བྱང་ཆུབ་ལམ་རིམ་འབྲིང་བ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། རྗེ་བློ་བཟང་གྲགས་པ།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0047
ཡིག་ཆའི་རྣམ་པ། PDF
ལྗིད་ཚད། 2.2MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བཅུ་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྗེ་ཙོང་ཁ་པ་བློ་བཟང་གྲགས་པ་མཆོག་ནི། མདོ་སྨད་ཙོང་ཁའི་ཡུལ་དུ་འཁྲུངས། རི་བོ་དགེ་ལྡན་པའི་ཆོས་བརྒྱུད་སྲོལ་གཏོད་མཁན་དང་། དགའ་ལྡན་ཁྲི་པའི་ཁྲི་རབས་དང་པོ་ཡིན། དགུང་ལོ་གསུམ་པར་རྗེ་ཀརྨ་པ་རོལ་བའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ལ་ཀུན་དགའ་སྙིང་པོ་དང་། དགུང་ལོ་བདུན་པར་ཆོས་རྗེ་དོན་གྲུབ་རིན་ཆེན་ལས་དགེ་ཚུལ་གྱི་སྡོམ་པ་བཞེས་ཏེ་མཚན་ལ་བློ་བཟང་གྲགས་པ་གསོལ། དགུང་ལོ་བཅུ་བདུན་པར་དབུས་སུ་ཕེབས་ཏེ། རྗེ་བཙུན་རེད་མདའ་བ་སོགས་ལས་མདོ་སྔགས་རིག་གནས་དང་བཅས་པ་ལེགས་པར་སྦྱངས། དགུང་ལོ་ཉེང་བཞིའི་སྐབས་བསྙེན་པར་རྫོགས། དགུང་ལོ་སོ་དྲུག་གི་སྐབས་འཁོར་དག་པ་རྣམ་བརྒྱད་དང་བཅས་འོལ་ཁར་སྒྲུབ་པ་གཙོ་བོ་མཛད། དགུང་ལོ་སོ་བདུན་པར་རྗིང་ཕྱིའི་བྱམས་པ་ཞིག་གསོ་མཛད། དགུང་ལོ་སོ་དགུ་བར་གཉལ་གྱི་ལུང་རར་ཆོས་འཁོར་བསྐོར། དགུང་ལོ་ང་གཅིག་གི་སྐབས་རྒྱ་ནག་གི་རྒྱལ་པོས་ཕྱག་རྟེན་བཅས་ལན་གསུམ་དུ་རྒྱ་ནག་ཏུ་གདན་འདྲེན་ཞུས་ཀྱང་མ་ཕེབས། དགུང་ལོ་ང་གཉིས་ཀྱི་སྐབས་ཆོ་འཕྲུལ་སྨོན་ལམ་ཆེན་མོ་བཙུགས། དགུང་ལོ་ང་གསུམ་གྱི་སྐབས་དགའ་ལྡན་དགོན་པ་བཏབ། དགུང་ལོ་ང་དགུའི་སྐབས། དགའ་ལྡན་དུ་སྟག་རྩེའི་སྒྲུབ་མཆོད་སྤེལ། སློབ་མ་གྲགས་ཆེ་བ། རྒྱལ་ཚབ་དར་མ་རིན་ཆེན། མཁས་གྲུབ་དགེ་ལེགས་དཔལ་བཟང་སོགས་མང་དུ་བྱུང་། ༡༤༡༩་ལོར་སྐུ་གཤེགས། གསུང་རྩོམ་ལ། བྱང་ཆུབ་ལམ་རིམ་སོགས་པོ་ཏི་བཅུ་དགུ་བཞུགས།
| PDF ཕབ་ལེན། |
|---|
ལམ་རིམ་ཆེན་མོའི་སྔོན་འགྲོའི་གསུང་ཆོས།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
བརྗོད་བྱ། ལམ་རིམ་བཀའ་ཁྲིད་ཀྱི་སྔོན་འགྲོ། [༢༠༠༥]
ཡིག་འབེབས་པ། རྣམ་གྲྭ་ཐུབ་བསྟན་ཡར་འཕེལ།
པར་གཞིའི་ཡོང་ཁུངས། རྣམ་གྲྭ་ཤེས་ཡོན་ལྷན་ཚོགས།
རིག་མཛོད་དེབ་ཨང་། SJRB-0155
ཡིག་ཆའི་རྣམ་པ། PDF
ལྗིད་ཚད། 993KB
༢༠༡༥ ཟླ་བཞི་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༨ ཚེས་ ༡༢ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
གསུང་རྩོམ་འདི་ནི། ༧གོང་ས་༧སྐྱབས་མགོན་ཆེན་པོ་མཆོག་ནས། ཕྱི་ལོ་ ༢༠༠༥ ལོའི་ཟླ་ ༢ ཚེས་ ༢༤ ནས་ཟླ་ ༣ ཚེས་ ༩ བར་ཉིན་བཅུ་བཞིའི་རིང་ལ་བཞུགས་སྒར་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་དཔྱིད་ཆོས་ཆེན་མོར་ཕྱོགས་མཐའ་ཁག་ནས་ཕེབས་པ་དང་གཉུག་མར་གནས་པ་བཅས་དད་ལྡན་ཆོས་ཞུ་བ་སྟོང་ཕྲག་དུ་མར་བྱང་ཆུབ་ལམ་རིམ་ཆེན་མོ་བཀའ་འཁྲིད་མཛད་པའི་སྐབས་ཀྱི་ཉིན་རེའི་སྔོན་འགྲོའི་གསུང་ཆོས་ཁག་ཕྱོགས་བསྒྲིགས་ཞུས་པ་ཞིག་ཡིན། འདིར་ནང་པ་སངས་རྒྱས་པའི་ལྟ་སྒོམ་སྤྱོད་གསུམ་གྱི་ཟབ་གནད་ཁག་མ་ཚང་བ་མེད་པར་གོ་སླ་མདོར་བསྡུས་ཀྱི་ཚུལ་དུ་ངོ་སྤྲོད་མཛད་ཡོད།
ཕབ་ལེན། PDF ཕབ་ལེན།
ལམ་ཁྲིད་འཇམ་དཔལ་ཞལ་ལུང་།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། རྒྱལ་དབང་ལྔ་པ་བློ་བཟང་རྒྱ་མཚོ།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0200
ཡིག་ཆའི་རྣམ་པ། PDF
