Subscribe to this RSS feed
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 21 རེས་གཟའ། Fri

༢༠༢༤ ལོའི་དབྱར་ཆོས་ཆེན་མོའི་མཛད་རིམ།

དྲ་འཇུག་པ།

གསལ་བཤད། གྲྭ་ཚང་གི་ཁྲིམས་བདག་དགེ་བསྐོས་མཆོག་གིས་ཆོས་རའི་མཛད་རིམ་གསལ་བསྒྲགས་བསྐྱངས་པ་གཞི་བཟུང་ནས། སློབ་གཉེར་བ་རྣམས་ཀྱིས་དྲ་ཐོག་ནས་གཟིགས་བདེ་བའི་ཆེད་དུ་བཟོ་སྒྲིག་བྱེད་བཞིན་ཡོད། གལ་ཏེ་ལས་སྣེ་གོང་མས་གསལ་བསྒྲགས་མ་གནང་ཚེ་འདི་ནས་ཀྱང་བཟོ་སྒྲིག་བྱེད་ཀྱི་མེད་པས་དེ་ལུགས་དགོངས་འཇགས་ཞུ།

སེར་བྱེས་མཁས་སྙན་གྲྭ་ཚང་གི་དབྱར་ཆོས་ཆེན་མོའི་ཆོས་རའི་མཛད་རིམ།
བོད་ཟླ།བོད་ཚེས།ཕྱི་ཟླ།ཕྱི་ཚེས།རེས་གཟའ།ཉིན་རེའི་མཛད་རིམ།
༠༥ ༡༥ 05 22 སྤེན་པ། ཆོས་རྒྱུགས།
༠༥ ༡༦ 05 23 ཉི་མ། ཆོས་ར་ཡར་ཚོགས།
༠༥ ༡༨ 05 24 ཟླ་བ། ཤིང་སློང་།
༠༥ ༡༩ 05 25 མིག་དམར། གུང་སེང་།
༠༥ ༢༠ 05 26 ལྷག་པ། རིགས་རམས་དགེ་བཤེས།
༠༥ ༢༡ 05 27 ཕུར་བུ། རིགས་རམས་དགེ་བཤེས།
༠༥ ༢༢ 05 28 པ་སངས། རིགས་རམས་དགེ་བཤེས།
༠༥ ༢༣ 05 29 སྤེན་པ། ཞོགས་པ། དགེ་བཤེས་མཛད་སྒོ། དགོང་མོར་ཆོས་ར།
༠༥ ༢༤ 06 30 ཉི་མ། སྔ་དགོང་ཆོས་ར།
༠༥ ༢༥ 07 01 ཟླ་བ། སྔ་དགོང་ཆོས་ར།
༠༥ ༢༦ 07 02 མིག་དམར། གུང་སེང་།
༠༥ ༢༧ 07 03 ལྷག་པ། སྔ་དགོང་ཆོས་ར།
༠༥ ༢༩ 07 04 ཕུར་བུ། སྔ་དགོང་ཆོས་ར།
༠༥ ༣༠ 07 05 པ་སངས། སྔ་དགོང་ཆོས་ར། གསོ་སྦྱོང་།
༠༦ ༠༡ 07 06 སྤེན་པ། འཁྲུངས་སྐར་དུས་ཆེན།
༠༦ ༠༢ 07 07 ཉི་མ། འཁྲུངས་སྐར་གུང་སེང་།
༠༦ ༠༣ 07 08 ཟླ་བ། འཁྲུངས་སྐར་གུང་སེང་།
༠༦ ༠༤ 07 09 མིག་དམར། ཞོགས་ཆོས་བརྩི་བཞག
༠༦ ༠༤ 07 10 ལྷག་པ། སྔ་དགོང་ཆོས་ར།
༠༦ ༠༥ 07 11 ཕུར་བུ། སྔ་དགོང་ཆོས་ར།
༠༦ ༠༦ 07 12 པ་སངས། སྔ་དགོང་ཆོས་ར།
༠༦ ༠༧ 07 13 སྤེན་པ། སྔ་དགོང་ཆོས་ར།
༠༦ ༠༨ 07 14 ཉི་མ། སྔ་དགོང་ཆོས་ར།
༠༦ ༠༩ 07 15 ཟླ་བ། སྔ་དགོང་ཆོས་ར།
༠༦ ༡༠ 07 16 མིག་དམར། གུང་སེང་།
༠༦ ༡༡ 07 17 ལྷག་པ། སྔ་དགོང་ཆོས་ར།
༠༦ ༡༢ 07 18 ཕུར་བུ། སྔ་དགོང་ཆོས་ར།
༠༦ ༡༣ 07 19 པ་སངས། སྔ་དགོང་ཆོས་ར།
༠༦ ༡༤ 07 20 སྤེན་པ། སྔ་དགོང་ཆོས་ར། གསོ་སྦྱོང་།
༠༦ ༡༥ 07 21 ཉི་མ། དུས་བཟང་ཆེན་མོ།
༠༦ ༡༦ 07 22 ཟླ་བ། ཆོས་ར་མར་གྲོལ།
༢༠༢༤-༠༦-༢༡ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། སྒྲིག་བཟོ་བ། དགེ་བཤེས་སྐལ་བཟང་ཐར་འདོད།
ཚན་པ། གྲྭ་ཚང་གི་བྱེད་སྒོ་ཁག
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 20 རེས་གཟའ། Thu

