མཛད་པ་པོ། རྒྱལ་མཆོག་ལྔ་པ་ཆེན་པོ་སོགས།
བརྗོད་བྱ། རྟ་མགྲིན་ཡང་གསང་ལྷ་དགུའི་སྒྲུབ་ཐབས་སྐོར།
རིག་མཛོད་དེབ་ཨང་། SJRB-0412
ཡིག་ཆའི་རྣམ་པ། PDF
ཤོག་གྲངས། 268 ལྗིད་ཚད། 1.7MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བ་ལྔ་པར་གསར་དུ་ཞུ་སྒྲིག་བྱས།
ངོ་སྤྲོད་མདོར་བསྡུས།
ལྷག་པའི་ལྷ་མཆོག་འཕགས་པ་སྤྱན་རས་གཟིགས་དྲག་པོའི་སྐུར་བཞེངས་པ་ཡི་དམ་པདྨ་དབང་ཆེན་ཡང་གསང་ལྷ་དགུའི་ཆོས་སྐོར་འདོན་ཆོག་སྐོར་ཕྱོགས་བསྒྲིགས་བྱས་པ་དེ་ནི་རང་རེའི་གྲྭ་ཚང་དུ་ལོ་ལྟར་བཞིན་ལས་བྱང་སྙིང་པོ་བཅུད་བསྡུས་ཀྱི་སྒོ་ནས་བསྙེན་སྒྲུབ་འཚོགས་ནས་སྦྱིན་སྲེག་བྱ་བ་དང་བདག་འཇུག་ལེན་པ། ཚོགས་མཆོད་དང་འབྲེལ་བའི་སྐོང་བཤགས་བཅས་ཡང་ཡང་གསུང་དགོས་པར་བརྟེན་སྟབས་བདེའི་ཞལ་འདོན་དུ་ཆེད་དམིགས་ཀྱིས་ཞུ་སྒྲིག་བྱས་པ་ཞིག་ཡིན། དེ་ཡང་དཔྱད་བསྡུར་གྱི་མ་ཕྱིའི་པར་རྩ། རྒྱལ་མཆོག་ལྔ་པ་ཆེན་པོའི་གསུང་འབུམ་དང་། ལྕང་ལུང་པཎྜི་ཏའི་གསུང་འབུམ། གྲྭ་ཚང་གི་རྟ་མགྲིན་ཆོས་སྐོར་ཡིག་ཆ་བཅས་ལ་ཞིབ་བསྡུར་དང་བཅས་ཞུ་སྒྲིག་བྱས་པ་ཡིན།

ཁྲིད་གཞུང་། ཚད་མ་རྣམ་འགྲེལ་ལེའུ་གཉིས་པ། 
བརྗོད་བྱ། ཚད་མ།
འཁྲིད་མཁན། རྒྱུད་སྨད་བླ་མ་དབུ་མཛད་དགེ་བཤེས་ངག་དབང་སངས་རྒྱས།
རིག་མཛོད་སྒྲ་སྤྱིའི་ཨང་། SJRA-0744
སྒྲའི་རྣམ་པ། MP3
གྲངས་ཀ 19
ལྗིད་ཚད། 780.1MB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༣ ཟླ་ ༥ ཚེས་ ༡༠ ཉིན་གསར་དུ་སྒྲིག་སྦྱོར་བྱས།
ངོ་སྤྲོད་མདོར་བསྡུས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ངག་དབང་སངས་རྒྱས་ནི། ༡༩༧༠ ལོར་ལ་དྭགས་ས་ཕུད་དུ་སྐུ་འཁྲུངས། རང་ལོ་བཅུ་པའི་སྐབས་གཞུང་གི་སྔོན་འགྲོའི་གཞི་རིམ་སློབ་གྲྭར་འཛིན་གྲྭ་བཞི་པ་བར་དུ་སློབ་སྦྱོང་གནང་། ༧༩ ལོར་སེར་བྱེས་གྲྭ་ཚང་དུ་ཆོས་ཞུགས་གནང་། མཁན་རིན་པོ་ཆེ་ངག་དབང་ལེགས་ལྡན་ལས་རབ་ཏུ་བྱུང་ཏེ་ངག་དབང་སངས་རྒྱས་ཞེས་པའི་མཚན་གསོལ། དགེ་བའི་བཤེས་གཉེན་དུ་མ་བསྟེན་ནས་གཞུང་ཆེན་ལ་སློབ་གཉེར་གནང་། རང་ལོ་སུམ་ཅུ་སོ་གཅིག་གི་སྐབས་ ༢༠༠༡ ལོར་ལྷ་རམས་པའི་དམ་འཇོག་གནང་སྟེ། དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམསས། རྒྱུན་དུ་སློབ་གཉེར་པ་བརྒྱ་ཕྲག་མང་པོར་དཔེ་ཁྲིད་གནང་བཞིན་བཞུགས་ཡོད་ལ། ལ་དྭགས་སོགས་དང་ཕྱིའི་ཡུལ་གྲུ་ཁག་ཏུའང་འགྲོ་དོན་སྐྱོང་མུས་དང་། ད་ལྟའི་ཆར་དཔལ་ལྡན་སྨད་རྒྱུད་གྲྭ་ཚང་གི་བླ་མ་དབུ་མཛད་ཀྱི་མཛད་ཁུར་བཞེས་བཞིན་པ་བཅས་ལགས་སོ།།

བརྗོད་བྱ། དབུ་མའི་ཆོས་སྐོར།
འཁྲིད་མཁན། དགེ་བཤེས་བློ་བཟང་ལེགས་བཤད།
རིག་མཛོད་སྒྲ་སྤྱིའི་ཨང་། SJRA-0743
སྒྲའི་རྣམ་པ། MP3
གྲངས་ཀ 14
ལྗིད་ཚད། 352.9GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༣ ཟླ་ ༥ ཚེས་ ༡༠ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་བློ་བཟང་ལེགས་བཤད་ནི། ཕྱི་ལོ་༡༩༦༩ ལོར་གཙང་ངམ་རིང་དུ་འཁྲུངས། ༡༩༩༢ ལོར་བཙན་བྱོལ་དུ་འབྱོར། ༡༩༩༣ ལོར་སེར་བྱེས་གྲྭ་ཚང་གི་ཆོས་སྒོར་ཞུགས་ནས་གཞུང་ཆེན་ཁག་ལ་སློབ་གཉེར་གནང་། ༢༠༠༨ ལོར་དགེ་ལུགས་རྒྱུགས་སྤྲོད་ཕེབས་ནས་ ༢༠༡༤ ལོར་དགེ་བཤེས་ལྷ་རམས་ཀྱི་དམ་འཇོག་གནང་། ༢༠༡༥ ལོར་དཔལ་ལྡན་སྨད་རྒྱུད་གྲྭ་ཚང་གི་ཆོས་ཐོག་འགྲིམས་ནས་གསང་སྔགས་ཀྱི་སློབ་གཉེར་གནང་། ད་ལྟར་སེར་བྱེས་མཁས་སྙན་གྲྭ་ཚང་གི་དཔེ་ཁྲིད་དགེ་རྒན་བྱེད་མུས་ཡིན་པ་བཅས་ཀྱི་ལོ་རྒྱུས་སྙིང་བསྡུས་སུ།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས་༢༠༢༡ཟླ་༦ཚེས་༢༤ཉིན།

ྋསྐྱབས་རྗེ་བླ་མ་ཐུབ་བསྟན་བཟོད་པ་རིན་པོ་ཆེ་མཆོག་གི་བཀའ་དྲིན་རྗེས་དྲན་དང་འབྲེལ་མཛད་པ་རྣམ་ཐར་ཟུར་ཙམ་ཞུ་ན། ཕྱི་ལོ་༡༩༤༦ལོར་བལ་བོད་མཐའ་མཚམས་ཤར་ཁུམ་བུའི་ཁུལ་དུ་སྐུ་འཁྲུངས། བྱིས་པ་ཆུང་ངུའི་དུས་ནས་སྦྱིན་པ་གཏོང་བ་ལྟ་བུ་སོགས་རྣམ་དཀར་གྱི་ལས་ལ་རང་བཞིན་གྱིས་སྤྲོ་བ་ཆེ་བ་སོགས་ཕལ་བའི་སྤྱོད་ཚུལ་ལས་འདས་པའི་རྟགས་མཚན་མང་དུ་མངོན་པར་བརྟེན། སྐྱབས་རྗེ་འཁྲུལ་ཞིག་རིན་པོ་ཆེ་སོགས་བླ་མ་ལྔ་ནས་གསང་སྔགས་རྙིང་མ་པའི་རྣལ་འབྱོར་པ་ཀུན་བཟང་ཡེ་ཤེས་ཞུ་བ་ཡོངས་གྲགས་སུ་ལཱུའུ་རྡོ་བླ་མ་ཞེས་པའི་ཡང་སྲིད་དུ་ངོས་འཛིན་མཛད་ཅིང་དགུང་ལོ་བདུན་ཙམ་ནས་འབྲི་ཀློག་སོགས་ཡོན་ཏན་སྦྱོང་བའི་དབུ་ཚུགས། སྐབས་ཤིག་རྗེ་མི་ལའི་རྣམ་ཐར་མཇལ་བས་ཆོས་ཀྱི་ཕྱིར་དེ་ལྟ་བུའི་རྣམ་ཐར་ཉམས་སུ་བླང་ཐུབ་ན་ཅི་མ་རུང་སྙམ་པའི་ཐུགས་མོས་དྲག་པོ་འཁྲུངས་པར་གསུངས། དགུང་ལོ་དགུ་པར་གྲོ་མོ་དུང་དཀར་དགོན་དུ་ཕེབས་ནས་གྲོ་མོ་དགེ་བཤེས་རིན་པོ་ཆེའི་དྲུང་དུ་དགེ་ཚུལ་གྱི་སྡོམ་པ་མནོས་ཤིང་ལོ་གསུམ་ལྷག་དེ་ཕྱོགས་སུ་བཞུགས།
༡༩༥༩ལོར་བཙན་བྱོལ་དུ་ཕེབས་ནས་སྦག་ས་ཆོས་སྒར་དུ་བཞུགས། སྐྱབས་རྗེ་ཡོངས་འཛིན་ཁྲི་བྱང་རིན་པོ་ཆེ་དང་། བླ་མ་ཐུབ་བསྟན་ཡེ་ཤེས་སོགས་མདོ་སྔགས་རབ་འབྱམས་སྨྲ་བའི་བཤེས་གཉེན་དུ་མ་ལས་མདོ་སྔགས་ཀྱི་ཆོས་བཀའ་མང་དུ་གསན་ཅིང་། གཞུང་ཆེན་སློབ་གཉེར་དང་ཉམས་ལེན་ཡ་མ་བྲལ་བ་གནང་། སློབ་གཉེར་གྱི་ཞོར་ལ་དབྱིན་སྐད་ཀྱང་བྱང་ཆུབ་པར་སྦྱངས། ༡༩༦༧ལོར་སྐྱབས་རྗེ་བླ་མ་ཐུབ་བསྟན་ཡེ་ཤེས་དང་ལྷན་དུ་བལ་ཡུལ་དུ་ཕེབས་ནས་དཔལ་འོག་མིན་བྱང་ཆུབ་ཆོས་གླིང་ངམ་ཀོ་པན་དགོན་པ་དང་། བཙུན་དགོན་མཁའ་སྤྱོད་དགའ་འཁྱིལ་གླིང་ཕྱག་བཏབ་པ་སོགས་བསྟན་པའི་གཞི་མ་འཛུགས་པར་མཛད། ༡༩༧༡ལོར་སྐྱབས་རྗེ་ཡོངས་འཛིན་གླིང་རིན་པོ་ཆེའི་དྲུང་དུ་བསྙེན་པར་རྫོགས། ༡༩༧༤ལོར་རང་གི་བླ་མ་ཐུབ་བསྟན་ཡེ་ཤེས་དང་ལྷན་ནུབ་ཕྱོགས་སུ་ཐོག་མར་ཕེབས་ཏེ་ཐེག་ཆེན་འཛིན་སྐྱོང་ཚོགས་པ་ཞེས་པའི་ཆོས་ཚོགས་བཙུགས་ཤིང་དེས་རྐྱེན་བྱས་ཏེ་ནུབ་ཕྱོགས་ལུང་པར་ནང་ཆོས་ལ་དོ་སྣང་ཤུགས་ཆེར་ཕྱིན། དེ་ནས་རིམ་བཞིན་ཨེ་ཤ་ཡ་དང་ཡོ་རོབ། བྱང་ཨ་མི་རི་ཀ་སོགས་སུ་རྒྱལ་ཁབ་ཁག་སོ་བདུན་ཙམ་ནང་ཐེག་ཆེན་འཛིན་སྐྱོང་ཚོགས་པའི་ཡན་ལག་ཆོས་ཚོགས་བརྒྱ་དང་ང་བཞི་ཙམ་འཛུགས་གནང་མཛད་དེ་སེམས་ཅན་ལ་ཕན་ཐོགས་དང་སངས་རྒྱས་ཀྱི་བསྟན་པའི་ཞབས་འདེགས་རླབས་པོ་ཆེ་མཛད།
