དེབ་ཨང་། SJRB-0431
ཡིག་ཆའི་རྣམ་པ། PDF མ་ཕྱིའི་པར་རྩ། སྡེ་དགེའི་ཤིང་པར།
ཤོག་གྲངས། 511 ལྗིད་ཚད། 3.3MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་གསུམ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདི་ནི་རྒྱུད་ཀྱི་རྒྱལ་པོ་དཔལ་གསང་བ་འདུས་པའི་རྩ་རྒྱུད་དུ་འདུས་པའི་རིམ་གཉིས་ཀྱི་ཟབ་གནད་རྣམས་བསྟན་པ་ཤིན་ཏུ་རྟོགས་དཀའ་བ་མཐའ་དྲུག་དང་ཚུལ་བཞིའི་བཤད་པའི་སྒོ་ནས་གསལ་བར་མཛད་པའི་འགྲེལ་པ་སྒྲོན་མ་གསལ་བའམ་ཡོངས་གྲགས་སུ་འགྲེལ་པ་སྒྲོན་གསལ་ཞེས་གྲགས་པ་དེ་ཉིད་ཡིན། འདིའི་མཛད་པ་པོ་ནི་དཔལ་ལྡན་ཟླ་བ་གྲགས་པ་ཡིན་ལ། ཁོང་རྒྱ་གར་ལྷོ་ཕྱོགས་སུ་འཁྲུངས། ལྷོ་ཕྱོགས་ཀྱི་རྒྱུད་དེ་ཉིད་དུ་རབ་ཏུ་བྱུང་། ཆུང་དུས་ནས་རིག་གནས་མཐའ་དག་ལ་མཁས་པར་སྦྱངས། སློབ་དཔོན་ཀླུ་སྒྲུབ་དང་སློབ་དཔོན་སངས་རྒྱས་བསྐྱངས་སོགས་ལས་མདོ་སྔགས་གཉིས་ཆར་སྦྱངས་པ་མཐར་ཕྱིན་པ་མཛད། ན་ལེནྡྲའི་མཁན་པོ་ཡུན་རིང་དུ་མཛད་དེ་བསྟན་པའི་བྱ་བ་རྒྱ་ཆེན་པོ་མཛད། སློབ་མ་གྲགས་ཆེ་བ་རིགས་པའི་ཁུ་བྱུག་ཆེ་བ་སོགས་མང་དུ་བྱུང་། མདོ་སྔགས་གཉིས་ཀྱི་བསྟན་བཅོས་གང་མང་བརྩམས་ཤིང་། བོད་འགྱུར་ལ། མདོ་ཕྱོགས་སྣར་ཐང་བསྟན་འགྱུར་གྱི་ཀྱི་པོད། [འ] [ཡ] གཉིས་དང་། གསང་སྔགས་ཀྱི་སྐོར། སྣར་ཐང་བསྟན་འགྱུར་གྱི་པོད་[ཤ]པ་རྣམས་སུ་བཞུགས།

རྩ་བ་མཛད་པ་པོ། སློབ་དཔོན་ཐོགས་མེད།
འགྲེལ་པ་མཛད་པ་པོ། སློབ་དཔོན་དབྱིག་གཉེན།
བརྗོད་བྱ། ཐེག་ཆེན་གྱི་སྡེ་སྣོད་ཀྱི་དོན་གནས་བཅུར་བསྡུས་ནས་བསྟན་པ།
རིག་མཛོད་འཕྲུལ་དེབ་ཨང་། SJRB-0428
ཡིག་ཆའི་རྣམ་པ། PDF མ་ཕྱིའི་པར་རྩ། སྡེ་དགེའི་ཤིང་དཔར།
ཤོག་གྲངས། 315 ལྗིད་ཚད། 2.2MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་དང་པོར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདི་ནི། འཕགས་པ་ཐོགས་མེད་ཀྱིས་མཛད་པའི་སྡོམ་རྣམ་གཉིས་ལས་ཐེག་ཆེན་ཐུན་མོང་མ་ཡིན་པའི་སྡོམ་ཐེག་བསྡུས་ཡིན་ཞིང་། འདི་ལས། ཤེས་བྱའི་གནས་དང་མཚན་ཉིད་དེར་འཇུག་དང་། །དེ་ཡི་རྒྱུ་འབྲས་དེ་རབ་དབྱེ་བ་དང་། །བསླབ་པ་གསུམ་དང་དེ་འབྲས་སྤངས་པ་དང་། །ཡེ་ཤེས་ཐེག་པ་མཆོག་གྱུར་ཁྱད་པར་འཕགས། །ཞེས་སངས་རྒྱས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྣམས་ལས་བརྩམས་ནས་བཀའ་སྩལ་བའི་ཐེག་པ་ཆེན་པོའི་སྡེ་སྣོད་ཀྱི་དོན་གཞི་ལམ་འབྲས་བུ་བསྟན་པ་རྣམས་གནས་བཅུར་བསྡུས་ནས་བསྟན་ཅིང་། ཁྱད་པར་རྣམ་པ་དེ་བཅུས་ཉན་ཐོས་ཀྱི་ཐེག་པ་ལས་ཁྱད་པར་དུ་འཕགས་པ་བསྟན་པའི་སྒོ་ནས་ཐེག་པ་ཆེན་པོ་སངས་རྒྱས་ཀྱི་བཀའ་ཉིད་དུའང་བསྟན་ལ། བསྟན་བཅོས་འདི་ནི་རྣམ་རིག་པའི་གྲུབ་མཐའ་སྟོན་པའི་གཞུང་གཙོ་བོ་ཞིག་ཀྱང་ཡིན་ནོ། །