དེབ་གཟུགས་སྒྲིག་སྦྱོར་གྱི་རོགས་རམ།

དྲ་འཇུག་པ།

དོ་བདག་གཞན་གྱི་གསུང་རབ་སོགས་དེབ་གཟུགས་སུ་རྩོམ་སྒྲིག་བྱེད་དགོས་ཚེ་འཁྱེར་དགོས་པའི་སྒྲིག་གཞི།

འདི་ག་རྩོམ་སྒྲིག་ཁང་གི་ལས་གཞིའི་ཁོངས་སུ། དམ་པ་སྔ་མ་གཙོ་བྱས་པའི་དེང་གི་རྩོམ་པ་པོ་ཚད་ལྡན་དག་གིས་བརྩམས་ཆོས་ཀྱི་རིགས། [རིག་མཛོད་དཔེ་ཚོགས།] ཀྱི་ངོ་བོར་པར་སྐྲུན་རྩོམ་སྒྲིག་གི་ལས་གཞི་ཞིག་ཡོད་པ་ལྟར་རྩོམ་སྒྲིག་གི་སྐབས་ཀྱི་སྒྲིག་གཞི་སོགས་གཤམ་གསལ།

དམ་པ་སྔ་མ་དག་གི་གསུང་རབ་དེབ་གཟུགས་པར་སྐྲུན་དང་། དེང་གི་རྩོམ་པ་པོ་ཚད་ལྡན་[རང་ཉིད་དམ།] དག་གི་བརྩམས་ཆོས་དག །དེབ་གཟུགས་སུ་པར་སྐྲུན་བྱ་འདོད་ཡོད་མཁན་དག་གིས་པར་སྐྲུན་བྱ་རྒྱུའི་གཞུང་ཉིད་དེབ་གཟུགས་སུ་རྩོམ་སྒྲིག་བྱེད་དགོས་ཚེ། འོག་གི་ཆ་རྐྱེན་དག་ཚང་ན། འདི་ག་རྩོམ་སྒྲིག་ཁང་གིས་རིན་མེད་དུ་རྩོམ་སྒྲིག་གི་ཕྱག་རོགས་ཞུ་རྒྱུ།
ཚང་དགོས་པའི་ཆ་རྐྱེན།
• དང་པོ། བཀའ་བསྟན་སོགས་སམ་རིས་སུ་མ་ཆད་པའི་དམ་པ་དག་གི་གསུང་རྩོམ་དང་། དེང་གི་རྩོམ་པ་པོ་ཚད་ལྡན་ནམ། མིག་སྔར་སྤྱི་ཚོགས་སྟེང་ཤུགས་རྐྱེན་ཅུང་ཡོད་པ་དག་གི་བརྩམས་ཆོས་ཡིན་དགོས།
• གཉིས་པ། འདི་ག་རྩོམ་སྒྲིག་ཁང་དུ་ལས་བྱེད་ཉུང་ངུ་ལས་མེད་པས། ཞུས་དག་གཏོང་ཁོམ་མེད་ན། དོ་བདག་སོ་སོས་ཞུས་དག་གཏོང་དགོས།
• གསུམ་པ། རྩོམ་སྒྲིག་བྱས་པའི་དེབ་ཀྱི་པར་རྩ་འདི་ག་རྩོམ་སྒྲིག་ཁང་གིས་འཕྲུལ་དེབ་བཟོས་ཏེ་དྲ་ཚིགས་སུ་འཇོག་རྒྱུར་ཐུགས་མོས་ཡོད་དགོས།
• བཞི་པ། པར་རྩའི་བདག་དབང་དོ་བདག་དང་འདི་ག་རྩོམ་སྒྲིག་ཁང་གཉིས་ཀས་བྱེད་རྒྱུར་ཐུགས་མོས་ཡོད་དགོས།
• ལྔ་པ། རྒྱབ་ཤ་སོགས་འདི་ག་རྩོམ་སྒྲིག་ཁང་གི་སྒྲིག་གཞི་ལྟར་འགྲོ་རྒྱུར་ཐུགས་མོས་ཡོད་དགོས།
• དྲུག་པ། འདི་ག་རྩོམ་སྒྲིག་ཁང་གི་ལས་གཞིའི་ཁོངས་སུ་ཡོད་པའི་[རིག་མཛོད་དཔེ་ཚོགས།] ཀྱི་ངོ་བོར་རྩོམ་སྒྲིག་བྱེད་རྒྱུར་ཐུགས་མོས་ཡོད་དགོས།
• བདུན་པ། ཡིག་ནོར་སོགས་རྗེས་སུ་གླེང་གཞི་གང་བྱུང་ཡང་འགན་དོ་བདག་རང་ནས་འཁུར་ཐུབ་དགོས།
• བརྒྱད་པ། དཔེ་ཆའི་ནང་དུ་པར་དང་གླེང་བརྗོད་སོགས་གང་འཇོག་དོ་བདག་སོ་སོའི་ཐུགས་འདོད་བཞིན་ཕྱག་རོགས་ཞུ་ངེས་ཡིན།
• དགུ་པ། རྩོམ་སྒྲིག་བྱེད་རྒྱུ་དེ་དུས་དེབ་ཡིན་ཚེ་རྒྱབ་ཤ་དོ་བདག་རང་ཉིད་ལ་བཀོད་སྒྲིག་ཡོད་ཚེ་དོ་བདག་གི་བཀོད་སྒྲིག་ལྟར་དང་། མེད་ཚེ་འདི་ག་རྩོམ་སྒྲིག་ཁང་གིས་གང་འོས་ཀྱི་སྒྲིག་སྦྱོར་དང་། དེང་རྩོམ་ལྟར་གྱི་དེབ་ཨང་སོགས་འཇོག་རྒྱུར་མོས་མཐུན་ཡོད་དགོས།
• བཅུ་པ། འདི་ག་རྩོམ་སྒྲིག་ཁང་གིས་དེབ་གཟུགས་སུ་རྩོམ་སྒྲིག་བྱེད་རྒྱུ་ལས། པར་སྐྲུན་སོགས་དོ་བདག་སོ་སོས་བྱེད་དགོས།
• བཅུ་གཅིག་པ། གོང་གི་ཆ་རྐྱེན་འདི་དག་ཚང་ཚེ་རིན་མེད་དུ་རྩོམ་སྒྲིག་བྱ་ངེས་ཡིན།
ཞེས་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་གིས་ཕྱི་ལོ་༢༠༢༤ལོའི་ཟླ་༦ཚེས་༢༠ཉིན།

དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་ཁ་གསལ་འགོད་དགོས།

ཤོག་ངོས་འདི་ལ་ཐེངས་ 40 གཟིགས་འདུག
ཚན་པ། གསལ་བསྒྲགས།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 19 རེས་གཟའ། Wed

རི་ཆོས་ངེས་དོན་རྒྱ་མཚོ།

དྲ་འཇུག་པ།

sjrb-0442མཛད་པ་པོ། ཀུན་མཁྱེན་དོལ་པོ་སངས་རྒྱས།
བརྗོད་བྱ། གཞན་སྟོང་དབུ་མའི་ལྟ་བ།
པར་གཞི། མཚོ་སྔོན་མི་རིགས་དཔེ་སྐྲུན་ཁང་གི་པར་གཞི་ལྟར།
རིག་མཛོད་འཕྲུལ་དེབ་ཨང་། SJRB-0442
ཡིག་ཆའི་རྣམ་པ། PDF
ཤོག་གྲངས། 802 ལྗིད་ཚད། 5MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་དྲུག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདི་ནི། རི་ཆོས་ངེས་དོན་རྒྱ་མཚོ་ཞེས་བྱ་བ་ཀུན་མཁྱེན་དོལ་པོ་སངས་རྒྱས་(༡༢༩༢-༡༣༦༡)ཀྱིས་མཛད་པ་ཡིན་ལ། གཞུང་འདིས་གངས་ལྗོངས་ཆོས་བརྒྱུད་ཆེན་པོ་རྣམས་ཀྱི་ནང་ཚན་རྒྱལ་བ་ཇོ་ནང་བའི་གཞི་ལམ་འབྲས་གསུམ་གྱི་རྣམ་གཞག་སྤྱི་དང་། ཁྱད་པར་དུ་གཞན་སྟོང་དབུ་མ་ཆེན་པོའི་ལྟ་བ་ལུང་རིགས་གཉིས་ཀའི་སྒོ་ནས་ཞིབ་རྒྱས་སུ་གཏན་ལ་འབེབ་པར་བྱེད་པས་ན་ལྟ་བའི་ལེགས་བཤད་རྨད་དུ་བྱུང་བ་ཞིག་ཡིན།

PDF  ཕབ་ལེན།
ཤོག་ངོས་འདི་ལ་ཐེངས་ 151 གཟིགས་འདུག
ཚན་པ། དབུ་མ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 16 རེས་གཟའ། Sun

ཁྲིད་གཞུང་། རྣམ་འགྲེལ་ཐར་ལམ་གསལ་བྱེད་ལེའུ་གཉིས་པ། [ཅ]

དྲ་འཇུག་པ།

བརྗོད་བྱ། རྟོག་གེའི་ཚིག་དོན་སྐོར།
འཁྲིད་མཁན། དགེ་བཤེས་འཇམ་དཔལ་བློ་ཤེས། 
སྤྱིའི་ཨང་། SJRA-0775
རྣམ་པ། MP3 རྣམ་གྲངས། 54 ལྗིད་ཚད། 1.67 MB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་དྲུག་པར་གསར་སྒྲིག་བྱས།
ངོ་སྤྲོད་མདོར་བསྡུས། སེར་བྱེས་དགེ་བཤེས་འཇམ་དཔལ་བློ་ཤེས་ནི། ༡༩༦༨ ལོར་བོད་འདན་ཡུལ་ཀ་ཕུ་བསམ་འགྲུབ་གླིང་དུ་འཁྲུངས། རང་ལོ་ཉི་ཤུའི་སྟེང་བསྙེན་རྫོགས་ཀྱི་སྡོམ་པ་བླངས་ཤིང་། སློབ་གཉེར་གྱི་ཆེད་དབུས་སུ་ཕྱིན་ནའང་རྐྱེན་དུ་མས་སྡོད་མ་ཐུབ་པར་ཕྱིར་ལོག་སྟེ། སེར་ཤུལ་དགོན་དུ་ཆོས་ཞུགས་བྱས། རང་ལོ་ཉེར་བཞིའི་སྐབས་འཕགས་ཡུལ་དུ་བརྟོལ་ཏེ་སེར་བྱེས་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར། ༢༠༠༡ ལོར་སེར་ཤུལ་ཁྲི་ཟུར་རིན་པོ་ཆེའི་ཐུགས་རེ་ལྟར་སེར་ཤུལ་དགོན་གྱི་དཔེ་ཁྲིད་དགེ་རྒན་དུ་བོད་ལ་ལོག །རང་ལོ་སོ་ལྔའི་སྐབས་སློབ་གཉེར་གྱི་འཕྲོ་བསྐྱང་ཆེད་སླར་ཡང་འཕགས་ཡུལ་དུ་བརྟོལ་ཏེ་དགེ་བཤེས་ལྷ་རམས་པའི་གྲྭ་སྐོར་དང་དམ་བཅའ་བཞག །དེ་རྗེས་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས། དེ་ནས་བོད་དུ་སེར་ཤུལ་དགོན་གྱིས་གདན་འདྲེན་བྱས་པ་ལྟར་རང་ཡུལ་དུ་ལོག་སྟེ་ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་མཛད། ཕྱི་ལོ་༢༠༡༩ཟླ་༡༠ཚེས་༡༩ཉིན་དགོངས་པ་གཤེགས།

