Subscribe to this RSS feed
དྲ་ཐོག་འཇུག་དུས། 2020 ལོའི་ཟླ་བ། Jul ཚེས། 22 རེས་གཟའ། Wed

ཁྲིད་གཞུང་། རྣམ་འགྲེལ་ཐར་ལམ་གསལ་བྱེད་ལེའུ་གསུམ་པ། [ཀ]

དྲ་འཇུག་པ།

ཁྲིད་གཞུང་། རྣམ་འགྲེལ་ཐར་ལམ་གསལ་བྱེད་ལེའུ་གསུམ་པ།
མཛད་པ་པོ། རྒྱལ་ཚབ་དར་མ་རིན་ཆེན།
བརྗོད་བྱ། ཚད་མ་རིག་པ།
འཁྲིད་མཁན། དགེ་བའི་བཤེས་གཉེན་ཐུབ་བསྟན་རིན་ཆེན།
རིག་མཛོད་སྒྲ་སྤྱིའི་ཨང་། SJRA-0622
སྒྲའི་རྣམ་པ། MP3
གྲངས་ཀ 81 
ལྗིད་ཚད། 672.7 MB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༠ཟླ་༧ཚེས་༢༢ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་སྨད་ཐོས་བསམ་ནོར་གླིང་གྲྭ་ཚང་གི་དགེ་བའི་བཤེས་གཉེན་རྒན་ཐུབ་བསྟན་རིན་ཆེན་མཆོག་ནི། བོད་དུ་སྐུ་འཁྲུངས་ཤིང་། སེར་སྨད་ཐོས་བསམ་ནོར་གླིང་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར་གནང་། དེ་རྗེས་འཕགས་ཡུལ་དུ་ཕེབས་ཤིང་སློབ་གཉེར་གྱི་འཕྲོ་བསྐྱངས་ཡོད་པ་དང་། རྒྱུན་དུ་གྲྭ་ས་རང་དུ་རྒྱུན་བཞུགས་ཀྱིས་སློབ་གཉེར་བ་རྣམས་ལ་དཔེ་ཁྲིད་དང་། ཕྱི་ནང་གི་དོན་གཉེར་ཅན་མང་པོར་ལུང་ཆོས་སོགས་གནང་བཞིན་བཞུགས་པ་ལགས་སོ། །[རྩོམ་སྒྲིག་པའི་ལག་ཏུ་རྣམ་ཐར་མ་རག་པས་གང་ཤེས་འདི་ཙམ་ལས་འབྲི་ཐབས་མ་བྱུང་ཡང་རྗེས་སུ་ཁ་གསབ་བྱེད་ངེས།]

 
ཤོག་ངོས་འདི་ལ་ཐེངས་ 906 གཟིགས་འདུག
ཚན་པ། ཚད་མ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2020 ལོའི་ཟླ་བ། Jul ཚེས། 22 རེས་གཟའ། Wed

ཁྲིད་གཞུང་། རྣམ་འགྲེལ་ཐར་ལམ་གསལ་བྱེད་ལེའུ་གཉིས་པ། [ཇ]

དྲ་འཇུག་པ།

ཁྲིད་གཞུང་། རྣམ་འགྲེལ་ཐར་ལམ་གསལ་བྱེད་ལེའུ་གཉིས་པ།
མཛད་པ་པོ། རྒྱལ་ཚབ་དར་མ་རིན་ཆེན།
བརྗོད་བྱ། ཚད་མ་རིག་པ།
འཁྲིད་མཁན། དགེ་བའི་བཤེས་གཉེན་ཐུབ་བསྟན་རིན་ཆེན།
རིག་མཛོད་སྒྲ་སྤྱིའི་ཨང་། SJRA-0621
སྒྲའི་རྣམ་པ། MP3
གྲངས་ཀ 89
ལྗིད་ཚད། 767.5 MB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༠ཟླ་༧ཚེས་༢༢ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་སྨད་ཐོས་བསམ་ནོར་གླིང་གྲྭ་ཚང་གི་དགེ་བའི་བཤེས་གཉེན་རྒན་ཐུབ་བསྟན་རིན་ཆེན་མཆོག་ནི། བོད་དུ་སྐུ་འཁྲུངས་ཤིང་། སེར་སྨད་ཐོས་བསམ་ནོར་གླིང་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར་གནང་། དེ་རྗེས་འཕགས་ཡུལ་དུ་ཕེབས་ཤིང་སློབ་གཉེར་གྱི་འཕྲོ་བསྐྱངས་ཡོད་པ་དང་། རྒྱུན་དུ་གྲྭ་ས་རང་དུ་རྒྱུན་བཞུགས་ཀྱིས་སློབ་གཉེར་བ་རྣམས་ལ་དཔེ་ཁྲིད་དང་། ཕྱི་ནང་གི་དོན་གཉེར་ཅན་མང་པོར་ལུང་ཆོས་སོགས་གནང་བཞིན་བཞུགས་པ་ལགས་སོ། །[རྩོམ་སྒྲིག་པའི་ལག་ཏུ་རྣམ་ཐར་མ་རག་པས་གང་ཤེས་འདི་ཙམ་ལས་འབྲི་ཐབས་མ་བྱུང་ཡང་རྗེས་སུ་ཁ་གསབ་བྱེད་ངེས།]

 
ཤོག་ངོས་འདི་ལ་ཐེངས་ 565 གཟིགས་འདུག
ཚན་པ། ཚད་མ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2020 ལོའི་ཟླ་བ། Jul ཚེས། 22 རེས་གཟའ། Wed

ཁྲིད་གཞུང་། ཕར་ཕྱིན་མཐའ་དཔྱོད། [ཀ]

དྲ་འཇུག་པ།

ཁྲིད་གཞུང་། ཕར་ཕྱིན་མཐའ་དཔྱོད།
མཛད་པ་པོ། མཁས་གྲུབ་བསྟན་པ་དར་རྒྱས།
བརྗོད་བྱ། མངོན་རྟོགས་རྒྱན་གྱི་འགྲེལ་པ་སྐབས་དང་པོ་སོགས།
འཁྲིད་མཁན། དགེ་བའི་བཤེས་གཉེན་ཐུབ་བསྟན་རིན་ཆེན།
རིག་མཛོད་སྒྲ་སྤྱིའི་ཨང་། SJRA-0620
སྒྲའི་རྣམ་པ། MP3
གྲངས་ཀ 133
ལྗིད་ཚད། 5.56 GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༠ཟླ་༧ཚེས་༢༢ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་སྨད་ཐོས་བསམ་ནོར་གླིང་གྲྭ་ཚང་གི་དགེ་བའི་བཤེས་གཉེན་རྒན་ཐུབ་བསྟན་རིན་ཆེན་མཆོག་ནི། བོད་དུ་སྐུ་འཁྲུངས་ཤིང་། སེར་སྨད་ཐོས་བསམ་ནོར་གླིང་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར་གནང་། དེ་རྗེས་འཕགས་ཡུལ་དུ་ཕེབས་ཤིང་སློབ་གཉེར་གྱི་འཕྲོ་བསྐྱངས་ཡོད་པ་དང་། རྒྱུན་དུ་གྲྭ་ས་རང་དུ་རྒྱུན་བཞུགས་ཀྱིས་སློབ་གཉེར་བ་རྣམས་ལ་དཔེ་ཁྲིད་དང་། ཕྱི་ནང་གི་དོན་གཉེར་ཅན་མང་པོར་ལུང་ཆོས་སོགས་གནང་བཞིན་བཞུགས་པ་ལགས་སོ། །[རྩོམ་སྒྲིག་པའི་ལག་ཏུ་རྣམ་ཐར་མ་རག་པས་གང་ཤེས་འདི་ཙམ་ལས་འབྲི་ཐབས་མ་བྱུང་ཡང་རྗེས་སུ་ཁ་གསབ་བྱེད་ངེས།]

