Subscribe to this RSS feed
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་ཚན། ནང་ཆོས་ངོ་སྤྲོད། [ཝ]

དྲ་འཇུག་པ།

སྒྲ་ཨང་།  H-ADN2030146
སྟོན་པ་འཇིག་རྟེན་དབང་ཕྱུག [ནང་ཆོས་ངོ་སྤྲོད།] སྤྱིའི་ཨང་། ༥༩༩
རྣམ་པ། MP3 རྣམ་གྲངས། 10 ཆེ་ཆུང་། 213.8 MB
ཁྲིད་ཚན། ནང་ཆོས་ངོ་སྤྲོད།
འཁྲིད་མཁན། སྟོན་པ་འཇིག་རྟེན་དབང་ཕྱུག
གནས་དུས། ༢༠༡༩.༡༠.༠༥. རྡ་སའི་གཙུག་ལག་ཁང་།
ཡུལ། ཐེ་ཝན་ཆོས་ཞུ་བ་གཙོ་བོར་གྱུར་པ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཅུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། རང་གི་དགྲས་མཚོན་པའི་སེམས་ཅན་གཞན་གྱི་བདེ་དོན་ལ་བརྩི་བཀུར་བྱེད་པའི་བསམ་བློར་བརྟེན་ཅིང་། ཆོས་ལ་མ་བརྟེན་པའི་སྤྱོད་བཟང་ཡང་ཕ་རོལ་པོའི་རྣམ་འགྱུར་ལ་བརྟེན་པའི་བརྩེ་བ་བརྒྱུད་ནས་དར་སྤེལ་གཏོང་དགོས། འདིའི་སྐབས་ངེས་པར་དུ་བྱེད་པ་པོ་དང་བྱ་བ་གཉིས་ཀྱི་དབར་དབྱེ་བ་འབྱེད་དགོས། བྱེད་པ་པོ་དགྲ་བོར་མཚོན་ན་རང་དང་མཚུངས་པར་འགྲོ་བ་མི་གཅིག་པ་ཡིན་ཞིང་། ཁོང་ཚོར་ཡང་བདེ་སྡུག་ལ་འདོར་ལེན་བྱེད་པའི་ཐོབ་ཐང་ཡོད། ཐོབ་ཐང་དེ་འདྲ་ཞིག་ཡོད་པའི་ཆ་ནས་རང་གི་དགྲ་ལ་དམིགས་ནས་བརྩེ་བ་བཅངས་དགོས་པ་རེད། འོན་ཀྱང་གནོད་འཚེ་ཅན་གྱི་བྱ་བ་མ་རུངས་པ་བྱེད་པའི་ཆ་ནས་བཤད་ན་ང་ཚོས་བྱ་བ་ངན་པ་དེ་འགོག་པའི་དོན་དུ་གདོང་ལེན་ངེས་པར་དུ་བྱེད་དགོས། དེ་ལྟར་མ་རུངས་པའི་བྱ་བར་གདོང་ལེན་དང་བྱེད་པ་པོ་གང་ཟག་ལ་སྙིང་རྗེ་བྱེད་པ་སྟེ་བྱ་བ་དང་བྱེད་པ་པོའི་དབར་དབྱེ་བ་འབྱེད་དགོས། དཔེར་ན། བོད་པར་མཚོན་ན་རྒྱ་ནག་གཞུང་གི་ཆབ་སྲིད་དང་རྣམ་འགྱུར་ལ་ངོ་རྒོལ་བྱེད་ཀྱི་ཡོད་ལ། ཆབ་སྲིད་ལག་ལེན་བསྟར་མཁན་གྱི་རྒྱ་རིགས་དེ་དག་ལ་མི་ཡིན་པའི་ཆ་ནས་དེ་དག་གི་བདེ་དོན་ལ་སེམས་ཁུར་བྱེད་བཞིན་ཡོད་ལ་བརྩེ་བ་འཆང་བཞིན་ཡོད།
{ ཁྲིད་གཞུང་། དབུ་མ་རིན་ཆེན་ཕྲེང་བ།  མཛད་པ་པོ། མགོན་པོ་ཀླུ་སྒྲུབ། ཁྲིད་གཞུང་། རིག་པའི་རྒྱལ་མོ་རྨ་བྱ་ཆེན་མོའི་རྗེས་གནང་། }
ཤོག་ངོས་འདི་ལ་ཐེངས་ 940 གཟིགས་འདུག
ཚན་པ། ནང་ཆོས་ངོ་སྤྲོད།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་ཚན། ལམ་སྟོན་བཀའ་སློབ། [ཏ]