ལྗིད་ཚད། 1.3MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྒྱལ་དབང་ངག་དབང་བློ་བཟང་རྒྱ་མཚོ་མཆོག་ནི། ལྷོ་ཁར་སྐུ་འཁྲུངས། རྒྱལ་བ་སྐུ་ཕྲེང་ལྔ་པ་ཡིན། དགུང་ལོ་དྲུག་གི་སྐབས་རྒྱལ་བ་སྐུ་ཕྲེང་བཞི་པའི་ཡང་སྲིད་དུ་ངོས་འཛིན་མཛད། དགུང་ལོ་བརྒྱད་པར་པཎ་ཆེན་བློ་བཟང་ཆོས་རྒྱན་ལས་དགེ་ཚུལ་གྱི་སྡོམ་པ་བཞེས། དགུང་ལོ་བཅུ་གཅིག་གི་སྐབས་མདོ་སྔགས་རིག་གནས་དང་བཅས་པར་སློབ་གཉེར་རིམ་བཞིན་གནང་། དགུང་ལོ་ཉེར་ལྔའི་སྐབས་གངས་ཅན་སཱ་ལའི་སྨན་ལྗོངས་ཀྱི་ལུགས་གཉིས་ཀྱི་ཁྲི་ལ་དབང་བསྒྱུར། དགུང་ལོ་སུམ་ཅུའི་སྐབས་པོ་ཏ་ལའི་ཕོ་བྲང་དཀར་པོ་བཞེངས། དགུང་ལོ་སོ་དྲུག་གི་སྐབས་རྒྱ་ནག་ཏུ་ཕེབས། ལུགས་གཉིས་ཆོས་སྲིད་ཀྱི་མཛད་བཟང་ཀུན་ཏུ་ཁྱབ་པའི་མཐུས་བོད་ཁམས་ལ་ཞི་བདེ་ཁྱབ་པ་བྱུང་། སློབ་མ་གྲགས་ཆེ་བ་སྡེ་སྲིད་སངས་རྒྱས་རྒྱ་མཚོ་སོགས་མང་དུ་བྱུང་། ༡༦༨༢ ལོར་སྐུ་གཤེགས། གསུང་རྩོམ་ལ། ཆོས་ཚན་ཉིས་བརྒྱ་དྲུག་ཅུ་རེ་གཉིས་བཞུགས།
AUDIO ཁྲིད་ཡོད། 1
| PDF ཕབ་ལེན། |
|---|
འཁྲུངས་རབས་ཀྱི་བཀའ་ཆོས།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
བརྗོད་བྱ། སྨོན་ལམ་ཆེན་མོའི་གསུང་ཆོས། ( ༢༠༠༦ )
ཡིག་འབེབས་པ། རྣམ་གྲྭ་ཐུབ་བསྟན་ཡར་འཕེལ།
པར་གཞིའི་ཡོང་ཁུངས། རྣམ་གྲྭ་ཤེས་ཡོན་ལྷན་ཚོགས།
རིག་མཛོད་དེབ་ཨང་། SJRB-0145
ཡིག་ཆའི་རྣམ་པ། PDF
ལྗིད་ཚད། 652KB
༢༠༡༥ ཟླ་བཞི་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༨ ཚེས་ ༡༠ ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
གསུང་རྩོམ་འདི་ནི། ༧གོང་ས་༧སྐྱབས་མགོན་ཆེན་པོ་མཆོག་ནས། བཞུགས་སྒར་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་ཕྱི་ལོ་༢༠༠༦ལོའི་ཆོ་འཕྲུལ་དུས་ཆེན་གྱི་འཁྲུང་རབས་གསུང་ཆོས་སྐབས་སུ་བོད་དང་ཧི་མ་ལ་ཡའི་རི་རྒྱུད་ནས་ཡོང་བའི་ཆོས་ཞུ་བ། དེ་བཞིན་རྒྱ་ནག ། ཉི་ཧོང་། ཐའེ་ཝན། ཀོ་རི་ཡ། ཝི་ཏི་ནམ་བཅས་ནས་ཡོང་བའི་དད་ལྡན་ཆོས་ཞུ་བ་རྣམས་ལ་གནང་བའི་བཀའ་སློབ་ཅིག་ཡིན་ལ། འདིར་ཆོས་ལུགས་མཐུན་ལམ་དང་། ནང་པའི་ཆོས་བརྒྱུད་ཁག་གི་ལྟ་གྲུབ་དང་དེའི་ཟབ་ཁྱད་སྐོར། ནང་པའི་ཆོས་ལ་ཐོས་བསམ་སྒོམ་གསུམ་གྱིས་འཇུག་དགོས་པ་དང་དེའི་ཕན་ཡོན་སྐོར་སོགས་ངོ་སྤྲོད་མཛད་ཡོད།
ཕབ་ལེན། PDF ཕབ་ལེན།
དམར་ཁྲིད་མྱུར་ལམ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། པཎ་ཆེན་བློ་བཟང་ཡེ་ཤེས།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0256
ཡིག་ཆའི་རྣམ་པ། PDF
ལྗིད་ཚད། 1.2MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
པཎ་ཆེན་བློ་བཟང་ཡེ་ཤེས་ནི། ཕྱི་ལོ་ ༡༦༦༣ ལོར་གཙང་ཐོབ་རྒྱལ་གྱི་ཡུལ་དུ་སྐུ་འཁྲུངས། དགུང་ལོ་བཞི་པར་རྒྱལ་དབང་ལྔ་པས་པཎ་ཆེན་སྐུ་ཕྲེང་བཞི་པའི་སྤྲུལ་སྐུར་ངོས་འཛིན་མཛད་དེ་བཀྲ་ཤིས་ལྷུན་པོའི་གསེར་ཁྲིར་མངའ་གསོལ། དགུང་ལོ་བརྒྱད་པར་རྒྱལ་དབང་ལྔ་པས་དགེ་ཚུལ་གྱི་སྡོམ་པ་སྩལ། དགུང་ལོ་ཉེར་གཉིས་པར་སྔགས་ཆེན་དཀོན་མཆོག་རྒྱལ་མཚན་གྱི་དྲུང་ནས་བསྙེན་རྫོགས་ཀྱི་སྡོམ་པ་བཞེས། དགུང་ལོ་སོ་ལྔའི་སྐབས་རྒྱལ་བ་ཚངས་དབྱངས་རྒྱ་མཚོ་ལ་དགེ་བསྙེན་དང་། རབ་བྱུང་། དགེ་ཚུལ་བཅས་ཀྱི་སྡོམ་པ་འབོགས་པར་མཛད། དགུང་ལོ་ང་བདུན་པར་རྒྱལ་བ་བསྐལ་བཟང་རྒྱ་མཚོ་ལ་དགེ་ཚུལ་གྱི་སྡོམ་པ་ཕུལ། བཀྲ་ཤིས་ལྷུན་པོའི་གདན་ས་ལོ་དྲུག་ཅུ་རེ་བརྒྱད་བསྐྱངས། རྒྱལ་བ་བསྐལ་བཟང་རྒྱ་མཚོར་བསྙེན་རྫོགས་ཀྱི་སྡོམ་པའང་ཕུལ། ཕྱི་ལོ་ ༡༧༣༧ ལོར་སྐུ་གཤེགས། སྐུ་གདུང་རིལ་པོ་བཞུགས་པའི་མཆོད་སྡོང་ཆེན་པོ་བཀྲ་ཤིས་ལྷུན་པོར་རབ་བྱུང་བཅུ་དྲུག་པའི་མེ་རྟ་ལོ་བར་བཞུགས། གསུང་རྩོམ་ལ་པོ་ཏི་བཞི་བཞུགས།
| PDF ཕབ་ལེན། |
|---|
དམར་ཁྲིད་བདེ་ལམ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། པཎ་ཆེན་བློ་བཟང་ཆོས་རྒྱན།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0185
རྣམ་པ། PDF