ཁྲིད་མཚམས་ཀྱི་དཀར་ཆག 1. Track-001 ནས་ Track-010 གཅིག་དུ་བྲལ། 2. Track-011 ནས་ Track-020 སེམས་བསྐྱེད། 3. Track-021 ནས་ Track-026 བདེན་གཉིས། 4. Track-027 ནས་ Track-038 བདེན་བཞི། 5. Track-039 ནས་ Track-045 སྐྱབས་གསུམ། 6. Track-046 ནས་ Track-053 སྦྱོར་ལམ། 7. Track-054 ནས་ Track-069 སྐབས་གཉིས་པ། 8. Track-070 ནས་ Track-108 སྐབས་བཞི་པ། 9. Track-109 ནས་ Track-122 སྐབས་ལྔ་པ། 10.Track-123 ནས་ Track-133 སྐབས་བརྒྱད་པ།
ཤོག་ངོས་འདི་ལ་ཐེངས་ 700 གཟིགས་འདུག
ཚན་པ། སྐབས་བརྒྱད།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2020 ལོའི་ཟླ་བ། Jul ཚེས། 22 རེས་གཟའ། Wed

ཁྲིད་གཞུང་། དྲང་ངེས་ལེགས་བཤད་སྙིང་པོ། [པ]

དྲ་འཇུག་པ།

ཁྲིད་གཞུང་། དྲང་ངེས་ལེགས་བཤད་སྙིང་པོ།
མཛད་པ་པོ། རྗེ་བློ་བཟང་གྲགས་པ།
བརྗོད་བྱ། དྲང་བ་དང་ངེས་པའི་དོན།
འཁྲིད་མཁན། དགེ་བའི་བཤེས་གཉེན་ཐུབ་བསྟན་རིན་ཆེན།
རིག་མཛོད་སྒྲ་སྤྱིའི་ཨང་། SJRA-0619
སྒྲའི་རྣམ་པ། MP3
གྲངས་ཀ 261
ལྗིད་ཚད། 1.82 GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༠ཟླ་༧ཚེས་༢༢ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་སྨད་ཐོས་བསམ་ནོར་གླིང་གྲྭ་ཚང་གི་དགེ་བའི་བཤེས་གཉེན་རྒན་ཐུབ་བསྟན་རིན་ཆེན་མཆོག་ནི། བོད་དུ་སྐུ་འཁྲུངས་ཤིང་།

ཤོག་ངོས་འདི་ལ་ཐེངས་ 565 གཟིགས་འདུག
ཚན་པ། དྲང་ངེས།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2020 ལོའི་ཟླ་བ། Jul ཚེས། 22 རེས་གཟའ། Wed

ཁྲིད་གཞུང་། གྲུབ་དོན་ས་གསུམ།

དྲ་འཇུག་པ།

ཁྲིད་གཞུང་། གྲུབ་དོན་ས་གསུམ།
མཛད་པ་པོ། གྲཊ་པ་བཤད་སྒྲུབ་དང་སྟོན་འཁོར་ཞབས་དྲུང་། 
བརྗོད་བྱ། གྲུབ་མཐའ་ས་ལམ་དོན་བདུན་བཅུ།
འཁྲིད་མཁན། དགེ་བའི་བཤེས་གཉེན་ཐུབ་བསྟན་རིན་ཆེན།
རིག་མཛོད་སྒྲ་སྤྱིའི་ཨང་། SJRA-0618
སྒྲའི་རྣམ་པ། MP3
གྲངས་ཀ 9
ལྗིད་ཚད། 357.2 MB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༠ཟླ་༧ཚེས་༢༢ཉིན་སྒྲིག་སྦྱོར་བྱས།

ངོ་སྤྲོད་མདོར་བསྡུས།
སེར་སྨད་ཐོས་བསམ་ནོར་གླིང་གྲྭ་ཚང་གི་དགེ་བའི་བཤེས་གཉེན་རྒན་ཐུབ་བསྟན་རིན་ཆེན་མཆོག་ནི། བོད་དུ་སྐུ་འཁྲུངས་ཤིང་། སེར་སྨད་ཐོས་བསམ་ནོར་གླིང་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར་གནང་། དེ་རྗེས་འཕགས་ཡུལ་དུ་ཕེབས་ཤིང་སློབ་གཉེར་གྱི་འཕྲོ་བསྐྱངས་ཡོད་པ་དང་། རྒྱུན་དུ་གྲྭ་ས་རང་དུ་རྒྱུན་བཞུགས་ཀྱིས་སློབ་གཉེར་བ་རྣམས་ལ་དཔེ་ཁྲིད་དང་། ཕྱི་ནང་གི་དོན་གཉེར་ཅན་མང་པོར་ལུང་ཆོས་སོགས་གནང་བཞིན་བཞུགས་པ་ལགས་སོ། །[རྩོམ་སྒྲིག་པའི་ལག་ཏུ་རྣམ་ཐར་མ་རག་པས་གང་ཤེས་འདི་ཙམ་ལས་འབྲི་ཐབས་མ་བྱུང་ཡང་རྗེས་སུ་ཁ་གསབ་བྱེད་ངེས།]

ཤོག་ངོས་འདི་ལ་ཐེངས་ 1103 གཟིགས་འདུག
ཚན་པ། གྲུབ་མཐའ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2020 ལོའི་ཟླ་བ། Jul ཚེས། 05 རེས་གཟའ། Sun

༸གོང་ས་མཆོག་དགུང་གྲངས་༨༥ལ་ཕེབས་པའི་སྐུའི་འཁྲུངས་སྐར་འཚམས་འདྲི།

དྲ་འཇུག་པ།
༸གོང་ས་མཆོག་དགུང་གྲངས་༨༥ལ་ཕེབས་པའི་སྐུའི་འཁྲུངས་སྐར་འཚམས་འདྲི།

བདེན་གསུང་རིགས་པའི་འོད་ཟེར་རྣོན་པོས་མཁས་རྒུའི་ཡིད་ཀྱི་མུན་པ་སེལ། །
རིས་བྲལ་བརྩེ་ཆེན་བདུད་རྩིའི་ཟེགས་མ་དྲག་ཞན་བར་མའི་འགྲོ་ལ་སྙོམ། །
རྨད་བྱུང་ཐུགས་བསྐྱེད་བརྟན་པོའི་སྟོབས་ཀྱིས་འཇིག་རྟེན་ཞི་བདེས་ཁ་ལོ་སྒྱུར། །
གྲུ་འཛིན་མགོན་པོ་བཞད་པའི་ཚེམས་དཀར་བསྐལ་པའི་མཐར་ཡང་མཛེས་གྱུར་ཅིག །
གངས་ཅན་ལྗོངས་ཀྱི་སྐྱེ་འགྲོ་ཡོངས་ཀྱི་ལྷ་སྐལ་རྒྱལ་ཀུན་སྙིང་རྗེའི་རང་གཟུགས་འཕགས་མཆོག་སྤྱན་རས་གཟིགས་དབང་མི་ཡི་རྣམ་པར་རོལ་པ། འཇིག་རྟེན་ཞི་བདེའི་དེད་དཔོན། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག །སྤྱི་ནོར་༸གོང་ས་༸སྐྱབས་མགོན་༸རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག །བོད་ཤིང་ཕག་ཟླ་ ༥ ཚེས་ ༥ དང་། ཕྱི་ལོ་ ༡༩༣༥ ཟླ་ ༧ ཚེས་ ༦ ཉིན་བོད་མདོ་སྨད་སྐུ་འབུམ་སྟག་མཚེར་དུ་སྐུ་བལྟམས་ནས་ཕྱི་ལུགས་དགུང་གྲངས་ ༨༥ དང་། རང་ལུགས་དགུང་གྲངས་ ༨༦ ལ་ཕེབས་པའི་སྐུའི་འཁྲུངས་སྐར་གྱི་དུས་བཟང་ལ། བཀའ་དྲིན་རྗེས་སུ་དྲན་བཞིན། གུས་ཕྱག་སྔོན་དུ་ཕུལ་ཏེ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས་དགའ་དད་སྤྲོ་གསུམ་གྱིས་འཚམས་འདྲིའི་བཀྲ་ཤིས་བདེ་ལེགས་གྲངས་མེད་ཞུ།
ཕྱི་ལོ་ ༢༠༢༠ ཟླ་ ༧ ཚེས་ ༦ ཉིན།