དྲ་འཇུག་པ།

སྒྲ་ཨང་།  H-ADA2030145
སྟོན་པ་འཇིག་རྟེན་དབང་ཕྱུག [བླང་དོར་བཀའ་སློབ།] སྤྱིའི་ཨང་། ༥༩༨
རྣམ་པ། MP3 རྣམ་གྲངས། 2 ཆེ་ཆུང་། 34.4 MB
ཁྲིད་ཚན། ལམ་སྟོན་བཀའ་སློབ།
འཁྲིད་མཁན། སྟོན་པ་འཇིག་རྟེན་དབང་ཕྱུག
གནས་དུས། ༢༠༡༧.༡༢.༢༢. རྣམ་གྲོལ་གླིང་།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༢༠༡༩ ལོའི་ཟླ་བཅུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། ཆོས་ལ་མཚོན་ན་ཆོས་རང་གི་ངོ་བོའི་ཆ་ནས་ཡག་པོ་ཡིན་ཀྱང་ཆོས་བྱེད་མཁན་རྣམས་ཀྱིས་གཞན་ལ་བཤུ་གཞོག་གཏོང་བ་དང་སྐྱག་རྫུན་ཤོད་པ། མགོ་སྐོར་གཏོང་བ་སོགས་བྱེད་སྐབས་ཆོས་ཀྱིས་ཕན་ཐོགས་རྒྱུ་ལས་ལྡོག་སྟེ་ཆོས་ཁོ་རང་བཙོག་པར་འགྱུར་གྱི་ཡོད། དཔེར་ན།ངོས་རང་ལ་མཚོན་ན། སྤྱི་ཚོགས་རིང་ལུགས་ཀྱི་དཔལ་འབྱོར་ལམ་སྲོལ་ལྟར་བྱས་ན་ངོས་རང་མར་ཁེ་སིའི་རིང་ལུགས་པ་ཡིན། མར་ཁེ་སི་ལ་ཧ་ཅང་དགའ་བོ་ཡོད། ཁོང་གིས་མི་ཚང་མར་དཔལ་འབྱོར་འདྲ་མཉམ་དགོས་པ་ལས་མི་འགའ་ཞིག་ཧ་ཅང་ཕྱུག་པོ་དང་། བཟོ་པ་དང་ཞིང་པའི་རིགས་རྣམས་ཧ་ཅང་སྐྱོ་པོ་བྱས་ཏེ་འཚོ་དགོས་པ་འགྲིག་གི་མེད་པར་བཤད་ཡོད། ལྟ་གྲུབ་འདིར་སྤྱོད་བཟང་གི་ཡོན་ཏན་ཡོད། འོན་ཀྱང་། ལེ་ཉིན་སླེབས་རྗེས་སྤྱི་ཚོགས་ནང་དབང་ཆ་གཟུང་རྒྱུ་གཙོ་བོར་བྱས་ཏེ་སྤྱི་ཚོགས་ནང་གི་མི་སྐྱོ་བོར་ལྟ་རྟོག་བྱ་རྒྱུ་དང་སྤྱི་ཚོགས་སྤྱི་ལ་ཕན་ཐོགས་བསྒྲུབ་རྒྱུའི་མར་ཁེ་སིའི་བསམ་བློ་དང་མི་མཐུན་པའི་ལམ་དུ་ཕྱིན་ཡོད། ལྟ་གྲུབ་ཀྱི་ལམ་སྲོལ་གཅིག་པ་ཡིན་ཀྱང་དབང་ཆ་གཟུང་རྒྱུ་ཁོ་ནའི་ཐོག་ལ་ཤུགས་བརྒྱབ་ནས་ཕྱིན་པ་དེས་ལམ་ལུགས་བཙོག་པར་འགྱུར་བའི་གནས་སྟངས་བྱུང་ཡོད།
ཤོག་ངོས་འདི་ལ་ཐེངས་ 787 གཟིགས་འདུག
ཚན་པ། བླང་དོར་བཀའ་སློབ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་ཚན། ལམ་སྟོན་བཀའ་སློབ། [ཉ]

