སེར་བྱེས་མཁས་སྙན་གྲྭ་ཚང་གི་ལོ་འཁོར་རྒྱུགས་སྤྲོད་ཆེན་མོ་བཞི་ལས་རྩོད་རྒྱུགས་ལེན་འགོ་ཚུགས།

དེ་རིང་ཕྱི་ལོ་ ༢༠༡༥ལོའི་ཟླ་ ༡༠ ཚེས་ ༡༩ ཉིན་ནས་སེར་བྱེས་སློབ་གཉེར་ཁང་ངམ་རྒྱུགས་ཞིབ་ལྷན་ཚོགས་ཀྱི་བཀོད་སྒྲིག་དང་སྟངས་འཛིན་གྱི་འོག་ཏུ། སེར་བྱེས་མཁས་སྙན་གྲྭ་ཚང་གི་ལོ་འཁོར་རྒྱུགས་སྤྲོད་ཆེན་མོ་བཞིའི་ནང་ཚན་རྩོད་རྒྱུགས་ལེན་འགོ་ཚུགས། དེ་ཡང་སེར་བྱེས་གྲྭ་ཚང་གི་སློབ་གཉེར་བ་རྣམས་ལ་ལོ་གཅིག་ལ་རྒྱུགས་སྤྲོད་ཆེན་མོ་བཞི་དང་། དམིགས་བསལ་བློ་རྒྱུགས། བློ་རྒྱུགས་ཆེན་མོ་སོགས་ཡོད་ཅིང་། དེ་དག་སེར་བྱེས་སློབ་གཉེར་ཁང་ངམ་རྒྱུགས་ཞིབ་ལྷན་ཚོགས་ཀྱི་སྟངས་འཛིན་འོག་ཏུ། རྒྱུགས་སྤྲོད་སོ་སོར་ལོ་རེར་དུས་ཚེས་གཅིག་དུ་གཏན་འབེབས་བྱས་ཡོད་པ་ལྟར་འགྲོ་བཞིན་ཡོད། རྒྱུགས་སྤྲོད་ཀྱི་དུས་ཚེས་དང་སློབ་ཚན་སོགས་འཕྲིན་གསར་སྔོན་མའི་ནང་དུ་བཀོད་པ་ལྟར་ཡིན་ཞིང་། རྩོད་རྒྱུགས་ཆེན་མོའི་སྐབས་སུ་ཕྱོགས་སོ་སོ་ནས་སྡེ་ཚན་དགུ་དང་། འཛིན་གྲྭ་གཉིས་གསུམ་རེ་མཉམ་དུ་བསྡོམས་ཏེ་སྡེ་ཚན་རེ་རེར་སློབ་གཉེར་བ་བརྒྱ་ཕྲག་ཁ་ཤས་ལ་རྒྱུགས་ཞིབ་པ་དགེ་བཤེས་དང་། ལྷ་རམས་པ་ལྔ་རེའི་ལྟ་རྟོགས་དང་སྟངས་འཛིན་གྱི་འོག་ཏུ་རྩོད་རྒྱུགས་ལེན་བཞིན་ཡོད། མཁན་རིན་པོ་ཆེ་དང་དབུ་ཆོས་རྣམ་གཉིས། སློབ་གཉེར་རྒན་རྣམ་པ་བཅས་ཀྱིས་སྤྱི་ཡོངས་ལ་ལྟ་རྟོགས་དང་སྟངས་འཛིན་བྱེད་ཀྱིན་ཡོད་ལ། སློབ་གཉེར་བ་རེ་རེས་རྟགས་གསལ་དང་། ལན་འདེབས་གཉིས་ཀའི་སྟེང་ནས་རྒྱུགས་འབུལ་ཞུ་དགོས་པ་ཡིན། དྲི་བ་རེ་རེ་ཡིག་སྐོགས་རེ་ནང་དུ་བཅུག་ཡོད་པས་གསང་བ་ཡིན་ཞིང་། སོ་སོས་གང་བླངས་པའི་ཡིག་ཤུབས་ཀྱི་ནང་དུ་ཡོད་པའི་དྲི་བའི་སྟེང་ནས་རྟགས་གསལ་གཏོང་དགོས་པ་ལས་འབྲེལ་མེད་ཀྱི་གཞུང་གཞན་བཏང་མི་ཆོག་པ་ཡིན། རྩོད་རྒྱུགས་དང་ལན་འདེབས་རེ་རེར་རྩ་བའི་བརྒྱ་ཆ་ལྔ་བཅུ་རེ་ཡོད། རྩོད་རྒྱུགས་ནི་སློབ་གཉེར་བ་རྣམས་ལ་མཚོན་ན་རྒྱུགས་སྤྲོད་ཀྱི་ཁོངས་ནས་གཟབ་དགོས་ས་དང་ཞེད་ས་དེ་ཡིན། རྒྱུ་མཚན་ནི་རྒྱུགས་ཞིབ་པའི་ཁོངས་སུ་སོ་སོའི་དཔེ་ཁྲིད་ཀྱི་དགེ་རྒན་ཡོད་ལ། མི་བརྒྱ་ཕྲག་མང་པོའི་གྲས་ནས་གཅིག་པུ་ཡར་ལངས་ཏེ་རྟགས་གསལ་དང་ལེན་འདེབས་བྱེད་དགོས་པའི་སྤོབས་པ་ཆུང་བའི་ཁྲོད་ནས་འདར་སིག་བྱེད་མཁན་ཡང་འོང་གི་ཡོད།

མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
བརྗོད་བྱ། བོད་རིགས་ན་གཞོན་རྣམས་ལ་ནང་ཆོས་ངོ་སྤྲོད་གནང་བ། (༢༠༡༠)
ཡིག་འབེབ་པ། རྣམ་གྲྭ་ཐུབ་བསྟན་ཡར་འཕེལ།
པར་གཞིའི་ཡོང་ཁུངས། རྣམ་གྲྭ་ཤེས་ཡོན་ལྷན་ཚོགས།
རིག་མཛོད་དེབ་ཨང་། SJRB-0134
ཡིག་ཆའི་རྣམ་པ། PDF
ལྗིད་ཚད། 1MB
༢༠༡༥ ཟླ་ ༥ པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༨ ཚེས་ ༥ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་རྩོམ་འདི་ནི། ༧གོང་ས་༧སྐྱབས་མགོན་ཆེན་པོ་མཆོག་ནས། ཕྱི་ལོ་ ༢༠༡༠ ཟླ་ ༦ ཚེས་ ༡ དང་ ༢ ཉིན་གཉིས་རིང་རྒྱ་བལ་འབྲུག་གསུམ་གཙོ་བོར་གྱུར་པའི་ཡུལ་ལུང་འདྲ་མིན་གྱི་མཐོ་སློབ་ནས་ཕེབས་པའི་བོད་རིགས་ན་གཞོན་རྣམས་དང་དོན་གཉེར་ཅན་ལྔ་སྟོང་ལྷག་ལ་ནང་ཆོས་ངོ་སྤྲོད་མཛད་པ་ཞིག་ཡིན། འདིར་རིགས་ལམ་སོགས་ཀྱི་ཐབས་ལམ་ལ་བརྟེན་ནས་ཆོས་དང་ཚན་རིག་སོགས་གང་ལ་ཡང་བློ་གཟུ་བོར་གནས་པའི་སྒོ་ནས་སློབ་སྦྱོང་དང་ལག་ལེན་དགོས་པ་དང་། ནང་ཆོས་ཀྱི་ལྟ་གྲུབ་དང་ཉམས་ལེན་གྱི་སྐོར་སོགས་ཁ་གསལ་ངོ་སྤྲོད་མཛད་པ་དང་། ཉིན་རེའི་ཆོས་ཐུན་གྱི་མཇུག་ཏུ་དྲི་བར་བཀའ་ལན་གནང་བ་ཁག་བཅས་ལྷན་དུ་བཞུགས།

ཕབ་ལེན།   PDF   ཕབ་ལེན།

སེར་བྱེས་མཁས་སྙན་གྲྭ་ཚང་གི་ལོ་འཁོར་རྒྱུགས་སྤྲོད་ཆེན་མོའི་ཁོངས་ལས་ཚན་རིག་གི་བྲིས་རྒྱུགས་བླངས་སོང་།

དེ་ཡང་ལོ་ཤས་གོང་ནས་བཤད་གྲྭ་དང་གྲྭ་ས་ཁག་ཏུ་༧གོང་ས་༧སྐྱབས་མགོན་ཆེན་པོའི་རླབས་ཆེན་གྱི་ཕུགས་རྒྱང་རིང་བའི་དགོངས་བཞེད་ལ་ཡིད་ཆེས་དང་། བརྩི་བཀུར་ཞུས་ཏེ་སློབ་གཉེར་བ་རྣམས་ལ་ཚན་རིག་གི་འཛིན་གྲྭ་གསར་འཛུགས་དང་། ཚན་རིག་གི་སློབ་སྦྱོང་སྤྲོད་ཀྱིན་ཡོད་པར་མ་ཟད། ལོ་འཁོར་རྒྱུགས་སྤྲོད་ཀྱི་ཁོངས་སུའང་ཚན་རིག་གི་རྒྱུགས་སྤྲོད་བཞག་སྟེ། རྒྱུགས་ལེན་མུས་དང་། དགེ་ལུགས་རྒྱུགས་སྤྲོད་ཆེན་མོའི་རྒྱུགས་སྤྲོད་སློབ་ཚན་གྱི་ཁོངས་སུའང་དུས་བཅད་ཀྱིས་ཚན་རིག་གི་སློབ་ཚན་བཞག་ཡོད་པ་ལྟར། ཕྱི་ལོ་ ༢༠༡༥ ལོའི་ཟླ་ ༡༡ ཚེས་ ༤ ཉིན་གྱི་ཕྱི་དྲོར་སེར་བྱེས་ཚན་རིག་སྡེ་ཚན་དང་། སེར་བྱེས་མཁས་སྙན་གྲྭ་ཚང་གི་རྒྱུགས་ཞིབ་ལྷན་ཚོགས་གཉིས་ཀྱི་ལྟ་ཞིབ་འོག་སློབ་གཉེར་བ་རྣམས་ལ་ལོ་འཁོར་རྒྱུགས་སྤྲོད་ཆེན་མོའི་ཁོངས་ལས་ཚན་རིག་གི་བྲིས་རྒྱུགས་བཏང་སོང་། སེར་བྱེས་ཚན་རིག་སྡེ་ཚན་དང་། རྒྱུགས་ཞིབ་ལྷན་ཚོགས་གཉིས་ཀྱི་ངོ་སྤྲོད་མདོར་བསྡུས་ཤིག་ང་ཚོའི་ངོ་སྤྲོད་དུ་གསལ་བས་དེར་གཟིགས་པར་ཞུ།

མཛད་པ་པོ། ཁྲི་བྱང་བློ་བཟང་ཡེ་ཤེས་བསྟན་འཛིན་རྒྱ་མཚོ།

བརྗོད་བྱ། ལམ་གྱི་རིམ་པ་ལ་བློ་སྦྱོང་བའི་ཐབས།
རིག་མཛོད་འཕྲུལ་དེབ་ཨང་། SJRB-0258
ཡིག་ཆའི་རྣམ་པ། PDF
ལྗིད་ཚད། 3.2MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཁྲི་བྱང་བློ་བཟང་ཡེ་ཤེས་བསྟན་འཛིན་རྒྱ་མཚོ། ཚལ་གུང་ཐང་དུ་འཁྲུངས། ཁྲི་བྱང་སྐུ་ཕྲེང་གསུམ་པ། དགུང་ལོ་ཆུང་ངུའི་དུས་ནས་ཁྲི་བྱང་སྐུ་གོང་མའི་ཡང་སྲིད་དུ་ངོས་འཛིན་གནང་། དགའ་ལྡན་ཤར་རྩེ་གྲྭ་ཚང་དུ་ཆོས་ཞུགས་མཛད་དེ་གཞུང་ཆེན་ལ་གསན་བཞེས་དང་། ཐ་སྙད་རིག་གནས་ལ་སྦྱངས་པ་མཛད། དགུང་ལོ་ཉེར་གཅིག་གི་སྐབས་ལྷ་རམས་པའི་དམ་བཅའ་གནང་། མདོ་སྔགས་ཀྱི་ཆོས་མང་དུ་གསན། དགུང་ལོ་སོ་བཞི་པར་རྒྱལ་བ་ཐུབ་བསྟན་རྒྱ་མཚོའི་གསེར་སྡོང་གསར་བཞེངས་ཀྱི་ཕྱག་ལས་གནང་། དགུང་ལོ་ཞེ་བཞིའི་སྐབས་༧གོང་ས་མཆོག་གི་མཚན་ཞབས་མཛད། དགུང་ལོ་ང་གཅིག་གི་སྐབས་༧གོང་ས་མཆོག་གི་ཡོངས་འཛིན་གནང་། ༡༩༨༢ ལོར་སྐུ་གཤེགས། གསུང་རྩོམ་ལ། པོ་ཏི་གཅིག་བཞུགས།