ཤོག་ངོས་འདི་ལ་ཐེངས་ 2529 གཟིགས་འདུག
ཚན་པ། འཚམས་འདྲི་སོགས།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2020 ལོའི་ཟླ་བ། Jun ཚེས། 10 རེས་གཟའ། Wed

རྒྱུད་སྨད་མཁན་ཟུར་དགེ་བཤེས་བཀྲ་ཤིས་ཚེ་རིང་ལགས་སུ་གཟེངས་རྟགས་འབུལ་གཏན་འཁེལ་བ།

དྲ་འཇུག་པ།
རྒྱུད་སྨད་མཁན་ཟུར་དགེ་བཤེས་བཀྲ་ཤིས་ཚེ་རིང་ལགས་སུ་གཟེངས་རྟགས་འབུལ་གཏན་འཁེལ་བ།

ཨོ་སི་ཀྲི་ལི་ཡར་གནས་བཞུགས་རྒྱུད་སྨད་མཁན་ཟུར་དགེ་བཤེས་བཀྲ་ཤིས་ཚེ་རིང་ལགས་སུ་ཡུལ་དེའི་ནང་སྙན་གྲགས་ཆེ་བའི་རྒྱལ་ཁབ་ཀྱི་གཟེངས་རྟགས་ Order of Australia Medal ཞེས་པ་འབུལ་གཏན་ཁེལ་བར་བཀྲ་ཤིས་བདེ་ལེགས་གྲངས་མེད་ཞུ།
དེ་ཡང་ཨོ་སི་ཀྲི་ལི་ཡར་ལོ་ལྟར་དབྱིན་ཡུལ་གྱི་རྒྱལ་མོ་ Elizabeth གཉིས་པ་མཆོག་གི་འཁྲུངས་སྐར་དང་བསྟུན། ཡུལ་དེའི་ནང་དུ་སྤྱི་ཚོགས་ཞབས་ཞུ་དང་ཤེས་ཡོན། སྒྱུ་རྩལ། ཚན་རིག་སོགས་སྡེ་ཚན་འདྲ་མིན་གྱི་ཐོག་ཞབས་ཞུའི་གྲུབ་འབྲས་གཟེངས་སུ་ཐོན་པ་གནང་མཁན་རྣམས་ལ་ཨོ་སི་ཀྲི་ལི་ཡ་གཞུང་འབྲེལ་གྱི་ཆེ་བསྟོད་གཟེངས་རྟགས་ Order of Australia Medal ཞེས་པ་འབུལ་སྲོལ་ཡོད་པ་ལྟར། འདི་ལོའི་གཟེངས་རྟགས་འབུལ་ཡུལ་གྱི་ཁོངས་སུ་བོད་བརྒྱུད་ནང་བསྟན་དང་ཤེས་ཡོན་ཐད་ནས་སྤྱི་ཚོགས་ལ་ཕན་པའི་ཞབས་ཞུ་བླ་ན་མེད་པ་སྒྲུབ་གནང་མཁན་ཡུལ་དེའི་ནང་གནས་བཞུགས་སེར་བྱེས་ཏྲེ་ཧོར་རྒྱུད་སྨད་མཁན་ཟུར་བཀྲ་ཤིས་ཚེ་རིང་ལགས་བདམས་ཐོན་བྱུང་ཡོད་འདུག །
མཁན་ཟུར་དགེ་བཤེས་བཀྲིས་ཚེ་རིང་ལགས་ནི་ཕྱི་ལོ་ ༡༩༣༧ ལོར་མདོ་ཁམས་ཏྲེ་ཧོར་དཀར་མཛེས་རྒྱས་བཟང་དུ་འཁྲུངས་ཤིང་། དགུང་ལོ་དྲུག་པར་ཁང་དམར་དགོན་དུ་ཞུགས། དགུང་གྲངས་ ༡༧ ཐོག་དབུས་ཀྱི་སེར་བྱེས་གྲྭ་ཚང་དུ་ཞུགས་ཏེ་སློབ་གཉེར་གྱི་དབུ་ཚུགས། ཕྱི་ལོ་ ༡༩༥༩ ལོར་བཙན་བྱོལ་དུ་ཕེབས་ནས་ཐོག་མར་སྦག་ས་དང་དེ་ནས་ལྷོ་ཕྱོགས་སུ་ཕེབས་ཏེ་སློབ་གཉེར་གྱི་འཕྲོ་བསྐྱངས་ཤིང་དགེ་ཕྲུག་མང་པོར་དཔེ་ཁྲིད་ཀྱང་གནང་། སློབ་གཉེར་ཐོན་ནས་དགེ་ལུགས་རྒྱུགས་སྤྲོད་ཆེན་མོར་ཕེབས་ཏེ་རྒྱུགས་སྤྲོད་ཀྱི་རིམ་པ་རྣམས་ལེགས་པར་གྲུབ་ནས་ཕྱི་ལོ་ ༡༩༨༣ ལོར་དགེ་བཤེས་ལྷ་རམས་ཨང་རིམ་དང་པོའི་མཚན་གནས་བཞེས།
ཕྱི་ལོ་ ༡༩༩༠ ལོར་ཨོ་སི་ཀྲི་ལི་ཡར་ཕེབས་ཏེ་སྔ་རྗེས་སུ་དུས་ཡུན་ལོ་ ༢༥ ལྷག་གི་རིང་ལ་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་ལྟར་ཚོགས་པ་ཆོས་ཚོགས་ཐེབས་རྩ་ཁང་སོགས་སྣ་ཚོགས་སུ་དོན་གཉེར་ཅན་རྣམས་ལ་ལམ་རིམ་བློ་སྦྱོང་སོགས་ནང་ཆོས་སློབ་ཁྲིད་ཀྱི་ཕྱག་ལས་གནང་སྟེ་བོད་བརྒྱུད་ནང་བསྟན་དང་འབྲེལ་བའི་ཤེས་ཡོན་གྱི་ཐོག་ནས་སྤྱི་ཚོགས་ལ་ཕན་པའི་ཞབས་འདེགས་རླབས་ཆེན་ཞུས་དང་ཞུ་བཞིན་ཡོད་འདུག ། ཕྱི་ལོ་ ༢༠༠༩ ལོར་སླར་ཡང་རྒྱ་གར་དུ་ཕེབས་ནས་༸གོང་ས་༸སྐྱབས་མགོན་ཆེན་པོ་མཆོག་ནས་བསྐོ་བཞག་གནང་བ་ལྟར་རྒྱུད་སྨད་མཁན་པོའི་མཛད་ཁུར་ཡང་བཞེས་གནང་མཛད།
༢༠༢༠།༠༦།༡༠ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།

ཤོག་ངོས་འདི་ལ་ཐེངས་ 1691 གཟིགས་འདུག
ཚན་པ། འཚམས་འདྲི་སོགས།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2020 ལོའི་ཟླ་བ། Jan ཚེས། 15 རེས་གཟའ། Wed