ཤོག་ངོས་འདི་ལ་ཐེངས་ 61 གཟིགས་འདུག
ཚན་པ། ཚད་མ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 15 རེས་གཟའ། Sat

སེམས་ཀྱི་ཞི་བདེ།

དྲ་འཇུག་པ།

sjrb-0364མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
པར་གཞིའི་ཡོང་ཁུངས། རྒྱལ་བ་རིན་པོ་ཆེའི་དྲ་ཚིགས།
བརྗོད་བྱ། ནང་ཆོས་ངོ་སྤྲོད།
རིག་མཛོད་དེབ་ཨང་། SJRB-0364
ཡིག་ཆའི་རྣམ་པ། PDF
ཤོག་གྲངས། 282 ལྗིད་ཚད། 2.2MB
༢༠༡༥ ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༤ ཟླ་དྲུག་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས། གསུང་རྩོམ་འདི་ནི། ནང་པས་དཔྱད་པ་ལ་ལྟ་ཕྱོགས། འཁོར་འདས་ཀྱི་གནས་སྟངས། སེམས་དང་སེམས་བྱུང་། རྟེན་འབྲེལ་བཅུ་གཉིས། འགོག་བདེན་དང་རིགས། ལམ་དང་བདེ་བ། སྒོམ་གྱི་ཐབས་ལམ། བྱང་ཆུབ་ཀྱི་སེམས། དགྲ་བོར་གཅེས་པར་འཛིན་ཚུལ། ཤེས་རབ་བཅས་ལེའུ་བཅུ་ལས་གྲུབ་ཡོད་ཅིང་། མཆོག་གསུམ་དང་། ལྟ་བ་བཀར་བཏགས་ཀྱི་ཕྱག་རྒྱ་བཞི། འཕགས་པའི་བདེན་པ་བཞི། ཤེས་པའི་རྒྱུན་དང་སྐྱེ་འཆིའི་རྣམ་གཞག །ཉོན་མོངས་དང་ལས། རྣམ་ཤེས་ཕྲ་རགས། སེམས་སེམས་བྱུང་། འགོག་བདེན་དང་རིགས། བྱང་ཕྱོགས་སོ་བདུན། ཞི་ལྷག་དང་བྱང་ཆུབ་ཀྱི་སེམས་སྦྱོང་ཚུལ་སོགས་གོ་བདེ་བར་ངོ་སྤྲོད་མཛད་འདུག་ལ། དོན་ཚན་རེ་རེའི་མཇུག་ཏུ་དྲི་བར་ལན་གནང་བ་ཁག་ཅིག་ཀྱང་བཀོད་འདུག་པ་བཅས་ནང་པའི་གཞུང་ཆེན་ཁག་ལ་སློབ་གཉེར་གཏིང་ཟབ་མོ་བྱེད་པའི་གོ་སྐབས་མ་ཐོབ་པ་རྣམས་ལ་ཤིན་ཏུ་མཁོ་ཆེ་བ་ཞིག་ཡིན།

PDF       ཕབ་ལེན།
ཤོག་ངོས་འདི་ལ་ཐེངས་ 136 གཟིགས་འདུག
ཚན་པ། ཆོས།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 13 རེས་གཟའ། Thu

གསང་འགྲེལ་ཕྱོགས་བཅུའི་མུན་སེལ་གྱི་སྤྱི་དོན།

དྲ་འཇུག་པ།

sjrb-0440མཛད་པ་པོ། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ།
བརྗོད་བྱ། གསང་བ་སྔགས་ཀྱི་ཆོས་སྐོར།
རིག་མཛོད་འཕྲུལ་དེབ་ཨང་། SJRB-0440
ཡིག་ཆའི་རྣམ་པ། PDF
ཤོག་གྲངས། 208 ལྗིད་ཚད། 1.3MB
རྩོམ་སྒྲིག་ཁང་། རིག་མཛོད་ཆེན་མོ།
༢༠༢༤ ཟླ་བ་དྲུག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ཕྱི་ལོ་ ༡༨༤༡ ལོར་མདོ་ཁམས་སྡེ་དགེའི་ཉེ་འདབས་སུ་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་དྲུག་ཙམ་ནས་ཡབ་དང་ཞང་པོའི་དྲུང་ནས་ཡི་གེའི་འབྲི་ཀློག་དང་། རྩིས་དཀར་ནག་གི་སྔོན་འགྲོ་དང་གཞུང་ཆེན་བློ་འཛིན་སོགས་ལ་གཞོལ། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད་ཅིང་། སྐུ་ཚེ་ཧྲིལ་པོར་འཆད་རྩོད་རྩོམ་གསུམ་གྱི་བྱ་བས་བསྟན་འགྲོའི་དོན་ཆེན་སྒྲུབ་པར་མཛད། བཟོ་དང་། གསོ་བ། རྩིས་རིག་བཅས་ལ་ཕུལ་བྱུང་གི་ཕྱག་རྗེས་ཆེན་པོ་བཞག །མདོ་དབུས་ཁམས་གསུམ་དུ་མཁས་པའི་གྲགས་པས་ཁྱབ། རྗེ་འདིའི་དངོས་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ།
ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།