ལྗིད་ཚད། 825KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
པཎ་ཆེན་བློ་བཟང་ཆོས་ཀྱི་རྒྱལ་མཚན། གཙང་རོང་དུ་འཁྲུངས། པཎ་ཆེན་སྐུ་ཕྲེང་བཞི་པ། དགུང་ལོ་ཆུང་ངུའི་སྐབས་མཁས་གྲུབ་སངས་རྒྱས་ཡེ་ཤེས་ཀྱིས་དབེན་ས་བློ་བཟང་དོན་གྲུབ་ཀྱི་སྤྲུལ་སྐུར་ངོས་འཛིན་མཛད། དགུང་ལོ་བཅུ་གསུམ་གྱི་སྐབས་དགེ་ཚུལ་གྱི་སྡོམ་པ་བཞེས། དགུང་ལོ་བཅུ་བཞིའི་སྐབས་དབེན་དགོན་གྱི་ཁྲི་པ་མཛད། དགུང་ལོ་བཅུ་བདུན་པར་བཀྲ་ཤིས་ལྷུན་པོར་གཞུང་ཆེན་སློབ་གཉེར་དུ་ཕེབས། དགུང་ལོ་ཉེར་གཉིས་ཀྱི་སྐབས་བསྙེན་རྫོགས་ཀྱི་སྡོམ་པ་བཞེས། དགུང་ལོ་སོ་གཅིག་གི་སྐབས་བཀྲ་ཤིས་ལྷུན་པོའི་ཁྲིར་ཕེབས། དགུང་ལོ་ཞེ་བཞིའི་སྐབས་རྒྱལ་བ་ཡོན་ཏན་རྒྱ་མཚོའི་ཡོངས་འཛིན་མཛད། དགུང་ལོ་ཞེ་བདུན་གྱི་སྐབས་སེ་འབྲས་གཉིས་ཀྱི་མཁན་པོ་ལོ་ལྔ་རེ་མཛད། དགུང་ལོ་ལྔ་བཅུའི་སྐབས་བོད་སོག་དམག་འཁྲུག་ལངས་པར་ཆིངས་ཞུ་མཛད་པས་དམག་མཚམས་བཞག །དགུང་ལོ་ལྔ་བཅུ་ང་གཉིས་ཀྱི་སྐབས་རྒྱལ་བའི་ཡང་སྲིད་ངོས་འཛིན་དང་། དགུང་ལོ་ང་ལྔའི་སྐབས་རྒྱལ་བ་བློ་བཟང་རྒྱ་མཚོའི་རབ་བྱུང་གི་མཁན་པོ་དང་། དགུང་ལོ་རེ་བརྒྱད་པར་བསྙེན་རྫོགས་ཀྱི་སྡོམ་པ་ཕུལ། དགུང་ལོ་དོན་བཞིའི་སྐབས་རྒྱ་ནག་གི་རྒྱལ་པོས་པཎ་ཆེན་ཞེས་པའི་མཚན་ཕུལ་ཏེ་གཙུག་ཏུ་བཀུར། སློབ་མ་གྲགས་ཆེ་པ། རྒྱལ་བ་ཡོན་ཏན་རྒྱ་མཚོ་དང། རྒྱལ་དབང་ལྔ་པ་སོགས་མང་དུ་བྱུང་། ༡༦༦༢ ལོར་སྐུ་གཤེགས། གསུང་རྩོམ་ལ་པོ་ཏི་ལྔ་བཞུགས།
ནང་ཆོས་ངོ་སྤྲོད་སྙིང་བསྡུས།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
བརྗོད་བྱ། བོད་རིགས་ན་གཞོན་རྣམས་ལ་ནང་ཆོས་ངོ་སྤྲོད་གནང་བ། (༢༠༠༧)
ཕབ་སྒྱུར་བ། རྣམ་གྲྭ་ཐུབ་བསྟན་ཡར་འཕེལ།
པར་གཞིའི་ཡོང་ཁུངས། རྣམ་གྲྭ་ཤེས་ཡོན་ལྷན་ཚོགས།
རིག་མཛོད་དེབ་ཨང་། SJRB-0131
ཡིག་ཆའི་རྣམ་པ། PDF
ལྗིད་ཚད། 2MB
༢༠༡༥ ཟླ་ ༤ པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༨ ཚེས་ ༥ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་རྩོམ་འདི་ནི། ྋགོང་ས་ྋསྐྱབས་མགོན་ཆེན་པོ་མཆོག་ནས། ཕྱི་ལོ་ ༢༠༠༧ ཟླ་ ༦ ཚེས་ ༡ ནས་ཉིན་གསུམ་རིང་བཞུགས་སྒར་རྡ་སྟེང་བོད་ཕྲུག་ཁྱིམ་སྡེར་བོད་རིགས་ན་གཞོན་སློབ་གཉེར་བ་གཙོར་གྱུར་གྱི་དོན་གཉེར་ཅན་སྟོང་ཕྲག་བརྒལ་བར་ནང་ཆོས་ངོ་སྤྲོད་མཛད་པ་ཞིག་ཡིན། དེབ་འདིར་ནང་ཆོས་ཞེས་པ་ནི་མིའི་རྣམ་དཔྱོད་ཀྱི་ནུས་པ་ཚད་མཐོན་པོའི་ཐོག་ནས་བེད་སྤྱོད་བྱས་ཏེ་གཏན་གྱི་བདེ་བ་བསྒྲུབ་རྒྱུའི་རྒྱ་ཆེ་གཏིང་ཟབ་ཀྱི་རིག་གཞུང་ཞིག་དང་། སྒེར་དང་སྤྱི་ཚོགས་ཀྱི་ཕན་བདེ་བསྒྲུབ་པ་ལ་ཁ་ཡོད་ལག་ཡོད་ཀྱི་ཕན་ཐོགས་ཆེ་བའི་སྐོར་སོགས་ལས་བརྩམས་ཏེ་ཁ་གསལ་གོ་བདེའི་ངོ་སྤྲོད་མཛད་པ་དང་། ཉིན་རེའི་ནང་ཆོས་ངོ་སྤྲོད་ཀྱི་མཇུག་ཏུ་དྲི་བར་བཀའ་ལན་གནང་བའང་མཉམ་སྦྱར་གྱིས་གྲུབ་པ་ཞིག་ཡིན།
ཕབ་ལེན། PDF ཕབ་ལེན།
བཟང་སྤྱོད་ཆེན་མོ་ཚོགས་སོང་།
དྲ་འཇུག་པ། རིག་མཛོད་རྩོམ་སྒྲིག་པ།
ཁ་སང་ནས་སེར་བྱེས་གྲྭ་ཚང་གི་བཟང་སྤྱོད་ཆེན་མོ་ཡར་ཚོགས་བྱས་ཏེ་ཉིན་བདུན་ལ་འཚོགས་རྒྱུ་ཡིན་འདུག
དེ་ཡང་ཕྱི་ལོ་༢༠༡༦ ལོའི་ཟླ་ ༡ ཚེས་ ༡༣ ཉིན་སེར་བྱེས་མཁས་སྙན་གྲྭ་ཚང་གི་བཟང་སྤྱོད་ཆེན་མོའམ་བཟང་སྤྱོད་སྨོན་ལམ་ཡར་ཚོགས་ཀྱིས་ཉིན་བདུན་ལ་འཚོགས་རྒྱུ་དང་། དངོས་གཞིའི་ཉིན་ཞོགས་པའི་ཆུ་ཚོད་ ༢: ༣༠ ནས་ཚོགས་ཏེ། ཉིན་རེར་ཚོགས་ཐུན་ཁ་ཤས་ཡོད་ལ། ཕྱི་དྲོའི་ཆུ་ཚོད་ ༦ པ་ནས་དུས་བཟང་འཚོགས་དགོས། བཅུ་དགུ་མཆོད་པ་དང་བཟང་སྤྱོད་སྨོན་ལམ་གཉིས་ནི་རྗེ་བཙུན་ཆོས་ཀྱི་རྒྱལ་མཚན་གྱི་དགོངས་རྫོགས་མཆོད་འབུལ་གྱི་ཆེད་དུ་བཙུགས་པ་ཞིག་ཡིན་ཞིང་། བཟང་སྤྱོད་སྨོན་ལམ་ནི། རྗེ་བཙུན་ཆོས་ཀྱི་རྒྱལ་མཚན་གྱི་སློབ་མའི་གཙོ་གྲས་པཎ་ཆེན་བདེ་ལགས་ཉི་མས་རང་གི་བླ་མ་རྗེ་བཙུན་པའི་དགོངས་རྫོགས་དུས་མཆོད་ཀྱི་ཆེད་དུ་བཙུགས་པ་ཞིག་ཡིན། དེ་ཡང་ཟླ་༡༡ ཚེས་ ༢༥ ཉིན་རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་སྐུ་གཤེགས་ནས་བདུན་ཚིགས་དང་པོའི་དུས་ཚེས་ཉིན། པཎ་ཆེན་བདེ་ལེགས་ཉི་མས་ར་ས་འཁྲུལ་སྣང་གི་གཙུག་ལག་ཁང་དུ་ཇོ་བོ་ཤཱཀྱ་མུ་ནིའི་སྤྱན་སྔར་ཀུན་བཟང་མཆོད་སྤྲིན་འབུལ་བཤམས་དང་འབྲེལ། གྲྭ་ཚང་བྱེས་སུ་བཟང་སྤྱོད་སྨོན་ལམ་འབུམ་ཐེར་འགྲོ་ངེས་ཀྱི་དུས་བཟང་ཐེབས་སྦྱོར་གནང་བ་བཞིན། ཚེས་ཉེར་ལྔ་ནས་ཉིན་གྲངས་བཅོ་ལྔའི་བར་བཟང་སྤྱོད་སྨོན་ལམ་ཆེན་མོ་ཚོགས་པ་ནས་ད་ལྟའི་བར་དུ་རྒྱུན་མ་ཆད་པར་འཚོགས་བཞིན་ཡོད། འདི་དང་མཉམ་དུ་སེར་སྨད་ཐོས་བསམ་ནོར་གླིང་གྲྭ་ཚང་གི་བྱམས་པའི་སྨོན་ལམ་ཡང་འཚོགས་ཡོད་འདུག །བཟང་སྤྱོད་ཆེན་མོའི་ངོ་སྤྲོད་གཤམ་གྱི་འབྲེལ་སྣེ་ལས་གཟིགས་པར་ཞུ།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༦།༠༡།༡༤ ལ།
བྱང་ཆུབ་ལམ་རིམ་ཆེན་མོ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། རྗེ་བློ་བཟང་གྲགས་པ།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0045
རྣམ་པ། PDF
ལྗིད་ཚད། 4.1MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༩ ཚེས་ ༡༤ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྗེ་ཙོང་ཁ་པ་བློ་བཟང་གྲགས་པ། ཕྱི་ལོ་༡༣༥༧ ལོར་མདོ་སྨད་ཙོང་ཁའི་ཡུལ་དུ་འཁྲུངས། དགུང་ལོ་གསུམ་པར་རྗེ་ཀརྨ་པ་རོལ་བའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ལ་ཀུན་དགའ་སྙིང་པོ་དང་། དགུང་ལོ་བདུན་པར་ཆོས་རྗེ་དོན་གྲུབ་རིན་ཆེན་ལས་དགེ་ཚུལ་གྱི་སྡོམ་པ་བཞེས་ཏེ་མཚན་ལ་བློ་བཟང་གྲགས་པ་གསོལ། དགུང་ལོ་བཅུ་བདུན་པར་སློབ་གཉེར་གྱི་ཆེད་དུ་དབུས་སུ་ཕེབས། དགུང་ལོ་སོ་དྲུག་གི་སྐབས་འཁོར་དག་པ་རྣམ་བརྒྱད་དང་བཅས་འོལ་ཁར་སྒྲུབ་པ་གཙོ་བོར་མཛད། དགུང་ལོ་སོ་བདུན་པར་རྫིང་ཕྱིའི་བྱམས་པ་ཞིག་གསོ་མཛད། དགུང་ལོ་སོ་དགུ་པར་གཉལ་གྱི་ལུང་རར་ཆོས་འཁོར་བསྐོར། དགུང་ལོ་ང་གཉིས་ཀྱི་སྐབས་ཆོ་འཕྲུལ་སྨོན་ལམ་ཆེན་མོ་བཙུགས། དགུང་ལོ་ང་གསུམ་གྱི་སྐབས་དགའ་ལྡན་དགོན་པ་བཏབ། དགུང་ལོ་ང་དགུའི་སྐབས། དགའ་ལྡན་དུ་སྟག་རྩེའི་སྒྲུབ་མཆོད་སྤེལ། གསུང་རྩོམ་ལ། རྩ་ཤེའི་ཊཱིཀ་ཆེན་སོགས་ལྟ་བའི་ལེགས་བཤད་ཆེན་པོ་ལྔ་དང་། ལེགས་བཤད་གསེར་ཕྲེང་། ལམ་རིམ་སྔགས་རིམ་གཉིས། རིམ་ལྔ་གསལ་སྒྲོན་སོགས་སྲིད་ན་འགྲན་ཟླ་བྲལ་བའི་ལེགས་བཤད་པོ་ཏི་ཆེན་པོ་བཅུ་དགུ་བཞུགས། རྒྱལ་ཚབ་དར་མ་རིན་ཆེན་དང་མཁས་གྲུབ་དགེ་ལེགས་དཔལ་བཟང་སོགས་སློབ་མ་གྲགས་ཆེ་བ་བརྒྱ་དང་བཞི་བཅུ་ལྷག་བྱོན། དགུང་གྲངས་ ༦༣ པ་ཕྱི་ལོ་ ༡༤༡༩ ལོར་སྐུ་གཤེགས།
ཕབ་ལེན། PDF ཕབ་ལེན། AUDIO ཁྲིད་ཡོད། 1 | 2 | 3 | 4 | 5 | 6 | 7
གྲྭ་ཚང་གི་ཕྱག་མཛོད་བརྗེས།
དྲ་འཇུག་པ། རིག་མཛོད་རྩོམ་སྒྲིག་པ།སེར་བྱེས་གྲྭ་ཚང་གི་སྐབས་ཉི་ཤུ་པའི་ཕྱག་མཛོད་ཀྱི་ལས་ཡུན་རྫོགས་ཏེ་ཕྱག་མཛོད་གསར་པས་ལས་འགོ་ཚུགས།
ཕྱི་ལོ་ ༢༠༡༦ ལོའི་ཟླ་ ༤ ཚེས་ ༢ ཉིན་སེར་བྱེས་མཁས་སྙན་གྲྭ་ཚང་གི་སྐབས་ཉི་ཤུ་པའི་༼༢༠༡༡.༠༢.༢༧-༢༠༡༦.༠༤.༠༡༽ལས་ཡུན་རྫོགས་ཏེ་སྐབས་ཉེར་གཅིག་པའི་ཕྱག་མཛོད་རྣམ་པར་ལས་ཀ་རྩིས་སྤྲོད་གནང་སྟེ་ཉིན་དེར་ཕྱག་མཛོད་གསར་པ་རྣམ་པས་ལས་འགོ་བཙུགས་ཤིང་ལས་ཡུན་ལོ་གསུམ་ཡིན།
ཕྱག་མཛོད་གསར་པ་བཞི་ནི།
ཕྱག་མཛོད་ཆེན་མོ། དགེ་བཤེས་ཐུབ་བསྟན་དབང་ཕྱུག
ཕྱག་མཛོད་ལས་རོགས། དགེ་བཤེས་བསོད་ནམས་ཡར་འཕེལ།
དགེ་བཤེས་བློ་བཟང་བསྟན་པ།
དགེ་བཤེས་བྱམས་པ་བདེ་ལེགས།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༦།༠༤།༡༥ལ།
དེ་ལས་མང་བ།...