འགན་འཛིན་གསར་པར་རྩིས་སྤྲོད་བྱས།

དྲ་འཇུག་པ།
འགན་འཛིན་གསར་པར་རྩིས་སྤྲོད་བྱས།

འདི་ག་རྩོམ་སྒྲིག་ཁང་གི་འགན་འཛིན་རྙིང་པས་རྩོམ་སྒྲིག་ཁང་གི་ཅ་དངོས་རྣམས་དང་དྲ་རྒྱའི་གསང་གྲངས་དང་ཡིག་ཆ་སོགས་འགན་འཛིན་གསར་པ་རྣམས་ལ་རྩིས་སྤྲོད་བྱས།
   འདི་ག་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་གི་འགན་འཛིན་བསམ་བྱ་གཞུང་ཀླུ་སྒྲུབ་པས་རྒྱུད་ཀྱི་ཆོས་ཐོག་འཁོར་དགོས་པ་སོགས་ཀྱིས་གྲྭ་ཚང་གི་ཕྱག་མཛོད་དང་རྒྱུན་ལས་རྣམས་ལ་རྩ་དགོངས་ཞུས་པར་བརྟེན། རྒྱུན་ལས་ནས་དགོངས་འཁྲོལ་བྱུང་བ་དང་། རྩོམ་སྒྲིག་ཁང་གི་ལས་བྱེད་རྙིང་པའི་གྲས། ལྷོ་སྐལ་བཟང་ཐར་འདོད་དང་། བྱ་གྲོལ་སྡེ་རྒྱ་མཚོ། མངའ་ཐུབ་བསྟན་ཚེ་རིང་གསུམ་ལ་རྒྱུན་ལས་རྣམས་དང་ཕྱག་མཛོད་བཅས་ཀྱིས་རེ་སྐུལ་བྱས་པ་ལྟར། རྣམ་པ་གསུམ་མཉམ་འབྲེལ་གྱིས་རྩོམ་སྒྲིག་གི་ལས་ཀ་བྱེད་རྒྱུའི་གྲོས་ཆོད་བྱུང་སྟེ་བོད་རྒྱལ་ལོ་ ༢༡༤༦ དང་རབ་གནས་ས་ཕག་ལོ། སྤྱི་ལོ་ ༢༠༢༠ ལོའི་ཟླ་ ༠༥ ཚེས་ ༠༩ ཉིན་གྲྭ་ཚང་གི་ཕྱག་མཛོད་སོགས་མཉམ་འཛོམས་ཀྱིས་རྩོམ་སྒྲིག་ཁང་གི་ཅ་དངོས་རྣམས་དང་། དྲ་རྒྱའི་གསང་གྲངས་ཁག །ཡིག་ཆ་གཞན་རྣམས་བཅས་འགན་འཛིན་གསར་པ་གསུམ་ལ་རྩིས་སྤྲོད་བྱས།
  དེ་ཡང་ཐོག་མར་སྤྱི་ལོ་ ༢༠༡༤ ལོར་འདི་ག་སེར་བྱེས་མཁས་སྙན་གྲྭ་ཚང་ནས་གྲྭ་ཚང་རང་གི་བོད་ཡིག་གི་དྲ་རྒྱའི་ངོ་བོའི་ཐོག་ནས་འཕྲུལ་དེབ་དང་དཔེ་ཁྲིད་སོགས་ཉར་ཚགས་དང་དོན་གཉེར་ཅན་རྣམས་ཀྱི་ཆེད་དྲ་ཚིགས་ཤིག་བཟོ་རྒྱུའི་དགོངས་འཆར་བྱུང་བ་ལྟར། སྐབས་དེའི་གྲྭ་ཚང་གི་ཕྱག་མཛོད་ནས་བསམ་བྱ་གཞུང་ཀླུ་སྒྲུབ་ལ་ནན་ཆེར་བསྐུལ་བ་ལ་བརྟེན་ནས་རྩོམ་སྒྲིག་གི་ལས་ཀ་བྱེད་རྒྱུའི་ཁས་ལེན་ཞུས་ཏེ། ལས་ཀ་བྱེད་སྟངས་སོགས་དང་དྲ་ཚིགས་དངོས་སུ་འཆར་འགོད། དྲ་ཚིགས་ཀྱི་མིང་གཏན་འབེབས། རྒྱུས་ཆ་དང་ཡིག་ཆ་འཚོལ་སྒྲུབ་སོགས་དང་། དྲ་ངོས་ཀྱི་ངོ་སྤྲོད་མི་འདྲ་བ་གང་མང་བཏུས་བསྒྲིགས་བྱས་ཤིང་། དྲ་ཚིགས་སྒྲིག་བཟོའི་ཆེད་མཁས་པ་གདན་ཞུས་ཀྱིས། དྲ་ཚིགས་གསར་བཟོ་སོགས། ལོ་དེའི་ཕྱི་ཟླ་༡༠ པའི་ཕྱི་ཚེས་ ༡༥ ཉིན་ལས་འགོ་དངོས་སུ་བཙུགས་ཤིང་། རིམ་གྱིས་ལས་བྱེད་དུ་ཐོ་འགོད་བྱུང་བ་དང་རེ་སྐུལ་བྱས་པ་བཅས། གཞུང་དང་རིག་གནས་སོགས་ལ་ཤེས་རྒྱ་ཡོད་པའི་རྒྱུས་ཡོད་ཀྱི་ལས་རོགས་ཁ་ཤས་འདེམས་སྒྲུག་བྱས་ཏེ། པར་རྩ་གང་མང་རྩིས་འཁོར་དུ་གསར་བཏགས་དང་གཤིབ་བསྡུར་བྱས་ཏེ་འཕྲུལ་དེབ་གསར་བཟོ་དང་། དྲ་ངོས་ཀྱི་དཀར་ཆག་རྣམས་ལས་ཚན་པ་ངོས་འཛིན་དང་གནོད་སྐྱོན་བརྟག་ཆེད་འཕྲུལ་དེབ་ཏུ་རྩོམ་སྒྲིག་བྱེད་མ་ཐུབ་པ་རྣམས་ལ་ཚབ་རེ་བཟོས་ཏེ་བཞག་པ་དང་། དཔེ་ཁྲིད་གང་མང་སློབ་གཉེར་བའི་ཁྲོད་ནས་འཚོལ་བསྡུ་བྱས་ཏེ་སྒྲིག་བཟོ་སོགས་ཀྱིས་སྒྲ་མཛོད་ཀྱི་དཀར་ཆག་གི་ཚན་པ་རྣམས་སུ་བཞག་པ་སོགས་ཀྱིས་ཟླ་ངོ་བཅུ་ལྷག་ལ་དཀའ་ངལ་གང་མང་ལ་གདོང་ལེན་བརྒྱུད། དྲ་ཚིགས་གསར་བཟོ་གྲུབ་སྟེ་ཕྱི་ལོ་ ༢༠༡༥ ལོའི་ཟླ་ ༨ པའི་ཚེས་ ༡༩ ཉིན་གྱི་སྔ་དྲོའི་ཆུ་ཚོད་དགུ་པའི་སྟེང་། སྐུ་མགྲོན་གཙོ་བོ་སེ་ར་བྱེས་སྨད་གཉིས་ཀྱི་མཁན་རིན་པོ་ཆེའི་གཙོས། ཆོས་རིག་བཀའ་ཟུར་མཆོག་དང་། ཆོས་བརྒྱུད་ཁག་གི་མཁན་པོ་དང་སྐུ་ཚབ་སོགས་སེར་བྱེས་གྲྭ་ཚང་གི་ཆོས་རར་འཛོམས་ཏེ། སེར་བྱེས་རིག་མཛོད་ཆེན་མོའི་དྲ་ཚིགས་དངོས་སུ་དབུ་འབྱེད་གནང་ཡོད། ཐོག་མར་དྲ་ཚིགས་གསར་བཟོའི་སྐབས་ཡིག་ཆ་སོགས་གྲ་སྒྲིག་གང་ཡང་མེད་ནའང་རིམ་གྱིས་ཡིག་ཆ་གསར་བསྒྲིགས་དང་དྲ་ངོས་བསྐྱར་བཅོས་ཐེངས་བཞི་ལ་བྱས་པ་ལས་ད་ལྟའི་དྲ་ཚིགས་དང་དྲ་ངོས་འདི་གྲུབ་པ་ཡིན་ཞིང་། ཉིན་རེར་དཔེ་ཁྲིད་དང་འཕྲུལ་དེབ་སོགས་གསན་གཟིགས་བྱེད་མཁན་སུམ་སྟོང་བཞི་སྟོང་ལྷག་དྲ་ཞུགས་ཀྱིས་སློབ་སྦྱོང་བྱེད་ཀྱིན་ཡོད།