PDF       འདི་ནས་ཕབ་ལེན་གནང་རོགས།
ཤོག་ངོས་འདི་ལ་ཐེངས་ 155 གཟིགས་འདུག
ཚན་པ། རིམ་གཉིས་ཀྱི་ཁྲིད།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 07 རེས་གཟའ། Fri

ལས་བྱེད་གསར་བསྡུའི་གསལ་བསྒྲགས།

དྲ་འཇུག་པ།
ལས་བྱེད་གསར་བསྡུའི་གསལ་བསྒྲགས།

སེར་བྱེས་རིག་མཛོད་ཆེན་མོའི་ལས་བྱེད་གསར་བསྡུའི་གསལ་བསྒྲགས།
མཁྱེན་སྤྱན་རབ་ཏུ་ཡངས་ཤིང་རིག་གནས་ཀྱིས་ཐུགས་རྒྱུད་ཡོངས་སུ་གཏམས་པའི་རང་རེའི་མཁས་མང་འདུས་པ་རྒྱ་མཚོའི་སྙན་དབང་རིན་པོ་ཆེར་འབུལ་ལམ།
ད་ལྟའི་ཆར་འདི་གའི་རྩོམ་སྒྲིག་ཁང་གི་ལས་མི་ཁག་ཅིག་དགེ་བཤེས་ཀྱི་མཚན་རྟགས་གྲུབ་ནས་རྒྱུད་གྲྭར་ཆོས་ཐོག་ཕེབས་དགོས་པ་བཅས་ལ་བརྟེན། རྩོམ་སྒྲིག་ཁང་དུ་ལས་བྱེད་གསར་པ་མི་གྲངས་གསུམ་ཙམ་ལ་ལས་ཀའི་ས་མིག་གི་གོ་སྐབས་ཡོད་ལགས་ན། བོད་ཀྱི་རིག་གཞུང་ལ་དུང་བ་ཟབ་པའི་ཕེབས་འདོད་ཡོད་པའི་མཁྱེན་ལྡན་པ་དག་གིས་ཐུགས་སྣང་ཡོང་བ་ཞུ།
འཛུལ་ཞུགས་ཀྱི་ཆ་རྐྱེན་ནི། དགེ་བཤེས་ནས་དབུ་མ་འཛིན་གྲྭ་སླེབས་པའི་བར་ཡིན། དེ་ཡང་བོད་ཡིག་རང་རྐྱ་ཕེལ་བ་དགོས་གལ་ཆེ། ལས་བྱེད་འཛུལ་ཞུགས་ཀྱི་མཚན་ཐོ་བསྡུས་ཟིན་པའི་ཉིན་ཞིག་ལ་བོད་ཡིག་གི་ཤེས་ཚད་ལ་གཞིགས་ཏེ་འདེམ་སྒྲུག་བྱ་རྒྱུ་ཡིན། གལ་ཏེ་ཤེས་ཚད་འདྲ་མཉམ་སླེབས་པ་ཡིན་ན་འཛིན་གྲྭ་རྒན་པ་དེ་ལ་གོ་སྐབས་མང་བ་ཡོད། ལས་བྱེད་དངོས་སུ་འདེམས་ཐོན་བྱུང་མཚམས་སུ། བདུན་ཕྲག་རེའི་ནང་ཉིན་ལྔ་དང་ཕྱེད་ལས་ཁུངས་སུ་ཕེབས་དགོས། རྒྱུན་ལྡན་གྱི་དུས་ཆེན་ཁག་དང་། རེས་གཟའ་མིག་དམར་དང་ཟླ་བའི་ཕྱི་དྲོ་བཅས་ལ་གུང་སེང་ཡིན། ལྷག་པ་དང་ཟླ་བ་ནམ་ཡིན་ལ་ཆུ་ཚོད་རེ་རེ་གཤམ་དུ་འཁོད་པའི་སྦྱོང་ཚན་ཁག་ལ་སློབ་ཁྲིད་དང་རང་སྦྱོང་གི་དུས་ཚོད་ཡོད། སྦྱོང་ཚན་ནི། དེབ་གཟུགས་དང་པར་རིས་སྒྲིག་སྦྱོར་གྱིས་མཚོན་པའི་གློག་ཀླད་སྤྱིའི་བཀོལ་སྤྱོད་དང་། རྒྱུན་སྤྱོད་དྲ་རྒྱ་སྤྱིའི་བདེ་འཇགས་དང་ལག་བསྟར་སོགས་ཀྱི་སྐོར་ལ་གསར་དུ་སྦྱོང་རྒྱུའི་གོ་སྐབས་ཡོད། དེ་སྔོན་བཞིན་མཚམས་རེར་ལས་གཞི་འདི་དང་འབྲེལ་བའི་དམིགས་བསལ་ཆེད་ལས་པ་གདན་ཞུས་ཀྱིས་ཟབ་སྦྱོང་གི་གོ་སྐབས་ཀྱང་འཐོབ་སྲིད་པས་དེ་དོན་དགོངས་མངའ་ཡོང་བ་མཁྱཻན།
འབྲེལ་གཏུགས་ཁ་པར་ཨང་། ༩༨༨༠༣༨༨༨༠༦
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས་ ༢༠༢༤ ལོའི་ཟླ་༦ ཚེས་ ༧ ལ།

ཤོག་ངོས་འདི་ལ་ཐེངས་ 222 གཟིགས་འདུག
ཚན་པ། གསལ་བསྒྲགས།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 01 རེས་གཟའ། Sat