དྲ་འཇུག་པ།

སྒྲ་ཨང་།  H-ADA2030144
སྟོན་པ་འཇིག་རྟེན་དབང་ཕྱུག [བླང་དོར་བཀའ་སློབ།] སྤྱིའི་ཨང་། ༥༩༧
རྣམ་པ། MP3 རྣམ་གྲངས། 3 ཆེ་ཆུང་། 111.3 MB
ཁྲིད་ཚན། ལམ་སྟོན་བཀའ་སློབ།
འཁྲིད་མཁན། སྟོན་པ་འཇིག་རྟེན་དབང་ཕྱུག
གནས་དུས། ༢༠༡༧.༡༢.༡༢. མོན་གྷོ་འདོད་དགུའི་གླིང་།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༢༠༡༩ ལོའི་ཟླ་བཅུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། གཞི་རྩའི་ཆ་ནས་བདེ་སྡུག་གི་འབྲས་བུ་དེ་མི་རང་རང་གི་ལས་ལ་བརྟེན་ནས་འབྱུང་བ་ཡིན་ཀྱང་། སྤྱི་ཚོགས་ཀྱི་ཤུགས་རྐྱེན་ཁག་འཕྲལ་གྱི་རྐྱེན་དུ་འགྱུར་བའི་སྐབས་ཡོད། སེམས་མེད་བེམ་པོའི་ཆོས་ལ་སྤྱི་ཚོགས་ཞེས་པའི་རྣམ་གཞག་མེད་པར་སྤྱི་ཚོགས་ཞེས་པ་སེམས་ལྡན་གྱི་དངོས་པོའི་སྟེང་ནས་གཞག་དགོས། དེར་བརྟེན་སྤྱི་ཚོགས་སྤྱི་ཡོངས་ཀྱི་ཆ་ནས་དྲང་པོ་དང་སེམས་བཟང་པོ་ཡོད་པ་ཞིག་བྱུང་ན་སྤྱི་ཚོགས་དེ་བདེ་སྐྱིད་ལྡན་པ་ཞིག་ཏུ་འགྱུར་ཐུབ། བདེ་སྐྱིད་ཅེས་པ་ནང་ཤེས་པའི་མྱོང་བའི་སྟེང་ནས་གཞག་དགོས་པས་ཕྱི་དངོས་པོའི་ཡར་རྒྱས་རྐྱང་པས་བདེ་སྐྱིད་ཡོང་བའི་ངེས་པ་མེད། དེས་ན་སྤྱི་ཚོགས་ནང་འབྱུང་བཞིན་པའི་སྐྱོན་ཆ་རྣམས་སྤྱི་ཚོགས་ཀྱིས་བྱས་པ་མིན་པར་མིས་བཟོས་པ་ཡིན་པས་རྩ་བ་མིའི་བསམ་བློར་ཐུག་ཡོད། སྤྱི་ཚོགས་ཀྱི་ལམ་དང་ལུགས་སྲོལ་ཇི་ཙམ་བཟང་པོ་ཡོད་ཀྱང་སྤྱི་ཚོགས་དེའི་འགན་འཁྱེར་མཁན་གྱི་མིའི་བསམ་བློ་ཡག་པོ་མེད་ན་བདེ་སྐྱིད་ཡོང་མི་ཐུབ།
ཤོག་ངོས་འདི་ལ་ཐེངས་ 888 གཟིགས་འདུག
ཚན་པ། བླང་དོར་བཀའ་སློབ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་ཚན། ལམ་སྟོན་བཀའ་སློབ། [ཇ]

དྲ་འཇུག་པ།

སྒྲ་ཨང་།  H-ADA2030143
སྟོན་པ་འཇིག་རྟེན་དབང་ཕྱུག [བླང་དོར་བཀའ་སློབ།] སྤྱིའི་ཨང་། ༥༩༦
རྣམ་པ། MP3 རྣམ་གྲངས། 1 ཆེ་ཆུང་། 8.4 MB
ཁྲིད་ཚན། ལམ་སྟོན་བཀའ་སློབ།
འཁྲིད་མཁན། སྟོན་པ་འཇིག་རྟེན་དབང་ཕྱུག
གནས་དུས། ༢༠༡༧.༡༢.༢༢. བཀྲ་ཤིས་ལྷུན་པོ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༢༠༡༩ ལོའི་ཟླ་བཅུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། སངས་རྒྱས་བཅོམ་ལྡན་འདས་ཀྱིས་བདག་མེད་པའི་རྣམ་གཞག་གསུངས་པའི་དགོས་དོན་ནི། སྡུག་བསྔལ་རྣམས་སེམས་མ་དུལ་བའི་དབང་གིས་ཡོང་བ་ཀུན་གྱི་མཐུན་སྣང་དུ་གྲུབ་ཅིང་། སེམས་མ་དུལ་བ་ཆགས་སྡང་ལ་བརྟེན་པ་དང་། ཆགས་སྡང་གཉིས་པོ་བདག་ཏུ་ཞེན་པ་ལ་བརྟེན་ནས་ཡོང་བ་སོགས་ཞིབ་ཏུ་དཔྱད་དེ་དགོངས་པ་བཞེས་ཡོད། སངས་རྒྱས་པའི་ཆོས་འདི་ཆོས་ལུགས་གཞན་གང་དང་ཡང་མི་འདྲ་བའི་ཁྱད་ཆོས་དེ་བདག་མེད་པའི་རྣམ་གཞག་གསུངས་པའི་ཐོག་ནས་འཐོན་དགོས། དེ་དང་འབྲེལ་ཏེ་ཐར་པ་ཞེས་པ་ཕྱི་རོལ་ཏུ་ཡོད་པའི་ཞིང་ཁམས་ལྟ་བུ་ཞིག་ཏུ་ངོས་འཛིན་མི་བྱེད་པར་རང་རྒྱུད་ཀྱི་ཕྱིན་ཅི་ལོག་གི་བློའམ་འཆིང་བྱེད་ཀྱི་ཉོན་མོངས་དང་བྲལ་བའི་སེམས་རྒྱུད་ཀྱི་ཡོན་ཏན་ཞིག་ལ་བརྗོད་པ་ཡིན།
ཤོག་ངོས་འདི་ལ་ཐེངས་ 836 གཟིགས་འདུག
ཚན་པ། བླང་དོར་བཀའ་སློབ།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་གཞུང་། བླ་མ་མཆོད་པའི་ཆོ་ག [ཏ]