༢༠༡༤།༢།༢༤ ནས་ ༢༠༡༩།༩།༤ བར་དུ་དཔེ་ཁྲིད་གསན་མཁན་གྱི་གྲངས་ཐོ་དང་རྒྱལ་ཁབ་ཀྱི་མིང་། འདིའི་ནང་དུ་བོད་དང་རྒྱ་ནག་སོགས་འཚུད་མེད།
SL ས་གནས། གསན་ཐོ། 26 Malaysia 865
1 India 1579484 27 United Arab Emirates 451
2 Nepal 139236 28 Vietnam 1580
3 United States 128541 29 Mongolia 89477
4 Brazil 11644 30 Hong Kong 2482
5 Australia 9752 31 Slovakia 1668
6 Bhutan 26078 32 Colombia 1293
7 Japan 12268 33 Sweden 642
8 Taiwan, Province of China 19547 34 Thailand 8901
9 United Kingdom 9684 35 Austria 1149
10 Canada 77606 36 South Africa 503
11 Switzerland 8248 37 Hungary 405
12 Dominican Republic 1852 38 indonesia 2652
13 France 19602 39 Poland 1118
14 Republic of Korea 5717 40 Czech Republic 473
15 Italy 9564 41 Russian Federation 2620
16 Germany 9164 42 Chile 508
17 Netherland 13160 43 Ukraine 771
18 New Zealands 7056 44 Israel 451
19 Argentina 1624 45 Ecuador 353
20 Mexico 6197 46 Egypt 751
21 Peru 922 47 Ireland 897
22 Belgium 9833 48 Greece 389
23 Singapore 5792 49 Philippines 614
24 Spain 3028 50 Turkey 3004
25 Norway 966 Total Visitors  2240582

 དྲ་ཚིགས་འདི་ཉིད་འཕྲུལ་དེབ་དང་དཔེ་ཁྲིད་ཙམ་ཁོ་ནའི་ཆེད་དུ་མ་ཡིན་པར་སྣ་འཛོམས་རང་བཞིན་ཅན་གྱི་དྲ་ཚིགས་ཤིག་བསྒྲུབ་རྒྱུར་འབད་རྩོལ་བྱེད་ཀྱིན་ཡོད་ལ། དྲ་ངོས་ཀྱི་སྡེ་ཚན་ལ་མཚོན་ནའང་སྡེ་ཚན་ཆེ་ཁག་མི་འདྲ་བ་བཅུ་ལྷག་འཆར་འགོད་དང་རྩོམ་སྒྲིག་བྱས་ཡོད།