རྩ་བ་མཛད་པ་པོ། དཔལ་ལྡན་ཆོས་གྲགས།

འགྲེལ་པ་མཛད་པ་པོ། རྒྱལ་ཚབ་དར་མ་རིན་ཆེན།
བརྗོད་བྱ། རྟོག་གེའི་ཚིག་དོན་བརྒྱད།
རིག་མཛོད་འཕྲུལ་དེབ་ཨང་། SJRB-0425
ཡིག་ཆའི་རྣམ་པ། PDF མ་ཕྱིའི་པར་རྩ། བཀྲས་ལྷུན་ཤིང་པར།
ཤོག་གྲངས། 561 ལྗིད་ཚད། 2.4MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས། རྒྱལ་ཚབ་དར་མ་རིན་ཆེན་མཆོག་ནི་ཕྱི་ལོ་༡༣༦༤ ལོར་གཙང་ཉང་སྟོད་དུ་ཡབ་བློན་པོ་རྦ་ཡི་རིགས་རྒྱུད་རྟ་དཔོན་པ་དང་། ཡུམ་ཇོ་མོ་ཤེས་རབ་མ་གཉིས་ཀྱི་སྲས་སུ་འཁྲུངས།
དགུང་ལོ་བཅུ་པར་གནས་སྙིང་དུ་མཁན་པོ་རིན་ཆེན་རྒྱལ་མཚན་ལས་རབ་ཏུ་བྱུང་ཞིང་མཚན་ལ་དར་མ་རིན་ཆེན་གསོལ། བཀའ་བཞི་པ་རིན་ཆེན་རྡོ་རྗེ་དང་། རྗེ་བཙུན་རེད་མདའ་བ་གཞོན་ནུ་བློ་གྲོས་དང་། ཉ་དབོན་པ་སོགས་ལས་མདོ་སྔགས་ཀྱི་གཞུང་མང་མཁས་པར་སྦྱངས། དགུང་ལོ་ཉེར་ལྔ་པར་ཉ་དབོན་ཀུན་དགའ་དཔལ་གྱི་དྲུང་ནས་བསྙེན་པར་རྫོགས། ས་སྐྱ་དང་། གསང་ཕུ། རྩེད་ཐང་སོགས་སུ་དཀའ་བཅུའི་གྲྭ་སྐོར་མཛད་དེ་མཁས་པའི་གྲགས་པ་རྒྱས་ཤིང་དཀའ་བཅུ་པ་ཞེས་པའི་མཚན་ཡང་ཐོགས། ལོ་རྒྱུས་ཐོག་དཀའ་བཅུའི་གྲྭ་སྐོར་མཛད་པའི་སྲོལ་ཡང་ཐོག་མར་འདི་ནས་བྱུང་བར་གྲགས།
འཇམ་མགོན་བླ་མ་ཙོང་ཁ་པ་ཆེན་པོས་དབུ་ཞྭ་དང་སྐུ་བེར་གནང་སྟེ་རྒྱལ་ཚབ་ཏུ་བཞུགས་དགོས་པར་དོན་གྱིས་གོ་བར་མཛད་ཅིང་། རྗེ་རིན་པོ་ཆེ་དགའ་ལྡན་དུ་གཤེགས་རྗེས་བུ་སློབ་རྣམས་ཀྱིས་གསོལ་བ་བཏབ་སྟེ་དགུང་ལོ་ང་དྲུག་ཐོག་དགའ་ལྡན་ཁྲིར་ཕེབས་ཏེ་ལོ་བཅུ་གསུམ་བསྐྱངས། འཇམ་མགོན་བླ་མའི་བསྟན་པ་བཤད་སྒྲུབ་འཆད་ཉན་གྱི་སྒོ་ནས་ཉིན་མོ་ལྟར་གསལ་བར་མཛད།
དགུང་ལོ་རེ་དགུ་ཕྱི་ལོ་༡༤༣༢ལོར་རྩེ་པོ་ཏ་ལར་དགོངས་པ་ཞི་དབྱིངས་སུ་གཤེགས་པའི་ཚུལ་བསྟན།
སློབ་མ་ཡང་མཁས་གྲུབ་དགེ་ལེགས་དཔལ་བཟང་སོགས་རྗེའི་དངོས་སློབ་ཕལ་ཆེ་བ་འདི་བའི་སློབ་མར་ཡང་གྱུར། གསུང་རྩོམ་ཁྱོན་བསྡོམས་པོད་ཆེན་པོ་བརྒྱད་བཞུགས།