སྐུ་གདུང་ཞུགས་འབུལ་གནང་།
དྲ་འཇུག་པ། རིག་མཛོད་རྩོམ་སྒྲིག་པ།སྐུ་ཞི་བར་གཤེགས་པའི་སེར་བྱེས་གྲྭ་ཚང་གི་མཁན་རིན་པོ་ཆེའི་སྐུ་གདུང་ཞུགས་འབུལ་གནང་།
ཕྱི་ལོ་༢༠༡༦ ཕྱི་ཟླ་ ༧ ཚེས་ ༣༡ ཉིན་སེར་བྱེས་མཁས་སྙན་གྲྭ་ཚང་གི་༧སྐྱབས་རྗེ་མཁན་རིན་པོ་ཆེ་རྗེ་བཙུན་དགེ་འདུན་ཆོས་འཕེལ་དཔལ་བཟང་པོ་མཆོག་དགོངས་པ་ཆོས་དབྱིངས་སུ་ཐིམ་ཚུལ་བསྟན་ཏེ་བདུན་ཕྲག་གཅིག་ལྷག་རིང་ཐུགས་དམ་ལ་བཞུགས་ཤིང་། ཕྱི་ཚེས་༨ ཉིན་ཐུགས་དམ་ལས་གྲོལ་བ་དང་དེ་རིང་ཕྱི་ཚེས་༩ ཉིན་གྱི་སྔ་དྲོར་དགོན་སྡེ་དང་ཚོགས་སྡེ། ཁམས་ཚན་ཁག་གི་སྐུ་ཚབ་དང་། གྲྭ་ཚང་གི་བླ་སྤྲུལ་དགེ་འདུན་འདུས་པ་རྒྱ་མཚོས་བླ་བྲང་ནས་སྐུ་གདུང་གདན་ཞུ་གནང་སྟེ། སེར་བྱེས་གྲྭ་ཚང་གི་གཙུག་ལག་ཁང་ལ་གཡས་སྐོར་གྱིས་སེར་བྱེས་ཏྲེ་ཧོར་ཁམས་ཚན་གྱི་འདུ་ཁང་གི་མདུན་གྱི་གདུང་ཁང་དུ་བཞུགས་སུ་གསོལ་ཏེ་ཞུགས་འབུལ་གནང་། དེ་ཡང་༧སྐྱབས་རྗེ་མཁན་རིན་པོ་ཆེ་དགོངས་པ་རྫོགས་པ་ནས་གྲྭ་ཚང་ཁག་དང་གནད་ཡོད་དུ་མས་འདི་གའི་གྲྭ་ཚང་དུ་ཐུགས་གསོའི་གསུང་འཕྲིན་གནང་འབྱོར་བྱུང་བ་དང་། འདི་ག་གྲྭ་ཚང་ནས་ཀྱང་མྱ་ངན་གུས་འདུད་མཚོན་སླད་ཡིག་ཚང་དང་ཡན་ལག་ལས་ཁུངས་ཁག་ཉིན་གསུམ་ལ་སྒོ་བརྒྱབ་ཅིང་། གཙུག་ལག་ཁང་གི་ཕྱི་ནང་གཉིས་སུ་མཆོད་གློག་གྲངས་མེད་སྦར་ཏེ་སྣང་གསལ་གྱི་མཆོད་པ་དང་། དགོང་དྲོའི་ཆོས་རར་དགེ་འདུན་འདུས་མང་གིས་གཞུང་ཆེན་ཀློག་འདོན་དང་སྨོན་ལམ་གསུང་བ། བླ་མཆོད་ཚོགས་འབུལ་སོགས་ཞུས་ཏེ་༧སྐྱབས་རྗེ་དམ་པ་མཁན་རིན་པོ་ཆེ་མཆོག་ཉིད་ཀྱི་ཐུགས་དགོངས་ཟབ་མོ་ཡོངས་སུ་རྫོགས་པ་སོགས་ཀྱི་ཆེད་དུ་ཐུགས་སྨོན་རྒྱ་ཆེར་གནང་ཞིང་། ཕྱོགས་མཐའ་ཁག་གི་འདི་ག་གྲྭ་ཚང་གི་ཡན་ལག་ཚོགས་སྡེ་དག་ནས་ཀྱང་མཆོད་འབུལ་སྨོན་ལམ་གྱིས་མཚམས་སྦྱོར་དང་། དགུང་དྲོའི་ཆོས་རའི་རྗེས་སུ་བླ་བྲང་དུ་བླ་སྤྲུལ་དགེ་བཤེས་གྲྭ་མང་འདུས་ཚོགས་ཀྱིས་གཞུང་ཆེན་ཀློག་འདོན་དང་སྨོན་ལམ་གསུང་འདོན་གནང་བ་སོགས་ཀྱིས་དམ་པ་དེ་ཉིད་ཀྱི་ཆེད་དུ་དགོངས་རྫོགས་མཆོད་འབུལ་རྒྱ་ཆེར་གནང་།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༦།༠༨།༠༩ ལ།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་དང་སྦྲེལ་སྣེ་མཉམ་སྦྱར་བྱེད་དགོས།
སློབ་གཉེར་བའི་རྩོད་རྒྱུགས་བླངས།
དྲ་འཇུག་པ། རིག་མཛོད་རྩོམ་སྒྲིག་པ།
སེར་བྱེས་གྲྭ་ཚང་གི་སློབ་གཉེར་བའི་ལོ་འཁོར་རྒྱུགས་སྤྲོད་རྣམས་ཀྱི་ཡ་གྱལ་རྩོད་རྒྱུགས་བླངས་སོང་།
ཕྱི་ལོ་༢༠༡༦ལོའི་ཟླ་༡༡ཚེས་༤ནས་དབུ་བཙུགས་ཏེ་དེ་རིང་སྟེ་ཕྱི་ཚེས་༠༩བར་དུ་ཉིན་རེར་ཚོགས་ཐུན་སྔ་དགོང་གཉིས་དང་ཚོགས་ཐུན་རེར་ཆུ་ཚོད་གསུམ་རེ་བྱས་ཏེ་སེར་བྱེས་སློབ་གཉེར་ཁང་ངམ་རྒྱུགས་ཞིབ་ལྷན་ཚོགས་ཀྱི་བཀོད་སྒྲིག་དང་སྟངས་འཛིན་གྱི་འོག་ཏུ་སེར་བྱེས་མཁས་སྙན་གྲྭ་ཚང་གི་སློབ་གཉེར་བའི་ལོ་འཁོར་རྒྱུགས་སྤྲོད་རྣམས་ཀྱི་ཡ་གྱལ་རྩོད་རྒྱུགས་བླངས་སོང་། དེ་ཡང་རྒྱུགས་སྤྲོད་དུ་ཕེབས་མི་དགོས་པའི་དམིགས་བསལ་ཅན་གྲྭ་ཚང་གི་ལས་བྱེད་ཀྱི་གྲས་སུ་ཡོད་པ་རྣམས་ཕུད་སློབ་གཉེར་བ་གྲངས་ཆིག་སྟོང་བརྒྱད་བརྒྱ་དྲུག་ཅུ་ཡོད་པ་རྣམས་སྡེ་ཚན་དགུ་རུ་བགོས་ཏེ་སྡེ་ཚན་སོ་སོར་རྒྱུགས་ཞིབ་པ་དགེ་བཤེས་ལྔ་རེ་ཆ་བགོས་ཀྱིས་རྒྱུགས་ཞིབ་དང་། རྩོད་གཞུང་དང་སློབ་གཉེར་བའི་གྲངས་སོགས་འོག་གི་རེའུ་མིག་ཏུ་གསལ་ལ། རྩོད་རྒྱུགས་སྐོར་གྱི་ངོ་སྤྲོད་གཤམ་གྱི་སྦྲེལ་སྣེ་བརྒྱུད་གཟིགས་པར་ཞུ།
