-
མདུན་ངོས།
-
འཕྲིན་གསར།
- འཚམས་འདྲི་སོགས།
འཚམས་འདྲི་སོགས། (34)
ལོ་གསར་གྱི་ཤིས་ཚིག
དྲ་འཇུག་པ། རིག་མཛོད་རྩོམ་སྒྲིག་པ།
༈གནམ་ལོ་གསར་པའི་ནང་ལ་བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག
ལོ༵་ལེགས་སྙེ་མའི་རྦ་རླབས་གས༵ར་པ་ས་ཆེན་ཡངས་པའི་བྲང་ལ་འཐབ། །
བརྩེ་ཆེན་ནོར་གྱི་བློ་གྲོས་བཟ༵ང་པོ་སྐྱེ་དགུའི་སྙིང་གི་རྩེ་ན་འཁོར། །
རིག་འཛིན་ཚེ་ཡི་བྱིན་རླབས་འོད་བརྒྱ་དམ་པའི་ཞབས་ཀྱི་པདྨོས་འཐུངས། །
སྡེ་བཞིའི་རིན་ཆེན་གསེར་གྱི་ཐུར་མས་རབ་འབྱམས་ཞིང་ལ་རེག་པར་ཤོག །
ཅེས་བོད་རྒྱལ་ལོ་ ༢༡༤༦ རབ་གནས་ས་ཕག་ལོའི་གནམ་ལོ་གསར་ཚེས་ལ་སེམས་ཅན་སྐྱེ་འགྲོ་ཡོངས་ལ་ནད་མེད་བདེ་སྐྱིད་ཡོང་བ་དང་འཛམ་གླིང་ཡངས་པའི་ཁྱོན་ལ་ཞི་བདེའི་དཔལ་བཟང་རྒྱས་པའི་སྨོན་འདུན་ཞུ་བ་ཡིན།
༢༠༡༩།༠༢།༠༤ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
དེ་ལས་མང་བ།...
༧གོང་ས་མཆོག་གི་སྐུའི་འཁྲུངས་སྐར་གྱི་ཤིས་ཚིག
དྲ་འཇུག་པ། རིག་མཛོད་རྩོམ་སྒྲིག་པ།གངས་རིའི་སྐྱེ་འགྲོ་གཡང་སར་ལྷགས་སྐབས་བྱམས་བརྩེ་ཕྱག་གིས་གཡས་ནས་བསྐྱོར། །
སྙིམ་པའི་མེ་ཏོག་གཞན་ལ་བྱིན་ཏེ་རང་རིགས་དུཿ ཁའི་གནས་ལས་སྒྲོལ། །
རྗེས་བརྩེ་འོད་ཀྱིས་འགྲོ་བའི་མོས་ཁམས་སྣ་ཚོགས་སྐྱོགས་བརྒྱས་ཐབས་ཀྱིས་དྲངས། །
མཉེས་གཤིན་དྭངས་པས་ས་གསུམ་སྙིང་ལ་ཁྱོད་ནི་སྙིང་གི་ཐིག་ལེ་བཞིན། །
ཞེས་ཚིགས་སུ་བཅད་པའི་དབྱངས་ཀྱིས་མདུན་བསུ་སྟེ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་ལ་འཚམས་འདྲི་བཀྲ་ཤིས་བདེ་ལེགས་གྲངས་མེད་ཞུ།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས་ཟླ་༧ཚེས་༣ལ།
༸གོང་ས་མཆོག་དགུང་གྲངས་༨༣ལ་ཕེབས་པའི་སྐུའི་འཁྲུངས་སྐར་འཚམས་འདྲི།
དྲ་འཇུག་པ། སེར་བྱེས་རིག་མཛོད་ཆེན་མོ།༄༅།།རིས་མེད་སྟོན་པའི་མཛད་བཟང་མ་ལུས་གོ་ལའི་ཁྱོན་ལ་ཁྱོད་ཀྱིས་སྐྱེལ། །
སྲིད་གསུམ་སྐྱེ་རྒུའི་གཙུག་སྐྱེས་རྒྱ་མཚོ་ཞབས་སེན་ནོར་བུས་བདག་ཏུ་བཟུང་། །
ཟབ་གསལ་གསུང་གི་འགྱུར་ཁུགས་རྣམས་ཀྱང་གསུང་གི་རོལ་མོ་གཅིག་གིས་དྲངས། །
མཚུངས་མེད་བསྟན་དང་སྟོན་པའི་ཁྲོད་ན་ཁྱོད་ནི་སྟོན་པ་ཆེན་པོ་ཉིད། །
༧ལྷར་བཅས་སྲིད་ཞིའི་གཙུག་རྒྱན་༧འཇིག་རྟེན་ཞི་བདེའི་དེད་དཔོན་༧ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་༧གོང་ས་ལྷ་མིའི་རྣམ་འདྲེན་༧སྐྱབས་མགོན་རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དགུང་གྲངས་བརྒྱད་ཅུ་གྱ་གསུམ་ལ་ཕེབས་པའི་སྐུའི་འཁྲུངས་སྐར་ལ། གུས་འབངས་སེར་བྱེས་རིག་མཛོད་ཀྱི་ལས་བྱེད་ཡོངས་ནས་དགའ་དད་སྤྲོ་གསུམ་གྱིས་གུས་ཕྱག་གི་བརྩེགས་མ་དང་བཅས་ཏེ་བཀྲ་ཤིས་བདེ་ལེགས་གྲངས་མེད་ཞུ། ༢༠༡༨ .༠༧.༠༥