རྩ་བ་མཛད་པ་པོ། དཔལ་ལྡན་ཆོས་གྲགས།

འགྲེལ་པ་མཛད་པ་པོ། རྒྱལ་ཚབ་དར་མ་རིན་ཆེན།
བརྗོད་བྱ། རྟོག་གེའི་ཚིག་དོན་བརྒྱད།
རིག་མཛོད་འཕྲུལ་དེབ་ཨང་། SJRB-0426
ཡིག་ཆའི་རྣམ་པ། PDF མ་ཕྱིའི་པར་རྩ། བཀྲས་ལྷུན་ཤིང་པར།
ཤོག་གྲངས། 628 ལྗིད་ཚད། 2.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས། རྒྱལ་ཚབ་དར་མ་རིན་ཆེན་མཆོག་ནི་ཕྱི་ལོ་༡༣༦༤ ལོར་གཙང་ཉང་སྟོད་དུ་ཡབ་བློན་པོ་རྦ་ཡི་རིགས་རྒྱུད་རྟ་དཔོན་པ་དང་། ཡུམ་ཇོ་མོ་ཤེས་རབ་མ་གཉིས་ཀྱི་སྲས་སུ་འཁྲུངས།
དགུང་ལོ་བཅུ་པར་གནས་སྙིང་དུ་མཁན་པོ་རིན་ཆེན་རྒྱལ་མཚན་ལས་རབ་ཏུ་བྱུང་ཞིང་མཚན་ལ་དར་མ་རིན་ཆེན་གསོལ། བཀའ་བཞི་པ་རིན་ཆེན་རྡོ་རྗེ་དང་། རྗེ་བཙུན་རེད་མདའ་བ་གཞོན་ནུ་བློ་གྲོས་དང་། ཉ་དབོན་པ་སོགས་ལས་མདོ་སྔགས་ཀྱི་གཞུང་མང་མཁས་པར་སྦྱངས། དགུང་ལོ་ཉེར་ལྔ་པར་ཉ་དབོན་ཀུན་དགའ་དཔལ་གྱི་དྲུང་ནས་བསྙེན་པར་རྫོགས། ས་སྐྱ་དང་། གསང་ཕུ། རྩེད་ཐང་སོགས་སུ་དཀའ་བཅུའི་གྲྭ་སྐོར་མཛད་དེ་མཁས་པའི་གྲགས་པ་རྒྱས་ཤིང་དཀའ་བཅུ་པ་ཞེས་པའི་མཚན་ཡང་ཐོགས། ལོ་རྒྱུས་ཐོག་དཀའ་བཅུའི་གྲྭ་སྐོར་མཛད་པའི་སྲོལ་ཡང་ཐོག་མར་འདི་ནས་བྱུང་བར་གྲགས།
འཇམ་མགོན་བླ་མ་ཙོང་ཁ་པ་ཆེན་པོས་དབུ་ཞྭ་དང་སྐུ་བེར་གནང་སྟེ་རྒྱལ་ཚབ་ཏུ་བཞུགས་དགོས་པར་དོན་གྱིས་གོ་བར་མཛད་ཅིང་། རྗེ་རིན་པོ་ཆེ་དགའ་ལྡན་དུ་གཤེགས་རྗེས་བུ་སློབ་རྣམས་ཀྱིས་གསོལ་བ་བཏབ་སྟེ་དགུང་ལོ་ང་དྲུག་ཐོག་དགའ་ལྡན་ཁྲིར་ཕེབས་ཏེ་ལོ་བཅུ་གསུམ་བསྐྱངས། འཇམ་མགོན་བླ་མའི་བསྟན་པ་བཤད་སྒྲུབ་འཆད་ཉན་གྱི་སྒོ་ནས་ཉིན་མོ་ལྟར་གསལ་བར་མཛད།
དགུང་ལོ་རེ་དགུ་ཕྱི་ལོ་༡༤༣༢ལོར་རྩེ་པོ་ཏ་ལར་དགོངས་པ་ཞི་དབྱིངས་སུ་གཤེགས་པའི་ཚུལ་བསྟན།
སློབ་མ་ཡང་མཁས་གྲུབ་དགེ་ལེགས་དཔལ་བཟང་སོགས་རྗེའི་དངོས་སློབ་ཕལ་ཆེ་བ་འདི་བའི་སློབ་མར་ཡང་གྱུར། གསུང་རྩོམ་ཁྱོན་བསྡོམས་པོད་ཆེན་པོ་བརྒྱད་བཞུགས།