འགན་འཛིན་རྙིང་པའི་སྐབས་ཀྱི་ལོ་ངོ་ལྔའི་རིང་གི་ལས་བསྡོམས།

༡ ] གཞུང་ཆེན་སོགས་སློབ་གཉེར་བའི་དགོས་མཁོར་དམིགས་ཏེ་འཕྲུལ་དེབ་ཁྱོན་བསྡོམས་ ༣༠༠ ལྷག་ཙམ་རྩོམ་སྒྲིག་བྱས་ཏེ་ལྟ་ཀློག་དང་མཉམ་དུ་དཔེ་ཁྲིད་ཡོད་པ་དག་ལ་དཔེ་ཁྲིད་ཀྱི་དྲ་སྣེ་དང་མཉམ་སྦྱར་གྱིས་དྲ་ཚིགས་སུ་བཞག་ཡོད།
༢ ] སྒྲ་མཛོད་ཀྱི་ནང་དུ་གཞུང་ཆེན་སོགས་ཀྱི་དཔེ་ཁྲིད་ ༦༠༠ ལྷག་ཙམ་འཚོལ་བསྡུ་བྱས་ཏེ་ mp3. བཟོ་བ་དང་ཕབ་ལེན་སོགས་ཀྱི་ཆེད་དུ་ལྗིད་ཚད་ཇེ་ཆུང་དུ་གཏོང་བ་དང་མི་གསལ་རྣམས་ཇེ་གསལ་དུ་གཏོང་བ་སོགས་ཀྱི་སྒྲིག་སྦྱོར་དང་ཁྲིད་གཞུང་གི་འཕྲུལ་དེབ་ཡོད་པ་དག་ལ་དྲ་ཚིགས་ཀྱི་སྦྲེལ་སྣེ་མཉམ་སྦྱར་བྱས་ཏེ་སེར་བྱེས་རིག་མཛོད་ཆེན་མོའི་དྲ་ཚིགས་དང་སྒྲ་རྐྱང་པ་ཉན་བྱེད་ཀྱི་མཉེན་ཆས་ SoundCloud གཉིས་སུ་བཞག་ཡོད།
༣ ] བརྙན་མཛོད་ཀྱི་ནང་དུ་མཛད་རྣམ་སོགས་བརྙན་མི་འདྲ་བ་བརྒྱ་ཕྲག་ལྷག་སྒྲིག་སྦྱོར་བྱས་ཏེ་བཞག་ཡོད་ལ། དཔེ་ཆ་རྩོམ་སྒྲིག་དང་པར་བཟོ་སྟངས། དྲ་ཚིགས་བཟོ་སྟངས་སོགས་ཀྱི་སྐོར་ལ་ཆེད་མཁས་པས་ཟབ་སྦྱོང་སྤྲད་པ་དག་བརྙན་དུ་ཕབ་ལེན་དང་བཅོས་སྒྲིག་བྱས་པའི་བརྙན་བརྒྱ་ཕྲག་ཁ་ཤས་དྲ་ངོས་སུ་འཇོག་རྒྱུར་གྲ་སྒྲིག་བྱས་ཡོད།
༤ ] གསར་འགྱུར་གྱི་སྡེ་ཚན་གྱི་ནང་དུ་གྲྭ་ཚང་གི་མཛད་རིམ་ཆེ་ཁག་གིས་མཚོན་གསར་འགྱུར་མི་འདྲ་བ་ ༨༡ བྲིས་ཏེ་དྲ་ཚིགས་སུ་བཞག་ཡོད།
༥ ] ཚོམས་ཀྱི་སྡེ་ཚན་ནང་དུ་དུས་ཆེན་ཁག་སོགས་ཀྱི་ངོ་སྤྲོད་མི་འདྲ་བ་ ༦༨ བྲིས་ཏེ་དྲ་ཚིགས་སུ་བཞག་ཡོད།
༦ ] ལོ་རྒྱུས་ཀྱི་སྡེ་ཚན་གྱི་ནང་དུ་སེ་རའི་ལོ་རྒྱུས་དང་གྲྭ་ཚང་གི་ལོ་རྒྱུས་དང་ཚོགས་པ་ཁག་སོགས་ཀྱི་ངོ་སྤྲོད། གྲྭ་ཚང་ཕྱག་བཏབ་པ་ནས་ད་ལྟའི་བར་གྱི་མཁན་རབས་རིམ་བྱོན་གྱི་མཚན་ཐོ་དང་མཁན་རབས་སུམ་ཅུ་ལྷག་གི་ལོ་རྒྱུས། གྲྭ་ཚང་རང་ནས་བྱོན་པའི་དགའ་ལྡན་ཁྲི་པ་རིམ་བྱོན་གྱི་མཚན་ཐོ་དང་ཁྲི་ཆེན་བཅོ་ལྔའི་ ༡༥ ལོ་རྒྱུས། གྲྭ་ཚང་རང་ནས་ཕེབས་པའི་བོད་ཀྱི་ལོ་རྒྱུས་ཐོག་གྲགས་ཆེ་བའི་མཁས་དབང་རིམ་བྱོན་གྱི་མཚན་ཐོ། གྲྭ་ཚང་རང་ནས་ཕེབས་པའི་རྒྱུད་སྟོད་སྨད་ཀྱི་མཁན་པོ་རིམ་བྱོན་གྱི་མཚན་ཐོ་དང་མཁན་པོ་རྣམས་ཀྱི་ལོ་རྒྱུས་སོགས་བྲིས་ཏེ་དྲ་ཚིགས་སུ་བཞག་ཡོད།
༧ ] པར་མཛོད་ཀྱི་ནང་དུ་གྲྭ་ཚང་གི་ལོ་རྒྱུས་ཐོག་ལ་གལ་ཆེ་བའི་པར་རྙིང་སོགས་པར་སྣ་མི་འདྲ་བ་ཉིས་བརྒྱ་ལྷག་འཚོལ་བསྡུ་བྱས་ཏེ་དྲ་ཚིགས་སུ་བཞག་ཡོད།
༨ ] གཞན་འཕྲུལ་དེབ་ཀྱི་གཞུང་མཛད་པ་པོའི་རྣམ་ཐར་མི་འདྲ་བ་བརྒྱ་ཕྲག་ལྷག་རྒྱས་བསྡུས་མི་འདྲ་བ་གཉིས་རེ་གསར་རྩོམ་བྱས་ཏེ་འཕྲུལ་དེབ་དང་དྲ་ངོས་སུ་བཞག་ཡོད།
༩ ] དཔེ་ཁྲིད་གནང་མཁན་གྱི་ལོ་རྒྱུས་མི་འདྲ་བ་བརྒྱ་ཕྲག་ལྷག་གསར་རྩོམ་བྱས་ཏེ་དྲ་ངོས་སུ་བཞག་ཡོད།
༡༠ ] དྲ་ཚིགས་ཀྱི་དཀར་ཆག་སྡེ་ཚན་ཆེ་བ་བཅུ་ལྷག་དང་། ཡན་ལག་གི་དཀར་ཆག་ཉིས་བརྒྱ་དང་ལྔ་བཅུ་ལྷག་འཆར་འགོད་དང་གསར་རྩོམ་བྱས་ཡོད།
༡༡ ] འཕྲུལ་དེབ་དང་སྒྲ་མཛོད་བརྙན་སོགས་ལ་དྲ་ངོས་སུ་ངོ་སྤྲོད་ཚན་པ་གཉིས་རེ་བཅས་ཁྱོན་བསྡོམས་ངོ་སྤྲོད་ཚན་པ་ཆིག་སྟོང་ལྔ་བརྒྱ་ལྷག་གསར་རྩོམ་དང་སྒྲིག་བཀོད་བྱས་ཡོད།
༡༢ ] བཀའ་བསྟན་སོགས་གསུང་རབ་ཀྱི་པར་རྩ་ pdf ནང་དུ་ཡོད་པ་ཁྲི་གཅིག་ལྷག་འཚོལ་བསྡུ་བྱས་ཡོད་ལ། (word) ནང་དུ་ཡོད་པ་གཤིབ་བསྡུར་བྱས་ཏེ་འཕྲུལ་དེབ་ཏུ་རྩོམ་སྒྲིག་བྱས་ཆོག་པའི་པར་རྩ་སྟོང་ཕྲག་ཁ་ཤས་དང་། ཞུས་དག་སོང་བའི་པར་རྩ་བརྒྱ་ཕྲག་གཅིག་ལྷག་འཚོལ་བསྡུ་བྱས་ཡོད།
༡༣ ] རིག་མཛོད་དཔེ་ཚོགས་ཀྱི་ངོ་བོར་དཔེ་ཆ་དྲུག་རྩོམ་སྒྲིག་བྱས་ཡོད།
༡༤ ] གཞན་དགེ་རྒན་གདན་འདྲེན་ཞུས་ཏེ་རྩོམ་སྒྲིག་ཁང་གི་ལས་བྱེད་རྣམས་ལ་ལོ་བཞི་ལ་དྲ་རྒྱ་སོགས་ཀྱི་སྐོར་ལ་ཟབ་སྦྱོང་ཟླ་གསུམ་རེར་སྤྲད་ཡོད།
༡༥ ] གཅེས་ཉར་ཡིག་ཚགས་སུ་འཇོག་རྒྱུར་དཔེ་ཆ་པར་བཤུས་བྱས་པ་བརྒྱ་ལྷག་ཡོད།
༡༦ ] གཞན་འཕྲུལ་དེབ་ཏུ་རྩོམ་སྒྲིག་བྱ་ཆོག་པ་བསྟན་འགྱུར་གྱི་པོ་ཏི་ཉི་ཤུ་དང་། རྒྱལ་ཚབ་རྗེ་དང་མཁས་གྲུབ་རྗེ་གཉིས་ཀྱི་གསུང་འབུམ་ལས་པོ་ཏི་རེ་གཉིས་མ་གཏོགས་ཆ་ཚང་དཔེ་བསྡུར་གྲུབ་སྟེ་འཕྲུལ་དེབ་ཏུ་རྩོམ་སྒྲིག་བྱེད་ཀྱིན་ཡོད།
༡༧ ] ཁྱོན་བསྡོམས་ལོ་རྒྱུས་སོགས་གསར་རྩོམ་བྱས་ཏེ་བྲིས་པ་ཤོག་གྲངས་ A4 ཅན་ ༢༢༥༦ ལྷག་དང་ཡིག་འབྲུ་འབུམ་ཕྲག་ཁ་ཤས་བྱུང་ཡོད།

༢༠༢༠།༠༥།༠༩ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།

དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།

 

ཤོག་ངོས་འདི་ལ་ཐེངས་ 524 གཟིགས་འདུག
ཚན་པ། གནས་འཕྲིན་གཞན།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Dec ཚེས། 07 རེས་གཟའ། Sat