༢༠༡༦ ལོའི་རྩོད་རྒྱུགས་ཀྱི་བཞུགས་གནས་སོགས་ཀྱི་རེའུ་མིག
| ཨང་རིམ། | འཛིན་གྲྭ | རྩོད་གཞུང་། | བཞུགས་གནས། | སློབ་གཉེར་བའི་གྲངས། |
|---|---|---|---|---|
| ༡ | བཀའ་རམས་གོང་འོག་གཉིས། | མཛོད་གནས་ལྔ་པ་ནས་བརྒྱད་པའི་བར། | གཙུག་ལག་ཁང་གི་དབུས། | ༢༧༢ |
| མཛོད། | མཛོད་གནས་དང་པོ་ནས་བཞི་པའི་བར། | |||
| ༢ |
འདུལ་རྙིང་། | ཞུ་བ་སྤྱིར་བསྟན་ནས་གཞི་སྨད་རྫོགས་མཚམས་བར། | གཙུག་ལག་ཁང་གི་གཡས། | ༢༡༦ |
| དབུ་གསར་གོང་མ། | དབུ་མའི་སྤྱི་དོན་ཐལ་ཟློག་ནས་རྫོགས་མཚམས་བར། | |||
| ༣ | འདུལ་གསར་གོང་མ། | འདུལ་བ་མཚོ་ཊཱིཀ་སྤང་ལྟུང་ནས་གཞི་སྟོད་རྫོགས་མཚམས་བར། | གཙུག་ལག་ཁང་གི་གཡོན། |
༢༢༢ |
| འདུལ་གསར་འོག་མ། | འདུལ་བ་མཚོ་ཊཱིཀ་དབུ་ནས་ལྷག་མ་རྫོགས་མཚམས་བར། | |||
| དབུ་རྙིང་གོང་མ། | དགོངས་པ་རབ་གསལ་ཚད་འགོག་ནས་རྫོགས་མཚམས་བར། | |||
| ༤ | དབུ་རྙིང་འོག་མ། | དགོངས་པ་རབ་གསལ་དབུ་ནས་ཚད་འགོག་བར། | ཆོས་རའི་གཡས། | ༡༩༡ |
| ཕར་ཕྱིན་གོང་མ། | ཕར་ཕྱིན་སྐབས་ལྔ་པ་ནས་བརྒྱད་པའི་བར། | |||
༥ |
དབུ་གསར་འོག་མ། | དབུ་མའི་སྤྱི་དོན་དབུ་ནས་དགག་བྱ་རྫོགས་མཚམས་བར། | ཆོས་རའི་དབུས། | ༡༩༢ |
| ཟུར་གསར། | དྲང་ངེས་དབུ་ནས་སེམས་ཙམ་རྫོགས་མཚམས་བར་དང་། ས་ལམ་ཆེན་མོ། | |||
༦ |
ཟུར་རྙིང་གོང་མ། | ཀུན་གཞི། ཕར་ཕྱིན་སྐབས་གཉིས་པ། ཕར་ཕྱིན་སྐབས་གསུམ་པ། | ཆོས་རའི་གཡོན་དང་པོ། |
༡༧༤ |
| ཟུར་རྙིང་འོག་མ། | བསམ་གཟུགས། རྟེན་འབྲེལ། དགེ་འདུན་ཉི་ཤུ། | |||
| གཞུང་རྙིང་། | ཕར་ཕྱིན་སེམས་བསྐྱེད་ནས་རིགས་བར། | |||
| ༧ | ཕར་ཕྱིན་འོག་མ། | ཕར་ཕྱིན་སྐབས་བཞི་པ་ཆ་ཚང་། | ཆོས་རའི་གཡོན་གཉིས་པ། | ༡༨༣ |
| གཞུང་གསར། | ཕར་ཕྱིན་སྐབས་དང་པོ་དབུ་ནས་ཟློས་སྤོང་བར། | |||
༨ |
བསྡུས་ཆེན། | གྲུབ་དོན་ས་གསུམ་དང་ཤིང་རྟའི་སྲོལ་འབྱེད། | སྒྲོལ་མ་ལྷ་ཁང་། |
༢༡༠ |
| བསྡུས་ཆུང་། | ཡོངས་འཛིན་བསྡུས་གྲྭ་ཆ་ཚང་། | |||
| འཛིན་གྲྭ་བརྒྱད་པ། | ཡོངས་འཛིན་བསྡུས་གྲྭ་ལས་རིགས་ལམ་ཆེ་བ། | |||
| འཛིན་གྲྭ་དྲུག་པ། | ཡོངས་འཛིན་བསྡུས་གྲྭ་ལས་རིགས་ལམ་ཆུང་བ། | |||
༩ |
བསྡུས་འབྲིང་། | བློ་རིག་དང་རྟགས་རིགས། | ལྷ་རམས་ཚོགས་ཁང་། |
༢༠༠ |
| འཛིན་གྲྭ་བཅུ་པ། | རྟགས་རིགས། | |||
| འཛིན་གྲྭ་དགུ་པ། | བློ་རིག | |||
| འཛིན་གྲྭ་བདུན་པ། | ཡོངས་འཛིན་བསྡུས་གྲྭ་ལས་རིགས་ལམ་འབྲིང་། |