དྲ་འཇུག་པ།

སྒྲ་ཨང་།  H-ADZZ2030142
སྟོན་པ་འཇིག་རྟེན་དབང་ཕྱུག [གཞུང་ཆེན།] སྤྱིའི་ཨང་། ༥༩༥
རྣམ་པ། MP3 རྣམ་གྲངས། 28 ཆེ་ཆུང་། 1.11 GB
ཁྲིད་གཞུང་། བླ་མ་མཆོད་པའི་ཆོ་ག
མཛད་པ་པོ། པཎ་ཆེན་བློ་བཟང་ཆོས་རྒྱན། [༡༥༧༠-ᨁᨆᨆᨂ]
འཁྲིད་མཁན། སྟོན་པ་འཇིག་རྟེན་དབང་ཕྱུག
དུས། ༢༠༠༧.༡༢.༢༢.
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཅུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། ཆགས་པ་ཞེས་པ་ཡིད་དུ་འོང་བའི་ཡུལ་དང་དུ་ལེན་པའི་ཞེན་པ་ཞིག་ལ་གོ་ཞིང་། ཞེ་སྡང་ཞེས་པ་ཡིད་དུ་མི་འོང་བའི་ཡུལ་ལ་རྒྱབ་ཀྱིས་ཕྱོགས་པའི་སྒོ་ནས་སྡང་བའམ་ཐག་བསྲིང་བའི་བློ་ཞིག་ལ་གོ་དགོས། ཡིད་དུ་འོང་མི་འོང་ཞེས་པ་ཡང་བདག་གམ་རང་ལ་ལྟོས་ནས་འཇོག་པ་ཡིན། དེ་ཡང་ང་ལ་ཡིད་དུ་འོང་བར་སྣང་ཞེས་ཆགས་པ་དང་ཡིད་དུ་མི་འོང་བར་སྣང་ཞེས་སྡང་བར་བྱེད་པ་ཡིན། དེར་བརྟེན་ངའོ་སྙམ་པའི་བློ་དང་མ་འབྲེལ་བར་ཡིད་དུ་འོང་མི་འོང་འཇོག་སྟངས་མེད། དེ་ལྟ་བུའི་ང་དེར་དམིགས་པའི་ངར་འཛིན་ཨ་འཐས་ཇི་ཙམ་ཤུགས་ཆེ་བ་ཡོད་པ་དེའི་ཚོད་ཀྱིས་ང་སྣང་བའི་ཡུལ་ཡིད་དུ་འོང་བ་ལ་ཆགས་པ་དང་། ང་སྣང་བའི་ཡུལ་ཡིད་དུ་མི་འོང་བ་ལ་སྡང་བ་སྐྱེ་བ་ཡིན། དེས་ན་སངས་རྒྱས་པས་ཆགས་སྡང་གི་བློ་སྤོང་བ་ལ་ཆགས་སྡང་གང་ལ་བརྟེན་ནས་འབྱུང་བའི་གཞིའམ་རྩ་བ་བདག་ཏུ་འཛིན་པའི་བློ་སྤང་དགོས་པར་གསུངས་ཏེ་བདག་མེད་པའི་ཆོས་ཚུལ་གསུངས།
{ ཁྲིད་ཚན། འཇིགས་བྱེད་བཅུ་གསུམ་མའི་དབང་།  ཁྲིད་གཞུང་། བླ་མ་མཆོད་པའི་ཆོ་ག་ཞེས་བྱ་བ། མཛད་པ་པོ། པཎ་ཆེན་བློ་བཟང་ཆོས་ཀྱི་རྒྱལ་མཚན། [༡༥༧༠-༡༦༦༢] }
ཤོག་ངོས་འདི་ལ་ཐེངས་ 1166 གཟིགས་འདུག
ཚན་པ། གཞུང་གཞན།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་གཞུང་། རྟེན་འབྲེལ་བསྟོད་པ། [ཉ]