ཁྲིད་གཞུང་། རྣམ་འགྲེལ་ལེའུ་བཞི་པའི་དོགས་གཅོད།

དྲ་འཇུག་པ།

བརྗོད་བྱ། རྟོག་གེའི་ཚིག་དོན་སྐོར།
འཁྲིད་མཁན། དགེ་བཤེས་ལྷ་རམས་པ་བློ་བཟང་རྒྱ་མཚོ།
རིག་མཛོད་སྒྲ་སྤྱིའི་ཨང་། SJRA-0774
སྒྲའི་རྣམ་པ། MP3 གྲངས་ཀ 28 ལྗིད་ཚད། 805 MB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༤ ཟླ་ ༦ ཚེས་ ༡ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས། སེར་བྱེས་ལྷོ་པ་དགེ་བཤེས་ལྷ་རམས་པ་བློ་བཟང་རྒྱ་མཚོ་ནི། མདོ་ཁམས་སོག་ཤོད་དུ་སྐུ་འཁྲུངས། གཞི་རིམ་སློབ་གྲྭ་འགྲིམས་ཏེ་བོད་ཡིག་དང་ཨང་རྩིས་སོགས་སྦྱངས། སོག་ཙན་དན་དགོན་གྱི་ཆོས་སྒོར་ཞུགས་ཏེ་འདོན་ཆོག་ཕྱག་ལེན་རྣམས་ཞིབ་པར་སྦྱངས། ༡༩༩༧ལོར་རྒྱ་གར་དུ་འབྱོར་ཞིང་སེར་བྱེས་གྲྭ་ཚང་གི་ཆོས་སྒོར་ཞུགས་ནས་གཞུང་ཆེན་ཁག་ལ་སློབ་གཉེར་གནང་ནས་ལོ་འཁོར་གྱི་རྒྱུགས་སྤྲོད་ཕལ་ཆེ་བ་རྩེ་ཕུད་དང་པོའི་དང་པོ་དང་། ཕར་ཕྱིན་རབ་འབྱམས་དང་དབུ་མ་རབ་འབྱམས་གཉིས་ཀ་རྒྱུགས་འབྲས་རྩེ་ཕུད་དང་པོའི་དང་པོ་ཐོབ། རིགས་ཆུང་ཚོགས་ལངས་མཛད།
ཞར་ལ་བརྡ་སྤྲོད་དང་སྙན་ངག་སོགས་སྦྱངས་ནས་སློབ་ཕྲུག་མང་པོར་སུམ་རྟགས་དག་གསུམ་འཆད་ཁྲིད་ཀྱང་བྱས། ༢༠༠༨ལོར་གདན་ས་གསུམ་གྱི་དགེ་འདུན་ཚོགས་པའི་དབུས་སུ་ཚད་མ་རྣམ་འགྲེལ་གྱི་དམ་འཇོག་དང་། ༢༠༡༢ལོར་འཇང་དགུན་ཆོས་ཆེན་མོའི་མཚན་ཕུད་དམ་བཅའ་འཇོག་གནང་། ༢༠༠༩ལོར་ྋསྐྱབས་མགོན་ྋརྒྱལ་བ་རིན་པོ་ཆེ་དྲུང་དུ་དབུ་མའི་དགག་བྱའི་དཀའ་གནད་རྩོད་རྒྱུགས་ཕུལ། ༢༠༡༥ནས་རིམ་གྱིས་ལོ་ངོ་དྲུག་གི་རིང་དགེ་ལུགས་རྒྱུགས་སྤྲོད་ཆེན་མོར་ཞུགས་ཏེ་ལོ་ལྟར་རྒྱུགས་འབྲས་རྩེ་ཕུད་དང་པོའི་དང་པོ་བླངས་ཏེ་མཐར་ལྷ་རམས་ཨང་དང་པོའི་མཚན་གནས་ཐོབ། ༢༠༢༠ལོར་སེ་ར་ཚོགས་ཆེན་དུ་རིགས་ཆེན་ཚོགས་ལངས་དང་དཀར་སྤྲོ་ཚོགས་ལངས་གཉིས་ཀའི་གོ་སྐབས་ཐོབ། ༢༠༢༡ལོ་རྒྱུད་སྨད་གྲྭ་ཚང་དུ་གསང་སྔགས་ཀྱི་གཞུང་ལ་སྦྱངས་པ་བྱས་ཤིང་། གསང་སྔགས་ཀྱི་རྒྱུགས་འབྲས་ཀྱང་ཨང་དང་པོའི་དང་པོ་ཐོབ།
༢༠༠༩ནས་བཟུང་སེར་བྱེས་གྲྭ་ཚང་གི་དཔེ་ཁྲིད་དགེ་རྒན་བྱས་ཏེ་སློབ་ཁྲིད་བྱས་དང་བྱེད་མུས་ཡིན་ལ། དེང་སྐབས་སེར་བྱེས་གྲྭ་ཚང་གི་མཁས་པའི་ལྷན་ཚོགས་ཀྱི་ཚོགས་མི་ཡིན་པ་བཅས་ལོ་རྒྱུས་སྙིང་བསྡུས་སུ།

ཤོག་ངོས་འདི་ལ་ཐེངས་ 127 གཟིགས་འདུག
ཚན་པ། ཚད་མ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 01 རེས་གཟའ། Sat

ཁྲིད་གཞུང་། དབུ་མ་དགོངས་པ་རབ་གསལ། སྟོད་ཆ། [ཚ]

