-
མདུན་ངོས།
-
འཕྲིན་གསར།
-
གནས་འཕྲིན་གཞན།
- སློབ་གཉེར་བ་རྣམས་ལ་བྲིས་རྒྱུགས་བླངས།
སློབ་གཉེར་བ་རྣམས་ལ་བྲིས་རྒྱུགས་བླངས།
དྲ་འཇུག་པ། རིག་མཛོད་རྩོམ་སྒྲིག་པ།
སེར་བྱེས་གྲྭ་ཚང་གི་སློབ་གཉེར་བ་རྣམས་ལ་གཞུང་ཆེན་མོའི་བྲིས་རྒྱུགས་བླངས།
ཕྱི་ལོ་ ༢༠༡༥ ལོའི་ཟླ་ ༡༡ ལོའི་ཚེས་ ༨ ཉིན་སེར་བྱེས་མཁས་སྙན་གྲྭ་ཚང་གི་རྒྱུགས་ཞིབ་ལྷན་ཚོགས་ཀྱི་ལྟ་ཞིབ་དང་། དབུ་ཆོས་རྣམ་གཉིས་སོགས་ཀྱི་སྐོར་གཡེང་གི་འོག་ཏུ་སློབ་གཉེར་བ་རྣམས་ལ་སེར་བྱེས་གྲྭ་ཚང་གི་ལོ་འཁོར་རྒྱུགས་སྤྲོད་ཆེན་མོའི་ཁོངས་ཀྱི་གཞུང་ཆེན་མོའི་བྲིས་རྒྱུགས་དབུ་བཙུགས་སོང་། བྲིས་རྒྱུགས་ནི་སློབ་གཉེར་བ་རྣམས་ཀྱི་འཛིན་གྲྭ་སོ་སོའི་ལོ་གཅིག་གི་རྩོད་མཚམས་སམ་སློབ་ཚན་རྩོད་གཞུང་ཡིག་ཆ་དང་འབྲེལ་ཡོད་རྗེ་ཡབ་སྲས་ཀྱི་གསུང་དང་། རྒྱ་གཞུང་སོགས་ལས་རྒྱུགས་ཞིབ་པས་བཏང་བའི་དྲི་བ་ཁག་ལ་ལན་འབྲི་དགོས་པ་ཡིན་ཞིང་། དྲི་བ་རྣམས་ཧ་ཅང་གསང་བ་དང་རྒྱུགས་སྤྲོད་སྐབས་ཀྱི་སྒྲིག་ལམ་ནི་ཧ་ཅང་ཞིབ་ཚགས་དང་དམ་པོ་ཡིན། འཛིན་གྲྭ་མཐོ་བའི་གྲས་ལས་རྩོད་རྒྱུགས་དང་རིག་གནས། བྲིས་རྒྱུགས་གསུམ་གྱི་སྟེང་ནས་བརྒྱ་ཆའི་ཚད་གཞི་ལྟར་དགེ་ལུགས་རྒྱུགས་སྤྲོད་ལ་གཏོང་གིན་ཡོད། སྤྱིར་རྒྱུགས་མ་འཕྲོད་པའམ་བརྒྱ་ཆ་ཨང་རིམ་གསུམ་པའི་གྲས་སུ་ཡོད་པ་རྣམས་གྲྭ་ཚང་གི་ལས་ཀ་འདྲ་མིན་ལ་བསྐོ་གཞག་བྱེད་ཀྱིན་ཡོད་ལ། ཆོས་རར་འགྲིམས་པའི་གྲངས་ཚད་མ་ལོངས་པ་རྣམས་རྒྱུགས་སྤྲོད་དུ་ཞུགས་མི་ཆོག་པར་འཛིན་གྲྭ་འོག་མའི་ནང་དུ་བཞུགས་དགོས། སྤྱིར་གྲྭ་ཚང་གི་བྲིས་རྒྱུགས་ཆེན་མོ་བོད་ཟླ་བཅུ་གཉིས་པར་ཡིན་ན་ཡང་། ད་ལོ་རྡོར་གདན་དུས་དབང་གི་རྐྱེན་གྱིས་རྒྱུགས་དུས་སྔ་བསྣུར་བྱས་ཏེ་ཟླ་འདིར་གཏོང་དགོས་བྱུང་བ་རེད།
རིག་མཛོད་རྩོམ་སྒྲིག་པ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས།
དྲ་ཚིགས།: www.serajeyrigzodchenmo.org ཡིག་འབྲེལ་དྲ་བྱང་། serajeyrigzodchenmo@gmail.com