དྲ་འཇུག་པ།

སྒྲ་ཨང་།  H-ADZZ2030141
སྟོན་པ་འཇིག་རྟེན་དབང་ཕྱུག [གཞུང་ཆེན།] སྤྱིའི་ཨང་། ༥༩༤
རྣམ་པ། MP3 རྣམ་གྲངས། 2 ཆེ་ཆུང་། 50.9 MB
ཁྲིད་གཞུང་། རྟེན་འབྲེལ་བསྟོད་པ་ལེགས་བཤད་སྙིང་པོ།
མཛད་པ་པོ། རྗེ་བློ་བཟང་གྲགས་པ། [༡༣༥༧-༡༤༡༩]
བརྗོད་བྱ། སྟོན་པར་རྟེན་འབྲེལ་གསུངས་པའི་སྒོ་ནས་བསྟོད་པ།
འཁྲིད་མཁན། སྟོན་པ་འཇིག་རྟེན་དབང་ཕྱུག
གནས་དུས། ༢༠༡༧.༡༢.༢༡.སེར་སྨད་ཐོས་བསམ་ནོར་གླིང་གི་ཆོས་ར།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཅུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། འོན་ཀྱང་བརྩེ་བ་དེ་དག་འདོད་ཆགས་དང་འབྲེལ་ཞིང་ཕྱོགས་སུ་ལྷུང་བའི་བརྩེ་བ་ཚད་ཅན་ཞིག་ཡིན། ཚད་ཅན་ཞེས་པ་སྡུག་བསྔལ་དང་འབྲལ་འདོད་ཀྱི་བློ་དེ་གཉེན་ཉེ་དུ་ལ་སོགས་པའི་སེམས་ཅན་གང་འཚམ་གྱི་རིགས་ལ་དམིགས་ནུས་པ་མ་གཏོགས་མཐའ་ཡས་པའི་སེམས་ཅན་ལ་དམིགས་མི་ནུས་པའི་ཆ་ནས་བརྗོད། ཕྱོགས་སུ་ལྷུང་བའི་ཚད་ཅན་གྱི་བརྩེ་བ་དེ་ཉིད་ས་བོན་གྱི་ཚུལ་དུ་བྱས་ཏེ་ལེགས་ཉེས་འབྱེད་པའི་རྣམ་དཔྱོད་དམ་ཤེས་རབ་ཀྱིས་གྲོགས་བྱས་པ་ལས་ཕྱོགས་སུ་མ་ལྷུང་ཞིང་མཐའ་དང་ཚད་མེད་པའི་བརྩེ་བའི་ངོ་བོར་བསྒྱུར་ཐུབ་པ་ཞིག་ཡོང་བ་ཡིན། སྤྱིར་སྙིང་རྗེའི་བསམ་པ་ཙམ་འཇིག་རྟེན་བཀོད་པ་པོ་འདོད་མི་འདོད་ཀྱི་ཆོས་ལུགས་ཡོངས་ཀྱིས་གསུང་བཞིན་ཡོད་ཅིང་། སེམས་ལྡན་མཐའ་དག་གི་དགའ་མོས་བྱ་ས་ཞིག་ཡིན།
ཤོག་ངོས་འདི་ལ་ཐེངས་ 930 གཟིགས་འདུག
ཚན་པ། གཞུང་གཞན།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་ཚན། རྟ་མགྲིན་ཡང་གསང་གི་བཀའ་དབང་། [ག]