དྲ་འཇུག་པ།

མཛད་པ་པོ། རྗེ་ཙོང་ཁ་པ་ཆེན་པོ།
བརྗོད་བྱ། ཟབ་མོ་དབུ་མའི་ལྟ་བའི་སྐོར།
འཁྲིད་མཁན། དགེ་བཤེས་ལྷ་རམས་པ་བློ་བཟང་རྒྱ་མཚོ།
རིག་མཛོད་སྒྲ་སྤྱིའི་ཨང་། SJRA-0773
སྒྲའི་རྣམ་པ། MP3 གྲངས་ཀ 69 ལྗིད་ཚད། 2.16GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༤ ཟླ་ ༦ ཚེས་ ༡ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས། སེར་བྱེས་ལྷོ་པ་དགེ་བཤེས་ལྷ་རམས་པ་བློ་བཟང་རྒྱ་མཚོ་ནི། མདོ་ཁམས་སོག་ཤོད་དུ་སྐུ་འཁྲུངས། གཞི་རིམ་སློབ་གྲྭ་འགྲིམས་ཏེ་བོད་ཡིག་དང་ཨང་རྩིས་སོགས་སྦྱངས། སོག་ཙན་དན་དགོན་གྱི་ཆོས་སྒོར་ཞུགས་ཏེ་འདོན་ཆོག་ཕྱག་ལེན་རྣམས་ཞིབ་པར་སྦྱངས། ༡༩༩༧ལོར་རྒྱ་གར་དུ་འབྱོར་ཞིང་སེར་བྱེས་གྲྭ་ཚང་གི་ཆོས་སྒོར་ཞུགས་ནས་གཞུང་ཆེན་ཁག་ལ་སློབ་གཉེར་གནང་ནས་ལོ་འཁོར་གྱི་རྒྱུགས་སྤྲོད་ཕལ་ཆེ་བ་རྩེ་ཕུད་དང་པོའི་དང་པོ་དང་། ཕར་ཕྱིན་རབ་འབྱམས་དང་དབུ་མ་རབ་འབྱམས་གཉིས་ཀ་རྒྱུགས་འབྲས་རྩེ་ཕུད་དང་པོའི་དང་པོ་ཐོབ། རིགས་ཆུང་ཚོགས་ལངས་མཛད།
ཞར་ལ་བརྡ་སྤྲོད་དང་སྙན་ངག་སོགས་སྦྱངས་ནས་སློབ་ཕྲུག་མང་པོར་སུམ་རྟགས་དག་གསུམ་འཆད་ཁྲིད་ཀྱང་བྱས། ༢༠༠༨ལོར་གདན་ས་གསུམ་གྱི་དགེ་འདུན་ཚོགས་པའི་དབུས་སུ་ཚད་མ་རྣམ་འགྲེལ་གྱི་དམ་འཇོག་དང་། ༢༠༡༢ལོར་འཇང་དགུན་ཆོས་ཆེན་མོའི་མཚན་ཕུད་དམ་བཅའ་འཇོག་གནང་། ༢༠༠༩ལོར་ྋསྐྱབས་མགོན་ྋརྒྱལ་བ་རིན་པོ་ཆེ་དྲུང་དུ་དབུ་མའི་དགག་བྱའི་དཀའ་གནད་རྩོད་རྒྱུགས་ཕུལ། ༢༠༡༥ནས་རིམ་གྱིས་ལོ་ངོ་དྲུག་གི་རིང་དགེ་ལུགས་རྒྱུགས་སྤྲོད་ཆེན་མོར་ཞུགས་ཏེ་ལོ་ལྟར་རྒྱུགས་འབྲས་རྩེ་ཕུད་དང་པོའི་དང་པོ་བླངས་ཏེ་མཐར་ལྷ་རམས་ཨང་དང་པོའི་མཚན་གནས་ཐོབ། ༢༠༢༠ལོར་སེ་ར་ཚོགས་ཆེན་དུ་རིགས་ཆེན་ཚོགས་ལངས་དང་དཀར་སྤྲོ་ཚོགས་ལངས་གཉིས་ཀའི་གོ་སྐབས་ཐོབ། ༢༠༢༡ལོ་རྒྱུད་སྨད་གྲྭ་ཚང་དུ་གསང་སྔགས་ཀྱི་གཞུང་ལ་སྦྱངས་པ་བྱས་ཤིང་། གསང་སྔགས་ཀྱི་རྒྱུགས་འབྲས་ཀྱང་ཨང་དང་པོའི་དང་པོ་ཐོབ།
༢༠༠༩ནས་བཟུང་སེར་བྱེས་གྲྭ་ཚང་གི་དཔེ་ཁྲིད་དགེ་རྒན་བྱས་ཏེ་སློབ་ཁྲིད་བྱས་དང་བྱེད་མུས་ཡིན་ལ། དེང་སྐབས་སེར་བྱེས་གྲྭ་ཚང་གི་མཁས་པའི་ལྷན་ཚོགས་ཀྱི་ཚོགས་མི་ཡིན་པ་བཅས་ལོ་རྒྱུས་སྙིང་བསྡུས་སུ།

ཤོག་ངོས་འདི་ལ་ཐེངས་ 129 གཟིགས་འདུག
ཚན་པ། དབུ་མ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2024 ལོའི་ཟླ་བ། Jun ཚེས། 01 རེས་གཟའ། Sat

ཁྲིད་གཞུང་། རྗེ་བཙུན་ཆོས་རྒྱན་་གྱི་གྲུབ་མཐའི་རྣམ་གཞག [ཅ]