༡༩༨༤ལོ་ནས་ཆོས་ཚོགས་ཁག་གི་གཙོ་འཛིན་གྱི་ཐུགས་འགན་ད་ལྟའི་བར་དུ་བཞེས། ༢༠༠༤ལོ་ནས་བལ་ཡུལ་དུ་ཐུབ་བསྟན་བཤད་སྒྲུབ་གླིང་དང་། ཙུམ་ར་ཆེན་དགོན། མུ་དགོན་བཅས་ཀྱི་འཛིན་སྐྱོང་ཡོངས་རྫོགས་གནང་བ་སོགས་དགོན་ཁག་མང་པོར་འཚོ་བའི་མཐུན་རྐྱེན་སྦར་ཏེ་ཕྱོགས་དེ་གར་བསྟན་པའི་ཞབས་འདེགས་བླ་ན་མེད་པ་གནང་། གདན་ས་གྲྭ་ཚང་ཁག་གིས་གཙོས་པའི་དགེ་འདུན་གྱི་སྡེ་མང་པོར་དགེ་འདུན་པའི་བཞེས་ལག་དང་། གཟིམས་ཤག། སྨན་ཁང་། དཔེ་མཛོད་ཁང་། སློབ་གྲྭ་སོགས་སུ་འགྲོ་གྲོན་ཤིན་ཏུ་ཆེན་པོ་ཕངས་མེད་ནར་གཏོང་མཛད་དེ་དགེ་འདུན་སློབ་གཉེར་བ་སྟོང་ཕྲག་མང་པོའི་འཚོ་བའི་དཀའ་ངལ་སེལ་གནང་མཛད།
གཞན་ཡང་ས་གནས་གང་སར་སློབ་གྲྭ་དང་སྨན་ཁང་། དྭ་ཕྲུག་ཁང་སོགས་སུ་ཟས་གོས་གནས་མལ་དང་ཤེས་ཡོན་སློབ་སྦྱོང་། ཡ་རབས་བཟང་སྤྱོད་སོགས་ཆོས་དང་ཟང་ཟིང་གི་སྦྱིན་གཏོང་བློས་དཔོག་པར་དཀའ་བ་མཛད་བཞིན་བཞུགས་པ་ལགས་ཤིང་། སེར་བྱེས་མཁས་སྙན་གྲྭ་ཚང་འདི་ཉིད་དུའང་ཕྱི་ལོ་༡༩༩༡ ནས་༢༠༡༥ བར་མི་ལོ་ཉེར་བཞི་ལྷག་ལ་གྲྭ་ཚང་གི་བཞེས་ལག་སོགས་འཚོ་བའི་མཐུན་འགྱུར་རྒྱ་ཆེན་པོ་གཏོང་གནང་མཛད་པ་དང་། ༢༠༡༦ ནས་བཞེས་ལག་གི་མ་འཛུགས་ཕོན་ཆེན་གནང་སྦྱིན་མཛད་པ་སོགས་མི་ལོ་སུམ་ཅུ་ལྷག་ལ་བཀའ་དྲིན་བསམ་བརྗོད་ལས་འདས་པས་བསྐྱངས། ༢༠༢༢ལོར་སེར་བྱེས་མཁས་སྙན་གྲྭ་ཚང་གི་ྋམཁན་བླ་འདུས་མང་དང་བཅས་པའི་དབུས་སུ་བརྟན་བཞུགས་བསྟར་འབུལ་དང་འབྲེལ་བཀའ་དྲིན་རྗེས་དྲན་གྱི་གཟེངས་རྟགས་འབུལ་བཞེས་མཛད། ཕྱོགས་མཐའ་དབུས་ཡུལ་གྲུ་ཀུན་ཏུ་བློ་སྦྱོང་མན་ངག་གིས་མཚོན་པའི་མྱོང་ཐོག་གི་དམ་པའི་ཆོས་ཀྱི་འཁོར་ལོ་བསྐོར་ཞིང་གདུལ་བྱར་འགྲོ་དོན་རྒྱ་ཆེར་བསྐྱངས། ༢༠༢༣ཟླ་༤ཚེས་༡༣ལ་དགོངས་པ་ཆོས་དབྱིངས་སུ་ཐིམ་ཚུལ་བསྟན་པ་བཅས་གང་གི་རྣམ་པ་ཐར་པ་དཔག་པར་དཀའ་བའི་རྒྱ་མཚོའི་ཀློང་ལས་ཆ་ཤས་ཆུ་ཡི་ཟིལ་པ་ཙམ་མདོར་བསྡུས་སུ་བྲིས།།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༢༣ ཟླ་ ༤ ཚེས་ ༡༣ ལ། [དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་དང་སྦྲེལ་སྣེ་མཉམ་སྦྱར་བྱེད་དགོས།]