དྲ་འཇུག་པ།

སྒྲ་ཨང་། H-ADSZ2030140
སྟོན་པ་འཇིག་རྟེན་དབང་ཕྱུག [གསང་སྔགས།] སྤྱིའི་ཨང་། ༥༩༣
རྣམ་པ། MP3 རྣམ་གྲངས། 5 ཆེ་ཆུང་། 219.1 MB
ཁྲིད་ཚན། རྟ་མགྲིན་ཡང་གསང་གི་བཀའ་དབང་།
འཁྲིད་མཁན། སྟོན་པ་འཇིག་རྟེན་དབང་ཕྱུག
གནས་དུས། ༢༠༡༧.༡༢.༢༠.སེར་བྱེས་མཁས་སྙན་གྲྭ་ཚང་།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་དགུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། སྤྱིསེམས་ཅན་ཡིན་ནོ་ཅོག་ལ་སྡུག་བསྔལ་མི་འདོད་པའི་བློ་རང་ཆས་སུ་ཡོད། དེའི་ཆ་ནས་རང་དང་སྙིང་ཉེ་བའི་ཡུལ་ལ་དམིགས་ནས་སྡུག་བསྔལ་དང་བྲལ་ན་སྙམ་པའི་བློ་ཞིག་ཕལ་ཆེར་སེམས་ཅན་ཀུན་ལ་ཡོང་ཆོག་པ་ཡིན། ལྷག་པར་དུ་མི་ལ་སོགས་པ་མངལ་སྐྱེས་དང་སྒོང་སྐྱེས་ཀྱི་རིགས་རྣམས་ཕལ་མོ་ཆེ་ཆུང་དུས་མ་ཡིས་གསོས་པ་ལས་འཚར་དགོས་པ་འབའ་ཞིག་ཡིན་པས་མའི་ངོས་ནས་བརྩེ་བ་མེད་པར་བུ་ཕྲུག་གསོ་བའི་དོན་དུ་དཀའ་སྤྱད་ལྷུར་ལེན་པ་མི་འོང་ལ། བུ་ཕྲུག་གི་ངོས་ནས་ཀྱང་མ་ལ་བརྩེ་བ་མེད་པར་བུ་ཕྲུག་གསོ་བའི་དོན་དུ་དཀའ་སྤྱད་ལྷུར་ལེན་པ་མི་འོང་ལ། བུ་ཕྲུག་གི་ངོས་ནས་ཀྱང་མ་ལ་བརྩེ་བ་མེད་ན་མ་ལ་བློ་གཏད་བཅོལ་ཏེ་སྙིང་ཉེ་བའི་འདུ་ཤེས་མི་འབྱུང་། དེའི་ཕྱིར་མ་བུ་གཉིས་ནང་བསམ་བློའི་ཐོག་ནས་ཕན་ཚུན་བརྩེ་བའི་བློ་ཡོད་པས་མའི་ནུ་ཞོར་བརྟེན་ནས་འཚོ་བ་དེ་ཡོང་གི་ཡོད། བྱ་དང་བྱེའུ་ལ་སོགས་པ་སྒོང་སྐྱེས་ཀྱི་རིགས་རྣམས་ཀྱང་མས་རྒུམ་འབུ་སྒྲུག་པ་སོགས་དཀའ་སྤྱད་ཧ་ཅང་ཆེན་པོ་དང་དུ་བླངས་ཏེ་བུ་ཕྲུག་གསོ་བཞིན་ཡོད། དེར་བརྟེན་སེམས་ཅན་དེ་དག་ལ་ཕུང་པོའི་གྲུབ་ཆ་དང་འབྲེལ་བའི་བརྩེ་བ་ངེས་པར་དུ་ཡོང་གི་ཡོད།
ཤོག་ངོས་འདི་ལ་ཐེངས་ 1109 གཟིགས་འདུག
ཚན་པ། རྫོགས་ཆེན།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་ཚན། དུས་འཁོར་དབང་ཆེན་སྐབས་ཀྱི་ཆོས་བཤད་ཕྱོགས་བཏུས།

