༄༅།།རིས་མེད་སྟོན་པའི་མཛད་བཟང་མ་ལུས་གོ་ལའི་ཁྱོན་ལ་ཁྱོད་ཀྱིས་སྐྱེལ། །
སྲིད་གསུམ་སྐྱེ་རྒུའི་གཙུག་སྐྱེས་རྒྱ་མཚོ་ཞབས་སེན་ནོར་བུས་བདག་ཏུ་བཟུང་། །
ཟབ་གསལ་གསུང་གི་འགྱུར་ཁུགས་རྣམས་ཀྱང་གསུང་གི་རོལ་མོ་གཅིག་གིས་དྲངས། །
མཚུངས་མེད་བསྟན་དང་སྟོན་པའི་ཁྲོད་ན་ཁྱོད་ནི་སྟོན་པ་ཆེན་པོ་ཉིད། །
༧ལྷར་བཅས་སྲིད་ཞིའི་གཙུག་རྒྱན་༧འཇིག་རྟེན་ཞི་བདེའི་དེད་དཔོན་༧ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་༧གོང་ས་ལྷ་མིའི་རྣམ་འདྲེན་༧སྐྱབས་མགོན་རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དགུང་གྲངས་བརྒྱད་ཅུ་གྱ་གསུམ་ལ་ཕེབས་པའི་སྐུའི་འཁྲུངས་སྐར་ལ། གུས་འབངས་སེར་བྱེས་རིག་མཛོད་ཀྱི་ལས་བྱེད་ཡོངས་ནས་དགའ་དད་སྤྲོ་གསུམ་གྱིས་གུས་ཕྱག་གི་བརྩེགས་མ་དང་བཅས་ཏེ་བཀྲ་ཤིས་བདེ་ལེགས་གྲངས་མེད་ཞུ། ༢༠༡༨ .༠༧.༠༥

སེར་བྱེས་གྲྭ་ཚང་གི་༧སྐྱབས་རྗེ་མཁན་རིན་པོ་ཆེས་དགའ་ལྡན་ལྷ་བརྒྱ་མ་སོགས་ཀྱི་གསུང་ཆོས་གནང་སོང་།

ཕྱི་ལོ་༢༠༡༨ལོའི་ཟླ་༤ཚེས་༡༧ཉིན་ནས་བཟུང་ཉིན་གྲངས་གསུམ་གྱི་རིང་སེར་བྱེས་གྲྭ་ཚང་གི་༧སྐྱབས་རྗེ་མཁན་རིན་པོ་ཆེ་ལོ་དགོན་སྤྲུལ་སྐུ་བསྟན་འཛིན་བྱམས་པ་ཆོས་བཟང་མཆོག་གིས་སེར་བྱེས་མཁས་སྙན་གྲྭ་ཚང་གི་མཁན་ཟུར་རིན་པོ་ཆེ་ཞིང་གཤེགས་དམ་པ་༧སྐྱབས་རྗེ་བློ་བཟང་དཔལ་ལྡན་མཆོག་གི་ཤག་ཚང་གི་ཚོགས་ཁང་དུ་དགའ་ལྡན་ལྷ་བརྒྱ་མའི་བཀའ་ཁྲིད་དང་། ཆོས་རྒྱལ་གྱི་རྗེས་གནང་སོགས་གནང་ཡོད་པ་དང་མཇུག་ཏུ་སློབ་མ་རྣམས་ཀྱིས་བརྟན་བཞུགས་སྟབས་བདེ་ཞིག་ཀྱང་ཕུལ་གནང་ཡོད་འདུག །

སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༨།༠༤།༢༠ལ།

དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་ཁ་གསལ་འགོད་དགོས།