རྒྱལ་རོང་མཁན་ཟུར་ངག་དབང་ཐེག་མཆོག་རིན་པོ་ཆེ་མཆོག

དྲ་འཇུག་པ།

སེར་སྨད་ཐོས་བསམ་ནོར་གླིང་གྲྭ་ཚང་གི་རྒྱལ་རོང་མཁན་ཟུར་ངག་དབང་ཐེག་མཆོག་རིན་པོ་ཆེ་མཆོག་ནི། སྤྱི་ལོ་ ༡༩༢༨ ལོར་བོད་ཤར་ཕྱོགས་རྒྱལ་རོང་ཅོག་ཙེ་ས་ཁུལ་དུ་འབྲོག་ཁྱིམ་ཞིག་ཏུ་ཡབ་དོན་གྲུབ་དང་ཡུམ་ཚེ་རིང་ལྷ་མོ་གཉིས་ཀྱི་སྲས་སུ་སྐུ་འཁྲུངས་ཡོད་པ་དང་།
   དགུང་གྲངས་བཅུ་གཅིག་ཙམ་ནས་རབ་ཏུ་བྱུང་བའི་འདུན་པ་ཤུགས་ཆེར་བྱུང་ཡང་། ནོར་ཕྱུགས་ལྟ་སྐྱོང་སོགས་ཀྱི་ལས་ལ་མཁོ་བས། ཡབ་དང་གཅེན་མོས་རེ་ཞིག་མ་གནང་། དགུང་ལོ་བཅུ་དྲུག་བར་གཅེན་མོ་དང་ཁོ་མོའི་ཟླ་བོའི་ཁྱིམ་དུ་འབྲོག་ལས་ལ་གཞོལ་བར་མཛད། གཅེན་མོའི་ཟླ་བོ་ལས་ཆོས་སྤྱོད་སོགས་ཀྱང་སྦྱངས། སྐུ་མཆེད་རྒན་པ་བྱམས་པ་བདེ་ལེགས་སེ་རར་ཐོས་བསམ་གྱིས་མཚན་སྙན་རྒྱས་པར་ཡི་རངས་ཏེ། བོད་དབུས་གདན་ས་སེ་རར་བསྐྱོད་འདོད་བྱུང་བར་སྲིང་མོ་རྣམ་གཉིས་ཀྱིས་གནང་བ་སྩལ།
   དགུང་ལོ་བཅུ་བདུན་པ་སྤྱི་ལོ་ ༡༩༤༥ ལོའི་བོད་ཟླ་ ༣ ཚེས་ ༡༣ ཉིན་གྱི་སྔ་དྲོར་རང་ཡུལ་རྒྱལ་མོ་རོང་ནས་བོད་དབུས་གདན་སར་ཟླ་བ་བཞིའི་རིང་འགྲུལ་བཞུད་གནང་སྟེ། བོད་ཟླ་ ༧ ཚེས་ ༡༢ ཉིན་གདན་ས་ཆེན་པོ་སེ་ར་ཐེག་ཆེན་གླིང་དུ་འབྱོར། དེར་རང་ཁོངས་སེར་སྨད་ཐོས་བསམ་ནོར་གླིང་གྲྭ་ཚང་དུ་སྒྲིག་ཞུགས་དང་རབ་བྱུང་དགེ་ཚུལ་སློང་གི་བསླབ་སྡོམ་རྣམས་ལེགས་པར་མནོས་ཏེ། ལོ་བཅོ་ལྔ་ཙམ་ལ་གཞུང་ཆེན་ཁག་ལ་ཐོས་བསམ་སློབ་གཉེར་གནང་། སྐབས་གཉིས་པའི་འཛིན་གྲྭར་ཕེབས་པ་ནས་སློབ་གཉེར་བ་གཞན་ལ་དཔེ་ཁྲིད་ཀྱང་གནང་།
   སྤྱི་ལོ་ ༡༩༥༩ ལོར་སློབ་གཉེར་མཐར་ཕྱིན་ཏེ་དགེ་བཤེས་ཀྱི་མཚན་རྟགས་བཞེས་ལ་ཉེ་སྐབས། བོད་ཡུལ་ཡོངས་རྫོགས་སུ་བསྟན་པ་ཉམས་སྨས་པར་གྱུར་པས་དགེ་བཤེས་དམ་འཇོག་ཕྱིར་འགྱངས་བྱེད་དགོས་བྱུང་ཡོད་པ་དང་། ༧ སྟོན་པ་འཇིག་རྟེན་དབང་ཕྱུག་འཕགས་ཡུལ་དུ་ཕེབས་པའི་རྗེས་སུ་འཕགས་ཡུལ་དུ་ཕེབས་ཡོད་ནའང་། ལམ་བར་ནས་སླར་ཡང་བོད་དུ་ཆོས་བྱེད་ཆོག་པའི་གནས་ཚུལ་གསན་འཕྲལ་ལྷ་སར་ཕྱིར་ལོག་མཛད།
   སྤྱི་ལོ་ ༡༩༥༩ ནས་ ༡༩༦༢ བར་ལོ་ཤས་རིང་རྒྱ་གཞུང་གི་བཅོས་བསྒྱུར་ལས་འགུལ་ཁྲོད་སྐུ་ངལ་བསྐྱོན་དགོས་བྱུང་ཡོད་ན་ཡང་། སྤྱི་ལོ་ ༡༩༦༢ ལོར་སླར་ཡང་སྐུ་རྐྱང་འབྲུག་ཡུལ་བརྒྱུད་འཕགས་ཡུལ་དུ་ཕེབས།
ཐོག་མར་བྱ་བྲལ་དུ་ཕེབས་འདུན་མཛད་ཀྱང་། ༧རྒྱལ་བའི་༧ཡོངས་འཛིན་རྣམ་གཉིས་ཀྱིས་བཀས་བསྐུལ་བ་ དང་། གྲྭ་ཚང་གིས་གསོལ་འདེབས་ནན་ཞུས་ངོར། སྦག་སར་གདན་གསུམ་རིས་མེད་ཆོས་གྲྭ་ཐར་འདོད་ཐོས་བསམ་གླིང་གསར་འཛུགས་བྱུང་ཡོད་པར་སེར་སྨད་གྲྭ་ཚང་དུ་བཞུགས་ཏེ། ཉིན་རེར་སློབ་གཉེར་བ་རྣམས་ལ་གཞུང་ཆེན་དཔེ་ཁྲིད་བསྐྱངས། སྤྱི་ལོ་ ༡༩༦༦ ལོར་སྦག་སར་འདུས་པ་རྒྱ་མཚོའི་དབུས་སུ་དགེ་བཤེས་དམ་འཇོག་སྐབས་ལྷ་རམས་ཨང་དང་པོའི་མཚན་རྟགས་བཞེས། ལོ་དེར་ ༧ སྟོན་པ་འཇིག་རྟེན་དབང་ཕྱུག་གིས་སེར་སྨད་ཐོས་བསམ་ནོར་གླིང་གྲྭ་ཚང་གི་མཁན་པོར་བསྐོ་བཞག་གནང་།
   མཁན་པོའི་མཛད་འགན་བཞེས་རིང་གདན་གསུམ་མཚན་ཐོར་མི་འགྲོ་བར་གནས་ཐུབ་པའི་གྲོས་འཆར་ཐག་གཅོད་སོགས་ལ་ཐུགས་འགན་ཆེར་བཞེས་དང་། སེར་སྨད་ཐོས་བསམ་ནོར་གླིང་གྲྭ་ཚང་གི་ཐུན་མོང་མིན་པའི་བློ་འཛིན་རྒྱུགས་ལེན་དང་། རྒྱུགས་ཚད་གཟེངས་རྟགས་འབུལ་སྲོལ་དང་། ཚོགས་ལངས་ལམ་སྲོལ་སོགས་སྤྱི་ལོ་ ༡༩༥༩ ཚུན་ནས་ཉམས་པ་རྣམས་སླར་གསོ་མཛད།
   ༡༩༧༠ ལོའི་ལོ་མཇུག་ནས་གདན་གསུམ་རྒྱ་གར་ལྷོ་ཕྱོགས་སུ་གནས་སྤོ་གནང་སྐབས། གདན་ས་སེ་ར་སྤྱི་དང་། སེར་སྨད་གྲྭ་ཚང་གནས་སྤོའི་ཐུགས་འགན་བཞེས་ཤིང་། ལྷོ་ཕྱོགས་སུ་འབྱོར་རྗེས་གདན་ས་སླར་ཡང་གསར་འཛུགས་ཀྱི་ལས་གཞི་རྣམས་ལ་ཐུགས་འགན་བཞེས།
   ༡༩༦༦ ནས་ ༡༩༧༦ བར་ཏེ་ལོ་ངོ་བཅུ་གཅིག་རིང་མཁན་པོའི་མཛད་འགན་བསྐྱངས་པ་དང་། ༡༩༨༣ ལོ་ནས་དབུ་བརྩམས་ཏེ་དཔལ་རྡོ་རྗེ་འཇིགས་བྱེད་ཀྱི་བསྙེན་ཆེན་གནང་། དེ་རྗེས་ཉིན་རེར་སློབ་གཉེར་བ་རྣམས་ལ་དཔེ་ཁྲིད་ཚོགས་ཐེངས་བཅུ་རེ་གནང་བ་དང་། སྐབས་སོ་སོར་གདན་སར་བྱང་ཆུབ་ལམ་རིམ་གྱི་ཁྲིད་དང་། འདུལ་བའི་བསླབ་བྱའི་ཁྲིད་རྒྱུན་སོགས་ཀྱང་གནང་།
   ༡༩༩༡ ནས་ལོ་སྔ་ཕྱིར་ཕ་ཡུལ་རྒྱལ་རོང་ནས་དགོན་སྡེ་རྣམས་དང་ཡུལ་མི་རྣམས་ཀྱིས་ཡང་ཡང་ཞུ་ངོར། རང་ཡུལ་དུ་ཕེབས་ཏེ་དགོན་སྡེ་རྣམས་སུ་གཞུང་ཆེན་མོའི་ཁྲིད་དང་ལུང་། དབང་སོགས་གནང་།
   ༡༩༩༨ ལོར་གྲྭ་ཚང་གིས་ཐུགས་རེ་ལྟར། ཐའི་ཝེན། སིངྒ་པུར། ཨོསི་ཊོ་ལི་ཨ་སོགས་ཡུལ་གྲུ་རྣམས་སུ་ཕྱོགས་བསྐྱོད་དང་། གྲྭ་ཚང་གི་འདུ་ཁང་ཆེན་མོ་གསར་རྒྱག་དང་། སློབ་གཉེར་བའི་འཚོ་རྟེན། དཔེ་མཛོད་དང་སློབ་གྲྭའི་མཐུན་རྐྱེན་སོགས་ལ་སྨན་པར་མཛད།
   ༡༩༩༩ ལོར་གྲྭ་ཚང་རང་གི་ཐུན་མོང་མ་ཡིན་པའི་མཛོད་འདུལ་གྱི་རྩོད་པ་སོགས་སླར་གསོ་གནང་བ་དང་།
   སྤྱི་ལོ་ ༢༠༡༣ ཟླ་ ༤ ཚེས་ ༨ ཉིན་གྱི་མཚན་མོའི་ཆུ་ཚོད་ ༡།༡༥ ཙམ་ལ་དགོངས་པ་ཆོས་དབྱིངས་སུ་ཐིམ་ཚུལ་མཛད།