དྲ་འཇུག་པ།

སྒྲ་ཨང་།  H-ADN2030139
སྟོན་པ་འཇིག་རྟེན་དབང་ཕྱུག [ནང་ཆོས་ངོ་སྤྲོད།] སྤྱིའི་ཨང་། ༥༩༢
རྣམ་པ། MP3 རྣམ་གྲངས། 16 ཆེ་ཆུང་། 640.1 MB
ཁྲིད་ཚན། དུས་འཁོར་དབང་ཆེན་སྐབས་ཀྱི་ཆོས་བཤད་ཕྱོགས་བཏུས།
འཁྲིད་མཁན། སྟོན་པ་འཇིག་རྟེན་དབང་ཕྱུག
གནས་དུས། ༢༠༡༧ .༠༡.༠༥. རྡོ་རྗེ་གདན།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཅུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། སངས་རྒྱས་པའི་ཆོས་ཀྱིས་སྙིང་རྗེས་གང་འབྲལ་བར་འདོད་པའི་སྡུག་བསྔལ་ལ་རྣམ་གྲངས་གསུམ་གསུངས་པ་ཧ་ཅང་ཁྱབ་ཆེན་པོ་ཡིན། སྤྱིར་སྙིང་རྗེའི་བསམ་པ་ཕལ་མོ་ཆེ་ཚོར་བ་སྡུག་བསྔལ་གྱི་རིགས་རྣམས་སྡུག་བསྔལ་དུ་མཐོང་སྟེ་དེ་ལས་འབྲལ་འདོད་ཀྱི་རྣམ་པ་ཅན་ཡིན་མོད་ཀྱང་། སངས་རྒྱས་ཀྱིས་གསུངས་པའི་སྙིང་རྗེ་དེ་འདུ་བྱེད་ཀྱི་སྡུག་བསྔལ་སྡུག་བསྔལ་དུ་མཐོང་སྟེ་དེ་ལས་ཐར་འདོད་ཀྱི་རྣམ་པ་ཅན་ཞིག་ལ་གོ་བས་ཤིན་ཏུ་ཟབ་པ་ཡིན། འདུ་བྱེད་ཀྱི་སྡུག་བསྔལ་སྤངས་པའི་བྲལ་བའི་ཡོན་ཏན་མཐོང་བའི་ཚེ་དེ་ལྟ་བུའི་བྲལ་བའི་ཡོན་ཏན་མངོན་དུ་བྱ་རྒྱུ་ཡོད་བཞིན་དུ་དེ་ལྟར་བྱ་མི་ནུས་པར་སྡུག་བསྔལ་གྱི་གཞན་དབང་དུ་སོང་བ་འདི་ཅི་རང་དྲག་སྙམ་དུ་མི་བཟོད་པའི་བརྩེ་བ་རང་གི་ངང་གིས་སྐྱེ་འོང་བ་ཡིན།
ཤོག་ངོས་འདི་ལ་ཐེངས་ 852 གཟིགས་འདུག
ཚན་པ། ནང་ཆོས་ངོ་སྤྲོད།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་ཚན། གསང་བདེ་འཇིགས་གསུམ་གྱི་དབང་ཆེན།

དྲ་འཇུག་པ།

སྒྲ་ཨང་།  H-ADSR2030138
སྟོན་པ་འཇིག་རྟེན་དབང་ཕྱུག [གསང་སྔགས།] སྤྱིའི་ཨང་། ༥༩༡
རྣམ་པ། MP3 རྣམ་གྲངས། 65 ཆེ་ཆུང་། 883.7 MB
ཁྲིད་ཚན། གསང་བདེ་འཇིགས་གསུམ་གྱི་དབང་ཆེན།
འཁྲིད་མཁན། སྟོན་པ་འཇིག་རྟེན་དབང་ཕྱུག
གནས་དུས། ༢༠༠༦.༡༡.༢༣. རྡ་ས།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཅུ་པའི་ཚེས་བཅུ་བདུན་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། ཅ་དངོས་ལྟ་བུར་མཚོན་ན། སྔར་གྱི་གྱོན་ཆས་དང་དངོས་པོའི་རིགས་རྣམས་དུས་ཚོད་དང་བསྟུན་ཏེ་འགྱུར་བ་འགྲོ་བཞིན་ཡོད། སྔར་ཡིན་ན་རང་རེས་རྟ་དྲེལ་བུང་བུ་དེད་ནས་འགྲོ་བཞིན་ཡོད་ཀྱང་དེང་སང་རླངས་འཁོར་གསར་དུ་ཐོན་ཏེ་སྔར་གྱི་འགྲོ་སྟངས་ལ་རང་བཞིན་གྱིས་འགྱུར་བ་ཐེབས་ཡོད། དེ་མཚུངས་ཆོས་དེ་ཡང་སྔར་དེའི་ཚེ་དེའི་དུས་འབྲེལ་བ་ཡོད་ཀྱང་དེང་སང་འབྲེལ་བ་ཡོད་མེད་སྐོར་ངེས་པར་དུ་བསམ་བློ་གཏོང་དགོས། སོ་སོའི་ཕ་མེས་ནས་ཆོས་བྱེད་ཀྱི་ཡོད་པའི་ལམ་དང་ལུགས་སྲོལ་ལྟ་བུ་དེད་ནས་ཕྱིན་ཚེ་དེར་དོན་སྙིང་ཡོད་པར་མཐོང་མི་ནུས། ཆོས་དེ་ད་ལྟ་དུས་རབས་ཉེར་གཅིག་པའི་ནང་འབྲེལ་བ་ཡོད་པ་ཞིག་ཡིན་ན་ངེས་པར་དུ་དོ་སྣང་བྱེད་དགོས།
༢༠༡༩ ལོའི་ཟླ་བཅུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།
ཤོག་ངོས་འདི་ལ་ཐེངས་ 1468 གཟིགས་འདུག
ཚན་པ། རིམ་གཉིས་ཀྱི་ཁྲིད།
ནང་གསེས་དབྱེ་འབྱེད།
རྒྱས་པར་གཟིགས་་་་
དྲ་ཐོག་འཇུག་དུས། 2019 ལོའི་ཟླ་བ། Oct ཚེས། 26 རེས་གཟའ། Sat