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༦།༡༡།༠༩ ལ།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་དང་སྦྲེལ་སྣེ་མཉམ་སྦྱར་བྱེད་དགོས།
༧ དགའ་ལྡན་ཁྲི་རིན་པོ་ཆེ་དགོངས་པ་གཞན་དུ་གཤེགས།
དྲ་འཇུག་པ། རིག་མཛོད་རྩོམ་སྒྲིག་པ།
༧ འཇམ་མགོན་རྒྱལ་བའི་གདུང་འཚོབ་༧དགའ་ལྡན་ཁྲི་རིན་པོ་ཆེ་མཆོག་དགོངས་པ་གཞན་དུ་གཤེགས་པར་རིས་མེད་གདན་ས་ཁག་གཙོ་བྱས་པའི་ཆོས་སྡེ་སོགས་སུ་མཆོད་འབུལ་དང་ཐུགས་སྨོན་རྒྱ་ཆེར་གནང་སོང་།
༧ འཇམ་མགོན་རྒྱལ་བ་གཉིས་པའི་རྒྱལ་ཚབ་༧དགའ་ལྡན་ཁྲི་རིན་པོ་ཆེ་ཁྲི་ཐོག་བརྒྱ་དང་གསུམ་པ་༧རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་རྒྱ་གར་གྱི་རྒྱལ་ས་ལྡི་ལིའི་སྨན་ཁང་མཱར་སི་རུ་ཕྱི་ལོ་༢༠༡༧ལོའི་ཟླ་༤ཚེས་༢༡ཉིན་གྱི་མཚན་མོའི་ཆུ་ཚོད་༡༡:༤༥ཐོག་དགོངས་པ་གཞན་དུ་འཕོས་པའི་ཡིད་སྐྱོ་བའི་གནས་ཚུལ་ཐོན་པ་དང་རིས་མེད་གདན་ས་ཁག་སོགས་སུ་གཞུང་ཆེན་མོའི་རྩ་བ་སོགས་གསུངས་ཏེ་ཞི་བར་གཤེགས་པའི་དམ་པ་གང་གི་ཐུགས་དགོངས་ཟབ་མོ་ཡོངས་སུ་རྫོགས་པ་དང་། བསྟན་འགྲོའི་མགོན་དང་དཔུང་གཉེན་དུ་ཡང་སྲིད་ཉི་མ་གཞོན་ནུའི་འཛུམ་ཞལ་མྱུར་དུ་མངོན་པ་སོགས་ཀྱི་ཐུགས་སྨོན་རྒྱ་ཆེར་གནང་བ་ལྟར། འདི་ག་སེ་ར་ཆོས་སྒར་དུའང་བླ་སྤྱི་དང་གྲྭ་ཚང་གཉིས་སོགས་སུ་༧བྱང་རྩེ་ཆོས་རྗེ་རིན་པོ་ཆེ་རྗེ་བཙུན་བློ་བཟང་བསྟན་འཛིན་མཆོག་དབུས་བཞུགས་ཀྱི་མཁན་ལས་ཟུར་བླ་སྤྲུལ་འདུས་མང་ཡོངས་ནས་མངོན་རྟོགས་རྒྱན་སོགས་གསུངས་ཏེ་ཐུགས་སྨོན་དང་མཆོད་འབུལ་རྒྱ་ཆེར་གནང་བ་དང་། བླ་སྤྱི་དང་གྲྭ་ཚང་གཉིས་ཀྱི་ཚོང་ཁང་སོགས་ཚོགས་སྡེ་ཁག་སྒོ་བརྒྱབ་སྟེ་མྱ་ངན་ཞུས་སོང་།
དེ་ཡང་ཁྲི་རིན་པོ་མཆོག་ནི་ཕྱི་ལོ་༡༩༣༧ལོར་བོད་དུ་ཡ་ར་ཞེས་པར་སྐུ་འཁྲུངས་ཤིང་། དགུང་གྲངས་དགུའི་སྐབས་ཡ་ར་ཚེམ་དགོན་པར་རབ་ཏུ་བྱུང་བ་དང་། ཕྱི་ལོ་༡༩༥༣ལོར་དབུས་སུ་ཕེབས་ཏེ་འབྲས་སྤུངས་བློ་གསལ་གླིང་གྲྭ་ཚང་དུ་ཆོས་ཞུགས་བྱས་ཏེ་དགེ་བའི་བཤེས་གཉེན་ལམ་རིམ་པ་ངག་དབང་ཕུན་ཚོགས་དང་། གྲྭ་ཚང་གི་མཁན་པོ་རྒན་པདྨ་རྒྱལ་མཚན་སོགས་བསྟེན་ཏེ་གཞུང་ཆེན་ལ་ཐུགས་གཉེར་གནང་ཡོད་པ་དང་། ༧གོང་ས་༧སྐྱབས་མགོན་ཆེན་པོ་སོགས་ལས་ཀྱང་ཆོས་བཀའ་གང་མང་གསན་ཡོད་གནང་མཛད། ༡༩༥༩ལོར་བཙན་བྱོལ་དུ་ཕེབས་ཏེ་སྦག་ས་ཆོས་སྒར་དུ་མུ་མཐུད་ནས་སློབ་གཉེར་གྱི་འཕྲོ་བསྐྱངས་པ་དང་། ཕྱི་ལོ་༡༩༦༤ལོར་༧གོང་ས་༧སྐྱབས་མགོན་ཆེན་པོ་མཆོག་ལས་བསྙེན་རྫོགས་ཀྱི་སྡོམ་པ་བཞེས་ཤིང་། ཕྱི་ལོ་༡༩༦༩ལོར་༧གོང་ས་མཆོག་གི་བཀའ་དགོངས་བཞིན་འབྲས་སྤུངས་བློ་གསལ་གླིང་གྲྭ་ཚང་མོན་གྷོ་འདོད་རྒུ་གླིང་གཞིས་ཆགས་སུ་གནས་ཆགས་རྗེས་གྲྭ་ཚང་གི་ཕྱག་མཛོད་དང་། སྐབས་དེར་གྲྭ་ཚང་དུ་ཞིང་ལས་སོགས་བྱེད་དགོས་པས་ཞིང་ལས་སྐབས་བརྒྱ་དཔོན་དང་བཅུ་དཔོན། དགེ་བསྐོས་སོགས་གནང་ཡོད་ལ། གྲྭ་ཚང་དུ་དཔེ་ཁྲིད་ཀྱང་མཚམས་མ་ཆད་པར་གནང་ཡོད་འདུག །ཕྱི་ལོ་༡༩༧༧ལོ་ནས་དགེ་ལུགས་རྒྱུགས་སྤྲོད་དུ་ཕེབས་ཏེ་རྒྱུགས་སྤྲོད་ཀྱི་སྐབས་རྣམས་སུ་ཨང་དང་པོ་རྩེ་ཕུད་ཤ་སྟག་བླངས་ཤིང་། ཕྱི་ལོ་༡༩༨༢ལོར་གདན་གསུམ་སྨོན་ལམ་གྱི་སྐབས་སུ་གྲྭ་སྐོར་དུ་ཕེབས་ཏེ་དགེ་བཤེས་ལྷ་རམས་པའི་དམ་འཇོག་གནང་བ་དང་། ༡༩༨༣ལོར་རྒྱུད་སྟོད་གྲྭ་ཚང་དུ་སྒྲིག་ཞུགས་ཀྱིས་ཆོས་ཐོག་འགྲིམས། ཆོས་ཐོག་འཁོར་བ་དང་ཕྱིར་གྲྭ་ཚང་དུ་ཕེབས་ཏེ་སློབ་གཉེར་བ་རྣམས་ལ་དཔེ་ཁྲིད་མུ་མཐུད་ནས་གནང་། ཕྱི་ལོ་༡༩༩༠ལོར་རྒྱུད་སྟོད་པའི་བླ་མ་དབུ་མཛད་དང་། ༡༩༩༣ལོར་རྒྱུད་སྟོད་མཁན་པོ་གནང་། ཕྱི་ལོ་༢༠༡༣ལོར་༧གོང་ས་༧སྐྱབས་མགོན་ཆེན་པོ་མཆོག་གིས་རྡོ་རྗེ་གདན་དུ་ཤར་པ་ཆོས་རྗེའི་མཚན་གནས་སྩལ་བ་དང་། ལོ་དེའི་ཕྱི་ཟླ་༢ཚེས་༡༡ཉིན་ཤར་པ་ཆོས་རྗེའི་འགན་དངོས་སུ་བཞེས། དགུང་གྲངས་བརྒྱད་ཅུ་པ་ཕྱི་ལོ་༢༠༡༦ལོའི་ཟླ་༡༠ཚེས་༡༩ཉིན་༧གོང་ས་༧སྐྱབས་མགོན་ཆེན་པོ་མཆོག་གིས་དགའ་ལྡན་ཁྲི་ཐོག་བརྒྱ་དང་གསུམ་པར་བསྐོ་བཞག་གི་བཀའ་ཡིག་ཕྱག་རྟགས་སྩལ་ཡོད་ཅིང་། ལོ་དེའི་ཕྱི་ཟླ་༡༡ཚེས་༥ཉིན་དགའ་ལྡན་ཁྲི་ཐོག་ཁང་དུ་དགའ་ལྡན་གསེར་ཁྲིར་མངའ་གསོལ་གྱི་མཛད་སྒོ་འཚོགས་ཡོད་འདུག །དམ་པ་ཁོང་གིས་རྒྱུན་དུ་གྲྭ་སར་སློབ་གཉེར་བ་རྣམས་ལ་གཞུང་ཆེན་དཔེ་ཁྲིད་དང་། ཕྱི་ནང་གི་དོན་གཉེར་ཅན་གང་མང་ལ་ལུང་ཆོས་མན་ངག་གིས་མཚོན་ཟབ་ཆོས་གང་མང་གནང་ཡོད་འདུག་ལ། སྐུའི་སྙུང་བཞེས་ཀྱི་སྐབས་༧གོང་ས་༧སྐྱབས་མགོན་ཆེན་པོ་དང་། དཔལ་རྒྱལ་བ་ཀརྨ་པ་གཉིས་ཀྱང་སྨན་ཁང་དུ་འཚམས་འདྲི་གནང་བར་ཕེབས་ཡོད་འདུག
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༧།༠༤།༢༤ ལ།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་དང་སྦྲེལ་སྣེ་མཉམ་སྦྱར་བྱེད་དགོས།
ཁྲིད་ཚན། སྒྲོལ་མ་གཙོ་འཁོར་གསུམ་གྱི་ཚེ་དབང་།
དྲ་འཇུག་པ། སེར་བྱེས་རིག་མཛོད་ཆེན་མོ།སྒྲ་ཨང་། H-ADSG203090
སྟོན་པ་འཇིག་རྟེན་དབང་ཕྱུག [གསང་སྔགས།] སྤྱིའི་ཨང་། ༢༡༠
རྣམ་པ། MP3 རྣམ་གྲངས། 4 ཆེ་ཆུང་། 52.7 MB
ཁྲིད་གཞུང་། ལྔ་པ་ཆེན་པོའི་གསང་བ་རྒྱ་ཅན་གྱི་ནང་ཚན།
མཛད་པ་པོ། རྒྱལ་དབང་ལྔ་པ་བློ་བཟང་རྒྱ་མཚོ། [༡༦༡༧-༡༦༨༢]
འཁྲིད་མཁན། སྟོན་པ་འཇིག་རྟེན་དབང་ཕྱུག
གནས། སེར་བྱེས་མཁས་སྙན་གྲྭ་ཚང་།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ ༠༦།༠༨ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་ཉེར་དྲུག་ལ་བསྐྱར་སྒྲིག་བྱས།
| གདམས་པ་རིན་ཆེན་དང་པོ། ཉོན་མོངས་ཚང་མར་ཐུན་མོང་དུ་ཡོད་པའི་ཁྱད་ཆོས་གཅིག་ནི་ང་ཚོའི་གནས་ལུགས་ཀྱི་སྣང་བ་ཕྱིན་ཅི་ལོག་ཏུ་སྒྱུར་བའི་འདོད་ཕྱོགས་དེ་ཡིན། དེ་དག་གིས་ང་ཚོའི་ལྟ་ཚུལ་གུ་དོག་པོ་བཟོ་བས། ང་ཚོས་གནས་སྟངས་བྱེ་བྲག་པ་ཞིག་ལ་རྒྱ་ཆེ་ས་ནས་ལྟ་ཐུབ་ཀྱི་མེད། དཔེར་ན། ང་ཚོས་འདོད་ཆགས་དང་། ཆགས་སེམས་སམ་འདོད་རྔམ་ཤུགས་དྲག་པོ་ལྟ་བུའི་ཞེན་པ་ཤུགས་ཆེན་པོ་ཞིག་མྱོང་བཞིན་པའི་སྐབས། རྒྱུན་དུ་ང་ཚོས་སོ་སོའི་འདོད་ཆགས་ཀྱི་ཡུལ་སྟེང་དུ་དངོས་པོའི་གནས་ཚུལ་ལས་བརྒལ་བའི་ཡིད་དུ་འོང་བ་ཞིག་སྒྲོ་འདོགས་ཀྱི་ཡོད། དེར་བརྟེན་ཐ་ན་ང་ཚོས་མངོན་གསལ་དོད་པའི་ནོར་འཁྲུལ་དག་ཀྱང་མཐོང་མི་ཐུབ། |