༢༠༡༩.༡༠.༣༠.ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་བསྒྲིགས་བྱས།

དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་དམ་འདྲེན་བཀོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་པ་ཡིན།]ཞེས་རྩོམ་ཁུངས་ཁ་གསལ་འགོད་དགོས།

ཤོག་ངོས་འདི་ལ་ཐེངས་ 2231 གཟིགས་འདུག
ཚན་པ། རྣམ་ཐར་གྱི་ཚོམས།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Dec ཚེས། 07 རེས་གཟའ། Sat

ཁྲིད་གཞུང་། ཀུན་བཟང་བླ་མའི་ཞལ་ལུང་། [ག]

དྲ་འཇུག་པ།

སྒྲ་ཨང་།  KADLL2060467
མཁས་པ་གཞན། [ལམ་རིམ་བློ་སྦྱོང་།] སྤྱིའི་ཨང་། ༦༡༧
རྣམ་པ། MP3 རྣམ་གྲངས། 34 ཆེ་ཆུང་། 842.4 MB
ཁྲིད་གཞུང་། ཀུན་བཟང་བླ་མའི་ཞལ་ལུང་།
བརྗོད་བྱ། རྫོགས་པ་ཆེན་པོ་ཀློང་ཆེན་སྙིང་ཏིག་གི་སྔོན་འགྲོ།
མཛད་པ་པོ། རྫ་དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོ། [ ༡༨༠༨-༡༨༨༧]
འཁྲིད་མཁན། སངས་རྒྱས་མཉན་པ་རིན་པོ་ཆེ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཅུ་པའི་ཚེས་སོ་གཅིག་གི་ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སྐྱབས༌རྗེ༌གྲུབ༌དབང༌སངས༌རྒྱས༌མཉན་པ་རིན༌པོ༌ཆེ་སྐུ་ཕྲེང་བཅུ་པ་མཆོག་ནི། སྤྱི་ལོ་ ༡༩༦༤ ལོར་འབྲུག་ཡུལ་གྱི་ས་གནས་སྤ་གྲོ་སྟག་ཚང་ཞེས་པར་ཡབ་སངས་རྒྱས་ལེགས་པ་དང་། ཡུམ་ཀརྨ་ཚེ་དབང་ཆོས་སྒྲོན་གཉིས་ཀྱི་སྲས་སུ་སྐུ་འཁྲུངས། རྒྱལ་དབང་ཀརྨ་པ་སྐུ་ཕྲེང་བཅུ་དྲུག་པ་མཆོག་གིས་མཉན་པ་རིན་པོ་ཆེ་སྐུ་གོང་མའི་ཡང་སྲིད་དུ་ངོས་འཛིན་གནང་། རྒྱལ་དབང་མཆོག་གིས་ཀརྨ་དཔལ་ལྡན་རང་བྱུང་འཕྲིན་ལས་ཀུན་ཁྱབ་བསྟན་པའི་རྒྱལ་མཚན་དཔལ་བཟང་པོ་ཞེས་མཚན་གསོལ། རུམ་བཏེག་དགོན་པར་གདན་ཞུས་ཀྱིས་དེ་གར་བཞུགས་ཁྲིར་མངའ་གསོལ་དང་གནང་ཏེ། དགུང་ལོ་ལྔ་ནས་ནང་ཆོས་སློབ་གཉེར་གྱི་དབུ་བཙུགས། རྒྱལ་དབང་ཀརྨ་པ་མཆོག་དང་། འབྲི་གུང་མཁྱེན་བརྩེ་རིན་པོ་ཆེ་སོགས་བསྟེན་ནས་དབང་བཀའ་ཕྱག་ཆེན་སོགས་ཟབ་ཆོས་མང་དུ་ཞུས་པ་དང་། དགེ་ཚུལ་གྱི་སྡོམ་པ་སོགས་ཀྱང་མནོས། རུམ་བཏེག་བཤད་སྒྲུབ་ཆོས་འཁོར་གླིང་གི་མཐོ་རིམ་བཤད་གྲྭ་ཆེན་མོ། ཀརྨ་ཤྲཱི་ནཱ་ལནྡཱ་ཆེས་མཐོའི་གཙུག་ལག་སློབ་གཉེར་ཁང་དུ་ལོ་ངོ་བཅུ་ལྷག་ལ་སློབ་གཉེར་གནང་སྟེ་ཨ་ཙ་རྱའི་མཚན་གནས་བཞེས་ཤིང་། མདོ་སྔགས་གཞུང་མན་ངག་དང་བཅས་པར་གསན་བསམ་གནང་། དེ་རྗེས་ལོ་གསུམ་ལྷག་ལ་སློབ་གཉེར་ཁང་དེར་ཁྲིད་སོགས་གནང་སྟེ་བཞུགས་པ་དང་། དེ་ནས་བལ་ཡུལ་གྱི་བན་ཆེན་གདན་སར་བཞུགས་ཏེ་བཤད་གྲྭའི་སློབ་གཉེར་བ་རྣམས་ལ་ཁྲིད་སོགས་གནང་བ་དང་། རྒྱུན་དུ་ཕྱི་ནང་གི་དོན་གཉེར་ཅན་གང་མང་ལ་ཟབ་ཆོས་མང་དུ་སྩོལ་མུར་བཞུགས་པ་ལགས་སོ། །[རྩོམ་སྒྲིག་པས་རྣམ་ཐར་དབྱིན་ཡིག་ལས་བསྒྱུར་བ་ཡིན་པས་སྐྱོན་དང་ནོར་འཁྲུལ་བྱུང་ཡོད་ཚེ་བཟོད་གསོལ་དང་ཡོ་བསྲང་བྱེད་ངེས།]

ཤོག་ངོས་འདི་ལ་ཐེངས་ 2217 གཟིགས་འདུག
ཚན་པ། ལམ་རིམ།
ནང་གསེས་དབྱེ་འབྱེད།
རྒྱས་པར་གཟིགས་་་་
ངོ་ཤོག 31 ནས་ 111