ཁྲིད་གཞུང་། རྗེ་བློ་བཟང་གྲགས་པའི་རྣལ་འབྱོར་དག་རིམ། [ང]

དྲ་འཇུག་པ།

སྒྲ་ཨང་།  H-ADSR2030137
སྟོན་པ་འཇིག་རྟེན་དབང་ཕྱུག [གསང་སྔགས།] སྤྱིའི་ཨང་། ༥༩༠
རྣམ་པ། MP3 རྣམ་གྲངས། 60 ཆེ་ཆུང་། 860.2 MB
ཁྲིད་གཞུང་། གསང་འདུས་ཀྱི་སྒྲུབ་ཐབས་རྣལ་འབྱོར་དག་རིམ།
མཛད་པ་པོ། རྗེ་བློ་བཟང་གྲགས་པ། [༡༣༥༧-༡༤༡༩]
འཁྲིད་མཁན། སྟོན་པ་འཇིག་རྟེན་དབང་ཕྱུག
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཅུ་པའི་ཚེས་ཉེར་དྲུག་ཉིན་སྒྲིག་སྦྱོར་བྱས།

གདམས་པ་རིན་ཆེན་དང་པོ། ངོས་ཀྱིས་རང་གི་ཉིན་རེའི་ཉམས་ལེན་གྱི་ཁྲོད་ནས་གསང་སྔགས་ཀྱི་ཉམས་ལེན་སྣ་ཚོགས་དང་འབྲེལ་བའི་འཆི་བའི་བརྒྱུད་རིམ་ལ་ཉིན་རེར་སྒོམ་ལན་བདུན་ནམ་བརྒྱད་ལ་རྒྱག་གི་ཡོད་ཀྱང་། ངོས་ཀྱིས་རང་ཉིད་འཆི་ཁར་ལས་སླ་བོར་དྲན་རྒྱུ་དེ་བྱང་ཆུབ་ཀྱི་སེམས་ཡིན་པར་ཡིད་ཆེས་རྙེད་ཡོད། ངོས་ལ་དོན་དམ་པར་གོམས་འདྲིས་ཡོད་པའི་བསམ་བློ་དེ་འདི་ཡིན། ད་དུང་འཆི་བ་སྒོམ་པ་ནི་རང་ཉིད་ཀྱི་འཆི་བ་ལ་གྲ་སྒྲིག་ཅིག་ཡིན་པའང་སྨོས་མེད་ཡིན་པས། ད་ནས་བཟུང་འཆི་བ་ལ་སེམས་ཁྲལ་བྱེད་དགོས་དོན་མེད། ངོས་ལ་འཆི་བར་དངོས་སུ་གདོང་ལེན་བྱེད་པའི་གྲ་སྒྲིག་ད་དུང་མེད་ཀྱང་། མཚམས་མཚམས་ལ་འཆི་བ་དངོས་སུ་བསླེབ་སྐབས་གདོང་ལེན་ཇི་ལྟར་བྱེད་མིན་ལ་བསམ་བློ་གཏོང་གི་ཡོད་ལ། ངོས་རང་ཚེ་རིང་པོར་བསྡད་ན། གྲུབ་འབྲས་འདི་ལས་མང་བ་ཞིག་ཐོན་ཐུབ་པའི་ཆོད་སེམས་ཡོད། ངོས་ཀྱི་གསོན་འདོད་ཀྱི་བསམ་བློ་དང་འཆི་བར་གདོང་ལེན་བྱེད་པའི་སྤྲོ་སྣང་གཉིས་དོ་མཉམ་ཡིན།
ཤོག་ངོས་འདི་ལ་ཐེངས་ 1271 གཟིགས་འདུག
ཚན་པ། རིམ་གཉིས་ཀྱི་ཁྲིད།
ནང་གསེས་དབྱེ་འབྱེད།
རྒྱས་པར་གཟིགས་་་་
ངོ་ཤོག 36 ནས་ 114