དྲ་འཇུག་པ།

མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༥]
བརྗོད་བྱ། དོན་མངོན་པར་རྟོགས་པ་བརྒྱད།
འཁྲིད་མཁན། དགེ་བཤེས་ངག་དབང་ཐོགས་མེད།
རིག་མཛོད་སྒྲ་སྤྱིའི་ཨང་། SJRA-0772
སྒྲའི་རྣམ་པ། MP3 གྲངས་ཀ 14 ལྗིད་ཚད། 449.9 MB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༤ ཟླ་ ༦ ཚེས་ ༡ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ངག་དབང་ཐོགས་མེད་མཆོག་ནི། ཕྱི་ལོ་ ༡༩༦༨ ལོར་མདོ་ཁམས་ནགས་ཤོད་འབྲི་རུ་ཀོ་ན་གྲོང་དུ་ཡབ་བྱམས་པ་ཡར་འཕེལ་དང་ཡུམ་སྐྱིད་དལ་མོ་གཉིས་ཀྱི་སྲས་སུ་སྐུ་འཁྲུངས། ལྟར་སྨོན་དགོན་དུ་ཆོས་ཞུགས་གནང་ནས་དགོན་དེའི་ཆོ་ག་ཕྱག་ལེན་བཅས་པ་ཞིབ་པར་སྦྱངས། ༡༩༩༣ ལོར་བཙན་བྱོལ་དུ་ཕེབས་ནས་སེར་བྱེས་མཁས་སྙན་གྲྭ་ཚང་གི་ཆོས་སྒོར་ཞུགས། སྐྱབས་རྗེ་ཆོས་ལྡན་རིན་པོ་ཆེ་མཆོག་གི་དབུས་པའི་བཤེས་གཉེན་དམ་པ་རྣམས་ཀྱི་ཞབས་ཟུང་སྤྱི་བོས་མཆོད་ཅིང་གཞུང་ཆེན་ཁག་ལ་གསན་བསམ་སློབ་གཉེར་ཚུལ་བཞིན་གནང་བའི་འབྲས་རྟགས་སུ། ཟུར་གསར་འཛིན་གྲྭའི་སྐབས་རིགས་ཆུང་ཨང་དང་པོའི་མཚན་གནས་བཞེས། དབུ་གསར་འཛིན་གྲྭའི་སྐབས་དོན་གཉེར་ཅན་དུ་མས་བསྐུལ་བ་མ་ཟད་སྐྱབས་རྗེ་ཆོས་ལྡན་རིན་པོ་ཆེ་མཆོག་གིས་བཀའ་བཞིན་བློ་གསལ་དོན་གཉེར་ཅན་རྣམས་ལ་དཔེ་ཁྲིད་དབུ་འཛུགས་གནང་། འདུལ་བ་འཛིན་གྲྭའི་སྐབས་གདན་ས་གསུམ་གྱི་མཁས་མང་འདུས་པའི་དབུས་སུ་འཇང་དགུན་ཆོས་ཆེན་མོའི་མཚན་ཕུད་དམ་བཅའ་འཇོག་གནང་མཛད། ༢༠༠༩ ནས་དགེ་ལུགས་རྒྱུགས་སྤྲོད་དུ་ཕེབས། ལྷ་རམས་ལོ་རིམ་གཉིས་ལ་རྩེ་ཕུད་ཨང་དང་པོ་དང་། གཉིས་པའི་མཚན་གནས་ཀྱང་བཞེས། ༢༠༡༤ ལོར་སེ་ར་ཚོགས་ཆེན་དུ་རིགས་ཆེན་ཚོགས་ལངས་དང་། ལོ་དེར་ལྷ་རམས་དགེ་བཤེས་ཀྱི་དམ་འཇོག་གནང་ཞིང་ལྷ་ལྡན་རབ་འབྱམས་སྨྲ་བའི་གྲྭ་སྐོར་མཛད། ༢༠༡༥ ལོ་སར་ཚེས་གཅིག་ལ་ཐེག་ཆེན་ཆོས་གླིང་གཙུག་ལག་ཁང་དུ་དཀར་སྤྲོའི་ཚོགས་ལངས་མཛད་ཅིང་དཔལ་ལྡན་སྟོད་རྒྱུད་གྲྭ་ཚང་དུ་ཆོས་ཐོག་འགྲིམས། སྔགས་ཀྱི་རྩོད་འགྲན་རྩེ་ཕུད་ཨང་གཉིས་པའི་མཚན་གནས་བཞེས། དེ་ནས་སླར་ཡང་གདན་སར་ཕེབས་ནས་སྔར་བཞིན་སློབ་གཉེར་བ་རྣམས་ལ་གཞུང་ཆེན་ཁག་ལ་དཔེ་ཁྲིད་དགེ་རྒན་གྱི་ཕྱག་ལས་གནང་བཞིན་པ་བཅས་ངོ་སྤྲོད་མདོར་བསྡུས་སུ།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས།

ཁྲིད་མཚམས་ཀྱི་དཀར་ཆག  1.  སྐབས་ལྔ་པ། དུམ་བུ་ ༠༡ ནས་ ༡༨ བར།  2.  སྐབས་དྲུག་པ། དུམ་བུ་ ༡༩ ནས་ ༢༠ བར།  3.  སྐབས་བདུན་པ། དུམ་བུ་ ༢༡ ནས་ ༢༣ བར། 
ཤོག་ངོས་འདི་ལ་ཐེངས་ 98 གཟིགས་འདུག
ཚན་པ། གྲུབ་མཐའ།
ནང་གསེས་དབྱེ་འབྱེད།
རྒྱས་པར་གཟིགས་་་་
ངོ་ཤོག 2 ནས་ 112