-
མདུན་ངོས།
- འཕྲིན་གསར།
འཕྲིན་གསར། (133)
ལམ་རིམ་ཆེན་མོའི་གསུང་ཆོས།
དྲ་འཇུག་པ། རིག་མཛོད་རྩོམ་སྒྲིག་པ།
ྋསྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་གིས་གྲྭ་ཚང་སོ་སོའི་ཁྱབ་ཁོངས་ཀྱི་མཁན་པོ་སོ་སོའི་ལས་ཡུན་རིང་འཇམ་མགོན་བླ་མ་ཙོང་ཁ་པ་ཆེན་པོས་མཛད་པའི་བྱང་ཆུབ་ལམ་རིན་ཆེན་མོའི་བཀའ་ཆོས་གནང་དགོས་པའི་བཀའ་བཞེད་ལམ་སྟོན་ཕེབས་དོན་བཞིན། ཕྱི་ལོ་༢༠༢༤ཟླ་༩ཚེས་༢༦དང་བོད་ཟླ་༧ཚེས་༢༤ནས་ཉིས་ཤས་ཀྱི་རིང་འདི་ག་སེར་བྱེས་མཁས་སྙན་གྲྭ་ཚང་གི་ྋསྐྱབས་རྗེ་མཁན་ཆེན་རྡོ་རྗེ་འཆང་དགེ་བཤེས་བཀྲ་ཤིས་ཚེ་ཐར་དཔལ་བཟང་པོ་མཆོག་ནས་འདུས་མང་ཡོངས་ལ་ཆོས་ཐོག་གི་སྐབས་མཚམས་རྣམས་སུ་སྔ་དྲོའི་ཆོས་ར་དང་བསྟུན་ནས་ལམ་རིན་ཆེན་མོའི་གསུང་ཆོས་གནང་བར་མཛད།
དེ་ལས་མང་བ།...
དགེ་ཚུལ་སློང་གི་བསླབ་བྱ་ཆེན་པོ་ཚུགས་པ།
དྲ་འཇུག་པ། རིག་མཛོད་རྩོམ་སྒྲིག་པ།ཕྱི་ལོ་༢༠༢༤ཟླ་བ་༨ཚེས་༢༨ནས་ཉིན་གྲངས་གསུམ་གྱི་རིང་རྒྱལ་སྤྱི་དགེ་ལྡན་ལྷན་ཚོགས་ནས་གྲོས་ཆོད་བཞག་པ་ལྟར། སེར་བྱེས་མཁས་སྙན་གྲྭ་ཚང་གི་དཔེ་ཁྲིད་དགེ་རྒན་རྣམ་པས། གྲྭ་ཚང་གི་སློབ་གཉེར་བའི་འཛིན་གྲྭ་ཆ་བགོས་ཀྱིས་དགེ་སློང་དང་དགེ་ཚུལ་རྣམས་ལ་བསླབ་བྱ་གནང་རྒྱུའི་མཛད་རིམ་ཞིག་གོ་སྒྲིག་ཞུས། དེ་ཡང་༸གོང་ས་༸སྐྱབས་མགོན་ཆེན་པོ་མཆོག་གིས་མཛད་པའི་ཐུབ་དབང་ཞལ་ལུང་གི་སྒོ་ནས་དགེ་སློང་རྣམས་ལ་བསླབ་བྱ་གནང་བ་དང་། རྗེ་ཙོང་ཁ་པ་ཆེན་པོས་མཛད་པའི་བསླབ་བྱ་གནམ་རྩེང་ལྡེང་མའི་ཐོག་ནས་དགེ་ཚུལ་རྣམས་ལ་བསླབ་བྱ་གནང་ཡོད།
ཚིགས་སྔ་མའི་བསླབ་སྡོམ་འབོགས་ཆོག་མཛད།
དྲ་འཇུག་པ། རིག་མཛོད་རྩོམ་སྒྲིག་པ།ཕྱི་ལོ་༢༠༢༤ཟླ་༨ཚེས་༡༤དང་༡༥བཅས་ཉིན་གྲངས་གཉིས་ཀྱི་རིང་། གདན་ས་ཆེན་པོ་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་དུ། ྋའཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་ྋརྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གི་ཞལ་སྔ་ནས་གཙོས་མཛད། བསྟེན་མཁས་ཀྱི་ཡོན་ཏན་གཉིས་དང་ལྡན་པའི་འདུལ་བ་འཛིན་པ་མཁན་སློབ་གྲངས་ཚང་བའི་དབུས་སུ། སེ་ར་བྱེས་སྨད་གཉིས་ནས་དགེ་ཚུལ་གསར་དུ་བསྒྲུབ་མཁན་གྲངས་༡༧༥ ལ་དམ་པའི་ཆོས་འདུལ་བ་ལས་བྱུང་བ་བཞིན་བསླབ་ཚིགས་སྔ་མའི་སྡོམ་པ་འབོགས་ཆོག་གནང་།
